What are the opening hours?

Monday 06:00 - 20:00 Tuesday 06:00 - 20:00 Wednesday 06:00 - 20:00 Thursday 06:00 - 20:00 Friday 06:00 - 20:00 Saturday 06:00 - 20:00 Sunday 06:00 - 20:00

https://www.facebook.com/112433570496268/

Mr. Ye'

Home
Myanmar
Mandalay
Mr. Ye'

မန္တလေးမြို့တွင်း အိမ်/ဆိုင် အရောက်

19/08/2020

"Printer အကြောင်း သိကောင်းစရာ"

Printer အမျိုးအစားတွေကို အဓိကအားဖြင့်

1 - Dot Matrix Printer
2 - Laser Printer
3 - Inkjet Printer

ဆိုပြီးတော့ (၃) မျိုးခွဲခြားထားပါတယ်။

***

1 - Dot Matrix Printer

သူက Dot လို့ ခေါ်တဲ့ အစက်သေးသေးလေးတွေ
ပေါင်းပြီး ပုံဖော်ပေးတဲ့ Printer ပါ။

စာရွက်ပေါ်မှာ Ribbon ခံပြီး ရိုက်သွားတာပါပဲ။

Dot Matrix Printer တွေဟာ Print ထုတ်တဲ့
အချိန် ကြာတာရယ်၊ အသံ ဆူညံတာကလွဲရင်
သုံးလို့ အဆင်ပြေပါတယ်။

Ribbon ဈေးသက်သာတယ်၊ စစ်တောင်းစက္ကူနဲ့
သုံး လို့ရတယ်။

ကျောင်းသုံး/ရုံးသုံး နဲ့ ဖယောင်းစာရွက် ဖောက်တဲ့
နေရာတွေမှာ အသုံးပြုကြပါတယ်။

***

2 - Laser Printer

Laser Printer တွေမှာတော့ ပုံရိပ်ဖော်ဖို့အတွက်
မင်မှုန့် (ကာဗွန်မှုန့်) ကို အသုံးပြုပါတယ်။

စာရွက်ကို Cartridge ထဲက ကာဗွန်မှုန့်တွေနဲ့
တွေ့အောင် Drum က လှည့်ပေးလိုက်လို့
ကာဗွန်မှုန့်တွေက စာရွက်ပေါ်မှာ Laser Beam
က ပုံရိပ်ဖော်ပေးထားတဲ့အတိုင်း ကပ်သွား၊
စာရွက်က Fuser ကို ဖြတ်တဲ့ အချိန်မှာ
Fuser က အပူပေးလိုက်တော့ မင်မှုန့် တွေက
စာရွက်ပေါ်မှာ အသေကပ်သွားတဲ့ နည်းနဲ့
ပုံဖော်ပေးပါတယ်။

Fuser ပျက်နေရင် စာရွက်ပေါ်က စာလုံးတွေဟာ
လက်နဲ့ပွတ်လိုက်တာနဲ့ ပျက်သွားမှာပါပဲ။

တစ်ချို့သူတွေ အကြမ်းထုတ်ရင် စစ်တောင်းစက္ကူ
(သို့) တွန့်ကြေနေတဲ့ စက္ကူတွေနဲ့ ထုတ်တာ
တွေ့ရပါ တယ်။

စက္ကူမကောင်းရင် Drum ပျက်နဲ့အထိ ဖြစ်သွား
နိုင်ပါတယ်။

Laser Printer တွေမှာလည်း -

1️ - Monochrome ( အဖြူ/အမည်း )
2 - Colour ( ရောင်စုံ ) ဆိုပီးတော့ နှစ်မျိုး
ရှိပါတယ်။

Laser Printer တွေဟာ အခြား Printer
အမျိုးအစားတွေထက် လျင်မြန်စွာ ပုံ (Print)
ထုတ်ပေးနိုင်ပါတယ်။

***

3 - Inkjet Printer

Dot Matrix ရဲ့ နည်းပညာကိုပဲ အခြေခံထား
တာပါ၊ သူကတော့ ရောင်စုံရတာပေါ့။

Inkjet Printer တွေက မင်ရည်ထည့်ထားတဲ့
Ink Cartridge တွေနဲ့ အလုပ်လုပ်ပါတယ်။

Printer က Command ပေးလိုက်တဲ့အခါ
Cartridge ရဲ့ Nozzle ခေါင်းလေးတွေကနေ
တစ်ဆင့် မင်ရည်တွေကို စာရွက်ပေါ် ဖျန်းပေး
လိုက်တာပါပဲ။

တစ်ချို့ Printer တွေမှာ မူရင်း Cartridge ကို
မသုံးပဲ အပြင်ဘက်ကနေ Ink Tank ချိတ်ဆက်ပြီး
မင်ရည်ကို ဖြည့်သုံးကြပါတယ်။
(ဥပမာ - Epson Printer အများစုမှာတွေ့နိုင်
ပါတလ်)

Inkjet Printer တွေဟာ မသုံးတာကြာရင်
Nozzle ခေါင်းတွေ ပိတ်ကုန်တက်ပါတယ်။
ဒါကြောင့် မကြာမကြာ အသုံးပြုပေးရပါတယ်။

Print ထုတ်တဲ့ Speed က Laser Printer တွေ
လောက် မမြန်ပါဘူး။

***

Printer တစ်လုံးရဲ့ စွမ်းဆောင်ရည်မှာ
dpi, ppm, gppm စတာတွေဟာ အရေးကြီး
ပါတယ်။

- dpi (Dot Per Inch)

dpi ဆိုတာကတော့ တစ်လက်မအတွင်း
ပုံနှိပ်နိုင်စွမ်းရှိတဲ့ အစက်အရေအတွက်ကို
ပြောတာပါ၊

တစ်လက်မအတွင်း အစက်များများပါနိုင်လေ
resolution ကောင်းလေ ဖြစ်ပါတယ်။

(resolution ဆိုတာက ပုံရိပ်ဖော်ပြမှု/
ပြတ်သားမှုကို ပြောတာ ဖြစ်ပါတလ်)

- ppm (Page Per Minute)

နောက်တစ်ခုက ppm (Page Per Minute) ပါ။

တစ်မိနစ်ကို စာမျက်နှာ ဘယ်လောက်ရိုက်ထုတ်
နိုင် လည်းဆိုတာကို ပြောတာပါ။

- gppm (Graphic Page Per Minute)

gppm (graphic page per minute) ဆိုတာ
text မပါပဲ graphics တွေကို ရိုက်ထုတ်နိုင်တဲ့နှုန်း
ကို ဆိုလိုတာပါ။

***

"Printer နဲ့ Computer ကို ချိတ်ဆက်ဖို့အတွက်"

USB port ကို အသုံးပြုပါတယ်။

တချို့ Printer တွေမှာ Network Cable ဖြင့်
ချိတ်ဆက်သုံးလို့ရအောင် Ethernet port နှင့် ကြိုးမဲ့ချိတ်ဆက်လို့ရအောင် 802.11 (Wi-Fi) စနစ်
တို့ကိုလည်း ထည့်သွင်းပေးထားပါတယ်။

အခုပြောပြတာလေးတွေက မိတ်ဆွေတို့အတွက်
အသိတိုးတယ်ဆိုရင် အခြားမိတ်ဆွေတွေလဲ
ဗဟုသုတရအောင် Share လုပ်ပေးခြင်းဖြင့်
မျှဝေပေးပါဦးနော်။

to original uploder

17/08/2020

Server အကြောင်းပြောရအောင်

ဆာဗာ၊ ဆာဗာနဲ့ ပြောနေလိုက်ကြတာ တော်တော်များများ စိတ်ဝင်စားကြမှာ အမှန်ပါပဲ။ ဥပမာ ဝဘ်ဆိုဒ် တစ်ခု ဝင်လို့ မရတဲ့အခါ လူတစ်ယောက် သွားမေးတော့ “အဲဒါဆာဗာဒေါင်းနေတယ်ကွာ”လို့ဖြေတယ်လေ။ နားမလည်တဲ့ အချိန်တုန်းက ဆာဗာ ဒေါင်းတယ်ဆိုတာ နားထဲကို ကန့်လန့်လိုက်ဝင်ပါတယ်။ ကဲ တည့်ကြရအောင်။ အင်တာနက် အသုံးပြုတဲ့ လူတိုင်း နားလည်အောင် အလွယ်ကူဆုံး နည်းနဲ့ ရှင်းပြပါမယ်။

အဲဒီ ဆိုဒ်တစ်ခု ဖွင့်မရ ဆာဗာ ဒေါင်းတယ်ဆိုတာ Web Server ကိုပြောတာပါ။ Server မှာတောင် အမျိုးမျိုး ကွဲသေး တယ်လေ။ ကဲ စကြရအောင်။

"Server အဓိပ္ပါယ်"

ကွန်ပြူတာကွန်ရက်များအား ချိတ်ဆက်၍ သတင်းအချက်အလက် ပေး ပို့ပေးခြင်း၊ သိမ်းဆည်းထားပေးခြင်း တို့ ပြုလုပ်ပေးသူကို Server လို့ ခေါ်ပါတယ်။ အလွယ်ကူဆုံး ပြောပြပါမယ်။ ခုနေ ရုံးအကြီးစား တစ်ခုကိုသွားရင် သူ့မှာ စာရွက်စာတန်းတွေ ထိမ်းထား တဲ့ နေရာတစ်ခုတော့ ရှိမှာပဲလေ။ ဂိုထောင်တစ်ခုနဲ့ကို သီးသန့်တောင် ထားကြပါတယ်။ ဆေးရုံတွေမှာဆို ပိုအရေးကြီးပါတယ်။ အခန်းကြီး တစ်ခုထဲမှာ။ ဘယ်နေ့က ဘယ်လူနာ၊ ဘယ်နေ့က ဘယ်ဆေးတိုက်၊ ဘယ်သူဆင်း၊ ဘယ်သူသေ၊ ဘယ်သူတက်၊ ဆေးရုံအသုံးစရိတ် ဘယ်လောက်၊ ဝန်ထမ်းအင်အား ဘယ်လောက် အစရှိသဖြင့် အချက်အလက်အားလုံးကို ဂိုဒေါင် တစ်ခုထဲမှာသိမ်းထားပါမယ်။ လိုအပ်တဲ့အခါကျ ဂိုထောင်ထဲမှာ ဖိုင်စာရင်းအတိအကျကို ထုတ်ယူလို့ရအောင် စနစ်တကျ သေသေသပ်သပ် ထည့်ထားပါတယ်။

