TAI Information Technology-တၢင်းႁူႉပၢႆးၸၢၵ်ႈတႆး

01/01/2026

Happy New Year 2026.
🎆 🎉
မႂ်ႇသုင်ပီမႂ်ႇလုမ်ႈၾႃႉ 2026 လွင်ႈဢမ်ႇလီႁႂ်ႈတူၵ်းယၢၼ်ၵႆ လွင်ႈလႂ်လီႁႂ်ႈ​​ပေႃးမႃး။ ယွၼ်းသူးႁႂ်ႈႁဝ်းႁႃးၵူႈ​​ၵေႃႉ ယူႇလီၵိၼ်ဝၢၼ် ၶိုၼ်ႈယႂ်ႇမႂ်ႇသုင်​​သေၵမ်း
😊🌸🙏
နှစ်သစ်မှာ သိဒ္ဓတ္ထထုံး နှလုံးမူ၍ လောက၏လိုအပ်ချက် နှင့် ဓမ္မ၏ အကျင့်မြတ်ကို ကိုယ်စီဖြည့်ဆည်းကျင့်ကြံကာ နှစ်ဦးတာထွက် လှပပြည့်စုံပါစေကုန်

04/12/2021

တူဝ်ယၢဝ်းဢၼ်ၵႆႉၸႂ်ႉၼႂ်းပၢႆးၸၢၵ်ႈ

31/10/2021

1 Bitcoin = ငိုၼ်းမၢၼ်ႈ 113,436,466. 90 ( 113 လၢၼ်ႉ)
😬😬😬

Bitcoin ဢမ်ႇၼၼ် Cryptocurrency ဢၼ်ဝႃႈၼၼ်ႉပဵၼ်သင် ၸွင်ႇမီးၽႂ် ယၢမ်ႈလဵပ်ႈႁဵတ်းတူၺ်း။
ယၢမ်းတိုၵ်ႉတႅမ်ႈလိၵ်ႈတေႃႈလဵဝ် 1 Bitcoin (BTC)= 60,962.20တေႃႇလႃႇ။
ပေႃးၼမ်ႉငိုၼ်းမၢၼ်ႈ 113,436,466. 90 Kyat.( ပၢၵ်ႇပၢႆသိပ်းသၢမ်လၢၼ်ႉ)

ပူိဝ်ႈပၢတ်ႈပူၼ်ႉၼႆႉ လႆႈႁၼ်မႅၼ်ႈၺႃး App ဢၼ်မီး ၸိုဝ်ႈဝႃႈ Binance ဢၼ်ဝႃႈၼၼ်ႉသေ လႆႈၸႂ်ႉတိုဝ်း လဵပ်ႈႁဵၼ်းတူၺ်း ပဵၼ်ဢၼ်လီၶဝ်ႈၸႂ်တေႉတေႉယူႇ။

ၼိူဝ် App ၼၼ်ႉ လႆႈႁၼ်ၵူၼ်းၼုမ်ႇမၢၼ်ႈၶဝ် သိုဝ်ႉၶၢႆၵၼ်ၼမ်တေႉ။ၵူၼ်းၼုမ်ႇတႆးႁဝ်းဢၼ်ၶဝ်ႈၸႂ်ၸိူင်ႉ ၼႆၵေႃႈ လႅပ်ႈတေမီးယူႇ။ ပေႃးဢဝ်ၼႂ်း App P2P trading ၼၼ်ႉဝႃႈတေႉ ဢၼ်ဢဝ်ငိုၼ်းမၢၼ်ႈ MMKလႄႈ ဢၼ်ဢဝ်ၸိုဝ်ႈတႆး ဢၼ်ဝႃႈ Sai သေ တၢင်ႇဝႆႉတေႉမီးၵေႃႉလဵဝ်။ မၢင်ၸိူဝ်းတေဢဝ်ငိုၼ်း တၢင်ႇမိူင်းသေ သိုဝ်ႉၶၢႆၵေႃႈၸၢင်ႈပဵၼ်လႆႈ။

ၵူၼ်းၼုမ်ႇမၢၼ်ႈမၢင်ၸိူဝ်းတူၺ်း ၶဝ်လႅပ်ႈတင်ႈပဵၼ် Company သုိဝ်ႇၶၢႆၵွၼ်ႇ။အၵွင်ႉ Account ဢၼ်မီးၸိုဝ်ႈဝႃႈ Yan Trading ၼၼ်ႉမီးဝႆႉ Bitcoin 5 ဢၼ်ၵမ်းလဵဝ်။ တေတူၵ်းငိုၼ်းမၢၼ်ႈၵႃႈႁိုဝ်ဢၼ်ဝႃႈၼၼ်ႉတေႉ ၼပ်ႉဢဝ်ၵူၺ်းလႃႈ။

