MATHS Experts

12/08/2026

IT Employees ට සත්තුන්ට වගේ සළකන ලංකාවේ IT, Software Company වලට එරෙහිව පෙළ ගැසෙමු.

දැන් අලුත්ම Trend එකක් වෙලා SE ලා ඇතුළු IT employees ලව Layoff කරලා බොහොම අඩු Salary එකකට අලුතින් කට්ටිය ගන්න එක. ඒ ගන්නෙත් මාස 6 ක Probation period කියලා, ඒ කාලේ ඇතුළත ඕනම දවසක සතයක්වත් නොදී හිතෙන වෙලාවක අස් කරන්න පුලුවන්.
ඒක Agreement එකේ පවා අත්සන් කරන් ගන්නේ.

ඒ වගේම ඉන්න Employees ලවත් අයින් කරන්න plan ගහනවා.

මේ Company වලට තමන්ගේ දැනුම වත්කරලා පොවලා හදපු SE ලව අන්තිමට එහම එලවන එක කොච්චර කැත ද.
වෙන රටවල් වලත් Lay off කරනවා. හැබැයි ඒ අයගේ health එක පවා බලනවා. අවුරුද්දක package එකක් පවා දෙනවා ඒ වගේ reputed company වල Layoff කරත්. හැබයි ලංකාවේ මේ දේවල් කරන්නේ ඉතාමත් කැත විදියට කියලා තොරතුරු වාර්තා වෙනවා.

දැන්මම මේවාට විරුද්ධ ව නැගී සිටිය යුතුයි.
ඔබගේ අදහස comment කරන් යන්න.

11/08/2026

තවත් Lay off එකක්!

මේ අද Lay off කෙනෙක් Company එක ගැන දාලා තිබුණු කතාව. දැන් ගොඩක් IT Company ඒවායේ වැඩ කරන SE කට සළකන්නේ නිකන් සත්තු ගාණට දාලා.

පල්ලෙහායින් කතාව කියවන්න. ඔන්න අපිට කලින් News ආපු Layoff ආරංචිය හරි වෙන ගමන් තියෙන්නේ.

"පෝට් සිටි එකෙ හොදට පඩි ගෙවනවා කියපු IFS එකේ නිල් පාට කොම්පැනියේ ඇත්ත තත්වේ

මේක මට ලියන්න හිතුනේ කාටවත් IGT1 එකට apply කරන්න එපා කියලා තරයෙම කියන්න ඕනා නිසා. හොදට පඩි ගෙවනව කියලා කතාවක් යවලා සුපිරියටම හොද stable company වල වැඩ කරන කොල්ලෝ කෙල්ලොන්ව ඇදගෙන. අසරණ කරලා immediate terminate කරලා අන්තිමට අසරණ කරලයි නැවැත්තුවේ. ඊයේ (7/13) ලිස්ට් එක දැම්මා 100+ Sitecore employees immediately Lay off ඊයෙම කියලා ඊයෙම account disabled කරලා දැම්ම No excuses. මාරම මිනිස් අයිතිවාසිකම් තමයි company ට ඉන්නෙත් employees ලා 500ක් වගේ. ඒකෙනුත් 1/5 ක් ඊයේ ගෙදර යැව්වා. Important business update කියලා කට්ටියටම meeting එකක් දාල immediate lay off එකකට යන්න තරම් මේ company වල upper management කොච්චර දරුණු වෙන්න ඕනද. මම මේ කියන්නෙ එක මනුස්සයෙක් ගැන නෙමෙයි. මිනිස්සු 100 කට ආසන්ව. ඉතින් මෙහෙම පටන් අරන් දෙවෙනි අවුරුද්දෙම මිනිස්සුන්ට මෙහෙම කරනවනම් Company එකෙ ඉස්සර ගැන ඕනම පොඩි එකෙක්ට හිත ගන්න පුලුවන් ඉතින්. Overall හැම අතින්ම මාරම disappointing හම්බෙන lunch එකෙ පවා. Lunch ගන්න කලින් ෆෝම් එකක් දාන්න ඕන. එන දවසට කලින්. හදිස්සියේ පව කට් එකක් ගිහින් එදා ඔෆිස් එන මිනිස්සුන්ට lunch එකත් නෑ කඩෙන් කන්න ඕනා. මාරම tough Facility management එකත්. මට හෑලි ලියන්න ඕනේ නෑ Lay off එකට අහු වෙලා කලකිරිලා ඉන්නේ car එක අලුතින් අරන් ඔක්කොම දැන් හිරවෙනවා කියල තේරෙද්දි 🙂 ඉතින් එන්න කලින් හරි job offer එකක් ආවොත් හරි 10 පාරක් හිතන්න එන්න කලින්. Promote කරන තරම් සුන්දර නෑ මේවගේ ඇතුල. ඇටමස් ලේ නහර තියෙන මිනිස්සු නෙමෙයි Management වල ඉන්නේ

