Soft Guide Computer Training - Minhla

31/12/2023

တစ်လလျှင် ၃ သောင်းကျပ်ဖြင့်
ကွန်ပျူတာ နယ်ပယ်တွင် ၁၅ နှစ် ဝန်းကျင် အတွေ့အကြုံ ရှိ၊
ဆရာဦးနိုင်လင်း ကိုယ်တိုင် ဦးစီးသင်ကြားပေးသော အခြေခံ ရုံးသုံးကွန်ပျူတာသင်တန်း
သင်တန်းကာလမှာ ၂ လဖြစ်ပြီး သင်တန်းပြီးဆုံးပါက Soft Guide Computer မှ သင်တန်းဆင်း အောင်လက်မှတ် ရရှိမှာ ဖြစ်ပါတယ်။
အပတ်စဉ် သောကြာ၊ စနေ၊ တနင်္ဂနွေ တိုင်း တန်းခွဲသစ်များ ဖွင့်လှစ်ထားပြီးသင်တန်းသားသစ်များ ပုံမှန်လက်ခံသင်ကြား ပေးလျက်ရှိပါသည်။
သင်တန်းချိန် ညှိနှိုင်းတက်ရောက်နိုင်သလို
ရက်တို သင်တန်းများလဲ ညှိုနှိုင်း တက်ရောက်နိုင်ပါသည်။

#မင်းလှမြို့နယ်တွင် 2013 ခုနှစ်မှ ယနေ့အချိန်ထိ ခိုင်မာသော သင်တန်းဆင်း အောင်လက်မှတ်များ ပေးအပ်ပြီး သင်တန်းသားပေါင်းများစွာ မွေးထုတ်သင်ကြားပေးနေလျက် ရှိပါသည်။

အမှတ် ၉၊ ပြည်တော်သာ (၁) လမ်း၊ မင်းလှမြို့ ( ပဲခူးတိုင်း)

30/07/2023

Window 7 သုံးပြီး စက်လေးနေတာကို စိတ်ပျက်နေတုန်းလား?
မိမိ Desktop, Laptop လေးတွေကို SoftGuide Minhla မှာ မိမိစက်လိုအပ်ချက်ကို ဆွေးနွေးတိုင်ပင်ပြီး Upgrade ပြုလုပ်လိုက်ပါ။

အရောင်းဆိုင်သုံး POS Software များ အသုံးပြုရန်

Acer Laptop HDD to SSD ချိန်း RAM 2 GB မှ 4 GB မြှင့်ပြီး Window 10 Professional 64bits တင် Services လေးနဲ့။

Dell Mi Desktop RAM 4 GB မှ 8 GB Upgrade မြှင့်ပြီး
Window 10 Enterprises 64bits တင် Services လေး။

04/06/2023

31/05/2023

2020 First Covid ကတည်းက အကြောင်းအမျိုးမျိုးကြောင့် ရပ်နားထားရသော LCCI အတန်းများအား ပြန်လည်သင်ကြားပေးပါမည်။
မနက်ပိုင်းအတန်း/နေ့လည်ပိုင်းအတန်းတွင် တက်ရောက်ခဲ့သော ဖော်ပြပါ သင်တန်းသားများ သင်တန်းကျောင်းသို့ ပြန်လည်ဆက်သွယ်စေလိုပါသည်။
ယခုပြန်လည်သင်ကြားပေးမည့် ပုံစံသည် Online Class Room ပုံစံဖြစ်ပြီး/တပတ်တွင် (၅)ရက် သင်ကြားပေးပါမည်။
သင်တန်းကာလ (၂)လ ဖြစ်ပါသည်။ သင်ရိုးပြီးဆုံးပါက သင်တန်ပြီးမြောက်ကြောင်း Certificate ထုတ်ပေးပါမည်။
ရောက်ရှိသည့်သင်ခန်းစာမှ စတင်မည့် မဟုတ်ပါဘဲ သင်ရိုး အစမှ အဆုံးတိုင် ပြန်လည်သင်ကြားပေးပါမည်။
သင်တန်းစတင်မည့်ရက်စွဲ - ၂၀၂၃ ဇွန်လ ၁၂ ရက်နေ့
သင်တန်းအချိန် -Monday to Friday PM 6:30 to PM 7:30

