08/09/2024
သစ်တံခါး ဆရာတော်ကြီး၏ ကမ္ဘာမေတ္တာပို့
စာရေးသူ၏အမှာ
ယနေ့ ကမ္ဘာကြီးတွင် မေတ္တာတရားနှင့် သစ္စာ တရားတို့ ခေါင်းပါးနေကြ၏ ဤကဲ့သို့ ခေါင်းပါးမှု တွေကြောင့် ကမ္ဘာ လောကကြီး သည် အကျည်းတန် နေပေ၏ မေတ္တာသည် ကမ္ဘာကို အလှဆုံးခြယ်နိုင် သောတရား လူတစ်ဦး၏ဘဝကို အစိုပြေဆုံးဖန်တီး ပေးနိုင်သော တရား၊ လူသားအပေါင်းတို့အား အချင်း ချင်း ခင်မင်ချစ်ကြည့် စည်းလုံးစေသော တရား...။
မေတ္တာတရား ခေါင်းပါး လေသောအခါ လူ
အချင်းချင်း မယုံကြည်နိုင် ကြတော့ ချစ်ကြည်စွာ မ ပေါင်းနိုင်တော့၊ တစ်ဦး၏ အမှားကို တစ်ဦးက ခွင့် မလွှတ်နိုင်တော့ချေ။ “မေတ္တာ”ခြုံမှ လုံသည် ဟူသော စကားအတိုင်း မေတ္တာ မထုံသောအခါ မပွားများ ကြ သောအခါ မိမိလုံခြုံရေးကိုလည်း စိတ်မချရတော့ ...။
မယုံကြည်နိုင် စိတ်မချနိုင်သည့်အတွက် လက်ဦးမှု မခံရရန် တစ်ဦး၏ နိုင်ငံ နေရပ် ကို ကျန်တစ်ဦးက အဏုမြူ ထိပ်ဖူးများ လက်နက်ပစ္စည်းများ စသော သေကြေစေနိုင်သော စစ်မီးများ တပ်ဆင်ထား ကြ သည်။ တိုက်ချင်းပစ် ဒုံးပျံများဖြင့် ချိန်ရွယ်ထားကြ ၏။ကမ္ဘာကြီးသည် အဏုမြူစစ်ပွဲကြီးသို့ပင် ဦးတည် နေချေပြီ၊ “သစ္စာ” တရား ခေါင်းပါးသည့်အတွက် ကြောင့် လူအချင်းချင်း လိမ်ညာလှည့်စား နေကြ၏ ။ မတရားမှုများကို ကျူးလွန်ဝံ့ကြ၏။ကတိသစ္စာ များ ကို ချိုးဖောက်ဝံ့ကြ၏။ ကံ,ကံ၏ အကျိုးတရားကို မျက်ကွယ်ပြုကြ၏။ ကိုယ်ကျင့်တရားများ ပျက်ပြား လာကြ၏။ တာဝန်ဝတ္တရားများ လစ်ဟင်းလာကြ၏။
“သစ္စာ”ကို မစောင့်ထိန်းကြပါလျှင် ရာသီဥတု ဖောက်ပြန်၍ ရေဘေး၊ လေဘေး၊ မီးဘေး၊ ငတ်မွတ် ခေါင်းပါး အစာရှား မှုဘေး၊ လက်နက်ဘေး၊ ရောဂါ ကပ်ဆိုးဘေး အမျိုးမျိုးတွေ ကျရောက်လာကြတတ် ၏။“မေတ္တာ”နှင့် “သစ္စာ”တရားတို့ကို မျက်ကွယ်ပြု သော သူအား သဘာဝတရား၊ ကံတရားတို့က လျစ် လျူရှုထားမည် မဟုတ်ချေ။ သက်သာခွင့်လည်း ပေး မည် မဟုတ်၊ဖြစ်ရိုးဖြစ်စဉ်သဘာဝအတိုင်းထိုက်တန် သည့် အပါယ်ဘုံသို့ တွန်းပို့လိုက် မည်သာဖြစ်သည်။ သို့အတွက် ယနေ့လူငယ်လူရွယ်များသည် “မေတ္တာ တရား ”နှင့် “သစ္စာတရား” တို့ကို