14/07/2025
عندي ليك شويـة إضافـات عالـ Chrome حتسهـل عليك واجد فـي شغلك و اتزيد من إنتاجيتــك 🚀
- الإضافـة الأولى Fonts Ninja ,جربت من قبل Whatfont و كانت مقبولة لكـن هذي أقوى بمراحـل ,بمجـرد إنك تأشر بالفـارة علـى أي نص تعطيــك نوعـه و حجمـه و لونـه ,و مش هكي بس تعطيـك حتى المسافـة بين الأسطر
Fonts Ninja : https://tinyurl.com/5f8hy8zz
- الإضافـة الثانيـة colorzilla ,من اسمـه شارح نفسـه بنفسـه و ما فيش مصمم إلا و محتاج هذي الإضافة ,تعطيـك الـ Hex-code لأي لون على صفحة الويب
colorzilla : https://tinyurl.com/yc7dkc57
- الإضافـة الثالثـة svg grabber ,أقوى إضافـة فيهم ,تنزلـك الشعارات و الرسـومات الموجـودة على أي موقع بصيغـة svg يعنـي خوذها جودة عاليـة
SVG grabber : https://tinyurl.com/28xemejc
- الإضافـة الرابعـة Image Downloader ,حتفيدك في التغذيـة البصريـة و تجميـع الــreferences قبـل ما تبدأ في مشـروعك ,عجباتـك فكـرة تصميـم عالبيهانـس و تبي ترجعلهـا كل شوي ؟ و انت عالموقـع اضغط عالإضافـة تعيطـك قائمـة بالصـور و تنزل اللي تبيهـا
Image Downloader : https://tinyurl.com/4zy3uafa
- الإضافـة الخامسـة Google Translate ,حتستحـق اللغـة الإنجليزيـة واجد في شغلـك ,و انت تبحـث عن صـورة أو لو قابلاتـك كلمـة معرفتش معناهـا في مقطـع شرح عاليوتيـوب ,تقدر بمجرد الضغط عالإضافـة تكتب الكلمـة و تعطيك معناهـا و كإفادة زيادة سجلهـا عندك في مذكـرة و هكي تكون تعلمـت كلمة جديـدة
Google Translate : https://tinyurl.com/yckywhs7
عندك برنامج Grammarly حتى هو ممتاز يصححلك أي خطـأ في القواعـد وقت الكتابـة ( كان موجود في الإضافات لكن وقفـوه ! )
- الإضافـة السادسـة ABF (Audio Brain Focus) ,إضافـة خفيفـة اتشغلك أصوات في الخلفيـة للتركيـز لو كنت زيي متقدرش تشتغل بدون ما تسمـع شي
ABF : https://tinyurl.com/nhbjkjvb
هذي أغلب الإضافات اللي نستعمـل فيها ,اكتبلـي في التعليقـات إضافـة تستعمل فيها و مش موجـودة في هذي القائمـة و شارك المنشـور لو عجبـك
#مصمم #ابداع #فن #انستغرام #سوشيالميديا + #عالسريع