Sitecore කියන්නේ IGT1 එකෙන් ඒගොලොන්ව outsourced කරන company එක. ඉතින් හදිසියේ හරි employee කෙනෙක්ව Sitecore එකෙන් terminate උනාම IGT1 එකෙන් උපරිම මාස දෙකක් තියන් ගෙදර යවනවා. ඒකත් කොන්දේසියක් පිට. මාස දෙකම bench හිටියොත් service letter එකේ ගහනවා under performance කියල. Immediate employee resignation දුන්නොත් clear service letter එකක් දෙනව. අම්මගේ Condition තමයි මේවා"

උපුටා ගැනීම අවසන්.

09/08/2026

2025-2026 අවුරුදු වල සහ 2021-2024 අවුරුදු වල ලංකාවේ Software Company 40 කට වැඩි සංඛ්‍යාවක දත්ත ඇසුරෙන් Job roles කීපයක Average Salary Comparison එකක්.

අලුත් Salary 30-40% ත් අතර ගාණකින් අඩුයි!!!

* New Salary - 2025-2026 වර්ෂ වල Average Salary
* Old Salary - 2021-2024 වර්ෂ වල Average Salary

1 ASE (Assistant Software Engineer)
New Salary: 85,000
Old Salary: 155,000

2. SE (Software Engineer)
New Salary: 125,000
Old Salary: 206,000

3. SSE (Senior Software Engineer)
New Salary: 183,000
Old Salary: 256,000

4. Data Engineer / Data Analyst / Data Scientist
New Salary: 214,000
Old Salary: 287,000

5. Web Developer (Frontend/Backend/Full-Stack)
New Salary: 135,000
Old Salary: 234,000

6. Senior Web Developer
New Salary: 174,000
Old Salary: 279,000

7. BA (Business Analyst)
New Salary: 142,000
Old Salary: 215,000

8. ML Engineer
New Salary: 300,000
Old Salary: No data

9.Cyber security Engineer
New Salary: 278,000
Old Salary: No data

10. Python developer / Java Developer / C # . Net developer
New Salary: No data
Old Salry: 248,000

11. ATL (Associate Tech Lead)
New Salary: 346,000
Old Salary: 441,000

12. TL (Tech Lead)
New Salary: 411,000
Old Salary: 526,000

අලුතින් AI එක්ක Salary වල කැපී පෙන්න අඩු විමක් තියෙනවා හැම Job role එකකම වගේ. Lay off වලින් පස්සේ ඒ Job role එකට ගන්නේ ගොඩක් අඩු salary එකකට අලුත් අයව.

මේ තත්ත්වය අනිත් රටවල් වලත් දරුණුවටම තියෙනවා. මේ පාර Moratuwa CSE Field selection එකෙන් Computer Science And Engineering 9 වෙනි place එකටම වැටිලා මීට කලින් අවුරුදු වල 1/2 places වල තිබුණේ.

මේ හා සමාන ඉල්ලුම අඩු වීමක් UCSC එකෙ CS degree එකට හා Moratuwa IT degree එකටත් අනික් සියලු ම IT , CS degree වලටත් සිදුවේවී.

