30/09/2020
စာဖတ်ထားတာကို စဉ်းစားခြင်း
စာဖတ်ပြီးရင် စဉ်းစားချိန်ဆိုတာ လုပ်ပါ။
စာဖတ်တာ ၂ နာရီဆိုရင် စဉ်းစားချိန်ဆိုရင် ၃၀ မိနစ်ပဲထားပါ။
စဉ်းစားမှ ခေါင်းထဲမှာဝင်မှာပါ။
စဉ်းစားချိန်တွင်
၁။ စာထဲတွင်နားမလည်သည့်အရာများကိုစဉ်းစားပါ။
၂။ စာထဲတွင် အသစ်အဆန်းအရာများဆိုသည်များကို စဉ်းစားပါ။
၃။ စာထဲတွင် ဘာကြောင့်ဘယ်လိုဖြစ်တာလဲဆိုတော့ အရာများရှိပါက ထိုအရာများကိုပြန်ရှာပြီး စဉ်းစားပါ။
၄။ စာထဲတွင် ကိုယ်ကြိုက်သည့်အရာများကိုပြန်စဉ်းစားပါ။
၅။ စာထဲတွင်ထူးဆန်းသည့်အရာများကို ပြန်စဉ်းစားပါ။
၆။ စာထဲတွင် အရေးကြီးသည် ၊ နောင်တွင်စာမေးပွဲတွင်ပါနိုင်သည်
အက်ဆေးရေးရာတွင်ပါနိုင်သည်ဆိုတာကို စဉ်းစားပါ။
၇။ စာထဲမှာ ဒီထက်ပိုပြီး လေ့လာရမည်အရာများကိုစဉ်းစားပါ။
၈။ စာထဲမှာ ငါ့ဘဝမှာ အခုချက်ချင်းအသုံးချနိုင်သည်များကို စဉ်းစားပါ။
၉။ စာထဲမှာ အခုအသုံးမချနိုင်ရင်တောင် နောင်တွင်အသုံးချလို့ရသည့်အများကို စာမျက်နှာနှင့်တကွ မှတ်ထားပါ။ နောင်တွင် ဘယ်လိုအသုံးချနိုင်လဲဆိုတာကိုလည်း စဉ်းစားပါ။
၁၀။ စာထဲတွင် ဒီအသစ်သင်လိုက်သောအရာကို အရင်ကကိုယ်သိသည့်အရာများနှင့် ပေါင်းစပ်နိုင်ပြီး ကိုယ်လိုချင်တဲ့ရလဒ်များရအောင် လုပ်နိုင်မလားဆိုတာကိုစဉ်းစားပါ။
( စီးပွားရေးစာအုပ်များ နှင့် သိပ္ပံစာအုပ်များတွင်အသုံးဝင်သည် )
၁၁။ စာဖတ်ပြီးရင်လည်း ကိုယ့်ထင်မြင်ချက်ကို ချရေးပါ။
ကိုယ့်ထင်မြင်ချက်ကို စာပိုဒ်ဘေးနားမှာဖြစ်ဖြစ် ( ကျွန်တော့်ပါမောက္ခတစ်ယောက်ဒီလိုရေးထားတာ သူပေးသည့်ကော်ပီတွင် မြင်ဖူးပါသည် )။ ထင်မြင်ချက်လေးတွေကို စာပိုဒ်ဘေးနားမှာ ရေးထားသင့်ပါသည်။
ကိုယ့်ထင်မြင်ချက်ဆိုတော့ နောင်တွင် ပြန်ဖတ်ရုံနဲ့စဉ်းစားသည့် အတွေးကွင်းဆက် ကို ပြန်လည်မှတ်မိနိုင်ပါသည်။
၁၂။ စာဖတ်ပြီးရင် စာရေးတဲ့သူက ကိုယ့်စိတ်ထဲမှာ ဒီလောက်တောင်ရေးနိုင်တာ ဒီလူ ဒီစာတွေကိုဘယ်လိုရသလဲဆိုတာကို မေးသင့်ပါသည်။
သမိုင်းစာအုပ်တွေဆို အချက်အလက်သက်သေတွေမြင်ရင် ဒါတွေဘယ်ကရတယ်ဆိုတာမေးသင့်ပါသည်။
အမေရိကားနှင့်အင်္ဂလန်က ရေးသောသမိုင်းစာအုပ်တွေနောက်တွင် Bibliography ဆိုတာရှိပါသည်။ တစ်ခါတစ်ရံ Notes, လို့ခေါ်ပါသည်။
အမေရိကန် သုတေသနစာတမ်းတွေတွင် Notes and Bibliography လို့ခေါ်ပါသည်။
ရည်ရွယ်ချက်သည် သမိုင်းဘာသာရပ်တွင် သက်သေတွေကို ဘယ်လိုရသလဲဆိုတာကို အတိအကျ Citation ( ရည်ညွန်းနည်းလမ်း ) ဥပမာ - Chicago Manual Style နှင့် ရေးထားပါသည်။
စာရေးဆရာနာမည်- Last, First. Book Title. City. Publishing House. Year
Grazer, Brian, and Charles Fishman. A Curious Mind: The Secret to a Bigger Life. New York: Simon & Schuster, 2015.