20/02/2023

😘ကျောင်းတွေ မပိတ်သေးခင်ကတည်းက ခေတ်နဲ့အညီရင်‌ဘောင်တန်းနိုင်ဖို့ မိမိရင်သွေးငယ်များအတွက် သင်တန်းတွေကြိုတင် စုံစမ်းနေပါသော မိဘများအတွက် နွေရာသီ ကလေးကွန်ပျူတာသင်တန်းများ စတင်လက်ခံပေးနေပါပြီနော်။📢
🏷️📚Course for Kids က Level 1 မှ 5📚 အထိ ရှိပါတယ်။
📒📒ကလေးရဲ့ အသက်အရွယ်ပေါ်မူတည်ပြီး သင့်တော်ရာ Level ကနေစတင်ပြီး အခြေခံကျကျ သင်ကြားပေးတာဖြစ်ပါတယ်။🏷️📒📒
😘ကွန်ပျူတာကို အခြေခံကျကျ မတတ်မြောက်မှာ၊ မလိုက်နိုင်မှာ၊ စိတ်ပူစရာမလိုပဲ
မိမိရင်သွေးငယ်များ ခေတ်နဲ့အညီရင်ဘောင်တန်း အနာဂါတ်လှပစေဖို့
Soft Guide မင်းလှကျောင်းခွဲမှာ ကွန်ပျူတာသင်တန်းတွေ တက်ကြပါစို့😘😘😘

⏲️သင်တန်းအချိန် ညှိနှိုင်း စုံစမ်းရန်
🏡အမှတ် ၉၊ ပြည်တော်သာ ၁ လမ်း၊ မင်းလှမြို့
☎️ 09455351244/ 09423699063

01/02/2023

သရေခေတ္တရာ ပြည်မြို့ က
ပျူ လူမျိုး တို့၏ ရိုးရာ ညံရိုး မီးပူဇော် ပွဲ
=======================

လွန်ခဲ့သော နှစ်ပေါင်း နှစ်ထောင်ကျော်ခန့်က စတင်ကျင်းပ ဗုဒ္ဓဘုရားရှင်အား ပူဇော်လာခဲ့ကြတဲ့ ပျူလူမျိုးတို့၏ အထူးခြားဆုံးသော ဘာသာရေးပွဲတော်ဖြစ်တဲ့ ညံရိုးမီး ပူဇော်ပွဲကို တပိုတွဲလပြည့်နေ့ မှာ လေးဆူဓာတ်ပျော် ရွှေဆံတော် စေတီတော်မြတ်ကြီးမှာ ကျင်းပပြုလုပ် ပူဇော်မှာပါ ...

ချမ်းအေးလှတဲ့ ...
တပိုတွဲလ ဆောင်းရာသီမှာ
မြတ်စွာဘုရား ကို အလင်းဓာတ်နှင့် အနွေးဓာတ်လှူဒါန်း တဲ့ အနေနဲ့ သရေခေတ္တရာ ပျူမြို့ပြနိုင်ငံကို တည်ထောင်ခဲ့တဲ့ ဒွတ္တပေါင် မင်းကြီးက သာသနာ သက္ကရာဇ် ၁၂၆ ခုနှစ်တွင် ရွှေဆံတော်ဘုရားကြီးကို ထပ်ဆင့်တည်ခဲ့ပြီး ၁၂၇ ခုနှစ် တပို့တွဲ လပြည့်နေ့မှ စ၍ ပြည်မြို့၀န်းကျင်မှာ တောထအောင် ပေါက်နေသည့် ညံရိုင်းပင်များကို ခုတ်ကာ မြတ်စွာဘုရားကို ချမ်းအေးလှသည့် တပို့တွဲ လပြည့်နေ့ အခါသမယမှာ ညံရိုးမီး ပူဇော် လှူဒါန်းခဲ့ပါတယ်

လေးဆူဓာတ်ပျော် ရွှေဆံတော် စေတီတော်မြတ်ကြီး ညံရိုးမီး ပူဇော်ပွဲ
ပြုလုပ်ကျင်းပမယ့် အချိန်ကတော့ ...
တပိုတွဲ လပြည့်နေ့ နံနက် ၄နာရီ မှ နံနက် ၆ နာရီအထိ ညံရိုးမီး ပူဇော်ပါမယ်....