හතු පිපෙනවා වගේ බිහිවුණු Private කඩ ටිකත් වැහිලා යයි ඉස්සරහට. මේ Private කඩ වලින් ළමයි අවුරුද්ද ට 17,000 ක් එලියට දාපු එකේ ප්‍රතිඵල අද හැමෝම අත් විදින්න වෙලා තියෙනවා

දැන් නම් වෙනත් හොද Field එකකට යන්න කියලා තමයි කියන්න වෙන්නේ. ආස නැත්නම් බොරුවට එන්න එපා.

27/07/2026

Salary Cut කරපු Company එකක Salary Cut කරන්න පෙර සහ පසු අලුත් Salary Comparison එකක්.

මේ Pattern එක ඉස්සරහට තවත් Company භාවිතා කරන්නත් ඊට පස්සේ මේක Standard එක වෙන්නත් ඉඩ තියෙනවා ඉස්සරහට..

සත්‍ය බොහොම කටුකයි.

මෙහි සදහන් salaries Net Salary වන අතර APIT Tax, EPF සහ සියලුම Deduction අඩු කිරීමෙන් පසු Net Salaries සදහා ගණනය කිරීම කර ඇත.

සියලුම Salaries LKR වලින් දක්වා ඇත.

මෙම Salaries SSE, ATL, TL කාණ්ඩ සදහායී.

1. Salary Old: 396,725 Salary New: 257,225 Deduction: 139,500 (35%)

2. Salary Old: 447,225 Salary New: 289,225 Deduction: 158,000 (35%)

3. Salary Old: 497,725 Salary New: 317,725 Deduction: 180,000 (36%)

4. Salary Old: 548,225 Salary New: 345,725 Deduction: 202,500 (37%)

5. Salary Old: 598,725 Salary New: 373,725 Deduction: 225,000 (38%)

6. Salary Old: 649,225 Salary New: 401,725 Deduction: 247,500 (38%)

7. Salary Old: 699,725 Salary New: 429,725 Deduction: 270,000 (39%)

8. Salary Old: 750,225 Salary New: 457,725 Deduction: 292,500 (39%)

9. Salary Old: 800,725 Salary New: 485,725 Deduction: 315,000 (39%)

10. Salary Old: 851,225 Salary New: 513,725 Deduction: 337,500 (40%)

11. Salary Old: 901,725 Salary New: 541,725 Deduction: 360,000 (40%)

12. Salary Old: 952,225 Salary New: 569,725 Deduction: 382,500 (40%)

13. Salary Old: 1,002,725 Salary New: 597,725 Deduction: 405,000 (40%)

14. Salary Old: 1,053,225 Salary New: 625,725 Deduction: 427,500 (41%)

15. Salary Old: 1,103,725 Salary New: 653,725 Deduction: 450,000 (41%)

16. Salary Old: 1,154,225 Salary New: 697,925 Deduction: 456,300 (40%)

17. Salary Old: 1,204,725 Salary New: 709,725 Deduction: 495,000 (41%)

ඉතින් පරණ Salary එකත් එක්ක ඒ ජීවන රටාවට පුරුදු වෙලා ඉදපු කෙනෙක්ට මේ තත්ත්වය ඉතා අපහසු වෙන්න පුලුවන්.

ඒ වගේම සමහර Companies වල SSE Average Net Salary දැන් ය්න්නේ 150-250 ත් අතර. දැන් ඔන්න මේ company එකත් අවම අගය 257 ට ම වැටිලා. ඒ වගේම TL level ලක්ෂ 12 ඉදන් ලක්ෂ 7 ටම වැටිලා. (මේ දක්වා ඇත්තේ Net Salaries අතට ලැබෙන ගාණ බව සළකන්න)

27/07/2026

ලංකාවේ ප්‍රසිද්ධ IT companyy ගණනාවක අලුතින් Layoff 1000 ක් විතර වෙන්න යනවා කියලා අලුතෙන්ම News එකක් ආවා.

Sysco Lab එකේ salary cut එකෙන් පස්සේ Layoff ත් 1000 කට වැඩිය Plan කරලා ගොඩක් IT company වල ඉදිරි මාස 4-5 ඇතුලත.

ඒ වගේම Intern opportunity එහම ඉදිරියේදී තවත් අඩු වෙයි.

