05/03/2026
Mobile ဖုန်း အခွန်
လိုတိုရှင်း...
Update: အောက်ဆုံးမှာ မိမိဖုန်း အခွန်ဆောင်ဖို့ လိုမလို စစ်နည်း ထည့်ထားပေးပါတယ်...
- လက်ထဲရှိ မသုံးပဲ ပိတ်ထားတဲ့ ဖုန်းတွေ မြန်မာဖုန်းလိုင်း နဲ့ နောင်တချိန် သုံးချင်တယ်ဆို ဒီလ ၃၁ မတိုင်ခင် ဖွင့်သုံးပေးထားဖို့လိုမယ်
- April ရောက်မှ ဖွင့်သုံးရင် ဒဏ်ကြေး + အခွန်ဆောင်ပြီး မှ သုံးလို့ရတော့မယ်
- အဲ့နောက်ပိုင်းဆို ပြည်ပက တင်သွင်းကတည်းက အခွန်ဆောင်လာတဲ့ ဖုန်း တွေပဲ ရတော့မယ့် သဘောထင်တယ်
- ဆိုလိုတာ အရင်ကလို ထိုင်း/စလုံး ကနေ အလည်သွားရင် ဝယ်လာတဲ့ ဖုန်းတွေ မြန်မာပြည်မှာ အခွန်မဆောင်ပဲ လာသုံးခွင့် မပေးတော့ဘူး
- တကယ်တော့ ဖုန်းတင် မဟုတ်ပါဘူး။ IMEI လို့ခေါ်တဲ့ ဖုန်း Network ပေါ်မှာ မှတ်ပုံတင်တဲ့ Code ပါလာတဲ့ Device တိုင်း အကျုံးဝင်လာမှာပါ။ ဖုန်း, Tablet, Watch, Router etc. အကုန်ပါမယ်... အလွယ်ပြောရင် sim card, esim ထည့်သုံးလို့ရတဲ့ အကုန်လုံးပေါ့...
- နိုင်ငံခြားကနေ မြန်မာပြည် လာလည်မယ့် Foreigner တွေရဲ့ ဖုန်းတွေတွေတော့ ဘယ်လိုဖြစ်လာမယ် မသိဘူး...
---
Update:
မိမိဖုန်း အခွန်ဆောင်ဖို့ လိုမလို စစ်နည်း
- ဖုန်းခေါ်တဲ့နေရာကနေ * #06 # ရိုက်ကာ မိမိဖုန်းရဲ့ IMEI ကို ရယူပါ။ Dual Sim (SIM 2 ကဒ်ထိုး) ဆိုရင်တော့ IMEI ၂ ခု ထွက်ပါမယ်
- Chrome/Safari စတဲ့ Browser တစ်ခုခုကနေ https://ceir.gov.mm/ သို့သွားပါ (www မပါဘူးနော်)
- လက်ရှိအခြေအနေစစ်ဆေးရန် ကို နှိပ်ပါ
- ခုနကရယူထားတဲ့ နံပါတ်ဖြည့် ပြီး အဆင့်ဆင့်နှိပ်ပေးပါ
- အစိမ်းရောင် ၃ ခုဆိုရင်တော့ စိတ်ချရပါပြီ
(မလုပ်တတ်မှာ စိုးလို့ တစ်ပုံချင်းကို တင်ထားပေးပါတယ်)
မြန်မာနိုင်ငံမှာ စတင်အသုံးပြုတော့မယ့် ဗဟိုမိုဘိုင်းစက်ပစ္စည်းသက်သေခံမှတ်ပုံတင်စနစ် (CEIR) အကြောင်း တရားဝင် ကြေညာချက်ဖြစ်ပါတယ်။
အတိုချုပ်ရှင်းပြရရင် အဓိကအချက်တွေက ဒီလိုပါ။
💬 CEIR ဆိုတာဘာလဲ?