ဢၼ်တႅမ်ႈၼေယူႇၸိူင်ႉၼႆၼႆႉ ဢမ်ႇၸႂ်ႈဝႃႈ ၶႂ်ႈပၼ်ႁႅင်းသိုဝ်ႉၶၢႆသေဢိတ်း။ ယွၼ်ႉသင်လႃႇပေႃးဝႃႈၼႆၸိုင်ႈ ယွၼ်ႉမၼ်းပဵၼ်ၵၢၼ်ဢၼ်လႆႈငၢႆႈ သုမ်းငၢႆႈလႄႈ သင်ဢမ်ႉလႅၼ်ႇၸိုင်ႈ ငိုၼ်းၸၢင်ႈသုမ်းမူတ်းၼၼ်ႉယဝ်ႉ။
CEO ႁူဝ်ၼႃႈ Binance ၵေႃႈတ​ႅမ်ႇတၢင်ႇဝႆႉၼိူဝ် Twitter မၼ်းဝႆႉဝႃႈ ယႃႇလူင်းတိုၼ်းလၢင်းၼမ်သေ ဢၼ်သူၶၢမ်ႇသုမ်းလႆႈၼႆယဝ်ႉ။

ထႅင်ႈဢၼ်ၼိုင်ႈ မိူဝ်ႈ 2019 ၼၼ်ႉ ယွၼ်ႉယေးငိုၼ်းမိူင်းမၢၼ်ႈ ပိုၼ်ႇၽၢဝ်ႇဝႆႉဝႃႇ Cryptocurrency ၼႆႉဢမ်ႇၶဝ်ႈတၢင်းၵၢၼ်။ သင်ဝႃႈႁၼ် သိုဝ်ႉၶၢႆတေထုၵ်ႇၺႃးဢဝ်လိူင်ႈၵွၼ်ႇၼႆယဝ်ႉ။ Visa ၵၢတ်ႉမိူင်းမၢၼ်ႈၵေႃႈ သိုဝ်ႉဢမ်ႇလႆႈ။ သင်ႁူႉဝႃႈသိုဝ်ႉၶၢႆ Cryptocurrencyၼႆ တေၺႃးပိၵ်ႉ Freeze ပႅၵ်ႉပႅတ်ႇမၢႆပၢၼ်ႇၼႆယဝ်ႉ။ဝႃႈၼၼ်သေတႃႉၵေႃႈ ၵူၼ်းၼုမ်ႇမိူင်းမၢၼ်ႈ ဢၼ်သိုဝ်ႉၶၢႆဝႆႉမီးတၢင်းၼမ်။ တီႈၵႂၢင်ႈတူၺ်းတီႈၶ​ႅပ်းႁၢင်းတၢင်းတႂ်ႈၼႆႉ။

ဝႃႈၸိူင်ႉႁိုဝ်ၵေႃႈလီ ႁဝ်းဢမ်ႇသိုဝ်ႉၶၢႆသေတႃႉၵေႃႈ ယွၼ်ႉႁဝ်းယူႇဝႆႉၼႂ်း ႁူဝ်ပၢၵ်ႇသၢဝ်းဢဵတ်း 21 century လႄႈ ထုၵ်ႇလီလဵပ်ႈႁဵတ်း ႁႂ်ႈပဵၼ်တၢင်းႁူႉဝႆႉယူႇ။

ၵမ်းလိုၼ်းသုတ်း ၽူႈလူလိၵ်ႈႁဝ်းၶဝ်တေၸၢင်ႈမီးၶေႃႈထၢမ်ဝႃႈ ၽူႈတႅမ်ႈလိၵ်ႈလူး ၸၢမ်းတူၺ်းယဝ်ႉႁၼႆယဝ်ႉ။ တေလႆႈတွပ်ႇဝႃႈ လႆႈၶဝ်ႈၸၢမ်းတူၺ်းယူႇဢိတ်းဢွတ်း။😁 မိူဝ်ႈ ဝၼ်းထိ 21 ၼၼ်ႉလႆႈဢဝ်လၢႆး P2P သေ သိုဝ်ႉၶၢႆၵၼ်တၢင်း ၵူၼ်းၼုမ်ႇမၢၼ်ႈၵေႃႉၼိုင်ႈယူႇ မွၵ်ႈငိုၼ်းမၢၼ်ႈ 50,000ၼႆႉ။

တေႃႈလဵဝ်ၼႂ်း ဢၵွင်ႉ Acc Binance ၽူႈတႅမ်ႈလိၵ်ႈ တေမီးဝႆႉ USDT Cryptocurrency မွၵ်ႈ 23ၼႆႉ။ ပေႃးၼမ်ႉ Bitcoin တေႉမီးယူႇမွၵ်ႈ 0.00038422။ မီးၼမ်ၵျၼေႃႈ။ သင်ၶၼ် ပိတ်ႉၶွႆးၶိုၼ်ႈ တေၸၢင်ႈပဵၼ် သ​ထေးယူႇ။
😂😁