ညံရိုး ဆိုတာ အဖြူရောင် ရှိတဲ့ သစ်ချောင်း
လေးတွေပဲ ဖြစ်ပါတယ် ...
ညံရိုး တစ်ချောင်းရဖို့ တောထဲမှာ ခုတ်ထွင် ယူရတာပါ
တော အရပ်က စျေးသည် တွေက ...
ညံရိုး မီးပူဇော်ပွဲ မတိုင်ခင်ကတည်းက ...
တော တောင်တွေ ထဲ မှာ ပေါက်နေတဲ့
ညံရိုး ပင်တွေကို ခုတ်ယူပြီး ...

မီးပူဇော်လို့ ရမယ့် အနေအထား ဖြစ်အောင် နေပူလှန်းတာတွေ လှပမှု့ ရှိအောင်
အချော ကိုင်တာတွေ ပြုလုပ်ရပါတယ် ...
လူ အများစုကတော့ တပိုတွဲလဆန်း ၁၄ ရက်နေ့ ညနေကတည်းက ဘုရား စောင်းတန်းရှေ့က ညံရိုး ရောင်းသူတွေဆီမှာ အသီးသီး ဝယ်ယူကြပါတယ်...

တပိုတွဲ လပြည့်နေ့ နံနက် ၄ နာရီထိုးတာနဲ့ ပြည်မြို့သူ မြို့သားများ ပြည်မြို့ အနီးတဝိုက် ဒေသခံများက ညံရိုး ချောင်းလေးများ ကို ကိုယ်စီ ကိုင်ပြီး ဘုရား ရင်ပြင်တော်ပေါ် သို့ တက်ကြပါပြီ ...

ဘုရား ရင်ပြင်တော် အရှေ့တောင် ထောင့်နေရာမှာ မီးပုံ အဖြစ် ပြုလုပ် ပူဇော်ဖို့အတွက် ...ပေ ၆၀ ပတ်လည်ရှိ လေးထောင့်ပုံစံ အုတ်စီ ထားပါတယ်...

လွန်ခဲ့သော နှစ် ၂၀ ခန့် မှာတော့ ရင်ပြင်တော်ပေါ်တွင် နေရာကျင်းကြပ်သည့် အတွက် တောင်ဘက် နဂါးစောင်းတန်း တောင်ခြေမှာ ညံရိုးမီး ပူဇော်ခဲ့တာ ယခု အချိန်ထိ ပါပဲ

စတင်ပြီး မီးပူဇော်ကြပါပြီ ဆိုတာနဲ့ ...
နံ့သာတုံး များအပါအဝင် ညံရိုး ချောင်းလေးများကို မီးပုံ ပေါ်သို့ အဝေးကနေ ပစ်ထည့် ပြီး ဝတ်ပြု ဆုတောင်း ကြပါ တယ် ...

နံနက် ၆ နာရီဲ ညံရိုးမီးပူဇော်ပွဲ ပြီးတာနဲ့
ဘုရား ရင်ပြင်တော်ပေါ်မှာ စတု ဒီသာ ကျွေးမွေး ဧည့်ခံတာတွေတရား သဘင် ဆက်လက် ကျင်းပတာတွေ ပြုလုပ်ပါတယ်
ညံရိုး မီးပူဇော်ပွဲနဲ့ တစ်ဆက် တည်းမှာ ပဲ
ဘုရား မီးပူဇော်ပြီးတာနဲ့

ဧရာဝတီမြစ် တစ်ဖက်ကမ်းမှာ ရှိတဲ့ ဖိုးဦး တောင်တော်သို့ ဆက်လက် ဘုရားဖူး ချီတက် ကြပါတယ်ဖိုးဦး တောင်တော်ဟာ
မြတ်စွာဘုရား ကြွလာပြီး ဗျာဒိတ်တော် ပေးတော်မူ ခဲ့တဲ့ နေရာလည်း ဖြစ်သလို ...