ဟုတ်ကဲ့။ အဲဒီအချက်အလက်တွေအားလုံးကို ကွန်ပြူတာတစ်ခုထဲမှာပဲ ထည့်ပြီး ယင်းကွန်ပြူတာကနေ လိုသလို ထုတ်သုံးမယ်။ နောက်ထပ်ကွန်ပြူ တာ တစ်ခုစီ ရောက်အောင်လည်း ရုံးတွင် network နဲ့ ပို့ပေးနိုင်မယ်ဆိုရင် ယင်းကွန်ပြူတာက Server အနေနဲ့ အလုပ်လုပ်နေပါပြီ။ ဒီတော့ သူ့ကို Database Server လို့ အကြမ်းဖျင်းမှတ်ယူနိုင်ပါတယ်။

"Server မှာ OS လိုအပ်ခြင်း

သာမန် ဂိုဒေါင်တစ်လုံးမှာတောင် Store keeper ဆိုပြီး သီးသန့်ခန့်ရ တယ်လေ။ ဒီတော့ Server တန်းဝင်ဖို့အတွက် Server လုပ်မယ့် ကွန်ပြူတာမှာ Server Operating System ကို ထည့်ထားရပါတယ်။ အချို့ကျတော့ ဂိုထောင်ဝန်ထမ်းမထားချင်ဘူး။ အချက်အလက် ကလည်း နည်းတော့ အဆင်ပြေသလိုထားတယ်။ ဟုတ်ကဲ့။ ကွန်ပြူတာ မှာလည်း ကိုယ် ထောက်ပံ့၊ မျှဝေ၊ သိမ်းဆည်းပေးရမယ့် အချက်အလက်က သိပ်မများဘူးဆိုပြီး အချို့များကလည်း Server Operating System မသုံးပါဘူး။

သုံးတယ်ဆိုရင် ရွေးစရာက အများကြီးပဲ။ Linux Server OS သုံးမလား၊ Windows လား၊ Mac လား အစရှိသဖြင့် ပေါ့။ Server OS ဆိုလို့ ဘာများလည်းလို့ အတွေးနက်မသွားပါနဲ့။ သူက ဂိုထောင်တစ်ခုလို တာဝန်ထမ်းပေးမယ့် ကွန်ပြူတာကို အကောင်းဆုံး ဝန်ဆောင်မှု ပေးမယ့် OS ပါ။ တော်ရုံ OS ကမလုပ်နိုင်တာတွေ လုပ်ပေးမှာလေ။

"Server အမျိုးအစားများ"

Web Server ဝဘ်ဆိုဒ်၊ ဒေတာ အချက်အလက် များ အား သိမ်းဆည်းပေး၊ စေခိုင်းမှု (command လက်ခံပေး) ပြန်လည် အကြောင်းကြားပေးဖို့ အလုပ်လုပ်ပါတယ်။ ဥပမာ ကျနော်က ဝဘ်ဆိုဒ် တစ်ခု ထောင်လိုက်မယ်။ ထောင်တယ်ဆိုလို့ နို့ဆီဗူးထောင်သလို ထောင်လိုက်တာ မဟုတ်ဘူးနော်။ ဆိုဒ်တစ်ခု ပရိုဂရမ်နဲ့ဆွဲပြီး အင်တာနက်ပေါ် လွင့်ပါမယ်။ ဒီလိုလွင့်ဖို့အတွက် ယင်းအချက်အလက်တွေကို ဘယ်မှာ သိမ်းမလည်းက ရှိလာမယ်။ ဥပမာ ခုနေ စာဖတ်သူတို့ Facebook ပေါ်မှာ ပုံတွေ တင်ကြတယ်။ အဲ့ပုံတွေ ဘယ်ရောက်သွားလဲ။ Facebook က အကိုတွေ၊အမတွေကပဲ အလှဆုံးပုံတွေရွေးလို့ ဝိုင်ကြည့်နေကြမယ်လို့ ထင်လို့လား။

အမှန်တာ့ ယင်းပို့သမျှပုံတွေကို Server (ဂိုဒေါင်)ထဲ ထည့်ပါတယ်။ အချက် အလက်သိမ်းဆည်းပြီး Hard Disk အကြီးစားလိုပါပဲ။ Google ဆိုရင် ကမ္ဘာ့အကြီးဆုံး Data Center တောင် ပိုင်ပါတယ်။ Web Server အနေနဲ့ Website ရဲ့ အချက်အလက်များကို သိမ်းဆည်းပေး၊ Command လက်ခံပေး၊ ပြန်လည် အကြောင်းကြားပေး အစရှိသဖြင့် အလုပ်လုပ် ပါတယ်။ Web Server အကြောင်းနောက်မှ သက်သက်ရှင်းပါမယ်။

Application Server – Software app များအား အလုပ်လုပ်ရန် ဝန်ဆောင်မှုပေးသော Server

Catalog Server – network ပေါင်းများစွာမှာ အချက်လက်များကို အလွယ်တကူ ဆီးကူးစေရန် central search point အဖြစ် ဝန်ဆောင်မှုပေးသော Server

Communication Server - တယ်လီဖုန်း တို့ကဲ့သို့ ဆက်သွယ်ရေးအတွက် အသုံးပြုသော Server

Database server - ကွန်ပြူတာ ပရိုဂရမ်နှင့် ကွန်ပြူတာများအား သတင်းအချက်အလက်များအား သိမ်းဆည်းပေးသည့် Server

Fax server – Fax ဝန်ဆောင်မှု ပေးသော Server

File server - ဖိုင်များအား အပေးအယူ၊ အကူးအပြောင်း ပြုလုပ်ပေးသော Server

Game server - ဗီဒိယိုဂိမ်းပရိုဂရမ်နှင့် User များအား ထောက်ပံ့ပေးသည့် Server

Home Server - အိမ်များအတွက် Server

Name Server - ဝဘ်ဆိုဒ် လိပ်စာ DNS များအား သိမ်းဆည်းဝန်ဆောင် မှုပေးသည့် Server

Print Server (Printer ဝန်ဆောင်မှုအတွက် ဆာဗာ)၊ Proxy Server (မတူညီသော server များချိတ်ဆက်နိုင်ရန် ကြားခံ ဆက်သွယ်ပေးသော Server, Sound server (ရေဒီယိုတို့ကဲ့သုိ့ multimedia broadcasting, streaming များအတွက် အလုပ်လုပ်သော ဆာဗာ)၊ Stand-alone Server, Computer Server အစရှိသဖြင့် အမျိုးမျိုး ထပ်ကွဲပါတယ်။ အချို့ ကျတော့ လည်း Server တစ်ခုချင်းစီမခွဲပဲ သုံးလေးမျိုးကို Server တစ်လုံးတည်းနဲ့ လုပ်လို့ရအောင် ဖန်တီး ပေးပါတယ်။ နောက်မှ Server တစ်ခုချင်းစီ အကြောင်း အသေးစိတ် ရှင်းပြပါ့မယ်။

"Server မှာ ဘာတွေ ပါလဲ"

Server မှာ ပရိုဂရမ်အနေနဲ့ Server OS ပါရမယ်လို့ ပြောပြီးသွားပြီ။ (မပါလည်း ကိစ္စမရှိဘူးနော်)။ Hardware ပစ္စည်း အနေနဲ့ ကတော့ Memory (အချက်အလက် သိမ်းဆည်းထားမယ့် ပစ္စည်း) လိုအပ်ပါတယ်။ Google တို့လို ကုမ္မဏီကြီး ကတော့ Data Center ဟဲဗီး သုံးပြီး သူ့ ကို Run ဖို့အတွက် သီးသန့် Data Center Server OS တောင် သက်သက်သုံးရ ပါတယ်။ အေးအောင်လည်း အမြဲ လုပ်ပေးရပါတယ်။ ဒါမှ Server မဒေါင်းမှာလေ။ တစ်မိနစ်ဒေါင်းရင် Google ဆုံးရှုံးမယ့် ငွေက ကန်ဒေါ်လာ သန်းထောင်နဲ့ချီမှာပါ။ သူ့ကိုမှီနေတဲ့ ကုမ္မဏီ တွေ နိုင်ငံတိုင်းမှာ ရှိနေလို့ ဖြစ်ပါတယ်။ ဟုတ်ကဲ့ ဒီတော့ Server မှာ အချက်အလက် သိမ်းဆည်း ပေးမည့် ဟာ့ဒ်ဝဲ၊ Server အလုပ်လုပ်ရန် စီမံခန့်ခွဲပေးမည့် software တို့ လိုအပ်ပါတယ်။

"Server တို့ ဘယ်လို အလုပ်လုပ်လဲ"