කාලයක් තිබ්බා Software Engineering ඉහළම Salary ගත්තු කාලයක්. නමුත් දැන් ඒ තත්ත්වය වෙනස් වෙලා. සාමාන්‍යයෙන් හොඳම Government University එකකින් එලියට ආපු ළමයිත් ගොඩක් Job නැතිව ඉන්න වෙලා තියෙනවා.

මේ තත්ත්වය ඉදිරියේදී තවත් වැඩිවෙන බවක් සහ ලැබෙන Salaries ඉතා අඩු වෙන බවත් පේන්න තියෙනවා ලංකාවේ.

ඒ වගේම Government අලුත් Tax හින්දා තව තවත් තත්ත්වය දරුණු වෙන්න ඉඩ තියෙනවා.

මේ වගේ තත්ත්වයක් එක්ක AL කරලා අලුතෙන් IT, Computer Science degrees වලට එන්නේ නැතිව විකල්ප මාර්ග තෝරගන්න කියලා තමයි කියන්න පුලුවන්.

16/06/2026

කුමාර කියන්නේ ලංකාවේ බැංකුවක දහඩිය හෙලලා වැඩ කරපු, හැබැයි මාසේ අන්තිමට බස් එකටයි බඩගින්නටයි විතරක් සල්ලි ඉතුරු වුනු සාමාන්‍ය තරුණයෙක්.

තමන්ට තිබ්බ ආර්ථික අර්බුදය හමුවේ තමන්ගේ හීන මැලවෙන්න ගනිද්දී, කුමාර තීරණය කළා තමන් සන්තකයේ තිබ්බ එකම වාහනයනයයි, අම්මගේ රත්තරන් බඩුයි සේරම උගස් කරලා දිව්‍ය ලෝකයක් වගේ පෙනුනු ඕස්ට්‍රේලියාවට පියඹා යන්න.

හැබැයි සිඩ්නි ගුවන් තොටුපළෙන් එළියට බහිද්දිම කුමාරට තේරුණා එහේ සුරංගනා කතාවක් නෙමෙයි, අහස උසට නැගුණු ජීවන වියදමකුත් සීතල හුදෙකලාවකුත් තමන්ව පිළිගන්න බලාගෙන ඉන්නවා කියලා.
ලංකාවේ ටයි කෝට් දාලා AC කාමරවල හිටපු කුමාරට ඔසී වල මුල්ම මාස කිහිපයේ උරුම වුණේ සුපර්මාර්කට් වල බර ඇදීමයි, මැදියම් රැයේ සීතල වෙවුලන පාරවල් දිගේ Uber Eats කෑම පැකට් බෙදන එකයි.

හැබැයි පුදුමෙකට වගේ මාස හයක් යද්දී, කුමාර තමන්ගේ ඉන්ස්ටග්‍රෑම් ගිණුමේ සිඩ්නි ඔපෙරා හවුස් එක ගාව දිලිසෙන නිල් පාට බොනට් එකකට හේත්තු වෙලා "ඔසී තරම් රටක් ලෝකෙකවත් නෑ, මේක තමයි පාරාදීසය!" කියලා ලස්සනම ලස්සන පින්තූරයක් පළ කළා.

ඇත්තටම කුමාර විතරක් නෙමෙයි, ඔසී වලට වඩා දහස් ගුණයකින් නිදහස්, පිරිසිදු, සුන්දර පරිසරයක් තියෙන නවසීලන්තයේ පදිංචි වෙලා ඉන්න මිනිස්සු පවා එහේ තියෙන අධික බදු බරයි, පුංචි රැකියා වෙළඳපොළයි නිසා හැමදේම දාලා දුවගෙන එන්නේ ඔසී වලටමයි.

කුමාරලාට එහේ පැය 12ක් වහලෙක් වගේ මහන්සි වෙන්න වුණත්, දවස අවසානයේ ලැබෙන ඩොලර් තමන්ගේම කියලා ලස්සන වාහනයක් ගන්න, රසට කන්න, නිදහසේ සංචාරය කරන්න වගේම කාටවත් අත නොපා කොන්ද කෙළින් තියාගෙන ජීවත් වෙන්න පුළුවන් වටිනාකමක් ලැබෙනවා.

