09/11/2025
معلومة تقنية عن 5G في المغرب! 🇲🇦
الإعلانات على الـ 5G اللي دارتها شركات اتصالات المغرب هاد الصباح، وأورنج في العشية، وإنوي مازال.
كاين واحد التفصيل تقني مهم بزاف خاصنا نعرفوه!
الـ 5G اللي غادين يخدموا دابا ماشي هي الـ 5G "الكاملة" اللي كنسمعوا عليها في الكوكب! 🤫
نوع ديال 5G اللي عندنا ماهو الا 4G محسن
لأن اي اتصال خليوي زمن الاستجابة ديالو اكثر من 1 ميلي ثانية فهو ليس 5G.
ال 5G حصريا عندو استجابة اقل من 1 ملي ثانية،
✅ تقنيا، النوع الحالي لي مركبينو هو:
5G NSA (Non-Standalone).
هذا الموديل كيعني أن الشركات ربطت أبراج 5G الجديدة بـ الشبكة الأساسية (Core) ديال 4G القديمة!
شنو هي النتيجة ديال هذا الشي؟
• 🚀 بالنسبة للسرعة: غادي تكون اسرع مرتين حتى ل 3 المرات توصل من 300 ميغا بيت حتى ل 1Gb اسرع من 4G لي حدها عندنا 200-250 Mb (وهذا هو الهدف الأساسي من 5G NSA). يعني تيليشارجي فثواني!
• ❌ الـ Ping ماشي هو هذاك: بما أننا مازال كنخدموا على شبكة 4G الأساسية، فـ زمن الاستجابة (Ping) ماغاديش يكون تحت 1 مللي ثانية كيف ما قلنا (< 1ms)!
يعني الأداء ديال الحوايج لي كتحتاج استجابة فورية (Low Latency) ماشي هو اللي كنعرفوه على الـ 5G.
الخلاصة: هاد الـ 5G اللي عندنا دابا هي "ممكن تقول نصف 5G" أو 4G اسرع، ممتازة للبث والتحميل.
الـ 5G "الكاملة" (5G SA) اللي غادي تعطينا الـ Ping تحت 1ms غادي توصل إن شاء الله في الأعوام القادمة من بعد عامين، حيت الشركات ملتزمة امام ANRT تنتقل ليها تدريجياً.
المشكلة من هادشي هو الشركات باغا تبيع اشتراكات خاصة واغلى لهاد 5 جي المزيفة.
#