#လူပ်းလင်
ဢၼ်တႅမ်ႈၼေမႃးတၢင်းမူတ်းၼႆႉ ၶႅၼ်ႇၼႃႇလႄႈ တႅမ်ႈၼေၵေႃႈဢမ်ႇၸႂ်ႈ၊ လႅၼ်ႇၼႃႇလႄႈတႅမ်ႈၵေႃႈ ဢမ်ႇၸႂ်ႈ။ပဵၼ်ၽွင်းတိုၵ်ႉလဵပ်ႈႁဵၼ်းၵူၺ်း။ လႆႈၼမ်ႉမျၢတ်ႈတွၼ်းၼမ်ယဝ်ႉလႄႈ မႃးတႅမ်ႈၼေၵေႃႈဢမ်ႇၸႂ်ႈ။ သိုဝ်ႈၶၢႆတူၺ်းလႄႈဢၼ်ဝႃႈၼၼ်ႉၼို်င်ႈၶႅၼ်းၵႆ တိုၼ်းဢမ်ႇတိုၵ်းသူၼ်းသေဢိတ်းၼႃႉ။
ပေႃးၶႂ်ႈၸၢမ်းတူၺ်းၵူၺ်းတေႉဢမ်ႇႁၢမ်ႈ။ ယိူင်းဢၢၼ်းတေႉၶႂ်ႈတိုၵ်းသူၼ်း ၵူၼ်းၼုမ်ႇတ​ႆးႁဝ်းၶဝ် လဵပ်ႈႁဵၼ်းတူၺ်း လွင်ႈဝႃႈၼႂ်းၵမ်ႇၽႃႇၼႆႉ မၼ်းလႅၵ်ႈလၢႆႈ ၼင်ႇႁိုဝ်ၼႆၼၼ်ႉၵူၺ်း။

ၸႂ်ႉတိုဝ်းဢိၼ်ႇတႃႇၼႅတ်ႉ Internet သဵင်ႈငိုၼ်းၽူင်းၼင်ႇၵၼ် သင်လႆႈပႃးတၢင်းႁူႉတေၶႅမ်ႉ။ ၶႅၼ်းသေ သ​ဵင်ႈၶၢဝ်းယၢမ်းၼိူဝ်ၽဵတ်ႉလၢႆလၢႆ။ ၸွင်ႇထုၵ်ႇလီလဵပ်ႈႁဵၼ်း ဢမ်ႇထုၵ်ႇလီလဵပ်းႁဵၼ်းဢၼ်ဝႃႈၼၼ်ႉတေႉ ၽူႈလူလိၵ်ႈႁဝ်းၶဝ်တႅပ်းတတ်းဢဝ်ၵူၺ်းလႃႈ။ ၵူၺ်းႁူႉဝႆႉလွင်ႈၼိုင်ႈ Bitcoin ဢမ်ႇၼၼ် Cryptocurrency ၼႆႉ ဢမ်ႇၸႂ်ႈၵူၼ်းလႅၼ်ႇပၢႆးၸၢၵ်ႈၵူၺ်းၶဝ်ႈၸႂ် တေႃႈလဵဝ်ၵူၼ်းတၢင်းၼမ် ၶဝ်ႈၸႂ်မႃးယဝ်ႉၼႆဝႃႇ။

#မၢႆတွင်း- သင်ၽႂ်ၶႂ်ႈလူလွင်ႈBitcoinတီႈၵႂၢင်ႈမၼ်းၼႆပၼ်မၢႆEmailဝႆႉၼႂ်းCommentၽူႈတႅမ်ႈလိၵ်ႈတေသူင်ႇပၼ်ပပ်ႉPDFမၼ်း။ပဵၼ်ၽႃႇသႃႇမၢၼ်ႈ။

ၶမ်းသိူဝ်JKT
23/10/2021
12:51 မၢင်ႉတ​ႅမ်ႈပေႃးလိုမ်းၵိၼ်ၶဝ်ႈ။😆😂

13/10/2021

https://yt6.pics.ee/3qjgju

#ၸဝ်ႈသီႇႁ #သူင်ႇလိၵ်ႈ #ၵီႇမေးလၢႆးပိုတ်ႇၵီႇမေး(gmail)https://youtu.be/4gSLvk6EXEg

03/06/2021

What is ROM?
ရူမ်ႇ(ROM)ပွင်ႇဝႃႈသင်?

ROM ၼႆႉတူဝ်ယၢဝ်းမၼ်းဝႃႈ (Read Only Memory)ပဵၼ်Memoryဢၼ်လူႇလႆႈၵူၺ်းဢမ်ႇတႅမ်ႈလႆႈၼႆယဝ်ႉ။
ROM ၼႆႉပဵၼ်မဵဝ်း Memoryဢၼ်သိမ်းဝႆႉလႆႈၶေႃႈမုၼ်းၶၢဝ်းႁိုင် ၸႂ်ႉတိုဝ်းၼႂ်းၶွမ်းလႄႈၼႂ်း ၶိူင်ႈၽႆးၽႃႉတၢင်းၼမ်တၢင်းလၢႆ။

ၶေႃႈမုၼ်းDataၼႂ်းROMၼႆႉ ဢမ်ႇၸၢင်ႈမေးလႆႈဝၢႆးသေႁဵတ်းဢွၵ်ႇတီႈႁူင်းၵၢၼ်ယဝ်ႉ။ ROM မၢင်မဵဝ်းတေႉမႄးတႅမ်ႈလႆႈယူႇသေတႃႉ ပၼ်းတေထိူင်းယဝ်ႉ
လူဝ်ႇၶိူင်ႈတႃႇၸႂ်ႉတၢင်းၼမ်။