ပျူရှင်ဘုရင် ဒွတ္တဘောင်မင်းကြီးနဲ့
ဗိဿနိုး ပန်ထွာ မိဖုရားတို့ရဲ့ ဘဝဟောင်း က
ပွေးဖိုပွေးမ တို့ နေထိုင် ကျက်စားခဲ့ရာ နေရာဒေသတစ်ခုလည်းဖြစ်ပါတယ်။

ပျူ လူမျိုး တို့နေထိုင်ခဲ့ရာ
ပြည် မြို့နယ် တဝိုက်မှာ ညံရိုး မီးပူဇော်ပွဲကိုယနေ့ အထိတိုင်အောင် ရှေးရိုးရာ ယဉ်ကျေးမှု အထိမ်း အမှတ်တစ်ခု အဖြစ် မြန်မာနိုင်ငံ၏ အထူးခြားဆုံးသော ဘာသာရေး ပွဲတော်ကို နှစ်ပေါင်း၂၀၀၀ကျော် စဉ်ဆက်မပျက် ဆက်လက် ထိန်းသိမ်း နိုင်တာက လည်း အင်မတန် အံ့သြစရာတစ်ခု ဖြစ်နေပါတော့တယ်...

#သူရိန်( ပြည် )
Photo

17/12/2022

တစ်လလျှင် ၃ သောင်းကျပ်ဖြင့်
ကွန်ပျူတာ နယ်ပယ်တွင် ၁၅ နှစ် ဝန်းကျင် အတွေ့အကြုံ ရှိ၊
ဆရာဦးနိုင်လင်း ကိုယ်တိုင် ဦးစီးသင်ကြားပေးသော အခြေခံ ရုံးသုံးကွန်ပျူတာသင်တန်း

သင်တန်းကာလမှာ ၂ လဖြစ်ပြီး သင်တန်းပြီးဆုံးပါက Soft Guide Computer မှ သင်တန်းဆင်း အောင်လက်မှတ် ရရှိမှာ ဖြစ်ပါတယ်။

အပတ်စဉ် သောကြာ၊ စနေ၊ တနင်္ဂနွေ တိုင်း တန်းခွဲသစ်များ ဖွင့်လှစ်ထားပြီးသင်တန်းသားသစ်များ ပုံမှန်လက်ခံသင်ကြား ပေးလျက်ရှိပါသည်။

သင်တန်းချိန် ညှိနှိုင်းတက်ရောက်နိုင်သလို
ရက်တို သင်တန်းများလဲ ညှိုနှိုင်း တက်ရောက်နိုင်ပါသည်။

#မင်းလှမြို့နယ်တွင် 2013 ခုနှစ်မှ ယနေ့အချိန်ထိ ခိုင်မာသော သင်တန်းဆင်း အောင်လက်မှတ်များ ပေးအပ်ပြီး သင်တန်းသားပေါင်းများစွာ မွေးထုတ်သင်ကြားပေးနေလျက် ရှိပါသည်။

23/08/2022

သင်တန်းရောက်ရင် သင်တန်းသား/သူ တွေ WiFi Password မေးကြလွန်းလို့။
မီးပြတ်/ မီးလာ ၂၄ နာရီလုံး Internet WiFi က အမြဲဖွင့်ထားပေးပါတယ်။

10/07/2022

🔸 မုန့်ဟင်းခါး အိုးကြီးချက်နည်း 🔸 လူ ၁၀၀ စာ

လမ်းထဲ ရပ်ကွက်ထဲ စတုဒီသာ အလှူလုပ်ချင်တဲ့အခါ လူအနည်းစာတော့ ချက်တတ်ကြပေမယ့် အများကြီးစာအတွက်ဆို ပါဝင်ပစ္စည်းအချိုးအစား မသိကြတာမျိုး ကြုံလေ့ရှိပါတယ်………

ဒါကြောင့် အလှူလုပ်ချင် တဲ့ အခါလဲ ကိုယ်တိုင် ဝယ်ပြီး ချက်လို့ရအောင် လူအများစာအတွက်ချက်နည်းလေးကို မျှဝေပေးလိုက်ပါတယ် …….

