03/11/2022
කතා කරමු intel processor ගැන හැමදේම
Part 2
අද අපි කතා කරන්න යන්නෙ processor වල ඇති Clock speed , Over clocking , turbo boost ගැන.
01.Clock speed
Clock speed එකක් ලෙස හදුන්වන්නේ processor එකක ඇති වේගයයි. මෙය මනිනු ලබන්නේ GHz වලිනි.
අප කවුරුත් දන්න දෙයක් තමයි processor එකක් වැඩ කරන්නෙ ගණිත හා තාර්කික ක්රම වලින්, ඒ කියන්නෙ අපි ප්රොසෙසර් එකකට signal එකක් දුන්නම ඒක ප්රොසෙසර් එකට තේරුම් ගැනීමට පුලුවන් විදිහට හරවා ගන්නවා මේ ආකාරයෙන් ප්රොසෙසර් එකට ලැබෙන උපදෙස් වලට කියන්නෙ Machine instructions කියලයි.
Data ---> Machine instructions
මේ විදහට තත්පරයට ක්රියාත්මක කරන්න පුලුවන් machine instructions ප්රමාණය අපි හදුන්වනවා Clock speed එක කියල,
ඒ අනුව 1GHz ක වේගයක් ඇති ප්රොසෙසර් එකකට තත්පරයට ක්රියාත්මක කරන්න පුලුවන් machine instructions ප්රමාණය බිලියන 1ක් පමණ වේ.
3.0 GHz ක වේගයක් ඇති ප්රොසෙසර් එකකට තත්පරයට ක්රියාත්මක කරන්න පුලුවන් machine instructions ප්රමාණය බිලියන 3ක් පමණ වේ.
මෙම Clock speed එක එහෙම නැත්නම් ප්රොසෙසර් එකක වේගය, ප්රොසෙසර් එකෙහි මතුපිට පෘෂ්ඨයේ සදහන් කරල තියෙනවා. ඒ වගේම ප්රොසෙසර් එක නිකුත් කල සමාගමේ වෙබ් පිටුව තුලින් ද දැන ගත හැකිය
02. Over clocking
අපි එදිනෙදා ජීවිතයේ පරිගණකක් භාවිතා කරමින් video editing , Graphics design , Gaming වගේ කටයුතු කරද්දී අපිට ප්රොසෙසර් එකෙහි වේගය මදි වන අවස්ථාවකට මුහුණ දීමට සිදුවුවහොත් වේගය වැඩි කර ගැනීමේ අවශ්යතාවක් මතු වෙනවා, මේ සදහා භාවිතා වන තාක්ෂණික ක්රමයක් ලෙස Over Clocking ලෙස හදුන්වන්න පුලුවන්.
සාමාන්යයෙන් ප්රොසෙසර් එකකට නිශ්චිත වේගයක් ( Clock speed එකක්) තියෙනවා. Processors නිෂ්පාදනය කරන සමාගම් විසින් මේ වේගය ඉක්මවා නොයන සේ ප්රොසෙසර් එක ලොක් කරල තමයි අපි අතරට එවන්නෙ, එසේ සිදු කිරීමට හේතුව වන්නෙ ප්රොසෙසර් එකෙහි clock speed එක සීමාවක් නොමැති වුවහොත් අධික ලෙස රත් වීමට හා ප්රොසෙසර් එකෙහි කල් පැවැත්ම අඩු වීම, ප්රොසෙසරය විනාශ වීමට ද ඉඩ ඇති හැකියාව ආදී හේතූන් නිසාය.
නමුත් අපට ප්රොසෙසර් එකෙහි clock speed එක වෙනස් කළ හැකි ප්රොසෙසර් මාදිලි කිහිපයක් වෙලඳපොලේ දැක ගන්න පුලුවන්, එම ප්රොසෙසර් Unlock processors ලෙස හදුන්වන්න පුලුවන් ( K සහ X කාණ්ඩයේ ප්රොසෙසර් ), මෙම ප්රොසෙසර් සාමාන්ය ප්රොසෙසර් ආකාරයටම නිශ්චිත Clock speed එකක් යටතේ පැණියත් එම ප්රොසෙසර් එකහි උපරිම වේගය දක්වා වේගය වැඩි කිරීමට හැකියාව පවතිනවා.
ප්රොසෙසර් එක Over clock කිරීම එහෙමත් නැතිනම් Unlock කිරීම නිසා ප්රොසෙසර් එකට ලැබෙන වගකීම නොලැබීමත් , ප්රොසෙසරය අධික ලෙස රත් වීමත් ප්රොසෙසර් එකෙහි ආයුකාලය අඩුවීමත් පෙන්වා දෙන්න පුලුවන්
03. Turbo boost
සාමාන්යයෙන් processor එකක් සදහා ලැබෙන Workload එක වැඩි වූ විට Processor එකෙහි Cores වල ක්රියාකාරිත්වය සාමාන්ය ප්රමාණයට වඩා වැඩි කර ගැනිම Turbo boost ලෙස හදුන්වයි. මේ සිදුකිරීම සදහා ප්රොසෙසර් එකෙහි ඇති,
Active cores ගණන
Processor power consumption
Processor current consumption
Processor Temperature
Type of workload
යන කරුණු උපරිම සීමවක ක්රියාත්මක වේ නම් අමතර Processing power එකක් අවශ්ය වන විට ප්රොසෙසර් එකෙහි ස්වයංක්රීයව Processing power එක වැඩි කර ගැනිම Turbo boost ලෙස හදුන්වන්න පුලුවන්