ROMၼႆႉပဵၼ်တီႈဢၼ်ႁဝ်းသိမ်းဝႆႉၶေႃႈမုၼ်းႁဝ်းၶၢဝ်းႁိုင်၊ႁဝ်းပိၵ်ႉၶွမ်းပႅတ်ႈၵေႃႈမၼ်းတေသိမ်းဝႆႉပၼ်ၶေႃႈမုၼ်းႁဝ်း။ မၼ်းပွင်ႇဝႃႈ
ၶေႃႈမုၼ်းႁဝ်းၼႆႉ မၼ်းတေသိမ်းဝႆႉပၼ်တီႈၼႂ်းၼႆႉၵူၺ်းမၼ်းတေဢမ်ႇၵႂႃႇတၢင်းလႂ် ႁဝ်းပိုတ်ႇၶွမ်းႁဝ်းမိူဝ်ႈလႂ် ၵေႃႈၶိုၼ်းဢဝ်
ၸႂ်ႉတိုဝ်းလႆႈၵမ်းလဵဝ်ယဝ်ႉ။ ဝႃႈၸိူင်ႉၼၼ်ၵေႃႈယႃႇၵႂႃႇထၢင်ႇမၼ်းပဵၼ်တီႈသိမ်းၶေႃႈမုၼ်းHard-diskႁဝ်းၼၼ်ႉ မၼ်းဢမ်ႇၸႂ်ႈ
ဢၼ်လဵဝ်ၵၼ်။

ROMၼႆႉမၼ်းပဵၼ်တီႈၵုမ်ႇပၼ်ၼီႇႁဵတ်းၶွမ်းၶဝ်ၼၼ်ႉ ႁဵတ်းဝႆႉပၼ်ယဝ်ႉႁဝ်းဢမ်ႇၸၢင်ႈၵႂႃႇမေးသင်မၼ်းလႆႈ။
ယဝ်ႉၼၼ်ႉၸွင်ႇဝႃႈ Memory ဢၼ်လူလႆႈလၢႆလၢႆၵူၺ်းၼႆယဝ်ႉ။ ဢၼ်ၼႆႉမၼ်းၸႂ်ႉတီႈလႂ်လႃႇၼႆ မၼ်းၸႂ်ႉတီႈၶွမ်းႁဝ်းမိူၼ်ၼင်
ပေႃးၼဵၵ်းၼဵၼ် ဢၼ်ပိုတ်ႇၽႆးမၼ်းယဝ်ႉ ၽႆးၽႃႉမၼ်းတေလႆႈႁဵတ်းသင်ပၼ်၊ ပေႃးၽႆးမႃးယဝ်ႉမၼ်းတေလႆႈသူင်ၵႂႃႇတီႈလႂ် ပဵၼ်ဢၼ်သင်ႇၵၢၼ်မၼ်းၼႆၵေႃႈဝႃႈလႆႈယဝ်ႉ။ တီႈၼႂ်းၸုမ်းROMၼႆႉတေၶဝ်ႈပႃးဝႆႉ ၶေႃႈမုၼ်းမိူၼ်ၼင်ႇ ၶၢဝ်းယၢမ်း၊ဝၼ်းထိတႄႇၵႂႃႇၸိူဝ်းၼႆႉတၢင်းၼမ်။

မၼ်းပဵၼ်ၶိူင်ႈၽႆးၽႃႉဢၼ်တႅမ်ႈၵိုၵ်းပႃးမႃး မိူဝ်ႈၶွမ်းတေႁဵတ်းၼႂ်းႁႂူင်းၵၼ်ၼၼ်ႉၵမ်းလဵဝ်ယဝ်ႉ။ ROM ၼႆႉမၼ်းဢမ်ႇၸႂ်ႈဝႃႈမီးၼႂ်းၶွမ်းၵူၺ်း ၼႂ်းၽူင်း၊ ၼႂ်းတပလႅတ်ႉ (Tablet)တေပႃးၼႂ်းၵႃးၵၢပ်ႈပၼ်မႂ်ႇ၊
တိူၵ်ႈၼမ်ႉၶႅင်၊ ၸၢၵ်ႈၸီႇၶဝ်ႈမုၼ်းတေၵႂႃႇ ဢၼ်ႁဝ်းၵႆႉဝႃႈၸၢၵ်ႈဢေႃႇတေႃႇၼၼ်ႉ ၵူႈဢၼ်ဢၼ်ယဝ်ႉ။ ယွၼ်ႉမၼ်းၸၢင်ႈသင်ႇၸၢၵ်ႈႁဵတ်းၵၼ်ႁင်ႈၵူၺ်းလႄႈ ၸင်ႇဝႃႈAuto ၼၼ်ႉယဝ်ႉ။

ROM မီလၢႆမဵဝ်း?