ပါဝင်ပစ္စည်းအချိုးအစား 🔸🔸🔸🔸

- မုန့်ဖတ် (၃၀)ပိသာ
- ငါး (၁၂)ပိသာ
- ဆီ (၅)ပိသာ
- အချိုမှုန့် (၁)ထုပ်
- ကြက်သွန်နီ (၅)ပိသာ
- ကြက်သွန်ဖြူ (၇၅)ကျပ်သား
- ဂျင်း (၅၀)သား
- ငရုတ်ပွ (၂၅)သား
- ငရုတ်စိမ်းမှုန့်(အရောင်တင်မှုန့်) (၂၅)သား
- ကုလားပဲဆန် (၂)ပိသာ
- ဆန်မှုန့် (၁)ပိသာ
- စပါးလင် (၁၀)ပင်
- ငှက်ပျောပင် (၄)ပင်ခန့်
- ဘဲဥ (၅၀)လုံး
- နံနံပင် (၁)ပိသာ
- ရှောက်သီး (၁၀)လုံးခန့်
- ငံပြာရည် (၁)ပုလင်း
- ဆား (၃)ထုပ်ခန့်

ချက်ပြုတ်နည်း 🔸🔸🔸🔸

၁။ ပထမဆုံး ငါးတွေကို ခေါင်းတွေဖယ် ခုတ်ထစ် ပြီး ဆားများများ ငံပြာရည် အချိုမှုန့် နနွင်းမှုန့် စတာတွေနဲ့ နယ်ပြီနှပ်ထားပါမယ်။

၂။ ပြီရင် အိုးကြီးတစ်လုံးအောက်ခြေမှာ စပါးလင် ၅ပင်ခန့်ဖြန့်ခင်းပါ။ ပြီးရင်ငရုတ်အပွတောင့်တွေရေဆေးပြီးစပါးလင်ပေါ်ထပ်ပီး ဖြန့်ခင်းရပါမယ်စပါးလင်နှင့် ငရုပ်အပွ တောင့် တွေအပေါ်မှာ ငါးတွေကိုစီထည့်ပြီး ပြုတ်ပါမယ်။


၃။ အရိုးနူးပြတ်ရင်တော့ ပိုကောင်းပေမယ့်
အချိန်ကြာမှာဖြစ်လို့ အိုးထဲကနေ စပါးလင် ငရုတ်သီး အနံ့နဲ့ငါးပြုတ် ငံပြာရည်အနံ့တွေလှိုင်တက်လာအောင်ပြုတ်ပါမယ်။

၄။ ငါးပြုတ်အသားကျက်ပြီး မာမာတင်းတင်း ဖြစ်သွားရင် အရိုးနွင်ပါမယ်။ အရိုးနွင်တဲ့အခါ ငါးအသားတွေကို နနွင်းမှုန့် နဲ့နယ်ပြီး အနည်းငယ်စီလုံးပြီး အရိုးရှာရပါမယ်။ နနွငိးဝါဝါကြားမှာ အရိုးဖြူဖြူလေးတွေမို့လို့ နွင်လို့လွယ်ပါတယ်။

၅။ တစ်ဖက်မှာလည်း ငါးပြုတ်ပြီးရင် ကုလားပဲ ဆန်တွေကို နူးအိနေအောင်ပြုတ် ထားရပါမယ်။
နူးသွားရင် လက်ဆုံနဲ့ပဲထောင်းထောင်း ဇကာနဲ့ပဲ တိုက်တိုက်အဆင်ပြေသလို အနှစ်ရအောင်လုပ် ထား ပါမယ်။

၆။ ငါးပြုတ်အိုးထဲက ငရုတ်ပွတောင့်တွေကို
ညက်နေအောင်ထောင်းရပါမယ်။
ငါးပြုတ်ရည်တွေကိုလည်း အိုးတစ်လုံးထဲသေချာ
စစ်ထည့်ထားရပါမယ်။