කාර්යාලයේ ලොක්කාගේ ඉඳන් පාර අතුගාන ක්ලීනර් වෙනකම් හැමෝටම සමානව සලකන සමාජ ක්‍රමය, නොමිලේ ලැබෙන සුපිරි සෞඛ්‍ය පහසුකම් සහ නීතියේ තියෙන සාධාරණත්වය නිසාම කුමාරට ඔසී රට "පට්ටම පට්ට" රටක් වුණා.

හැබැයි මේ සුන්දර කතාව ඇතුළේ ලොකුම හැරවුම් ලක්ෂ්‍යය සටහන් වුණේ ලංකාවේ ඉන්න කුමාරගේ පණ වගේ යාළුවෙක් වෙච්ච නන්දන, "මචං මටත් එහේ එන්න පාරක් හදලා දීපන්කෝ, මමත් ඔසී එන්නයි හදන්නේ" කියලා WhatsApp මැසේජ් එකක් දාපු දවසේ.

ඒ මැසේජ් එක දැකපු ගමන් කුමාර මොහොතක් ගල් ගැසුණා, ඊටපස්සේ හෙමින් සැරේ ටයිප් කළේ, "අනේ මන්දා මචං, මෙහේ දැන් ඉස්සර වගේ නෙමෙයි, පට්ටම රස්සා හිඟයක් තියෙන්නේ, හැමදේම ගණන් ගිහින්, උඹ මෙහෙ ඇවිත් නම් වැඩක් නෑ, එන්න එපා" කියලා.

ඊටත් පස්සේ තමන් මේක සමාජ සත්කාරයක් විදියට කරනවා කියපු කුමාර තමන්ගේ page එකට ගිහින් පත හෑල්ලක් දිග ඇරියෙ මෙන්න මෙහම.

'මෙහෙනම් එන්නම එපා මෙහේ ගෙවල් වල ගණන් ගිනි ගණන්, අඩේ අවුරුද්දක පඩිය වගේ 13.8 ගුණයක් යනවා ගෙයක් ගන්න. බඩු වල ගණන් වැඩියි. බ්ලා බ්ලා බ්ලා..... මේ වගේ පුලුවන් තරම් පත හෑල්ලක් පත බාපු කුමාරට දැනුනේ ලොකු සැනසිල්ලක්.

ආයිනම් ලංකාවේ එකෙක් මෙහෙට එන්න අහන්නනේ නෑ කියලා තමන්ටම කියා ගත්ත කුමාර ඊයේ අලුතෙන්ම ගත්තු 2025 ආපු අලුත්ම Benz එකට නැග්ගේ අදනම් මෙල්බර්න් හන්දියට ගිහින් පාන් ගෙඩියක්වත් රෑට කන්නන ගේන්න ඕනේ කියල හිතලා

මුළු ලෝකෙටම "ඔසී සුපිරි" කියලා පෙන්වන කුමාර, තමන්ගේම හොඳම යාළුවා අහද්දී "එන්න එපා" කියලා අත වනන්නේ ඇයි?

හැබැයි ඕස්ට්‍රේලියාවේ විතරක් නෙමෙයි, කැනඩා UK ඉන්න ලංකාවේ අය අතරත් මේ වගේම සිදුවීම්, මේ වගේම මානසිකත්වයන් ඕනෑතරම් දකින්න ලැබෙනවා. මේකට තමයි අපි සිංහල භාෂාවේ කුහකකම කියලා කියන්නේ.

ඉතින් ඔයත් මේ වගේ හොඳ ම රටකට ගිහින් ඉන්න ලාංකිකයෙක් නම් ලංකාවේ උදේ හවස කෝච්චියක එල්ලිලා ගිහින් දවසටම එක පාරක් කාල ඉන්න අහින්සක මනුස්සයෙක් එන්න ඇහුවම මේ වගේ වැල් බයිලා දාලා කුහකයෙක් වෙන්න එපා. උදව් කරන්න අකැමැති නම් මුකුත් නොකිය respect පිට ඉන්න.