PROM (Programmable ROM)
ROM ဢၼ်ၼႆႉတေပဵၼ်ROMဢၼ်ပဝ်ႇဝႆႉယဝ်ႉ။ ႁဝ်းၸၢင်ႈဢဝ် ၶိူင်ႈဢၼ်ဝႃႈ Programmerၼၼ်ႉသေတႅမ်ႈၶိုၼ်းလႆႈမႄးၶိုၼ်းလႆႈဢိတ်းဢိတ်း။

EPROM ( Erasable Programmable ROM)
ROMဢၼ်ၼႆႉႁဝ်းၸၢင်ႈမွတ်ႇလႆႈတႅမ်ႈႁၢင်းၵူၺ်းႁဝ်းယဝ်ႉ။ ၵူၺ်းၵႃႈတီႈၼမ်သုတ်းမၼ်းတႅမ်ႈမွတ်ႇ တႅမ်ႈမွတ်ႇၼႆႉတေလႆႈႁဵင်ၵမ်းၵူၺ်း။

EEPROM (Electrically Erasable Programmable ROM)
ၼႆႉတေႉပဵၼ်ROM ၶႅမ်ႉသေပိူၼ်ယဝ်ႉ။ ယွၼ်ႉတႃႇတေမွတ်ႇလႄႈတႅမ်ႈၼၼ်ႉ မၼ်းဢမ်ႇတၢပ်ႇလူဝ်ႇဢဝ်ROM ၵႂႃႇတၢင်းလႂ်ယွၼ်ႉမၼ်းၸႂ်ႉၽႆးၽႃႉသေမႄးမွတ်ႇမႄးတႅမ်ႈၼၼ်ႉယဝ်ႉ။

#သင်ဝႃႈမီးတီႈၽိတ်းၼႆၽိူမ်ႉထႅမ်ပၼ်တၢင်းႁၼ်ထိုင်မႃးသေၵမ်းၶႃႈ။

တႅမ်ႈ-ၶမ်းသိူဝ်JKT
(Diploma in Information Technology)
Date-3/6/2021

တႃႇသိုပ်ႇလူ
1)
https://en.m.wikipedia.org/wiki/Read-only_memory.

2)
https://www.arrow.com/en/research-and-events/articles/what-is-rom-types-of-rom-explained #:~:text=Read%2DOnly%20Memory%20(ROM),to%20complete%20their%20functions%20smoothly.

09/05/2021

What are RAM and ROM?
ရမ်ႇ(RAM)လႄႈရူမ်ႇ(ROM)ပွင်ႇဝႃႈသင်?

RAMၼႆႉတူဝ်ယၢဝ်းမၼ်းဝႃႈ Random Access Memoryၼႆသေ။
ROMသမ်ႉတီႈပွင်ႇတူဝ်ယၢဝ်းမၼ်းဝႃႈRead Only Memoryၼႆယဝ်ႉ။
သွင်ဢၼ်ၼႆႉတူဝ်တႅမ်ႈၶႂ်ႈငၢႆးၵၼ်သေတႃႉၵူၺ်း ၶႃဢမ်ႇၸႂ်ႈမဵဝ်းလဵဝ်ၵၼ်။ယဝ်ႉၵေႃႈၵၢၼ်ဢၼ်ၶႃႁဵတ်းၼၼ်ႉ
ပိူင်ႈၵၼ်တေႉတေႉ။တီႈတႂ်ႈၼႆႉတေႉ တေသပ်းလႅင်းၼေလွင်ႈ RAM ၵႂႃႇဢွၼ်ႇတၢင်း။ ဝူင်ႈၼႃႈၸွင်ႇၸပ်းလႅင်းၼေလွင်ႈ ROM။

တီႈၼႂ်းၶွမ်းၼိုင်ႈလုၵ်ႈၼၼ်ႉ RAM ၼႆႉၵေႃႈလမ်ႇလွင်ႈတေႉတေႉယဝ်ႉ။ ၶွမ်းၵူႈလုၵ်ႈလုၵ်ႈၵေႃႈတိုၼ်းမီးRAM။ တေႃႇၼင်ႇ ၽူင်း၊တပလႅတ်ႉၸိူဝ်းၼႆႉၵေႃႈပႃးယဝ်ႉ။
RAM ၼႆႉပဵၼ်တီႈသိမ်းဝႆႉၶေႃႈမုၼ်းၶၢဝ်းပွတ်း(short-term memory)ယဝ်ႉ။ သိမ်းဝႆႉၶေႃႈမုၼ်းၶၢဝ်းပွတ်းဢၼ်ဝႃႈၼၼ်ႉပွင်ႇဝႃႈ သင်သူမွတ်ႇပႅတ်ႈၶွမ်းသူၸိုင် ဢၼ်မီးဝႆႉၼႂ်းRAMၼႆႉ မၼ်းတေႁၢႆမူတ်းယဝ်ႉ။