သာမန်ကွန်ပြူတာပဲလေ။ Mail server ဆိုပါစို့။ ကျနော်က Gmail စာတစ်စောင်ရေးလို့ ပို့လိုက်ပြီး mail server ထဲ ရောက်ပြီး အဲ့မေးလ်ကို စစ်ပေး။ ဘယ်ကိုယ်ပို့ရမယ်ဆိုတာ သေသေချာချာ ပြန်ကြည့်ပြီး ပို့ရမယ့် လိပ်စာ၊ နေရာ၊ နိုင်ငံ၊ အင်တာနက်လိုင်းကို စီးကူး ပေးလိုက်ပါတယ်။ ဒါတွေအားလုံးက တစ်မိနစ်အတွင်းမှာ ဖြစ်သွားတာနော်။ အင်တာနက် လိုင်းမြန် ရင် စက္ကန့်နဲ့တောင် ဖြစ်တယ်။ Game server ဆိုရင်လည်း ဘယ်သူတွေ Log in ဝင်ထားလဲ။ ဘယ်သူတွေ ဘာလုပ်နေလဲ။ သူကတော့ ဘာ အချက်အလက်တွေ ပို့လိုက်ပါပြီ။ ဟိုဘက်ကို ဘာအချက် အလက် ပြန်ပို့ပေးရမယ် အစရှိသဖြင့် တော်တော်အလုပ်ရှုပ်ပါတယ်။ သူ့ရဲ့ Data စီးဆင်းမှုကလည်း အတော်လည်း မြန်ဆန်ပါတယ်။

Facebook ဆိုရင်တော့ Web server ပေါ့။ ကျနော်တို့က Log in ဝင်ရင် ဘယ်သူက ဘယ် IP နဲ့ ဝင်လာပါတယ်။ ဘယ် folder ကိုပို့ပေးရမယ်။ ဘာတွေ ပြန်ပို့ပေးရမယ်။ အစရှိသဖြင့် အလုပ်ရှုပ်ပါတယ်။ ဝဘ်ဆိုဒ်တစ်ခုအနေနဲ့ လူဘယ်နှစ်ယောက် ကြည့်ပြီးရင် ဒေါင်းတယ် ဆိုတာ Server ကိုယ်ရတဲ့ memory နဲ့ဆိုင်ပါတယ်။ IP ဘယ်လောက်ပဲ ဝင်သုံးလို့ရမယ်လို့ ကန့်သတ်ထားပါတယ်။ user များရဲ့ဝင်ရောက်ကြည့်ရှု အသုံးပြုမှု အရေအတွက် တစ်ခု ရောက်လို့ Memory ကျော်သွားရင် server အလုပ်လုပ်မှု ရပ်ပါတယ်။ ပြီးတော့ မိမိ ဝဘ်ဆိုဒ်မှာ အချက်အလက်တွေ တင်တာ သတ်မှတ်ချက်ထက် ကျော်လွန်သွား ရင်လည်း ဒေါင်းပါတယ်။ အချက်လက် ဘယ်လောက်ပဲ ထည့်ဖို့ Server မှာ memory space ဘယ်လောက်ဝယ်ထားတယ် ဆိုတာမျိုးပေါ့။

Domain Name Server ဆိုရင်လည်း ဘယ်ဝဘ်ဆိုဒ် လိပ်စာ ဘယ် IP ကတော့ register လုပ်လိုက်ပါပြီ။ ငါဒီ IP နဲ့ လိပ်စာကို အခြားလူပေးလို့ မရတော့ဘူး အစရှိသဖြင့် DNS က အလုပ်လုပ်ပါတယ်။ ခုနေ www.facebook.com နဲ့ ဆိုဒ်တစ်ခု ရလားလို့ register လုပ်ကြည့်လေ။ ယင်း နာမည်ကို DNS မှာ register လုပ်ထားပြီးပြီမို့ နောက်လူတွေ လုပ်ယူလို့ မရတော့ပါဘူး။ ဒါက ရှင်းရရင် အများကြီးရှိပါသေးတယ်။ နောက်မှ ရှင်းပါ့မယ်။

Server ကို သာမန်ကွန်ပြူတာနဲ့ မလုပ်ရခြင်းက အကြောင်း ၂ ချက်ရှိ ပါတယ်။ တစ်ခုက ၂၄ နာရီအလုပ်လုပ်ရန် သာမန် ကွန်ပြူတာက မသင့်တော်ခြင်းနဲ့ သတင်းအချက်အလက်မြောက်များစွာကို လုံခြုံစွာ သိမ်းဆည်းမပေးနိုင်ခြင်းတို့ကြောင်းပါ။ ဒါကြောင့် Server ဆိုပြီး သီးသန့်စက်ကြီးတွေ၊ OS တွေနဲ့ run ရပါတယ်။

"နိဂုံးချုပ်"

ဒီလောက်ဆိုရင် Server ဆိုတာ ဘာကိုခေါ်တယ်။ ဘယ်လိုကွဲတယ်။ ဘယ်လိုအလုပ်လုပ်တယ်ဆိုတာကို အကြမ်းဖျင်း သိပြီလို့ ယုံကြည် ပါတယ်။

အဆင်ပြေပါစေ...
to original uploder

16/08/2020

USB အကြောင်း သိကောင်းစရာ
-----------------------------

🖊USB ဆိုတာ... Universal Serial Bus ကို အတိုချုပ်ခေါ်ထားတာဖြစ်ပါတယ်!

🖊၁၉၉၆ ခုနှစ် ဇန်နဝါရီလ ကနေစတင်ပြီး Compaq, DEC, IBM, Intel, Microsoft, NEC နဲ့ Nortel စတဲ့ ကုမ္ပဏီတွေကနေအဆင့်ဆင့် ပြောင်းလဲဒီဇိုင်း ထုတ်ခဲ့တာဖြစ်ပါတယ်!

🖊USB ကို Computer နဲ့ ချိတ်ဆက်မယ့် ကွန်ပျူတာဆက်စပ်ပစ္စည်းတွေနဲ့ သော်လည်းကောင်း (ဥပမာ - Keyboard, Mouse, Memory Stick, Phone)၊ DC လျှပ်စစ်ကိုအသုံးပြုရန်သော်လည်းကောင်း စံတစ်ခုအနေနဲ့တွဲဖက်သုံးစွဲကြပါတယ်!

🖊USB မှာ အခုဆိုရင် USB 1.x, USB 2.x, USB 3.x (x= 1,2,3 စသည်) Generation ၃ ခုတိုင်ရောက်နေခဲ့ပြီး Type အနေနဲ့ဆိုရင်တော့ Type A, Type B, Type C စသဖြင့် ၃ မျိုးအထိရှိနေပါပြီ!

🖊အမြန်နှုန်းအနေနဲ့တော့ Full Speed, Hi-Speed နဲ့ Super-Speed ဆိုပြီးစျေးကွက်ထဲမှာခေါ်ဝေါ်သုံးစွဲလာကြပါတယ်!

🖊USB ဆိုတာပေါ်ပေါက်လာတဲ့အဓိကရည်ရွယ်ချက်ကတော့ Computer နဲ့ဆက်စပ်ပစ္စည်းတွေသာမက ဖုန်းတွေကိုပါစံချိန် စံညွှန်းတစ်ခုအနေနဲ့ အလွယ်တကူချိတ်ဆက် အသုံးပြုလို့ရအောင် ဘုံအနေနဲ့ ဒီဇိုင်းလုပ်ခဲ့တာပဲဖြစ်ပါတယ်!

🖊အခုခေတ်မှာဆိုရင်တော့ IT နဲ့ပတ်သက်တဲ့ ပစ္စည်းအားလုံးနီးပါးမှာ USB မပါဘူးဆိုတာ မရှိသလောက်ကို ဖြစ်နေပါပြီ!

1️⃣USB 1.0 ဆိုရင်တော့ ၁၉၉၆ ကနေစတင်ပေါ်ပေါက်ခဲ့ပြီး Data အကူးအပြောင်းအနေနဲ့ မြန်နှုန်း 187.5 KB/s ကနေ Full Speed 1.5 MB/s အထိပျှမ်းမျှရရှိနိုင်ပါတယ်...!

❗️USB 1.0 မှာ Type A နဲ့ Type B ဆိုပြီး အဖြူရောင်ခေါင်းနဲ့ Standard Size အဖြစ်၂ မျိုးလာပါတယ်!
💢Printer တွေနဲ့ Scanner တွေမှာအများဆုံးတွေရပါတယ်။

2️⃣USB 2.0 ဆိုရင်တော့ ၂၀၀၁ ခုနှစ်က ပေါ်ပေါက်ခဲ့တာဖြစ်ပြီး Data အကူးအပြောင်းအနေနဲ့ မြန်နှုန်း Hi-Speed 60 MB/s အထိရရှိနိုင်မှာဖြစ်ပါတယ်!

❗️USB 2.0 မှာ Mini Type A နဲ့ Mini Type B ဆိုပြီးတော့ Mini အနေနဲ့ အသစ်ပေါ်ပေါက်လာပါတယ်!

💢နောက်ပိုင်းမှာ Android Phone တွေမှာခေတ်စားလာတဲ့ အားသွင်းခေါင်းပုံစံ Micro AB ဆိုပြီး USB OTG(USB On The Go) Phone နဲ့ Memory Stick ကိုထိုးသုံးလို့ရသည်အထိပေါ်ပေါက်လာပါတယ်!

3️⃣USB 3.0 ကိုတော့ ၂၀၁၁ ခုနှစ်မှာစတင်မိတ်ဆက်ခဲ့တာဖြစ်ပြီး Data အကူးအပြောင်းအနေနဲ့ မြန်နှုန်း 625 MB/s (Super Speed) အထိရရှိနိုင်တယ်လို့ဆိုပါတယ်!

❗️USB 3.0 မှာ Type A နဲ့ Type B ဆိုပြီး များသောအားဖြင့် အပြာရောင်ခေါင်းနဲ့ Standard Size အပြင် Micro B ဆိုပြီးတော့ လည်း Micro Size နဲ့လာပါတယ်!