21/04/2026

Claude Tokens ඉක්මනට ඉවර වෙනවද? මේ GitHub Tools 10කින් 90%ක් Save කරගන්න

Company එකෙන් දුන්න Claude subscription එකක් වුණත්, තමන්ගේම සල්ලි දීලා ගත්ත Claude Pro හරි Max account එකක් හරි වුණත්, ටික දවසක් use කරද්දි හැමෝටම එන common problem එක තමයි token usage ඉක්මනට ඉවර වෙන එක.
විශේෂයෙන් debugging කරන වෙලාවට logs, test outputs, GitHub responses, Playwright screenshots, stack traces, huge files වගේ දේවල් Claude context එකට යනකොට token count එක හිතාගන්නත් බැරි වේගෙන් ඉහළ යනවා.

ඒත් worst part එක තමයි, sometimes useful answer එකක් ගන්න කලින්ම context usage එක 40%-50% විතර consume වෙලා ඉවර වෙන එක. එතකොට limits hit වෙනවා, sessions reset කරන්න වෙනවා, නැත්නම් තව usage ගන්න upgrade කරන්න වෙනවා.

හැබැයි good news එක තමයි, ඒ token burn එක ගොඩක් reduce කරගන්න පුළුවන් free open-source GitHub tools ටිකක් දැන් තියෙනවා.

1. RTK (Rust Token Killer)

GitHub: /github.com/rtk-ai/rtk

RTK කියන්නේ terminal output filter කරන tool එකක්. git status, npm install, cargo test, pytest, ls වගේ commands වල huge outputs Claude ට full එකම යවන්නේ නැහැ. Important summary එක විතරක් යවනවා.

උදාහරණයක් විදියට cargo test output එක lines 150+ තිබ්බොත් RTK ඒක 2-3 lines summary එකක් විතරට reduce කරනවා. Average විදියට 60% සිට 90% දක්වා token reduction එකක් ලැබෙනවා.

“cargo test: 155 lines → 3 lines”

කියලා Reddit user කෙනෙක් share කරලා තිබ්බා. Total 10 million tokens save කරගත්තා කියලාත් ඔහු කියනවා.

2. Context Mode

GitHub: -/github.com/mksglu/context-mode

මේක Playwright outputs, GitHub API responses, logs වගේ huge data SQLite database එකකට save කරනවා. Claude conversation එකට යවන්නේ clean summary එක විතරයි.

ඒ කියන්නේ screenshot එකක raw HTML, huge GitHub JSON response, browser snapshot එක full එකම context එකට යන්නේ නැහැ. Important parts විතරක් යනවා.

Developers ලා කියන විදියට 90% ට වඩා context save වෙනවා. සමහර cases වල 98% reduction එකක් දක්වා යනවා.

3. code-review-graph

GitHub:-/github.com/tirth8205/code-review-graph

Large monorepo එකක් review කරනකොට Claude ට entire codebase එකම දෙන්න ඕන නැහැ. මේ repo එක Tree-sitter use කරලා knowledge graph එකක් build කරනවා.

ඒ නිසා Claude ට relevant files, functions, dependencies විතරක් show කරනවා. Large projects වල huge reduction එකක් ලැබෙනවා. Reddit community එකේ users ලා කියන විදියට 49x reduction එකක් දක්වා ලැබෙනවා.

4. Token Savior

GitHub: -/github.com/Mibayy/token-savior

මේක MCP server එකක්. Full file content Claude ට දෙනවා වෙනුවට symbols, classes, methods, imports වගේ code references use කරනවා.

එතකොට Claude ට අවශ්‍ය method එක හරි class එක හරි විතරක් බලලා answer දෙන්න පුළුවන්. Full file 2000 lines load කරන්න ඕන නැහැ.

Large codebases use කරන අයට මේක ගොඩක් useful.

5. Caveman Claude

GitHub: -/github.com/JuliusBrussee/caveman

මේක funny tool එකක්. Claude output එක short caveman-style English වලින් දෙනවා.

Normal response එක:

“Based on the provided error logs, it appears that the database connection pool is exhausted.”

Caveman version:

“Database tired. Too many connections.”