Smith, Zadie. Swing Time. New York: Penguin Press, 2016.
စာရေးဆရာ နောက်ဆုံးနာမည်. ပထမနာမည်. စာအုပ်နာမည်. စာအုပ်ထုတ်သည့်မြို့နာမည်. စာအုပ်တိုက်ဖြစ်ဖြစ် ပုံနှိပ်တိုက်ဖြစ်ဖြစ်. ထုတ်သည့်နှစ် ဖြစ်ပါသည်။
နောက် ကိုယ်ကလေ့လာချင်ရင် သူရေးထားတဲ့အရာကို Library Catalog , ဖြစ်ဖြစ် ၊ Google မှာရှာကြည့်ပါမယ်။
သက်သေကိုဘယ်ကရလဲ။
ရပြီရင် ရတဲ့နေရာက ယုံကြည်နိုင်ရလား။ ဘယ်လိုရတာလား။
စတဲ့တွေးခေါ်စဉ်းစားနည်းတွေ။
ပြောတိုင်ယုံရအောင် လူကအရူးလား။
သက်သေရှိရင် တောင် ဘယ်ကနေရလဲသိရပါမည်။
သိရင်လည်း ရတဲ့နေရာက ယုံကြည်နိုင်လားဆိုတာပေါ့။
ရတဲ့အရာက ဥပမာ- ဒိုင်ယာရီိဆိုရင် ဒိုင်ယာရီတောင် စစ်နည်းတွေရှိပါသည်။
ဥပမာ- ဗိုလ်ချုပ်အောင်ဆန်းဒိုင်ယာရီစာအုပ်ဆိုရင် ပြောတာနဲ့မယုံပါနဲ့။
ဗိုလ်ချုပ်အောင်ဆန်းလက်ရေး ဟုတ်မဟုတ် ရှိပြီးသားတွေနဲ့တိုက်ကြည့်ပါ။ လက်ရေးပညာရှင်တွေရှိပါသည်။ သူတို့နှင့်တိုင်ပင်ပြီးစစ်ကြည့်ပါ။
ရေးထားသောအကြောင်းအရာကိုလည်း ဗိုလ်ချုပ်ဘဝမှာဖြစ်နေသောအရာနှင့် ဗိုလ်ချုပ်ထိုအချိန်တုန်းက အသက်ရှင်နေတုန်းက ဗိုလ်ချုပ်ပတ်ဝန်းကျင် ၊ နေထိုင်သောနိုင်ငံမှာဖြစ်နေသော အရာတွေနှင့် ကိုက်မကိုက် နှိုင်းယှဉ်ကြည့်ပါ။
ပြီးရင် စာရွက်ကို Radioactive Carbon Dating ဆိုသည့် စာရွက်ရဲ့အသက်ကို
သိအောင်လုပ်လို့ရတဲ့နည်းလမ်းရှိပါသည်။
Chemistry တွင်
Radioactive Carbon Dating ဆိုတာ သင်ရပါလိမ့်မည်။
Radioactive Carbon Dating ကိုသုံးပြီး အသက်ကိုခန့်မှန်းလို့ ရပါသည်။
ဗိုလ်ချုပ်အောင်ဆန်း ဒိုင်ယာရီဆိုရင် စာရွက်အသက်က နှစ်ပေါင်း ၇၀ ဝန်းကျင် - ၉၀ ဝန်းကျင်ရှိရပါ့မည်။
Radioactive Carbon Dating ဆိုတာပိုသိချင်ပါက
https://www.livescience.com/32291-how-do-scientists-date-ancient-things.html
စာဖတ်ပြီး ပြန်လည်စဉ်းစားပါ။
ပြန်လည်စဉ်းစားပါ ထိုစာဖတ်သောအရာသည် ကိုယ့်ခေါင်းထဲမှာ ကျန်ခဲ့မှာဖြစ်ပါမည်။
ပြောတိုင်းမယုံနှင့်။ ပြောတိုင်းယုံရင် ဦးနှောက်က မစဉ်းစားနိုင်ဘူးဆိုတာ ပြလိုက်တာပဲ။
ဦးနှောက်ဆိုတာ စဉ်းစားတတ်ရမယ်။
ဒါကြောင့် စာဖတ်ပြီးတိုင်း စဉ်းစားချိန်ဆိုတာ ထားရမယ်။
အခုဒီစာကိုဖတ်ပြီးသည့်အခါ ဒီဆောင်းပါးကိုစဉ်းစားချိန် ၁၀ မိနစ်လောက်လုပ်ကြည့်ပါ။ တကယ်စဉ်းစားရင်
ပိုကြာလိမ့်မယ်။
ကိုယ့်ညဏ်နဲ့ကိုယ်စ စဉ်းစားမှ ကိုယ့်ဦးနှောက်ထဲတွင် တကယ်သင်ယူတာလို့ခေါ်ပါသည်။
Kyaw Tun