❗️USB 3.0 Type B ကိုတော့ အခုနောက်ပိုင်းထွက်လာတဲ့ High End Printer တော်တော်များများမှာအသုံးပြုတာတွေ့ရပြီး Micro B ကိုတော့ အခုရေပန်းစားနေတဲ့ External Hard Disk တော်တော်များများမှာပါ၀င်လာပါတယ်!

🍎Apple Device တွေမှာသုံးတဲ့ Thunderbolt တွေရဲ့ အစလို့လည်းပြောလို့ရပါတယ်!

❗️USB 3.0 နောက်မှာလိုက်ပါလာတဲ့ USB 3.1 နဲ့ 3.2 ကိုတော့ 2014 နဲ့ 2017 မှာအသီးသီး ပေါ်ထွက်လာခဲ့တာဖြစ်ပါတယ်!

❗️Data အကူးအပြောင်းအနေနဲ့တော့ မြန်နှုန်း 1.25 GB/s ကနေ 2.5(GB/s) အထိကိုရရှိနိုင်တယ်လို့ဆိုကြပါတယ်!

📱အခုဖုန်းတွေမှာခေတ်စားနေတဲ့ Type C ဆိုတာဖြစ်ပါတယ်!

❗️ပုံစံအနေနဲ့ Full Duplex ဒီဇိုင်းတွေလာတဲ့အတွက် တပ်တဲ့အချိန်မှာ ဘက်ရွေးစရာမလိုပဲ တပ်လို့ရပါတယ်!

⚠️တစ်ခုရှိတာကတော့ USB မှာ ပါ၀င်တဲ့ တစ်ချို့ပစ္စည်းတွေနဲ့ Computer ချိတ်ဆက်အသုံးပြုတဲ့ အခါ Plug and Play မျိုးမဟုတ်ပဲ Computer System နဲ့ Hardware အချိတ်အဆက်ရစေဖို့ Driver မောင်းပေးရတာမျိုးရှိပါတယ် (ဥပမာ - Printer, Computer ခေတ်နှောင်းပစ္စည်းတွေကို USB ခေါင်းပြောင်းနဲ့သုံးစွဲတဲ့အခါတွေမှာ)

❗️USB တွေကို Computer နဲ့ ချိတ်ဆက်သုံးစွဲရုံတင်မက ဖုန်းအားသွင်းတာ၊ DC လျှပ်စစ်လိုအပ်တဲ့ပစ္စည်းတွေကို Power ပေးတာစသဖြင့်အသုံးပြုကြပါတယ်!

❗️DC Voltage ပေးတာအနေနဲ့တော့ အနည်းဆုံး 5 V ကနေစပြီးအများဆုံး 20 V အထိ၊ Current အနေနဲ့တော့ အနည်းဆုံး 100 mA ကနေ အများဆုံး 5A အထိ၊ Power အားသုံးစွဲမှုအနေနဲ့ အနည်းဆုံး 0.5 W ကနေ အများဆုံး 100 W အထိသုံးစွဲနိုင်မှာဖြစ်ပါတယ်!

‼️ဖုန်းအားသွင်း Adapter အများစုကတော့ USB Power ပိုင်းမှာ Voltage 5 V, Current အနေနဲ့တော့ 1 A အနည်းဆုံးကနေ အလယ်အလတ် 2 A ကနေ 3 A အထိ, အမြင့် ဆုံး 5A အထိရရှိနိုင်မှာဖြစ်ပါတယ်!

to original uploder

15/08/2020

***Desktop and UPS***

-ဒီ post ကတော့ Desktop PC တွေနဲ့ တွဲသုံးတဲ့ UPS တွေအကြောင်းပါ။ UPS တွေမှာ stand by ( offline) UPS, line interactive UPS, double conversion online UPS စတာတွေအပြင် အခြားအမျိုးအစားတွေ ရှိသေးပေမဲ့ ကျနော်တို့အားလုံးအသုံးများပြီး common ဖြစ်တဲ့ stand by UPS ( စျေးအသက်သာဆုံး ) နဲ့ line interactive UPS တွေကို အခြေခံပြီးရေးသားထားတာ ဖြစ်ပါတယ်။

-UPS = uninterruptible power supply ဆိုတာ အားလုံးသိကြတဲ့အတိုင်း PC ရဲ့ PSU ကလိုအပ်သမျှတောင်းဆိုတဲ့ Watt ကို စဉ်ဆက်မပြတ်ထောက်ပံ့ပေးနေတဲ့ ပစ္စည်းတမျိုးပါ။
-ဘယ်လောက်ကြာကြာထောက့်ပံ့နေမလဲ ဆိုတာကတော့ သူ့မှာ ပါတဲ့ battery 🔋 အားရှိသလောက်နဲ့၊ သူ့ဆီကနေ ယူသုံးနေတဲ့ လျှပ်စစ်ပစ္စည်းတွေရဲ့ load ပမာဏအပေါ်မူတည်ပါတယ်။

-UPS ပတ်သက်ပြီး ခြေခံ လေ့လာရမည့် အချက် ၄ ခုရှိပါတယ် ။

၁ ) VA Rating
-UPS တွေက VA ဘယ်လောက်ဆိုပြီးလာကြတယ်ဗျ။ ဒီမှာတော့ 650VA, 1200VA, 1250VA ဆိုပြီးအတွေ့များပေမဲ့ 550VA တို့ 1500VA ဆိုတာမျိုးတွေအပြင် အခြား VA မျိုးစုံလည်းရှိကြပါတယ်။ အများစု နားလည်မှုလွဲနေတဲ့ကိစ္စက 650VA ဆိုရင် 650 Watt ၊ 1200VA ဆိုရင် 1200Watt စသဖြင့် ပြောနေရောင်းနေကြတာပါ။ တချို့ UPS တွေက power factor correction ကောင်း၊ အရည်အသွေးကောင်းလှပါတယ်ဆိုရင်တောင် ၈၀% အထိပဲရှိနိုင်ပြီး သာမါန်အားဖြင့်ကတော့ ၆၀% လောက်ပဲ VA to Watt ထွက်နိုင်ပါတယ်။ UPS မှာဖေါ်ပြထားတဲ့ VA အတိုင်း Watt အပြည့် ၁၀၀%ပြောင်းတွက်လို့ရတဲ့ UPS ဆိုတာ မရှိသေးပါဘူး။🤗🤗🤗
-ဒါဆိုရင် 650VA UPS အရည်အသွေးကောင်းရင် 520Watt အထိရနိုင်ပေမဲ့ သာမါန် typical UPS ဆိုရင်တော့ 390Watt ပဲထွက်တာလည်း ဖြစ်နိုင်တယ်ဆိုတာ တွေ့နိုင်ပါတယ်။ ကိုယ့် PC ရဲ့ Watt လိုအပ်ချက်က အဲဒီထက်နည်းတယ်ဆိုရင်တော့ အဆင်ပြေပါတယ်။
-တခါတလေ Watt 500 အတွက်ရည်ရွယ်ပြင်ဆင်ထားတဲ့ PC မှာ 650VA နဲ့ ဘာမှမဖြစ်ပါဘူးဆိုတာက UPS အရည်အသွေးကောင်းလို့ ၈၀% နဲ့ 520Watt အထိ cover ဖြစ်နေတာဖြစ်နိုင်သလို၊ အဖြစ်နိုင်ဆုံးကတော့ PC ရဲ့ အဲဒီအချိန်မှာလိုအပ်တဲ့ Watt က 390 ထက်နည်းနေတာလည်းဖြစ်နိုင်ပါတယ်။🤔🤔🤔

၂ ) Blackout အတွက်ပဲလား?
-တချို့က UPS ဆိုတာ မီးပျက်ရင် PC ပါတန်းရပ်မသွားဖို့ လုပ်ထားတာလို့ပြောလေ့ရှိကြပါတယ်။ မှန်သင့်သလောက်မှန်ပေမဲ့ UPS တွေရဲ့ အရေးအကြီးဆုံး ကဏ္ဍဖြစ်တဲ့ surge protection ဆိုတာကိုပါ ထည့်ပြောမှသာ ပိုမှန်ပါလိမ့်မယ်။ မြန်မာနိုင်ငံလို မီးအားမငြိမ်တဲ့နေရာမှာတော့ ဒီအချက်က ပိုပြီးတော့တောင်အရေးကြီးတယ်ဗျ။ အပေါ်မှာ ဖေါ်ပြခဲ့သလို power factor ကြောင့် UPS တွေရဲ့ Watt ကွာခြားမှုရှိနိုင်ပေမဲ့ surge protection ကတော့ UPS တိုင်းမှာပါကြပါတယ်။ မီးတချက်ဖျတ်ခနဲ အရမ်းလင်းထိန်သွားပြီး အိမ်က TV လောင်သွားလို့ ဆိုတဲ့ သတင်းမျိုးက ကျနော်တို့နဲ့ မစိမ်းကြဘူးလေ။ sensitive အရမ်းဖြစ်တဲ့ အစိတ်အပိုင်းတွေကြောင့်နဲ့ အရေးကြီးလှတဲ့ data အချက်အလက်တွေကြောင့်သာ PC တွေနဲ့တွဲပြီး UPS ကို အစိတ်အပိုင်းတစ်ခု အဖြစ်ယှဉ်တွဲပြောနေကြပေမဲ့ တခြားတန်ဖိုးကြီးပြီး surge protection မပါတဲ့ electronic devices တွေမှာလည်း UPS ကိုသုံးချင်ရင်သုံးလို့ရပါတယ်။ ဒါ့အပြင် UPS တွေက နောက်ထပ် ကျနော့်တို့ဆီမှာ ဖြစ်တတ်ပြန်သေးတဲ့ Brown Out ( voltage သတ်မှတ်ချက်ထက် လျော့ပြီးလာတာ ) မျိုးကိုလည်း ကာကွယ်ပေးပါတယ်။
-( မှတ်ချက်- လေဆာ ပရင်တာလိုမျိုးကတော့ တွဲမသုံးသင့်ဘူးလို့ ဆိုပါတယ်။ ပရင်တာ ပျက်မှာ မဟုတ်ဘူးဗျ။ UPS လောင်သွားနိုင်လို့ပါ။ )😲😲😲