သိထားကြရန်လို၏ ချစ်မြတ်နိုး တတ်ရန်လို၏။ လက်တွေ့အသုံးချတတ် ရန်လို၏။ “မေတ္တာတရား”နှင့်“သစ္စာတရား” တို့သည် လူတစ်ဦး၏ သဘာဝကို အတိုင်းမသိ လှပ ပြည့်စုံ လာစေမည်ဖြစ်၏။ ဘေးရန်ကွာ၍ အေးချမ်းသာယာ မည်ဖြစ်၏။ တန်ဖိုး မဖြတ်နိုင်အောင် တန်ဖိုးမြင့်မြတ် လာစေမည်ဖြစ်၏။ထိုအလှဆုံး မေတ္တာတရား နှင့် အမြတ်ဆုံး သစ္စာတရားတို့ကို လူငယ်လူရွယ်များ အလွယ်တကူ လက်လှမ်းဆွတ်ယူ၍ ရင်ဝယ် ပိုက် ထွေး ယုယနိုင်ကြရန် ရည်သန်လျက် လူတိုင်း နေ့စဉ်, ညစဉ် ပွားများအားထုတ်နိုင်ကြပါစေ။ ပွားများ အား ထုတ်ကြ၍ ဤကမ္ဘာ့မေတ္တာ ကမ္မဋ္ဌာန်း ကျင့်စဉ် လမ်း အား ပေါက်ရောက် အောင်မြင်ကြကာ “သစ္စာ” ဆိုနိုင်ကြပြီး လူတိုင်းလူတိုင်းရဲ့ နှလုံးသားမှာ မေတ္တာ” နှင့် “သစ္စာ”တရားကို ရှင်သန် ဖူးပွင့်နိုင်ကြပြီး ပူပင် သောက ကြောင့်ကြမှုတွေမှ ကင်းဝေးကြစေရန် ဟူ သော ရည်ရွယ်ချက်, ဆောင်ရွက်ချက်ဖြင့် ဤကမ္ဘာ့ မေတ္တာကမ္မဋ္ဌာန်း ကျင့်စဉ် လမ်းစဉ်ကြီးအား ဆရာ တော်ဘုရားကြီးများ ၊ ဝိဇ္ဇာ၊ ဇော်ဂျီ၊ တပသီ နှင့် ရသေ့ ရှစ်သောင်း ဆရာပေါင်းတို့မှ တိုက်တွန်း နှိုးဆော် ၍ ရေးသားစေခြင်း ဖြစ်ပါသည်။ မြို့ ၊ ရွာ၊ ဒေသ တိုင်း၊ နိုင်ငံတိုင်း ၊ ရပ်ကွက်တွေတိုင်း စုပေါင်း ရွတ်ပွား ကြကာ တိုင်းပြည် နှင့် ကမ္ဘာကြီး အအေးဓါတ် မေတ္တာ ဖုံးလွှမ်း၍ ဘေးမသန်းဘဲ ကြောင့်ကြမှု မရှိ ကြပါဘဲ အငတ်ဘေး၊ ရောဂါဘေး၊ လက်နက်ဘေး သေကြေ ပျက်စီးမှုတွေမှ ကင်းဝေးကြပါစေ လို့ မေတ္တာပို့ လွှတ် ကာ “မေတ္တာ” ဓါတ်လွှမ်းခြုံ၍ အောင်မြင်ကြ ပြီး “သစ္စာ”ပြု ကာ အောင်မြင်မှုတွေ ရနိုင်ကြ ပါစေ. . . ။
မေတ္တာတရားကို လက်ကိုင်ထားပြီး
သစ္စာပန္နက်ဖြင့် သတ္တဝါအပေါင်း
အေးစေကြောင်းကို ဆုတောင်းပို့လွှတ်
ကောင်းဒြပ်တို့ဖြင့် ပို့လွှတ်လွှမ်းခြုံ
အထုံတည်ကာ ဆောင်ရွက်ပါမှ
လောက,ကမ္ဘာ အေးချမ်းသာ၏
မေတ္တာ ကမ္မဋ္ဌာန်းသာ လွှမ်းခြုံပါလော့....
စိတ်မှာရွှင်လန်း ဘေးမသန်းပါဘဲ
အေးချမ်းသာယာ ရှိကြပါစေ။
မေတ္တာစေတနာဖြင့် သစ်တံခါးဆရာတော် ဒေါနထေရ်ရှင်