၇။ ကြက်သွန်နီ ၃ပိသာခန့်လှီးထားပါမယ်။
ကြက်သွန်ဖြူကိုလည်း အခွံခွါပြီးကြိတ်ထားပါ။
ဂျင်းလည်းအခွံနွာပြီးထောင်းထားရပါမယ်။
စပါးလင် ၅ပင်ခန့်လည်း ပါးပါးလှီးပြီးထောင်းထားပါ။

၈။ အားလုံးပြီးရင်တော့ ငါးဆီသတ်ပါမယ်။
ဒယ်တစ်ခုထဲကို ဆီများများထည့်ပြီး ငရုတ်သီးထောင်း ထားတာရော ငရုတ်အရောင်တင်မှုန့်ရေဖျော်တာရော ထည့်ပြီးဆီသတ်ပါမယ်။

၉။ ငရုတ်သီးကျက်လောက်ရင် ကြက်သွန်နီ ဖြူ ဂျင်း စပါးလင် ထည့်ကြော်ပါမယ်။
ခဏကြော်လို့အနံ့မွှေးလာရင် ငါးအရိုးထွင်ပြီး
သိပ်ထားတာတွေထည့်ကြော်ပြီး ဆီသတ်ရပါမယ်။

၁၀။ ငါးဆီသတ်တာ အဓိကပါ။ အိုးမကပ်အောင်
မပြတ်မွှေပေးနေရပြီးတော့ ငါးအသားတွေနဲ့ ဆီ ငရုတ်သီး ကြက်သွန်တွေ လုံးပြီး အနံ့တွေမွှေးကြိုင်လာပြီဆို ချလို့ရပါပြီ။

၁၁။ ဆီသတ်ကြော်တာနည်းရင် မုန့်ဟင်းရည်က ငါးပြုတ်အနံ့ကြီးထွက်ပြီး သိပ်မမွှေးသလို ကြော်တာများသွားရင်လည်း မုန့်ဟင်းရည်ထဲမှာ ကြက်သွန် ကြော်ဖတ်တွေက မပျော်သွားဘဲ ပေါလော ပေါ်နေတတ်တယ်။ အဲဒါကြောင့် အကြော်များလို့ မရသိပ် နည်းလို့လည်းမရပါ။

၁၂။ ငါးအသားတွေလုံးပြီး ကြက်သွန်ဖတ်တွေလည်း အိနေပြီးတော့ ငါးဆီသတ်အနံ့မွှေးလာတဲ့ အချိန်ကို ချိန်ဆပြီးချရပါမယ်။

၁၃။ အဲဒီမွှေးကြိုင်နေတဲ့ ငါးဆီသတ်က မုန့်ဟင်းခါးရဲ့အသက်ပါ။ ပြီးရင်တော့ ဟင်းရည်စချက်လို့ရပါပြီ။ ရေထမ်းပုံး ၄ပုံးလောက်ဆံ့တဲ့ ဒန်အိုးကြီး ရေ ၃ပုံး ခွဲခန့် ထည့်ပြီးကျိုထားပါ။

၁၄။ ဆူလာရင် ငါးပြုတ်အိုးထဲမှာကျန်ခဲ့တဲ့
ငါးပြုတ်ရည် ရယ် ကုလားပဲဆန်အနှစ်တိုက်ထား တာ ရယ် ဆန်မှုန့် ရယ်ထည့်ပြီး မွှေပေးနေရပါမယ်။
ဆန်မှုန့်က ကပ်တတ်လို့ အောက်ခြေခြစ်ပြီးမွှေပေးပါ။

၁၅။ ခဏကြာလာရင်တော့ ငါးဆီသတ်ထားတာတွေလောင်းထည့်ပြီး ခဏမွှေပြီး အဖုံးအုပ်ထားပါ။
မွှေးကြိုင်နေတဲ့ မုန့်ဟင်းရည်အနံ့စရပါပြီ။

၁၆။ ဘဲဥပြုတ်ပြီး စိတ်ထည့်ပါ။
ဟင်းရည် အပျစ် အကျဲ အပေါ့ အချို အငံ လိုသလိုညှိပါမယ်။ ကြာကြာတည်ထားမှ ငါးဆီသတ်သား ရော ဆန်မှုန့်ရော ပွလာပြီး ဟင်းရည်က ခပ်ပျစ်ပျစ် လေး ဖြစ်လာမှာပါ။