Technical meaning එක same. හැබැයි output tokens ගොඩක් අඩු වෙනවා. Around 65%-75% reduction එකක් ලැබෙනවා කියලා community එකේ users ලා කියනවා.

6. claude-token-efficient

GitHub: -/github.com/drona23/claude-token-efficient

මේක use කරන්න code changes ඕන නැහැ. Project root එකට CLAUDE.md file එකක් add කරනවා.

එකේ “keep answers short”, “avoid unnecessary explanations”, “show only required code” වගේ rules දානවා. Claude automatically concise answers දෙන්න පටන් ගන්නවා. RTK repo එකේත් CLAUDE.md file එකක් use වෙනවා.

7. token-optimizer-mcp

GitHub: -/github.com/ooples/token-optimizer-mcp

මේ MCP server එක repeated tool outputs compress කරනවා, cache කරනවා, duplicate context remove කරනවා.

Example එකක් විදියට same GitHub issue list එක හෝ same logs එක conversation එකේ 5 times යනවා නම්, ඒවා duplicate වෙන්නේ නැහැ. Repeated context compact කරනවා.

Large debugging sessions වල ගොඩක් useful.

8. claude-token-optimizer

GitHub: -/github.com/nadimtuhin/claude-token-optimizer

මේක setup prompt collection එකක්. Project එක start කරන වෙලාවේ concise response rules, file selection rules, debugging limits වගේ things pre-configure කරනවා.

ඒ නිසා Claude unnecessary files open කරන එක, too much explanation දෙන එක, repeated context use කරන එක අඩු වෙනවා.

9. token-optimizer

GitHub:-/github.com/alexgreensh/token-optimizer

මේ tool එක hidden token waste හොයාගන්න use කරනවා. Empty lines, repeated logs, duplicate outputs, unnecessary JSON fields, null values වගේ things remove කරනවා.

Reddit community එකේ developers ලා කියන විදියට huge quality loss එකක් නැතුව context compact කරන්න පුළුවන්.

10. claude-context by Zilliz

GitHub: -/github.com/zilliztech/claude-context

මේක BM25 + vector search use කරලා codebase එකේ relevant sections විතරක් Claude ට දෙන්න use කරන tool එකක්.

Full project එක load කරනවා වෙනුවට, relevant functions, files, dependencies විතරක් context එකට යනවා. Search accuracy maintain කරගෙන token usage 40% විතර reduce වෙනවා කියලා repo එකේ mention කරනවා.

අන්තිමට කියන්න තියෙන්නේ Claude token problem එක solve කරන්න එකම magic tool එකක් නැහැ. හොඳම approach එක තමයි RTK + Context Mode + concise CLAUDE.md rules + code search tools combine කරලා use කරන එක.

08/01/2026

IFS

මේ තියෙන්නේ ඊයේ Layoff කරපු Probation period එකේ ඉදපු කෙනෙක් Reddit එකේ දාපු Post එකක්.

Company එකට Join වෙලා එක පාට call කරලා මාස 2 ක Salary දීලා ගෙදර යන්න කිව්වම ඒක ලේසී නෑ දරා ගන්න.

Probation period, Contract base role වල ඉන්න අයට තමයි ලොකුම risk එක. මොකද එක පාරටම අයින් කරලා දාන්න පුලුවන් ඉතාමත් සුලු Compensation package එකක් එක්ක. ලංකාවේ Labour laws එහමත් හරියට Powerful නැති හින්දා මේ වගේ ඒවයේදී නිහඩව ඉන්න එක තමයි කරන්නේ.

මේ වගේ තත්ත්වයක් තමයි IT field එකේ ලංකාවේ උදා වෙලා තියෙන්නේ.

මේ වගේ IT Company දැන් කරන්නේ Restructuring එකක්. ඒ කියන්නේ Cost එක අඩු කරන්න Employee ලව අයින් කරලා දානවා, ඊට පස්සේ AI workflow Automation දාලා පුලුවන් තරම් Cost එක අඩු කරගෙන Revenue එක වැඩි කර ගන්න එක තමයි Company වල අරමුණ වෙන්නේ. ඒ වගේම Old system තවදුරටත් Maintain කරන්නේ නැත්නම් ඒවගේ ඒවා sunset කරන්න ඉන්න Software Engineering Group පිටින් ම මේ වගේ අයින් කරලා දානවා. ඉතින් මේ වගේ සලකුණු එද්දීම අලුත් Job එක හොයන්න පටන් ගන්න. අලුතින් Join වෙන අය Stable comport zone එකට එන්න හිතන් Join වෙන්න එපා.

