20/01/2021
Windows 10 ကို Update လုပ်သင့်လား ?
အသစ်ထွက်တိုင်းကော Version Update လုပ်သင့်လား ?
ဒီမေးခွန်းကိုမဖြေခင်မှာ Windows 10 Version လေးတွေအကြောင်း နည်းနည်းမိတ်ဆက်ချင်ပါတယ်။ ၂၀၁၅ မှာ Windows 10 စထွက်တုန်းက Microsoft က ပြောခဲ့တာတစ်ခုရှိပါတယ် Windows 10 ရဲ့နောက်မှာ Windows အမည်ပြောင်းတွေထက်ထွက်ဖို့မရှိတော့ဘူးဆိုတာပါ။ ဆိုလိုတာက Windows 10 ပြီးလို့ Windows 11 တွေ Windows 20 တွေထပ်မလာတော့ပါဘူး Windows 10 ကိုပဲ Version တွေပဲ ပြောင်းသွားတာပါ။ ဒါကြောင့် Windows 10 ဆိုတာနဲ့ အားလုံအတူတူလို့ မှတ်လို့မရနိုင်ပါဘူး။ ပျှမ်းမျှအားဖြင့် ၂၀၁၅ ကနေစပြီး ခုနှစ်တစ်ခုအတွင်းမှာ ခြောက်လစီလောက်ခြားပြီး Version နှစ်ကြိမ်ပြောင်းပါတယ်။
ဥပမာ ၂၀၁၅ ဇူလိုင်မှာစထွက်ခဲ့တဲ့ Version ကို 1507၊ ဆယ့်တစ်လပိုင်းမှာထွက်ခဲ့တာကို 1511၊ ၂၀၁၆ ဇူလိုင်မှာထွက်ခဲ့တာကို 1607 ပြိးတော့ 1703, 1709, 1803, 1809,1903, 1909, 2004, 20H2 ဆိုပြီးတော့ စုစုပေါင်း Version 11 မျိုးရှိပါပြီ Code Name အနေနဲ့ဆိုရင်တော့
15 version နှစ်ခုကို Threshold 1, Threshold 2
1607 ကနေ 1809 ထိ ငါးခုကို Redstone 1 to 5 လို့နာမည်ပေးထားပါတယ် ၂၀၁၉ က စပြီးတော့ 19H1, 19H2, 20H1 နဲ့ ခုနောက်ဆုံးက 20H2 Version ဖြစ်ပါတယ်။ Version တစ်ခုစီမှာလဲ OS build No တွေပြောင်းပြီး minor update လေးတွေ မကြာခဏ အသစ်ထွက်ပါတယ်။
ဆိုတော့ အစကိုပြန်ကောက်ရရင် Windows Version ပြောင်းတိုင်းမှာ Update လုပ်သင့်လား? ဆိုရင်
သေချာတာပေါ့ လုပ်ကိုလုပ်သင့်တာပေါ့ အခြေခံအားဖြင့် Security ပိုင်းပိုကောင်းလာမယ် Features တွေပိုကောင်းလာမယ် Bug Fix တွေရမယ် စသည်ဖြင့်ပေါ့။ ဒီနေရာမှာ ပြောစရာရှိလာတာက အင်တာနက်မချိတ်ဆက်ထားတဲ့ standalone ကွန်ပြူတာတွေ လုပ်ငန်းသုံး ရုံးသုံးကွန်ပြူတာတွေမှာကော Version Update တွေလုပ်ဖို့လိုအပ်လားဆိုရင်တော့ နည်းနည်းဖြေရကျပ်ပါတယ် update လုပ်လိုက်လို့ရလာမဲ့ အားသာချက်တွေက အဲ့လို user တွေအတွက် သိသိသာသာ ထူးပြီးကောင်းလာမှာမဟုတ်ပါဘူး ဒါအပြင် Version မြင့်လာတာနဲ့အမျှ system requirement ပိုများလာတွက်အတွက် Generation အနိမ့် ကွန်ပြူတာတွေမှာဆိုရင် ပိုလေး ပိုနှေးလာတာမျိုးတွေအထိ ကြုံရနိုင်ပါတယ်။ (1909 လောက်ကနေစပြီးတော့ Windows 10 ကို HDD အစား SSD နဲ့သာသုံးသင့်ပါတယ်)
ဆိုတော့ 6th generation ရဲ့အစောပိုင်း ကွန်ပြူတာတွေမှာ SSD သုံးမထားဘူးဆိုရင် 2004 တို့ 20H2 Version တွေ သုံးဖို့အားမပေးချင်ပါဘူး " Windows 7 လေးသုံးနေတုန်းကတောင် အဲ့ထက်အများကြီးသွက်တယ် " ဆိုတာမျိုးတွေဖြစ်လာပါလိမ့်မယ်။ အဲ့ဒီလို ကွန်ပြူတာတွေ သာမန် hdd နဲ့ Offline သုံးမဲ့သူတွေအတွက် Version 1809 Redstone5 လောက်ကိုပဲ ညွှန်းပေးချင်ပါတယ် အဲ့ထက်စောတဲ့ Version တွေကျရင်လဲ အရမ်းဝေးသွားပါပြီ 1809 ဆိုတာတောင် ခု ၂၀၂၁ ထဲမှာ သူ့အတွက်အထောက်ပံ့တွေကို Microsoft က ရပ်လိုက်လို့ Old Version စာရင်းဝင်သွားခဲ့ပါပြီ။ ဘာပဲဖြစ်ဖြစ် ကိုယ့်စက်အနေထားကြောင့် Windows 10 Version အဟောင်းလေးပဲသုံးချင်မဲ့သူတွေအတွက် 1809 iso လေးတင်ပေးလိုက်ပါတယ်။
Link>> https://drive.google.com/file/d/1y4h5MePNcoHZcatExvKJa0kSr3Jz3tEa/view?usp=sharing