၃ ) Outlet Types
-UPS တွေရဲ့နောက်ဖက်က plug ပေါက်တွေမှာ တခါတလေ bypass outlet တို့ battery outlet တို့ဆိုတာမျိုး၊ battery backup outlet တို့ surge protected outlet တို့ ဆိုတာမျိုးတွေ တွေ့ရင် ဘယ်လိုသုံးရမှာလဲဆိုပြီး စိတ်တော့ နဲနဲရှုပ်မိနိုင်ပါတယ်။ ဒီလိုပါ၊ plug ပေါက်အားလုံးက UPS တွေရဲ့ main function ဖြစ်တဲ့ surge protection ကို လုပ်ဆောင်နိုင်ကြပေမဲ့ UPS ရဲ့ နောက်ထပ် function တစ်ခုဖြစ်တဲ့ မီးပျက်ရင် PC ရဲ့လုပ်ငန်းဆောင်တာတွေ ရပ်မသွားအောင် backup power ပေးတာကိုတော့ plug ပေါက်တိုင်းကလုပ်မပေးနိုင်ပါဘူး။ backup လုပ်ပေးနိုင်တဲ့ plug ပေါက်တွေက အလွယ်ပြောရရင် battery ဆိုတဲ့ စာသားပါတဲ့ plug ပေါက်တွေပါ။🔋🔋🔋
-အဲဒီတော့၊ မီးပျက်သွားရင် လုပ်ငန်းဆောင်တာတွေ လိုက်ရပ်သွားလည်း ပြဿနာမရှိပဲ surge မဖြစ်ရုံပဲကာကွယ်ထားချင်တဲ့ electronic devices ( ဥပမာ- TV, Audio System, Satellite Receiver ) တွေကို battery ဆိုတဲ့ စာသားမပါတဲ့ plug မှာတပ်ပြီးသုံးရင် backup power တော့ မရနိုင်ပေမယ့် မီးအားဆောင့်တက်လို့ လောင်သွားတာမျိုးကိုတော့ ရှောင်ရှားနိုင်ပါလိမ့်မယ်။ PC, Monitor, power ကျွေးရတဲ့ External HDD တို့၊ HDD ပါတဲ့ PS3, PS4, X Box လိုပစ္စည်းမျိုးတွေကတော့ battery plug မှာ သုံးဖို့သင့်တယ်ဗျ။ ဒါက အိမ်သုံးနဲ့ အိမ်မှာ မီးစက်မသုံးရင် အမြန်ဆုံး proper shutdown ပြန်လုပ်နိုင်ဖို့အတွက် ရည်ရွယ်တာပါ။🤗🤗🤗
-မီးပျက်ရင် Generator နဲ့ အချိန်ခဏအတွင်း လျှပ်စစ်ပြန်ရနိုင်တဲ့ Condo တွေ၊ company office တွေမှာဆိုရင်တော့ နောက်တမျိုးစဉ်းစားလို့ရပါတယ်။ အပေါ်မှာ ပြောခဲ့တဲ့ ပစ္စည်းတွေထဲက monitor ကို ဦးစားမပေးနဲ့တော့ပေါ့။ monitor မှာဘာမှမပေါ်တဲ့ အချိန်မှာ PC ကတော့ backup plug ကနေတဆင့် UPS ဆီကနေ မီးရနေအုံးမှာပါ။ Condo တို့ ရုံးတို့က generator တွေ online ပြန်ဖြစ်လို့ monitor အလုပ်ပြန်လုပ်ရင် အားလုံးပုံမှန်ဆက်သုံးရုံပဲပေါ့။👍👍👍

၄ ) Battery Life
-ပုံမှန်အားဖြင့် UPS battery တွေရဲ့ သက်တမ်းက ၃-၅ နှစ်ရှိတယ်လို့ဆိုပါတယ်။ စံနစ်တကျသုံးဖို့တော့လိုတာပေါ့။ ဆေးပုလင်းတွေလိုပဲ ဖြစ်နိုင်ရင် အေးမြခြောက်သွေ့တဲ့နေရာမှာထားပါ။ ဖြစ်နိုင်ရင် Energy Saving Devices တွေကို သုံးပါ။ ဖုံသန့်ရှင်းရေး မကြာခဏလုပ်ပေးပါ။ ပါတ်ဝန်းကျင် အပူချိန် ၂၅ ဒီဂရီ စင်တီဂရိတ်လောက်မှာ ထားပြီးသုံးပါ။ ( Aircon ခန်းထဲမှာ သုံးနိုင်တဲ့တဲ့သူတွေကတော့ ပိုအဆင်ပြေတာပေါ့ဗျာ )။ UPS တွေနဲ့ပါတ်သက်လို့ USA ကနာမည်ကျော် EATON ကုမ္ပဏီရဲ့ အဆိုအရ UPS တွေရဲ့ ပါတ်ဝန်းကျင် စံအပူချိန်က ၂၀-၂၅ လို့ဆိုပါတယ်။ စံအပူချိန် ၂၅ ဒီဂရီ စင်တီဂရိတ်ကနေပြီး ၈.၃ ဒီဂရီ ပိုများတဲ့ annual အပူချိန်မှာ UPS Battery တွေရဲ့ သက်တမ်းကို ၅၀% လျော့ကျစေပါတယ်တဲ့။ တိုက်တိုက်ဆိုင်ဆိုင်ပဲ ဆိုရမလား ကျနော်တို့ပဲ ကံဆိုးတယ်ပြောရမလား မြန်မာနိုင်ငံ ဒေသ အများစုရဲ့အပူချိန်ကလည်း ၃၂-၃၃ လောက်ကတော့ ပုံမှန်ရှိနေကြဆိုတော့ ၃-၅ နှစ်လောက်သက်တမ်းရှိနိုင်တယ်ဆိုတဲ့ UPS Battery က ၁နှစ်ခွဲ-၂နှစ်ခွဲလောက်ပဲသက်တမ်းကျန်ပြီပေါ့။ ဆိုတော့၊ ဒီမှာ Warranty ၁ နှစ်လောက်ပဲပေးလေ့ရှိကြတာ သဘာဝကျတယ်လို့ ဆိုရမယ်ဗျ။👍👍👍

UPS ဝယ်တော့မယ်ဆိုရင်-

၁ ) VA Rating မှာဖေါ်ပြထားတာကို ၆၀% ပဲယူပြီး Watt ကိုတွက်ယူပါ။ အချို့ Brand တွေမှာ တခါတည်းတွက်ပေးထားပြီးရောင်းတာလည်းရှိပါတယ်။ ဥပမာ- 1200VA (720Watt) ဆိုတာမျိုးပါ။
၂ ) VVIP ရပ်ကွက်မိုလို့ မီးဘယ်တော့မှ မပျက်ဘူးဆိုရင်တောင် လေပြင်းတိုက်လို့ပဲဖြစ်ဖြစ်၊ တနေရာရာ ( Transformer or power line ) က Fault ဖြစ်ရင်ဖြစ်ဖြစ် Surge ဖြစ်တဲ့အခါ UPS ကကာကွယ်ပေးပါလိမ့်မယ်။
၃ ) UPS မှာ Battery Backup အပေါက်ကို PC ကတော့ မဖြစ်မနေတပ်ရမယ်ဆိုတာ သတိပြုပါ။
၄ ) UPS Battery သက်တမ်းကို ၁ နှစ်ခွဲနဲ့ ၂ နှစ်ကြားလောက်ပဲ မှန်းထားပါ။ စျေးအသက်သာဆုံး Stand By UPS ( Offline UPS )ကိုတောင် အဲဒီသက်တမ်းလောက်တော့သုံးနိုင်ပါလိမ့်မယ်။ နဲနဲလောက် ငွေပိုသုံးနိုင်ရင်တော့ Line Interactive UPS ကိုဝယ်ပါ။ သူ့မှာသုံးတဲ့ စံနစ်က Battery သက်တမ်းကို အနည်းငယ်ပိုကြာကြာခံနိုင်စေပါတယ်။

ဖတ်ရှုအားပေး ဝေမျှပေးခဲ့သူအားလုံးကို အထူးပဲကျေးဇူးတင်ပါတယ်။

to original uploder

14/08/2020

Monitor တစ်လုံး ရွေးချယ်ရာတွင်
----------------------------------------

အခုနောက်ပိုင်းမှာ CRT မော်နီတာတွေရဲ့ နေရာကို LCD မော်နီတာတွေက အစားထိုး ဝင်ရောက်နေရာယူလိုက် ပြီ ဖြစ် ပါတယ်။ LCD မော်နီတာတွေ ဝယ်ယူတဲ့အခါမှာ အောက်ပါ အချက် (၇) ချက်ပေါ် အဓိကထား နှိုင်းယှဉ် ပြီး ဝယ်ယူသင့်ပါတယ်။

အဲဒါတွေကတော့

(1) Resolution

(2) Contract Ratio

(3) Monitor Ratio

(4) Response Time

(5) View Angle

(6) Port (DVI/VGA) နဲ့

(7) Warranty တို့ပဲ ဖြစ်ပါတယ်။

အခုဖော်ပြပေးထားတဲ့ အချက်တွေနဲ့ ပတ်သက်တဲ့ သိရှိထားသင့်တာတွေ ကို ရေးသားဖော်ပြပေးလိုက်ပါတယ်။

အသေးစိတ်ကို အောက်မှာ ဆက်လက်လေ့လာပါ...