၁၇။ ချခါနီးရင်တော့ ငှက်ပျောပင်လှီးထည့်ပါ။ကြက်သွန်နီ အလုံးလိုက်(၁)ပိသာလောက်ထည့်ပါ။
ဟင်းရည်လည်း အနေတော်ကြက်သွန်နီ ငှက်ပျော
ပင် တွေလည်း နူးလာပြီး ဂျင်း စပါးလင် အနံ့တွေနဲ့ မွှေးကြိုင်နေတဲ့ မုန့်ဟင်းခါး ကောင်းကောင်း တစ်အိုးရပါပြီ။

ကြက်သွန်ဖြူ ဆီချက်၊ နံနံပင်၊ ငရုတ်သီးမှုန့်စပ်စပ်လေးနဲ့ မိမိကြိုက်နှစ်သက်ရာ အကြော်ကို ထည့်ပီး သုံးဆောင်နိုင်ပါတယ်😋😋😋

Credits to
မူရင်းရေးသားသူ ပို့စ့်ပိုင်ရှင်

10/07/2022

အုန်းနို့ခေါက်ဆွဲ (ပွဲ ၁၀ဝ စာ) ချက်နည်းလေးပါ 😋😋
----------------------------------------

🔺 ပါဝင်ပစ္စည်းများ 🔺

- အုန်းနို့ခေါက်ဆွဲဖတ် - ၈ ပိဿာ
- ကြက်သား - ၂ ပိဿာ
- ငါးဖယ် - ၁ ပိဿာ
- ဘဲဥ - အလုံး ၅၀
- ပဲစိမ်းမှုန့် - ၈၀ ကျပ်သား
- ငရုတ်သီးအရောင်တင်မှုန့် - ၂၀ ကျပ်သား
- ဆီ - ၃၀ ကျပ်သား
- အုန်းသီး (သို့) နို့စိမ်း - ၈ လုံး (သို့) ၈ ဘူး
- သကြား - စားပွဲဇွန်း ၁၆ ဇွန်း (မောက်မောက်)
- ဆား - စားပွဲဇွန်း ၁၀ ဇွန်း (မောက်မောက်)
- အရသာမှုန့် - စားပွဲဇွန်း ၅ ဇွန်း (မောက်မောက်)
- ကြက်သွန်နီဥသေး - ၂ ပိဿာ (ထည့်ရန်)
- နနွင်းမှုန့် - စားပွဲဇွန်း ၁ ဇွန်း
- မုန်ြွ့ကပ်ကြော် - ၅၀ ကျပ်သား
- ကြက်သွန်နီဥကြီး - ၁ ၁/၂ ပိဿာ (အစိမ်းထည့်စားရန် ပါးပါးလှီး)
- ရှောက်သီး - ၁၅ လုံး (အရည်ရွှမ်းရွှမ်း)
- ငရုတ်သီးလှော်မှုန့် - ၃၀ ကျပ်သား
- ယိုးဒယားငံပြာရည် - ၁ လုံး (အလယ်တည်ရန်)
- ကြက်သွန်ဖြူဗမာဥ - ၅ ဥ
- ပဲကြော် - ၁၀ဝ ချပ်
- ရေ - (ဆန် ၁ ပြည်ချက် အိုးတစ်ဝက်ပါ) ၈ လုံး


(အပျစ်အကျဲအတွက် ထပ်လိုက်နိုင်ပါတယ်။ ပဲစိမ်းဖျော်ရာမှာလည်း ရေပါဝင်မှာဖြစ်တဲ့အတွက် ပျစ်လျှင် ရေနွေးလိုက်လို့ ရပါတယ်။ မကျဲအောင် ဂရုစိုက်ပါ။)

