Le Consultant it

Le Consultant it Sarcasme, IT, jobs, marché de l’informatique et écoles d’ingé — Maroc, France, Canada, USA.

- ثلاث أشهر ديال العطلة عاد بانت ليك الطواليط؟- خليت ولادي وراجلي باش نقريكم - الفوج الآخر حسن منكم- سنرى من سيضحك في نه...
02/09/2025

- ثلاث أشهر ديال العطلة عاد بانت ليك الطواليط؟
- خليت ولادي وراجلي باش نقريكم
- الفوج الآخر حسن منكم
- سنرى من سيضحك في نهاية السنة

اول حاجة غادي توقف عليها عاجلا ام آجلا هي وش نتا كيعجبك الدومين لي كتخدم فيه ولا لا..هاد الجملة كتبتها حرفيا لبزاف ديال ...
02/09/2025

اول حاجة غادي توقف عليها عاجلا ام آجلا هي وش نتا كيعجبك الدومين لي كتخدم فيه ولا لا..هاد الجملة كتبتها حرفيا لبزاف ديال الطلبة و les fraîchement diplômés كيسولوني فالخاص على وش هاد الدومين فيه الخدمة ؟ ....وش الى درت هاد filière انخدم دغيا ولا فيها الشوماج؟ ....وش ندير informatique...ولا ندير genie mécanique ؟ جوج مجالات بيناتهم غي الخير والاحسان ..
هذا راه ماشي عيب بتاتا ....حتى حنا كنا كنفكرو بنفس التفكير لان المجتمع كيخلينا نفكرو فحاجة وحدة...نقراو شي قرايا باش نتوظفوا...لي عاق بكري كيدخل ليكول وكيقرر مثلا يخصص مسارو وسطاجاتو فواحد الدومين كيعجبو...كيتخرج عارف شنو باغي...حتى الى شوما كيعرف انه ملي ايخدم فداكشي لي باغي غادي يعطي كثر ويرتاح كثر...يقدر كاع تجيه خدمة فشي حاحة بعيدة يرفضها او غالبا يقبل بيها ويقلب على دكشي لي باغي حتى كيلقى .
التلفة راه خايبة....والشوماج راه كاين فاغلب المجالات...غي المدة تختلف...ولكن ملي كتدير وحد شوية ديال التجربة راه تقدر متحتاجش تصاوب CV...كتلقى الناس باغينك تخدم معاهم...حيث كيطلو على البروفيل ديالك كيلقاوك متالفش انسان عارف فين غادي ...ماشي كينقز من الفلاحة للسياحة للكابلاج..

غدي تغمض عينيك صديقي العزيز ونتا في اول فصول الدراسة فليكول...غدي تحلها تلقى راسك كيصفقو عليك فالسوتنوس ....Nous avons l...
28/08/2025

غدي تغمض عينيك صديقي العزيز ونتا في اول فصول الدراسة فليكول...غدي تحلها تلقى راسك كيصفقو عليك فالسوتنوس ....
Nous avons l'honneur de vous déclarer ingénieur d'etat....
و كتحفي السباط والكلافي ديال البيسي ديال انجاز باش تصاوب السيفي وتسيفط لكل مايل طاح فشي كومونطير فلينكدن ديال اي RH او responsable....غادي تغمض عينيك عاود ...تلقى راسك خدام مدور الحركة ....ولكن موضر .. اينا ضومين اتكمل فيه ...وش تبدل ولا تبقى باش تزيد فالصالير...كتغمض عينيك ...كتلقاك سينيور....10 سنين ديال l'expérience....مزوج وعندك طفل او طفلين.....او ثلاثة ....والصالير مزيان...ولكن مقادش ....مصاريف القراية ديال الدراي (حيث حنا جيل تقامينا رخاص على واليدينا ) ....الترفيه(حيث ضغوطات الحياة لا تنتهي)....الكريديات(حيث بيعك العجل شي واحد بلي الكريدي حسن من الكرا )....فكتلقى راسك خدام distibuteur de salaire......ولكن فهادشي كامل حامد الله وشاكرو حيث واليديك فرحانين بيك حيث مخرجتيش مبلي ...ومفتاخرين بيك حيث مبقيتيش واقف عليهم ...ومنسيتيهمش ....
الحياة سريعة...جدا ...ادن خصك تعلم تقلب الصفحة دغيا وتركب التران...حيث مكيتسناش بزااف.....حيث tout simplement ماهازكش بوحدك ....ادن استمتع بكل محطة ...وانت راكب وحامد الله...ومقارن راسك ..براسك ....
دمتم سالمين


Address

Casablanca

Website

Alerts

Be the first to know and let us send you an email when Le Consultant it posts news and promotions. Your email address will not be used for any other purpose, and you can unsubscribe at any time.

Shortcuts

Share

Category