🗨 မိုဘိုင်းဖုန်းတွေရဲ့ နိုင်ငံတကာ သက်သေခံနံပါတ် (IMEI) ကို ဗဟိုဌာနက မှတ်ပုံတင်ပြီး စီမံခန့်ခွဲတဲ့စနစ် ဖြစ်ပါတယ်။ ဒီစနစ်ကို ကျင့်သုံးခြင်းအားဖြင့် ခိုးယူခံရတဲ့ဖုန်း၊ တရားမဝင် တင်သွင်းလာတဲ့ဖုန်းတွေကို ကွန်ရက်ကနေ ပိတ်ဆို့နိုင်မှာ ဖြစ်ပါတယ်။
💬ဘယ်တော့ စမလဲ?
🗨 ၂၀၂၆ ခုနှစ်၊ မတ်လ ပထမပတ်ကနေ စတင် အသုံးပြုတော့မှာ ဖြစ်ပါတယ်။
💬 လက်ရှိသုံးနေတဲ့ ဖုန်းတွေအတွက် ဘာလုပ်ရမလဲ?
🗨 ဘာမှ လုပ်စရာမလိုပါဘူး။ လက်ရှိသုံးနေတဲ့ ဖုန်းတွေကို ခွင့်ပြုစာရင်းထဲ အလိုအလျောက် ထည့်ပေးသွားမှာပါ။
· ဒါပေမယ့် မတ်လ ၃၁ ရက်နေ့ မတိုင်ခင်မှာ မိမိသုံးနေကျ SIM ကတ် (MPT, ATOM, U9, Mytel) ကို ဖုန်းထဲထည့်ပြီး အနည်းဆုံး တစ်ခါလောက် ဖွင့်အသုံးပြုထားဖို့ လိုအပ်ပါတယ်။
💬 ပြည်ပကနေ အသစ်တင်သွင်းတဲ့ ဖုန်းတွေအတွက်ကော?
🗨 ကုမ္ပဏီတွေက စနစ်တကျ တင်သွင်းပြီး အခွန်ဆောင်ပြီးရင် ခွင့်ပြုစာရင်းထဲ ထည့်ပေးသွားမှာပါ။
💬 ခွင့်ပြုစာရင်းမှာ မပါတဲ့ဖုန်းတွေ ဆက်သုံးလို့ရမလား?
🗨 ၂၀၂၆ ဧပြီလ ၁ ရက်နေ့ကစပြီး ခွင့်ပြုစာရင်းမှာ မပါတဲ့ဖုန်းတွေကို ကွန်ရက်နဲ့ စတင်ချိတ်ဆက်တဲ့အချိန်ကနေ ရက် ၃၀ ပဲ ယာယီသုံးခွင့်ရှိမှာပါ။
· ရက် ၃၀ အတွင်းမှာ ကျသင့်တဲ့ အခွန် ဒါမှမဟုတ် ဒဏ်ကြေးတွေကို ပေးဆောင်မှသာ ဆက်လက်သုံးခွင့်ရှိမှာဖြစ်ပါတယ်။
💬 အခွန်ဘယ်လိုပေးရမလဲ?
🗨 https://www.ceir.gov.mm ဝက်ဘ်ဆိုဒ်ကနေ IMEI နံပါတ်ထည့်ပြီး အွန်လိုင်းကနေ ပေးချေနိုင်ပါတယ်။
· နယ်စပ်ဒေသ ဒါမှမဟုတ် အင်တာနက်အခက်အခဲရှိတဲ့သူတွေအတွက် ပြည်တွင်းအခွန်များဦးစီးဌာန နဲ့ အကောက်ခွန်ဦးစီးဌာနရုံးတွေမှာလည်း သွားရောက်ပေးချေလို့ရပါတယ်။
💬 အသေးစိတ် ဘယ်လိုမေးမြန်းရမလဲ?
🗨 ဝက်ဘ်ဆိုဒ် https://www.ceir.gov.mm မှာ ကြည့်ရှုနိုင်ပြီး၊
· CEIR ခေါ်ဆိုရေးစင်တာ ၁၅၇၇ နဲ့ ၁၇၅၅ ကို ရုံးချိန်အတွင်း ဆက်သွယ်မေးမြန်းနိုင်ပါတယ်။
Credit - Ko Aye Maung Maung Kyi
