04/12/2021
Developer တစ်ယောက်ဖြစ်ဖို့ ဘာတွေလိုအပ်လဲ?
၁။ ဖြစ်ချင်စိတ် ရှိဖို့ လိုအပ်ပါတယ်။
၂။ နားလည်ပေးနိုင်တဲ့ မိသားစု လိုအပ်ပါတယ်။
၃။ လေ့လာမူ အားကောင်းရပါမယ်။
၄။ computer တစ်လုံးလိုအပ်ပါတယ်။
၁။
ဖြစ်ချင်စိတ်ရှိဖို့ လိုအပ်တယ် ဆိုတဲ့နေရာမှာ
ငယ်ငယ်က စွန်းဝူခုံးဖြစ်ချင်သလို ပါဝါရိန်းဂျား ဖြစ်ချင်သလို ယောင်ဝါးဝါး ဖြစ်ချင်စိတ်မျိုးတွေနဲ့တော့ မရပါဘူး။ တုံးတိုက်တိုက် ကျားကိုက်ကိုက် မပြောင်းလဲတဲ့ ဖြစ်ချင်စိတ်မျိုးရှိဖို့လိုအပ်တာပါ။
၂။
Developer တစ်ယောက်ဖြစ်ဖို့ ကြိုးစားနေချိန်မှာ မိသားစု တွေကလည်း နားလည်ပေးနိုင်ရပါမယ် ။
" နင်လုပ်နေတာ ပိုက်ဆံ တစ်ပြားမှ ရတာမဟုတ်ပူး ပိုက်ဆံရတဲ့ အလုပ်လေး တစ်ခုခုလုပ်ပါလား။ နင့်သူငယ်ချင်းတွေ တစ်လကို ဘယ်လောက် ရနေပြီ ဘယ် company မှာ ဘယ်ရာထူး ဖြစ်နေပြီ "
ဆိုပြီး ထိုးနှက်မှုတွေရှိရင်တော့ လမ်းခုလပ်မှာ မျော်လင့်ချက်တွေ ပျက်သွားနိုင်ခြေများပါတယ်။
ဒါကြောင့်မိသားစုရဲ့ အားပေး၊ နားလည်ပေးမူတွေလည်း အရေးကြီးတဲ့ နေရာမှာ ပါဝင်ပါတယ်။
၃။
programming ဆိုတာ သင်တန်းတက်ပြီး သင်ယူတာထက် ကိုယ်တိုင် လေ့လာတာက ပိုကောင်းပါတယ်။
ကျနော် ကိုယ်တိုင် programming နဲ့ပတ်သက်ပြီး မည်သည့်သင်တန်းမှ မတက်ဖူးပါ။ ဒီတော့ ကိုယ်တိုင်လေ့လာမယ်ဆိုရင် အဓိကလိုအပ်တာက Eng လို ဖတ်တတ်ရပါမယ်။
အစပိုင်းမှာ ဖတ်ပေမဲ့နားမလည်တာတွေရှိနိုင်ပါတယ် ဒါပေမဲ့ ထပ်ကာထပ်ကာ ဖတ်ပါ နားမလည်ရင် YouTube video တွေရှာကြည့်ပါ။
ဘယ်စာတွေကို ဖတ်ရမလဲ ?
မိမိလေ့လာမဲ့ language ရဲ့ offical documentation ကိုဖတ်ရမှာဖြစ်ပါတယ်။ w3school လို site တွေက ရှင်းလင်းချက်တွေကို ဖတ်ရမှာပါ။ နောက်ထပ် အရေးကြီးတာတစ်ခုက
ကိုယ်တိုင် ရေးကြည့်ရပါမယ်။
ကိုယ်တိုင် မရေးရင် ဘာမှ တတ်မှာ မဟုတ်ပါဘူး။ နောက်ဆုံး တစ်ခုက
လေ့လာနေရတာကို ပျော်နေရပါမယ်။ ပျင်းလာတဲ့ ခံစားချက်တွေ မကြာခနဖြစ်နေရင်တော့ ကျရှုံးသွားပါလိမ့်မယ်။
၄။
တစ်ချို့ language တွေကိုတော့ ဖုန်းနဲ့လေ့လာလို့ ရနေတော့ ဖုန်းနဲ့လေ့လာသူတွေကိုတွေ့မိပါတယ်။ တကယ်တမ်းကျတော့ အဲ့တာတွေက အပျော်တမ်းလေ့လာတာလောက်ဘဲဖြစ်ပါတယ်။ professional ဖြစ်လာမှာမဟုတ်ပါဘူး။ ဒီတော့ ဘယ် language ကိုဘဲလေ့လာ လေ့လာ computer တစ်လုံးတော့ မဖြစ်မနေလိုအပ်တာ အမှန်ပါဘဲ။
အထက်မှာဖော်ပြထားတဲ့ အချက်လေးချက်နဲ့ မပြည့်စုံရင် Developer ကောင်းတစ်ယောက် ဖြစ်လာဖို့ မလွယ်ကူလှပါဘူး။