ချက်ပြုတ်နည်း 🔺🔺🔺🔺

၁။ ကြက်သားကို အခြမ်းလိုက် ရေဆေးပြီး ရေစစ်ထားပါ။
ရေနွေးအိုး တည်ပြီး ဆူလာလျှင် ကြက်သွန်ဖြူဥအတိုင်း အပေါ်ခွံချွတ်ပြီး ရေဆေး၍ ၂ ဥ ထည့်ပါ။ ဆား စားပွဲဇွန်း ၁ ဇွန်း ထည့်ပြီး ကြက်သားထည့် ပြုတ်ပါ။ အစိမ်း မကျန်ဘဲ ခပ်တင်းတင်းလေး နူးလာလျှင် ဆယ်ယူပြီး အအေးခံ၍ အဖတ် ကြီးကြီးတွေ လွှာထားပါ။

၂။ ဘဲဥကို ပြုတ်ထားပါ။

၃။ ပဲစိမ်းမှုန့်ကို အလုံးအခဲမကျန်အောင် ရေဖျော် ထားပါ။

၄။ ကြက်ပြုတ်ရည်ထဲ ချင်း၊ ကြက်သွန်ဖြူရည်၊ ဆား၊ အရသာမှုန့်နယ်၍ စေး အောင် ပေါက်ထားသော ငါးဖယ်များကို ခပ်ကြီးကြီး ပြားပြီး ထည့်ပြုတ်ပါ။ အပေါ်ပေါ်လာလျှင် ခဏထား၍ ဆယ်ထုတ်ပြီး အနေတော်လေးတွေ လှီးထားပါ။

၅။ ဆီပူအိုးတည်ပြီး ပူလာလျှင် မုန့် ကြွပ်ကြော်ပြီး ဆယ်ယူ ထားပါ။ အေးလျှင် လေလုံသောဘူး (သို့) အိတ်ထဲထည့်ပြီး လေလုံအောင် သိမ်းပါ။

၆။ ကျန်ဆီထဲ ကြက်သွန်ဖြူ ၃ ဥကို မညက်တညက် ထောင်းပြီး ဆီသတ်ပါ။ နနွင်းမှုန့်ထည့်ပါ။ ကြက်သွန်ဖြူရနံ့မွှေးလာလျှင် ငရုတ်သီးအရောင်တင်မှုန့် ထည့်ပြီး လွှာထားသော ကြက်သားများထည့်ပါ။

၇။ ဆား စားပွဲဇွန်း ၁ ဇွန်း၊ သကြား ၁ ဇွန်း ထည့်ပါ။ မွှေးလာလျှင် ဆယ်ယူလို့ရ ပါပြီ။ ရေချိန်ကို ကြက်ပြုတ်ရည်အပါ အပေါ်မှာပြထားသည့်အတိုင်း ထည့်ပါ။

၈။ ဆူလာလျှင် ဖျော်ထားတဲ့ ပဲစိမ်းမှုန့်ထည့်ပြီး နာနာမွှေ၍ မီးမှန်မှန်နဲ့တည်ပါ။ ပဲစိမ်းက အိုးကပ်ပြီး တူးတတ်ပါတယ်။ ပဲစိမ်းနံ့ပျောက်လျှင် အုန်းနို့ရည် လောင်းပါ။

၉။ ကြက်သား၊ ငါးဖယ်၊ ပြုတ်ထားတဲ့ဘဲဥကို ပါးပါးလှီးထည့်ပြီး ကြက်သွန်ဥ ထည့်ပါ။ အရသာမှုန့်၊ ဆား၊ သကြားထည့်ပြီး အပျစ်အကျဲ မှန်းဆပါ။ အရသာမြည်းပါ။ ပွက်ပွက်ဆူလာလျှင် ရပါပြီ။

ပွဲပြင်ရန်မှာ 🍝🍝🍝

- ခေါက်ဆွဲဖတ် အနေတော် ဖြတ်ထားပါ။
- ကြက်သွန်နီဥကြီးကို ပါးပါးရိပ်ရိပ် လှီးပြီး ရေဆေး ထားပါ။
- ရှောက်သီးလှီးထားပါ။
- ငံပြာရည်၊ ငရုတ်သီးလှော်မှုန့် နှင့် မုန့်ကြွပ်ကြော်၊ ပဲကြော်ထည့်ပီး သုံးဆောင်နိုင်ပါသည်။