(1) Resolution

Resolution ဆိုတာကတော့ မော်နီတာပေါ်မှာ ပုံဖော်ပေးနိုင်မယ့် အစက်အပြောက်အရေအတွက်ပဲ ဖြစ်ပါတယ်။ resolution များလေ မော်နီတာရဲ့ ကြည်လင်ပြတ်သားမှု ပိုကောင်းလေပါပဲ။ resolution ကို pixel ပမာဏ နဲ့ ဖော်ပြ ပေးပါတယ်။ ဥပမာ မော်နီတာရဲ့ resolution 1280 x 1024 megapixel ဆိုရင် အဲဒီနှစ်ခု ကို မြှောက်ရန် မော်နီတာမှာ ပုံဖော်ပေးမယ့် အစက်အရေအတွက် ရပါတယ်။

(2) Contract Ratio

Contract Ratio ဆိုတာကတော့ ပုံရိပ်ဖော်ရာမှာ အသုံးပြုတဲ့ အစက်အပြောက် တစ်ခုချင်းစီရဲ့ အတောက်ပဆုံး အဖြူရောင်နဲ့ အနက်ရောင်စစ်စစ်တို့ကို ဘယ်လောက်အထိ ရလဲဆိုတာကို တိုင်းတာတဲ့ အတိုင်းပဲဖြစ်ပါတယ်။ Contract Ratio ကွာခြားချက် တန်ဖိုးမြင့်လေ ဖော်ပြတဲ့ ပုံရိပ်ရဲ့ ကြည်လင်တောက်ပမှု ပိုအားကောင်းလေ ဖြစ်ပါ တယ်။ စကရင် ဆိုဒ်အရွယ်အစား တူညီတဲ့ အမျိုးအစားမတူတဲ့ မော်နီတာ နှစ်မျိုးကို ရွေးချယ်တဲ့ အခါမှာတော့ Contract Ratio ပိုများတာကို ရွေးချယ်သင့်ပါတယ်။

(3) Monitor Ratio

Monitor Ratio ဆိုတာကတော့ မော်နီတာရဲ့ အလျားနဲ့ အနံအချိုးကို ဆိုလိုတာဖြစ်ပြီး အခုဈေးကွက်ထဲမှာရှိ တဲ့ မော်နီတာတွေမှာ square view နဲ့ wide view ဆိုပြီး နှစ်မျိုး တွေ့နိုင်မှာ ဖြစ်ပါတယ်။ wide view အချိုးမှာတော့ 16:10 နဲ့ 16:9 ဆိုပြီး နှစ်မျိုးရှိပြီး square view အချိုးကတော့ 4:3 ဖြစ်ပါတယ်။ 4:3 ကတော့ CRT မော်နီတာတွေ မှာသုံးတဲ့ အချိုးအစားဖြစ်ပြီး ရုံးလုပ်ငန်းသုံးအတွက် သင့်တော်ပါတယ်။ Wide view ကတော့ ရုပ်ရှင်ကြည့်တာမျိုးနဲ့ Multi-media လုပ်ငန်းသုံးအတွက် အထူးသင့်လျော်ပါတယ်။

(4) Response Time

မော်နီတာပေါ်မှာ ပုံရိပ်ဖော်ဖို့အတွက် pixel လေးတွေကို အဖွင့်အပိတ်ပြုလုပ်ပေးရပါတယ်။ အဲဒီလိုလုပ်ပေးရာမှာ ဘယ်လောက်မြန်မြန် လုပ်နိုင်သလဲဆိုတာကို တိုင်းတာတဲ့ အတိုင်းအတာပဲ ဖြစ်ပါတယ်။ Response Time နည်းပါက ပိုမိုကောင်းမွန်ပါတယ်။ အခုဈေးကွက်ထဲမှာတွေ့နေရတဲ့ မော်နီတာအများစုကတော့ 2ms, 5ms, 7ms စတာတွေရှိပါတယ်။ 2 milli second (2ms) ဆိုရင် Response Time က တစ်စက္ကန့်ရဲ့ တစ်ထောင်ပုံနှစ်ပုံ ကြာတာကို ဆိုလိုတာဖြစ်ပါတယ်။

(5) View Angle

Verticle View Angle နဲ့ Horizonal View Angle ဆိုပြီး နှစ်မျိုးရှိပါတယ်။ မော်နီတာရဲ့ မျက်နှာပြင်ကို ဘေးစောင်း ကနေ ဘယ်လောက်ထိကြည့်လို့ရသလဲနဲ့ အပေါ်အောက် ဘယ်လောက်ထိ စောင်းကြည့်နိုင်လဲဆိုတာကို တိုင်း တာတဲ့ အတိုင်းအတာဖြစ်ပါတယ်။ View Angle ကျဉ်းရင် ဘေးစောင်းကြည့်တဲ့အခါ မော်နီတာမျက်နှာပြင်က မည်းနေပါ လိမ့်မယ်။ View Angle ကျယ်လေ ပိုကောင်းလေ ဖြစ်ပါတယ်။

(6) Port

မော်နီတာ ဝယ်ယူတဲ့အခါမှာ ဘယ်လို Port တွေနဲ့ချိတ်ဆက်အသုံးပြုလို့ရလဲဆိုတာကိုပါ သိရှိဖို့လိုပါတယ်။ DVI port နဲ့ VGA port ဆိုပြီး နှစ်မျိုးရှိပါတယ်။ DVI port ကတော့ ဒစ်ဂျစ်တယ်ကနေ ဒစ်ဂျစ်တယ်ကို တိုက်ရိုက် output အနေနဲ့ ထုတ်ပေးတဲ့အတွက် VGA port ထက်ပိုကောင်းပါတယ်။ သင့်ရဲ့ system unit မှာ DVI output ပါတယ်ဆိုရင်တော့ DVI port ပါတဲ့ မော်နီတာကို ရွေးချယ်ဝယ်ယူသင့်ပါတယ်။ အခုနောက်ပိုင်းမှာပေါ့ HD အရည်အသွေးတိုင်း ထောက်ပံ့ပေးနိုင်တဲ့ HDMI port ပါဝင်တဲ့ အမျိုးအစားတွေလည်း ဝင်ရောက်လာပါတယ်။

(7) Warranty

Warranty ကိုတော့ ဝယ်ယူတဲ့အခါမှာ သေချာမေးဝယ်သင့်ပါတယ်။ တချို့တွေက Warranty သုံးနှစ်လို့ ပြောပေမယ့် ဆားဗစ်ပဲ ပေးတာမျိုးရှိပါတယ်။ ဥပမာ - Warranty သုံးနှစ်ဆိုပါစို့။ Warranty ကို ဆားဗစ်ရော အစိတ်အပိုင်း (parts) နှစ်မျိုးလုံး သုံးနှစ် ပေးတာလား၊ LCD panel ကိုရော သုံးနှစ်ပေးတာလားဆိုတာကို သေချာမေးပြီး ဝယ်ယူသင့်ပါတယ်။

Video ဖြင့် လေ့လာကြည့်ဖို့ရာ.. Video play now

Computer Monitor တွေရဲ့ Refresh Rate တွေကအရေးပါသလား?

60Hz ~ 144 Hz ~ 240Hz
_____________________________

Monitor အသစ်တစ်လုံးဝယ်တဲ့ အခါမှာ စဉ်းစားစရာ အချက်တွေက screen size, resolution, aspect ratio တွေပဲဖြစ်ပါတယ်။ အဲ့ဒီအချက်တွေတင်မကသေးပဲ နောက်တစ်ချက် ဖြစ်တဲ့ refresh rate ဆိုတာကို ကျွန်တော်တို့ကြားဖူးကြပါတယ်။ ကဲဒါဆိုရင် refresh rate ဆိုတာဘာလည်း ဆိုတာကိုအနည်းနဲ့အများ သိရှိသွားအောင် ရေးသားလိုက်ပါတယ်။

Refresh rate ဆိုတာဘာလဲ?
__________________

Monitor တစ်လုံးရဲ့ refresh rate ဆိုတာက တစ်စက္ကန့်ကို မော်နီတာပေါ်မှာ မြင်နေရတဲ့ ပုံဘယ်နှစ်ကြိမ်ပြောင်းလည်းသလဲဆိုတာကို တိုင်းတဲ့အတိုင်းအတာပဲဖြစ်ပါတယ်။ အဲ့ဒါကို Hertz(Hz) ဆိုတာနဲ့တိုင်းပါတယ်။ Refresh rate ဆိုတာ frame rate ကိုပြောတာမဟုတ်ပါဘူး။ Frame rate ဆိုတာက program တစ်ခုကနေ သင့် display ကို တစ်စက္ကန့်အတွင်း ပေးပို့တဲ့ video frame ပမာဏကိုပြောတာပါ။ အဲ့ဒီပေးပို့လိုက်တဲ့ frame တွေကို တစ်က္ကန့်အတွင်း ဘယ်နှစ်ကြိမ် update လုပ်ပြီးပြနိုင်လဲဆိုတဲ့ နှုန်းကိုတော့ “Monitor Refresh Rate” လို့ဆိုပါတယ်။ ဥပမာ game တစ်မျိုးက 100FPS(Frame Per Second) နဲ့ runနေတယ်ဆိုရင် refresh rate များတဲ့ monitor နဲ့ဆိုရင် လှုပ်ရှားမှုတွေကို ပိုမိုချောချောမွတ်မွတ် မြင်တွေ့ရမှာပါ။ ပုံမှန် monitor တွေဟာ refresh rate 60Hz နဲ့ပါ။ ဒါပေမဲ့ တခြား rate တွေဖြစ်တဲ့ 144Hz၊ 240Hz နဲ့ monitor တွေလည်းရှိပါတယ်။
Refresh rate တွေကဘယ်အချိန်မှအရေးပါတာလည်း?
_______________

