18/12/2021
Веројатно, до овој пост стигнавте со клик на линкот кој ве донесе од kudo.mk (освен ако некој непристрасен медиум не го сподели овој пост), каде што пишува дека можноста за скенирање баркод е додадена на Кудо од револт кон Фондот за Иновации и Технолошки Развој.
Имено, ние, основачите на kudo.mk, годинава аплициравме на повикот од Фонд за Иновации и Технолошки Развој наречен „Стартапувај 3“, кој служи за финансирање иновативни решенија и нови бизниси.
За Кудо побаравме прилично разумно финансирање од Фондот 1,663,200.00 денари(~27000 евра).
Она што е важно во овие пресметки е фактот дека за нашата апликација како проектен тим, бараме од Фондот ~67,5% од максималниот можен износ (40000 евра) за ваков тип на апликант.
Од Фондот добивме email порака за тоа како им е жал што не сме одобрени и pdf документ со мислења на секој член од комитетот за ставките по кои нé оценувале.
Ни беше кажано: "Кудо нема никаква иновација, преамбициозен е, бесмислен и невозможен проект да се изведе, а не нуди ништо посебно."
И секоја една критика и причина ќе беше разумна и прифатлива, разбрана и премолчена, да не беа резултатите какви што се.
Луѓе! Пријатели и непријатели! Гледате што се случува? - Проектот „SHOP & SCAN“, со барање на поголем износ од нас, од над 35000 евра, е прифатен за финансирање од Фонд за иновации...
Во прилог е опис на нивниот проект (преземено од резултати на ФИТР, линк до истите подоле):
„Апликацијата Shop&Scan преку скенирање на баркод ќе им го олеснува изборот на купувачите. Преку апликацијата за 20 секунди ќе можат да ги видат коментарите и оценките за производот од другите корисниците кои веќе го купиле. Апликацијата ќе биде лансирана на Google Play store и во Apple App store, бесплатно. Главниот фокус првично ќе биде македонскиот пазар со цел да се вклучат што повеќе производи присутни на нашиот домашен пазар.“
...
Ние си поставивме безброј прашања, како ќе се верификува дека корисниците кои оставаат коментар навистина го купиле производот, како толку многу баркодови ќе внесат рачно во нивниот систем (нешто за кое нас не критикуваа), и можеби најболното, како нивната апликација е подобра од kudo.mk (Ги покануваме проектниот тим на Shop&Scan да се претстават и да ја одбранат својата иновација, а и сите други кои добија финансирање)
Скенирањето баркодови на kudo.mk не е совршено, но е БЕСПЛАТНО (наспроти нивната поддршка од над 35000 евра), изработено со никаква поддршка и 0 буџет, и во знак на револт кон ваквиот, според нас, нефер исход.
Фондот за Кудо вели дека нема иновација, а Shop&Scan имаат, а ние го нудиме сосема истото скенирање баркодови како и нив, кое што, земајќи ги во предвид и другите функционалности кои ги нуди Кудо, тоа со баркодовите можеби го правиме и подобро од нив.
Фондот за Кудо вели, дека не нуди ништо посебно за корисниците. А што нуди корисно Shop&Scan? Тие овозможуваат било кој, дури и некој што го нема купено производот, да пишува мислење за него. Се сомневаме дека некој ќе го интересира да чита такви туѓи невалидни мислења.
Фондот за Кудо вели, дека неизводливо е ние да внесеме толкав голем број на баркодови за сите производи. Ако за нас е неизводливо, зар нели Shop&Scan се соочуваат со сосема истиот проблем? Како па за нив е изводливо?
Се надеваме дека мнозинството е со исто размислување како нас. Не ни е целта да допреме до тие што крадат (тие ионака се безосетни и немаат морална свест), туку да ви укажеме дека уште од првиот ден, на нашето постоење, и ни стана јасно дека ќе мора да одиме по потешкиот пат, и дека kudo.mk ќе успее само со Вашата критика и поддршка.
Во секој случај, би сакале искрен одговор од повиканите страни.
Линк до резултатите:https://fitr.mk/wp-content/uploads/2021/11/WEB_Prezentacija_Startapuvaj_3.pdf
Со почит,
Од основачите на kudo.mk
