10/10/2026
❤️🍎 لكل شخص كان جزء من حكاية تفاحة زينب… عندنا كلام من القلب للقلب.
مش كل تغيير معناه نهاية، مرات التغيير يكون بداية لحاجة أكبر وأجمل بإذن الله ❤️
من يوم فتحنا أبوابنا، وتحديدًا من 2/8/2024، وتفاحة زينب قاعدة تكبر بيكم، بمحبتكم وثقتكم ووقفتكم معانا. وكل زبون دخل للمحل، وكل شخص شجعنا، وكل حد اختار يكون جزء من رحلتنا، عنده مكانة خاصة في قلوبنا. ❤️
واليوم، قاعدين نجهزوا لمرحلة جديدة، وموضوع نقل المحل وتجهيزه في المكان الجديد بياخد منّا شوية وقت، وممكن نتأخروا عليكم لين نكملوا كل شيء بالشكل اللي يليق بيكم وبالثقة اللي عطيتوهلنا.
عارفين إن في ناس متعودة علينا، وفي ناس تجينا من أماكن بعيدة، وفي ناس حتى لو ما شرتش منّا، متابعتنا وتشجيعها ديما يفرقوا معانا… وعلشان هكي حبّينا نوضحولكم ونقولولكم سامحونا على أي تأخير خلال الفترة هذي. 🥹❤️
تفاحة زينب مش مجرد محل نبيعوا فيه هواتف وإكسسوارات… تفاحة زينب حكاية بدت بحلم، وكبرت بثقتكم، ومستمرة بدعواتكم ووقفتكم معانا.
استنونا في البداية الجديدة، وإن شاء الله اللي جاي يكون أجمل وأقوى بوجودكم معانا. 🤍
دعواتكم لينا بالتوفيق والبركة في الخطوة الجديدة، وربي يجعلها بداية خير ورزق ونجاح لينا وليكم يا رب. 🤲🏻
من القلب، شكرًا لكل حد كان معانا، ولكل حد ما زال معانا، ولكل حد بيكون جزء من اللي جاي. ❤️
تفاحة زينب 🍎
حكاية بدت بيكم… ومستمرة بيكم.