Game နဲ့ ရုပ်ရှင်ကြည့်တာတွေကို ကောင်းကောင်းမွန်မွန်ကြည့်ချင်ရင် refresh rate များတဲ့ monitor ဝယ်လိုက်ရုံပဲလား?။ မဟုတ်ပါဘူး။ အပေါ်ကပြောသလိုပဲ refresh rate ဆိုတာ frame rate မဟုတ်ပါဘူး။ အဲ့ဒီ frame တွေကို ဘယ်လောက်မြန်မြန် update လုပ်နိုင်သလဲဆိုတာပါ။ Game နဲ့ Video တွေ Smooth ဖြစ်တာက frame rate တွေကြာင့်လည်းပါပါတယ်။ အဲ့ဒီတော့ Refresh များတဲ့ monitor တွေကိုဝယ်မယ်ဆိုရင် အဲ့ဒီ refresh rate ကိုကောင်းကောင်း အသုံးချဖို့ သင့် computer က frame rate များများပို့ပေးနိုင်ဖို့လိုပါတယ်။ Productivity Application တွေဖြစ်တဲ့ Microsoft Officeတို့၊ Photoshop ( Animation မလုပ်ရင် ) စတဲ့ Application များစုနဲ့၊ Video တွေကြည့်တဲ့အခါမှာတော့ refresh rate ကလုံး၀ အရေး မပါပါဘူး။ Video အများစုက 24FPs နဲ့သွားတာဖြစ်လို့ 60Hz monitor တိုင်းကောင်းကောင်းနိုင်ပါတယ်။ ဒါပေမဲ့ Video တိုင်းကတော့ 24FPs နဲ့မဟုတ်ဘူးဆိုတာ သတိပြုစေလိုပါတယ်။
Refresh Rate တွေတကယ့် အရေးပါတဲ့ နေရာက Game ကစားတဲ့အခါမှာပါ။ ဘာလို့လည်းဆိုတော့ Graphics ကဒ်ကောင်းကောင်းတွေက FPSအများကြီးထုတ်တတ်ပါတယ်။ အဲ့ဒီတော့ 60Hz refresh rate ထက်များတဲ့ monitor တွေနဲ့မှ 100 FPs နဲ့ အထက် game တွေကိုကစားရ တာကောင်းမှာပါ။ 60Hz refresh rate ပဲရှိတဲ့ mointor မှာ graphic card ကောင်းလို့ FPs များများလာတဲ့ဂိမ်း (ဥပမာ - 60Fps အထက်) တွေကို display ပြရင် screen ပေါ်မှာ ပြတဲ့ပုံက အပိုင်းပိုင်းပြတ်နေတာတွေရှိမှာပါ။
အဲ့ဒါကို "screen tearing” လို့လူသိများပါတယ်။
နောက်ဆုံး အနေနဲ့ monitor ဝယ်တဲ့အခါမှာ ဘယ်လောက် refresh rate ကိုဝယ်ရမလဲဆိုတာက ကိုယ်ဘာအတွက် ဒီ monitor ကိုအသုံးပြုမှာလည်းဆိုတာအပေါ်မူတည်ပါတယ်။ သာမန် သုံးပဲဆိုရင်တော့ 60Hz ကသင့်တော်ပါတယ်။ Refresh rate ကိုထည့်စဉ်းစားဖို့ လိုတဲ့သူတွေကတော့ တကယ့် serious ဖြစ်တဲ့ gamer တွေပဲများပါတယ်။ သာမန်အသုံးပြုသူတွေ၊ ဂိမ်းကိုရံဖန်ရံခါသာကစားသူတွေအတွက်ကတော့ အဲ့ဒီလောက် 60Hz ထက်ပိုမလို့လောက်ဘူးလို့ ယူဆလို့ရပါတယ်။ ဖတ်ပေးတဲ့အတွက်ကျေးဇူးတင်ပါတယ်။ စားလုံးပေါင်းမှားတာတွေ၊ typo တွေပါသွားရင် သည်းခံပေးပါ။

Screen Resolution နဲ့ ပတ်သက်ပြီး Monitors အကြောင်း အမေးများတဲ့ မေးခွန်းလေးတွေရဲ့ အဖြေကို အောက်ပါ စာလေးကို ဆုံးအောင်ဖတ်ကြည့်ခြင်းဖြင့် အတန်အသင့် နားလည်သွားမယ်လို့ ယူဆမိပါတယ်😊
=====================
Screen တွေမှာရှိတဲ့ resolutionတွေဖြစ်တဲ့ 720p, 1080p, 1440p, 2K, 4K နဲ့ 8K စတာတွေကတစ်ခုနဲ့တစ်ခု ဘာကွာသလဲ?
Resolution ဆိုတာကို screen တစ်ခုမှာရှိတဲ့ pixel စုစုပေါင်း ရဲ့အရေအတွက်လို့သုံးရင်မှားပါတယ်။ အမှန်တကယ်မှာတော့ resolution ဆိုတာ တစ်ယူနစ် area မှာရှိတဲ့ pixel အရည်အတွက်ကိုပြောတာပါ။ နောက်ထပ်တစ်ခုဖြစ်တဲ့ PPI (pixel per inch) ဆိုတဲ့ တာကတော့ pixel လေးတွေဘယ်လောက်သိပ်သိပ်သည်းသည်းရှိနေသလဲဆိုတာကိုပြတဲ့ အတိုင်းအတာဖြစ်ပါတယ်။ Resolution တွေမှာ p နဲ့ I ဆိုပြီးတော့ နောက်ဆုံး စာလုံးနှစ်မျိုးကို သင်မြင်ဖူးကောင်း မြင်ဖူးပါလိမ့်မယ်။ P ကတော့ progressive display ကိုပြောတာဖြစ်ပြီးတော့ I ကတော့ interlaced display ကိုပြောတာပါ။ သူတို့နှစ်ခုရဲ့ကွာခြားချက်ကတော့ ရုပ်ပုံတွေကို ဖန်သားပြင်ပေါ်မှာ ပြတဲ့နည်းလမ်းပါ။
High-definition TV တွေ monitor တွေစထွက်တဲ့ အချိန်မှာတော့ ထုတ်လုပ်သူတွေဟာ သူတို့ရဲ့ ထုတ်ကုန်တွေကို အသုံးပြုသူတွေအလွယ်သိရှိအောင်ဆိုပြီးတော့ 720p, 1080p, 1440p, 2K, 4K နဲ့ 8K ဆိုပြီးတော့ အဲ့ဒီ screen တွေရဲ့ display resolution တွေကို အလွယ်နည်းနဲ့ ဖော်ပြလာပါတော့တယ်။ ဒီလိုဖော်ပြတဲ့နေရာမှာ TV တွေရော computer monitor တွေရောကိုပါ ဖော်ပြကြပါတယ်။
Resolution ကို အလျားအလိုက် စီထားတဲ့ pixel အရေအတွက်နဲ့ ဒေါင်လိုက် စီထားတဲ့ pixel အရေအတွက် များရဲ့ မြှောက်လဒ်များ အဖြစ်ဖော်ပြပါတယ်။ ဥပမာ အနေနဲ့ဆိုရင်တော့ 640 x 480 = 307200 pixels ။
720p = 1280 x 720 – ကို HD သို့ “HD ready” resolution လို့သိရှိကြပါတယ်။
------
1080p = 1920 x 1080 - ကိုတော့ FHD ဒါမှမဟုတ် "Full HD" resolution ဖြစ်ပါတယ်။
------
1440p = 2560 x 1440 - ကိုတော့ QHD ဒါမှမဟုတ် Quad HD resolution လို့လူသိများပါတယ်။ ဒီလို screen တွေကိုတော့ gaming monitor တွေနဲ့ high-end ဖုန်းတွေမှာတွေ့ရတတ်ပါတယ်။ 1440p ဟာ HD သို့ “HD ready” resolution ရဲ့ 4 ဆဖြစ်ပြီးတော့ တချို့ premium ဖုန်းတွေမှာဆိုရင် 2960x1440 Quad HD+ resolution နဲ့တောင်မှ လာကြပါတယ်။
------
4K or 2160p = 3840 x 2160 -ကိုတော့ 4K, UHD or Ultra HD resolution လို့လူသိများပြီး premium TV တွေနဲ့ monitor တွေမှာ တွေ့ရတတ်ပါတယ်။ ဒီကောင့်ကို 4K လို့ခေါ်ရတဲ့ အကြာင်းကတော့ သူ့ရဲ့ အကျယ်က 4000 pixels နားကပ်နေလို့ပါ။ 1080p FHD or "Full HD." ရဲ့ pixel အရေအတွက်ထက် 4ဆ ပိုများပါတယ်။
------
8K လည်းရှိပါသေးတယ်။ 8K ကတော့ pixel 7680 x 4320 ရှိပါတယ်။
ကိုယ့် screen မှာရှိတဲ့ resolution ထက်ပိုတဲ့ video တွေကိုကြည့်လို့ရပါ့မလား?
========
ရပါတယ်။ သင့် screen က 720p ပဲရှိတယ်လို့ ဥပမာဆိုကြပါဆို့။ သင်ဟာ 1080p ရှိတဲ့ video တစ်ခုကို ကြည့်လို့ရပါတယ်။ သင့် display ဟာ downsampling ဆိုတဲ့နည်းပညာကိုသုံးပြီးတော့ သင့် resolution နဲ့ကိုက်ညီအောင် video resolution ကိုလိုက်ညှိပေးမှာဖြစ်ပါတယ်။ အဲ့ဒီတော့ သင့်မှာ 720p ပဲရှိပြီးတော့ 4K video ကိုကြည့်လည်း သင်က 720p ကိုပဲမြင်ရမှာဖြစ်ပါတယ်။
သင့်မှာ ရှိတဲ့ resolution ?
=======
http://whatismyscreenresolution.net/ ဆိုတဲ့ အင်တာနက် စာမျက်နှာကို သွားရောက်ခြင်းအားဖြင့် သင့် screen resolution ကိုသိရှိနိုင်မှာဖြစ်ပါတယ်။ တခြားနည်းလမ်းတွေလည်းရှိပါသေးတယ်။ အလွယ်ဆုံးနဲ့ အမြန်ဆုံးကို ဖော်ပြထားတာဖြစ်ပါတယ်။

to original uploder

13/08/2020

Graphic အကြောင်း လေ့လာကြည့်ရအောင်...💻........,..........................................................................................