ဢၼ်သိမ်းဝႆႉၶေႃႈမုၼ်းၶၢဝ်းယၢဝ်းသမ်ႉ ပဵၼ်Hard-disk ယဝ်ႉ။ RAMၼႆႉမၼ်းဝႆးတေႉတေႉမၼ်းတေသိမ်းဝႆႉပၼ်လႆႈၶေႃႈမုၼ်းလိပ်း(Data)ဢၼ်ၶွမ်းလူဝ်ႇၸႂ်ႉတိုဝ်းၵမ်းလဵဝ်ၼၼ်ႉယဝ်ႉ။
ၵၢၼ်ဢၼ်မၼ်းတေလႆႈႁဵတ်းတေႉ တေလႆႈမၢႆတွင်းဝႆႉပၼ်(ႁၢပ်ႇၵၢၼ်ဝႆႉ)Program ဢၼ်ႁဝ်းတိုၵ်ႉၸႂ်ႉဝႆႉၸိူဝ်းၼၼ်ႉယဝ်ႉ။ သင်ႇဢမ်ႇမီးRAM ၼႆႉၸိုင်ႈ Program လႄႈ Softwareၶွမ်းသူၵူႈၸိူဝ်းမိူၼ်ၼင်ႇ
Microsoft word,Powrpoint,Excel, Photoshop တေၵႂႃႇတင်းသဵင်ႈ တေဢမ်ႇၸၢင်ႈႁဵတ်းၵၢၼ်သေမဵဝ်း။ပဵၼ်တီႈႁဵတ်းၵၢၼ်ၶွမ်းသူၼႆၵေႃႈဝႃႈလႆႈယဝ်ႉ။

သင်တေလႆႈပၼ်တူဝ်ယၢင်ႈမၼ်းငၢႆႈငၢႆႈၼႆၸိုင် မၼ်းမိူၼ်ၼင်ႇၽိူၼ်ႁဵတ်းၵၢၼ်ၵူၼ်းႁဝ်းယဝ်ႉ။ မိူဝ်ႈႁဝ်းလူဝ်ႇႁဵတ်းၵၢၼ်ၼၼ်ႉႁဝ်းတေဢဝ်ၵူႈၸိူဝ်းၵူႈလွင်ႈဢၼ်လူဝ်ႇၼၼ်ႉမႃးတမ်းဝႆႉၼိူဝ်ၽိူၼ်ႁဝ်း။ ယွၼ်ႉႁဝ်းလူဝ်ႇၸႂ်ႉဢၼ်လႆႈၵေႃႈ
မိုဝ်းႁဝ်းယိုၼ်းထိုင်လႄႈတေဢဝ်လႆႈဝႆးၼၼ်ႉယဝ်ႉ။ သင်ႇႁဝ်းယဝ်ႉၵၢၼ်ၵေႃႈႁဝ်းၶိုၼ်းၽဵဝ်ႈၽိူၼ်ႁဝ်းသေဢဝ်ၶူဝ်းၵႂႃႇဝႆႉၶိုၼ်းဢွင်ႈၽႂ်ဢွင်ႈၵဝ်ႇမၼ်း။ မိူၼ်ၼၼ်ၼင်ႇၵဝ်ႇ သင်ဝႃႈၶွမ်းႁဝ်းႁဵတ်းၵၢၼ်ယဝ်ႉမူတ်းဢမ်ႇၼၼ်
မွတ်ႇပႅတ်ႈၶွမ်းၸိုင်ႈ မၼ်းတေၶိုၼ်းဢဝ် Praogram ၸိူဝ်ႉၼၼ်ႉၵႂႃႇဝႆႉၼႂ်း Hard-diskယဝ်ႉ။

RAM ဢၼ်ၸႂ်ႉတိုဝ်းၵမ်ႉၼမ်တေႃႈလဵဝ်တေႉပဵၼ် Dynamic RAM.မၼ်းတေမီးၽၢင်ႁၢင်ႈတၢင်းၼမ်လႄႈ တၢင်းဝႆးမၼ်းၵေႃႈတေပိူင်ႈၵၼ်။ ဢၼ်ႁဝ်းၸႂ်ႉတိုဝ်းၼႂ်းၶွမ်းႁဝ်းတေႃႇလဵဝ်ၵမ်ႉၼမ်သမ်ႉပဵၼ် DDR4 RAM။
Version ဢၼ်ၵဝ်ႇတေႉတေမီး DDR3, DDR2, DDR1 လႄႈSD RAM ၸိူဝ်းၼႆႉယဝ်ႉ.

မၢႆတွင်း= သင်မီးတီႈယွပ်ႈယွမ်းၽိူမ်ႉ
ထႅမ်လႆႈၶႃႈ။
တႅမ်ႈ- ၶမ်းသိူဝ်(Diploma in Information Technology)
Date-9/5/2021
တႃႇသိုပ်ႇလူႇ
https://www.avast.com/c-what-is-ram-memory

26/04/2021

What is CPU (Central Procession Unite)?
ၸီႇပီႇယူႇ(CPU)ပဵၼ်သင်?