Monitor ပေါ်မှာ မြင်ရတဲ့ စာသားတွေ ပုံတွေကို pixel လေးတွေနဲ့ ဖွဲ့စည်းထားပါတယ်။ ဒီလို pixel တွေ ဖြစ်လာမို့ computer အစိတ်အပိုင်း 3ခု အလုပ်လုပ်ရပါတယ်။

1. CPU
2. Graphic
3. VRAM (video RAM)

ကဲ ဘယ်လိုအလုပ်လုပ်ကြလဲပေါ့......???

CPU က image နဲ့ ပတ်သက်တဲ့ information (binary data)တွေကို Graphic ဆီပို့ပေးပါတယ်။ Graphic က ရလာတဲ့ information (binary data) ကို pxiel အဖြစ်ပြောင်းပေးပြီး monitor ဆီ output ထုတ်ပေးပါတယ်။ vRAM က pxiel တို့ Graphic က ထုတ်ပေးလိုက်တဲ့ image. text တွေကို ခနသိမ်းထားပေးပါတယ်။ onboard မှာ တော့ vRAM ကို mani RAM ကနေ ယူသုံးပါတယ်။ Graphic တွေမှာတော့ သီးသန့်ပါတာ ရှိပါတယ်။

ကဲ ခု Graphic တွေဘယ်လိုအလုပ်လုပ်လဲ သိပီးဆိုတော့....
Grpahic Card တွေအကြောင်းဆက်ပါမယ်။

Graphic လို့ပြောရရင် 2D ကော 3D ပါ,ပါတယ်။ Graphic Card တွေကို 3D rendering အတွက် ရည်ရွယ်ပြီး ထုတ်ခဲ့တာပါ။ 3D image တွေဟာ polygon တွေနဲ့ ဖွဲ့စည်းထားပါတယ်။ GPU က 3D image တွေကို ဖော်ပြပေးရန်လိုအပ်တဲ့ pixel တွေကို ဘယ်လို ordering လုပ်မလဲဆိုတာ တွက်ချက်ပေးရပါတယ်။ 3D rendering ကောင်းကောင်းလုပ်မယ်ဆိုရင် CPU ကော GPU ပါ performance ကောင်းမို့ လိုအပ်ပါတယ်။ ဘာလို့လဲဆိုတော့ image အတွက် imformation(binary data) ကို CPU က GPU ကို ပို့ပေးရပီး GPU က ရလာတဲ့ information(binary data) တွေကို rendering လုပ်ပေးရပါတယ်။

Graphic Card တခုမှာ အခြေခံအားဖြင့်
1. GPU
2. vRAM

GPU (Graphic Processing Unit) က rendering အပိုင်း လုပ်ပါတယ်။ အချို့ GPU တွေမှာ ပါတဲ့ Transistor အရေအတွက်ဟာ CPU မှာပါတဲ့ Transistor ထက်တောင် ပိုများပါတယ်။ ဒီတော့ အပူပို ထွက်တဲ့အတွက် Heat Sink. or Fan တွေ သုံးပေးထားရပါတယ်။ vRAM က Rendering လုပ်ပီး ထွက်လာတဲ့ data (pixel or complete image) ကို temporary store ထားပေးပါတယ်။

Image Quality ကောင်းရန် GPU တွေဟာ အောက်ပါ process တွေနဲ့ အလုပ်လုပ်ပါတယ်။

1. Full Sense Anti Aliasing (FSAA)
3D object ရဲ့ အနားစွန်းလေးကို smoothes အောင် လုပ်ပေးပါတယ်။
2. Anisotropic Filtering (AF)
သူက ပုံရိပ်တွေကို ပြတ်သားထင်ရှားအောင် လုပ်ပေးပါတယ်။

GPU က rendering လုပ်နေချိန်မှာ data တွေ temporary store လုပ်ရန် vRAM ကို အသုံးပြုပါတယ်။ rendering လုပ်နေတဲ့ image complete မဖြစ်ခင်မှာ ရလာတဲ့ uncompleted data တွေကို vRAM ထဲမှာ store လုပ်တဲ့အတွက် vRAM ကို Frame Buffer လို့လည်း ခေါ်ပါတယ်။ vRAM က high speed နဲ့ အလုပ်လုပ်နိုင်ပြီး read & write တပြိုင်နက်လုပ်နိုင်တဲ့ Dual ported technology ကို အသုံးပြုထားပါတယ်။
ထို့နောက် vRAM မှာရှိတဲ့ complete image တွေကို Monitor ဆီပို့ပေးနိုင်ရန် DAC (Digital to Analog Converter) ကို အသုံးပြုပါတယ် vRAM နဲ့ DAC တိုက်ရိုက်ချိတ်ဆက်ထားပြီး Monitor ဆီ image တွေ မပို့ခင် Analog signal (VGA or DVI-A) ပြောင်းပေးရပါတယ်။DAC ကို RAMDAC လို့လည်း ခေါ်ကြပါတယ်။ RAMDAC တခုထက်ပိုပါတဲ့ Graphic Card တွေဟာ Monitor တခုထက်ပိုပီး အသုံးပြုလို့ရပါတယ်။

The Evolution of Graphic

Monochrome Display Adapter (MDA)
1981 မှာ IBM က Monochrome Display Adapter လို့ခေါ်တဲ့ Graphic Card ကို introduce လုပ်ခဲ့ပါတယ်။ သူက text only သာ ပြပေးနိုင်ပြီး green or white color text တွေကို black screen ပေါ်မှာ ဖော်ပြပေးတာ ဖြစ်ပါတယ်။

Video Graphic Array (VGA)
color ပေါင်း 256 color ထိ အလုပ်လုပ်နိုင်ပါတယ်။

Quantam Extended Graphic Array (QXGA)
QXGA graphic card တွေဟာ high resolution (up to 2040 x 1536) တွေပဲ ဖြစ်ပါတယ်။

Graphic Card တွေ

1. PCI (old technology)
2. AGP (old technology)
3. PCIe (present)

စသည့် slot တွေမှာ စိုက်ပီး အသုံးပြုခဲ့ကြပါတယ်။

Graphic Card တွေမှာ Monitor connector နှစ်ခုပါတတ်ကြပါတယ်။ Monitor ကတော့ တလုံးပဲ ချိတ်ပီး သုံးရပါတယ်။ အကယ်၍ Graphic Card တစ်ကဒ် ကို Monitor နှစ်လုံးနှင့် ချိတ်ချင်ရင် Dual Head Capabilities ပါတဲ့ ကဒ်ဝယ်ရမှာ ဖြစ်ပါတယ်။ PCIe တွေမှာတော့ Monitor လေးလုံးအထိ ချိတ်ဆက်နိုင်ပါတယ်။

Graphic Card တွေကို APIs (Open GL or DirectX) library file တွေက manipulate လုပ်ပေးပါတယ်။

Open GL (OpeN Graphic Library) - for cross plateform
Directx - for Microsoft

Graphic Card တွေကို Frame rate (FPs) နဲ့ တိုင်းတာပါတယ်။ FPS ဆိုတာ 1 စက္ကန့်မှာ Graphic Card က ပြပေးနိုင်တဲ့ Frame အရေအတွက်ဖြစ်ပါတယ်။ Human Eye က 1စက္ကန့်မှာ 25FPS အထိ အလုပ်လုပ်နိုင်ပါတယ်။ fast action တခု smooth animation and scrolling ဖြစ်မို့ 1စက္ကန်မှာ 60FPS လိုအပ်ပါတယ်။

Frame Rate မှာ

1. Triangles or Vertices Per Second (for 3D)
2. Pixel Full Rate တို့ ပါဝင်ပါတယ်။

Graphic Card ရွေးမယ်ဆိုရင်

1. GPU clock speed (MHz)
2. Amount of available memory (MB)
3. Memory clock rate (MHz)
4. Size of the memory bus (bits)
5. Memory bandwidth (GB/s)

တို့ဖြင့် ရွေးချယ်နိုင်ပါတယ်။

Graphic Cards တွေကို
1. Nvidia
2. AMD တို့က ထုတ်လုပ်ပါတယ်။

အချို့သော performance မြင့် graphic တွေမှာ power သီးသန့် ပေးမို့ လိုအပ်ပါတယ်။

Nvidia က SLI (Scalable Link Inteface) ကိုသုံးပြီး
AMD က CrossFire ကို အသုံးပြီးပါတယ်။
SlI ကော Cross Fire ကော Parallel အလုပ်လုပ်ပါတယ်။

Crd to original uploder

Address

လမ်း ၃၀ ၊ ပြင်ဦးလွင်/မန္တလေး လမ်းအနီး ၊ ချမ်းမြသာစည်မြို့နယ် ၊
Mandalay

Opening Hours

Monday	06:00 - 20:00
Tuesday	06:00 - 20:00
Wednesday	06:00 - 20:00
Thursday	06:00 - 20:00
Friday	06:00 - 20:00
Saturday	06:00 - 20:00
Sunday	06:00 - 20:00

Website

facebook.com

Alerts

Be the first to know and let us send you an email when Mr. Ye' posts news and promotions. Your email address will not be used for any other purpose, and you can unsubscribe at any time.