ၸီႇပီႇယူႇၼႆႉပဵၼ်ပွတ်ႈတွၼ်ႈဢၼ်လမ်ႇလွင်ႈလႄႈဢၼ်ၵႃႈၶၼ်ယႂ်ႇသေပိူၼ်ႈဢၼ်မီးၼႂ်းၶွမ်းၼိုင်ႈလုၵ်ႈၼၼ်ႉယဝ်ႉ။
ဝႃႈမၼ်းပဵၼ်ဢွၵ်းဢေႃၶွမ်းၼႆၵေႃႈလႆႈ။ ၸီႇပီႇယူႇၼႆႉပဵၼ်သၢႆတၢင်းၽႆးၽႃႉ(electronic circuitries)မႃးၸူႉၵၼ်ဝႆႉလႄႈ မီးပႃးၶိူင်ႈ
ၽႆးၽႃႉဢၢၼ်ႇႁူဝ်ႁဵင်မၼ်းမႃးၽင်ဝႆႉတီႈၼႂ်းၶႅပ်းဢၼ်လဵဝ်ယဝ်ႉ။ ပိူင်လူင်မၼ်းၼႃႈၵၼ်ဢၼ်ၸီႇပီႇယူႇ(Central Procession Unite)တေလႆႈ
ႁဵတ်းတေႉ တႃႇတေပႂ်ႉထိင်းပၼ် ပရူဝ်ႇၵရၢမ်ႇ Program ဢၼ်မီးဝႆႉတီႈၼိူဝ်ရမ်ႇ(Main Memory)ႁႂ်ႈမၼ်းႁဵတ်းၵၢၼ်ၶပ်းၶပ်းတၢမ်းတၢမ်းၵၼ်
ယဝ်ႉ။ ၵုမ်ႇပၼ်ၼီႇၸီႇပီႇယူႇဢၼ်ၸိုဝ်ႈသဵင်ယႂ်ႇ ၼႂ်းလွၵ်းၵၢတ်ႇတေႃႈလဵဝ်တေႉမီးသွင်ဢၼ်။ ၼၼ်ႉတေႉပဵၼ် ဢိၼ်ႇထႄး(Intel)လႄႈဢေႇဢႅမ်ႇတီႇ(AMD)။
ၸီႇပီႇယူႇတေႉ ပိူင်ႇလူင်မၼ်းတေၸႅၵ်ႇဝႆႉလႆႈသၢမ်မဵဝ်း။
1.PGA CPC ( Pin Grid Array CPU)
2.LGA CPU (Land Grid Array CPU)
3.Slot CPU

08/04/2021

What is computer Network?
ၼႅၵ်ႉဝွၵ်ႉၶွမ်း(သၢႆၼႅင်ႈၶွမ်း)ပွင်ႇဝႃႈသင်?

ၼႅၵ်ႉဝွၵ်ႉၶွမ်းပွင်ႇဝႃႈ ပဵၼ်ၸုမ်းၶွမ်းဢၼ်ၸၢပ်ႈၵၼ်ဝႆႉ တႃႇတေၵပ်းသိုပ်ႇၵၼ် လႄႈတႃႇၸႅၵ်ႇၽႄပၼ်ၶေႃးမုၼ်း(information)
လႄႈၸႅၵ်ႇပၼ်ၶူဝ်းၶွင်ႇ(resouraces) မိူၼ်ၼင်ႇ ႁၢတ်ႉဝႄး(hardware)လႄႈ
သွပ်းဝႄး(hardware)ၸိူဝ်းၼႆႉယဝ်ႉ။ တႃႇတေၵပ်းသိုပ်ႇၵၼ်ၼၼ်ႉသမ်ႉၶဝ် ၸႂ်ႉတိုဝ်း( hostnames )လႄႈ ၼႅၵ်ႉဝွၵ်ႉဢႅတ်ႉတလႅတ်ႉ(network addresses )

07/04/2021

What is Wi-Fi Router?
ဝၢႆႇၽၢႆႇလွၵ်ႇတႃႇပဵၼ်သင်?

ဝၢႆၽၢႆႇလွၵ်ႇတႃႇၼႆႉ ပဵၼ်
ၶိူင်ႈဢၼ်ႉၸႂ်ႉၽႆးၽႃႉ မီးဢၼ်ၵမ်းသိုပ်ႇလႆႈႁၢမ်းသၢႆ (Wireless access point) ။ ယွၼ်ႉၼၼ် ၶေႃႈမုၼ်းလိပ်း(data)
ၸၢင်ႈၸႅၵ်ႇပၼ်ၵၼ်လႆႈၸွမ်းသၢႆႇ
လူမ်း(radio signal)တႅၼ်းတၢင်ႇတီႈ လႆႈဢဝ်သၢႆၸၢပ်ႇၵၼ်ၼၼ်ႉယဝ်ႉ။

ပေႃးတေလၢတ်ႈငၢႆႈငၢႆႈၵေႃႈ ဝၢႆႇၽၢႆႇလွၵ်ႇတႃႇ(Wi-Fi Router)
ၼႆႉ ပဵၼ်ၶိူင်ႈဢၼ်ၸွႆႈႁႂ်ႈ ၽူင်း၊ၶွမ်းႁဝ်း ၸွႆးၵၼ်လႆႈ ဢမ်ႇတၢပ်ႇ လူဝ်ႇသၢႆၽႆးသင်။
Fb page= Tai Information Technology

20/03/2021

is software?
သွပ်ႉဝႄး(software)ပွင်ႇဝႃႈသင်?

သွပ်ႉဝႄးပဵၼ် ပရုိဂရၢမ်ႇ (program) ဢမ်ႇၼၼ် ပဵၼ်ဢပလီၵေးသိၼ်း(application) ဢၼ်ၶဝ်ႈပႃးဝႆႉ ၶေႃႈထီႉသင်(instruction) တႃႇႁႂ်ႈၶွမ်း
ႁဝ်းႁဵတ်းၵၢၼ်ၼၼ်ႉယဝ်ႉ။

တူဝ်ယၢင်ႇမၼ်း မိူဝ်ႈႁဝ်းတႅမ်ႈလိၵ်ႈၼိူဝ် ၵီး
ပူတ်ႉ(keyboard)ၼၼ်ႉ
ၼင်ႇႁိုဝ်တူဝ်ဢၼ်ႁဝ်းတ​ႅမ်ႈႁႂ်ႈၵႂႃႇပေႃႇတီႈၼႃႈၸေႃးၶွမ်းႁႂ်ႈမႅၼ်ႈမႅၼ်ႈၼၼ်ႉ ပဵၼ်သွပ်ႉဝႄးႁဵတ်းၵၢၼ်မၼ်းယဝ်ႉ။ မိူဝ်ႈသွပ်ႉဝႄႈ ၽိတ်းပိူင်ႇဝႆႉၼၼ်ႉ လိၵ်ႈဢၼ်ႁဝ်းတ​ႅမ်ႈလႄႈ ၵၢၼ်ဢၼ်ႁဝ်းၶႂ်ႈႁဵတ်းၼၼ်ႉတေ ၽိတ်းꧦၽူၼ်ꧦယဝ်ႉ။

သွမ်းဝႄးၼႆႉတေၸၢင်ႈသိမ်းဝႆႉၼႂ်း တီႈသိမ်းၶေႃႈမုၼ်း (hard disk)၊ ၸီႇတီႇလုမ်ႇ(CD-ROM)၊ တီႇဝီႇတီႇ(DVD) ဢမ်ႇၼၼ်တ​ီႈ
ၼိူဝ် တိတ်ႉၵႅတ်ႉတီ(diskette or floppy disk) သင်ဝႃႈလူဝ်ႇၸႂ်ႉမႃးၼႆ မၼ်းတေသႂ်ႇ(loaded)
ဢမ်ႇၼၼ် ၵူးမႃး (copied) သႂ်ႇတီႈၼႂ်း ရမ်ႇ(RAM= Random Access Memory)ယဝ်ႉ။
ယွၼ်ႉၼၼ်သင်ဝႃႈ ရမ်ႇ (RAM)
ႁဝ်းယႂ်ႇၵေႃႈ ၶွမ်းႁဝ်းတေဝႆး၊ တေၸႂ်ႉလႆႈၵၢၼ်ၼၵ်း။

Two types of software.
သွပ်ႉဝႄးသွင်မဵဝ်း

သွပ်းဝႄးၼႆႉတေမီးသွင်မဵဝ်း
1.သိတ်ႉသတႅမ်ႇသွပ်းဝႄး
(System software)
2.ဢပလီၵေးသိၼ်းသွပ်ႉဝႄး (Application software)

1.သိတ်ႉသတႅမ်ႇသွပ်ႉဝႄး
(System software) ၼႆႉၸႂ်ႉတိုဝ်းတႃႇ ၵုမ်းၵမ်ႁၢတ်ႉဝႄး (hardware)၊ ႁဵတ်းႁႂ်ႈၶႅမ်ႉမႃး(develop)လႄႈ တႃႇႁႂ်ႈ
ဢပလီၵေးသိၼ်း(application)
ႁဵတ်းၵၢၼ်။

သိတ့်သတႅမ်ႇသွမ်ႉဝႄးၼႆႉသမ်ႉတေၶိုၼ်းၸႅၵ်ႇဝႆႉသွင်မဵဝ်း ဢူဝ်ႇပ​ရေးတိင်းသိတ်ႉသတႅမ်ႇ(operating system)လႄႈ
သွပ့်ဝႄးၸွႆႈၵၢၼ်( utility software).

2.ဢပလီၵေးသိၼ်းသွပ်ႉဝႄး (Application software) ၼႆႉ ပဵၼ်ၸုမ်းပရိုၵရၢမ်ႇၶွမ်း (a set of computer program) ၶူင်သၢင်ႈဝႆႉတႃႇ ၽူႈၸႂ်ႉတိုဝ်းၶွမ်း ႁ​ဵတ်းၵၢၼ်ငၢႆႈယဝ်ႉ။ဢပလီၵေးသိၼ်းသွပ်ႉဝႄးၼႆႉ ဢမ်ႇႁဵတ်းၵၢၼ်ႁင်းၵူၺ်းမၼ်းလႆႈ တႃႇတေႁဵတ်းၵၢၼ်ၼၼ်ႉ မၼ်းတေလႆႈဢိင်ၼိူဝ် သိတ်ႉသတႅမ်ႇသွပ်ႉဝႄး
(system software)ယဝ်ႉ။

{{ITတႆးတေလႆႈၶိုတ်းပိူၼ်ႈ}}
Fb Page= Tai Information Technology

19/3/2021 10.48pm