"මතක තියාගන්න Company එකට ඔයාව වැඩක් තියෙන්නේ ඔයාගෙන් ලොකු Profit එකක් (අවම ඔයාගේ Salary වගේ 10 ගුණයක්වත්) තියෙනකන් විතරයි. ඒ නැති වුණු ගමන් ඔයාට Tata Bye තමයි"

ඒ හින්දා හැම වෙලේම එක කකුලක් එලියේ තියන් ඉන්න. Permanent කියලා දෙයක් ආයී නෑ. මතක තියාගන්න ඒක.

18/12/2025

13/12/2025

අනුරාධ පෙරේරා ගේ ප්‍රකාශයත් සමඟ ඇතිවුණු කතාබහේදී, ඒ සඳහන් කළ Salary figure එක පසෙක තැබුවොත්, වර්තමාන IT ක්ෂේත්‍රයේ නවකයින් මුහුණ දෙන "Entry Level Job Crisis" එක ගැන බරපතල ඇත්තක් සැඟවී තිබෙනවා. මෙය මදක් ගැඹුරින් විග්‍රහ කර ගනිමු.

ලංකාවේ IT Job Market එකේ අද පවතින තිත්ත ඇත්ත මෙයයි:

1. Supply සහ Demand අතර ඇති අසමතුලිතතාවය:

සංඛ්‍යාලේඛන වලට අනුව, රජයේ විශ්වවිද්‍යාල, පුද්ගලික විශ්වවිද්‍යාල සහ අනෙකුත් උසස් අධ්‍යාපන ආයතන වලින් වාර්ෂිකව IT හා Computer Science උපාධිධාරීන් 17,000ක් පමණ (Massive Supply) ලංකාවේ වෙළඳපොළට නිකුත් වෙනවා. නමුත් මේ සියලු දෙනාටම සරිලන රැකියා ප්‍රමාණයක් (Demand) අපේ රට ඇතුලේ හෝ Remote opportunities හරහා නිර්මාණය වෙනවාද යන්න ප්‍රශ්නයක්.

2. "Unpaid" වැඩ කරන Associate Software Engineersලා:

මේ අධික සැපයුම (High Supply) නිසා සිදුවී ඇති කණගාටුදායකම තත්ත්වය නම්, ඇතැම් සමාගම් වල Associate Software Engineer තනතුරු සඳහා පවා වැටුප් නොගෙවා (Unpaid) සේවය ලබා ගැනීමයි. රැකියාවක් සොයා ගැනීමේ දැඩි තරඟකාරීත්වය නිසා සහ Experience එකක් සාදා ගැනීමේ අරමුණින්, වැටුපක් නොමැතිව හෝ වැඩ කිරීමට කැමති පිරිසක් බිහි වී තිබෙනවා. මෙය මීට වසර කිහිපයකට පෙර අප නොදුටු ඉතා අවාසනාවන්ත ප්‍රවණතාවයක්.

3. "Average" වී පැවැත්මක් නැත:

"Exceptional" විය යුතුය කියන කාරණය මෙතැනදී ඉතාම වැදගත්. නිකම්ම උපාධියක් (Paper Qualification) තිබූ පමණින් රැකියාවක් ලැබුණු යුගය දැන් අවසන්. අද වන විට කර්මාන්තයට අවශ්‍ය වන්නේ "වැඩ පුළුවන්" මිනිස්සුයි.

වෙනත් ටියුෂන් ගුරුවරුන් මෙන් "IT කරොත් ලක්ෂ ගණන් පඩි, මාර සැපයි" කියා සිහින ලෝක මවනවාට වඩා, අනුරාධ sir වැනි අයකු මේ පවතින තරඟකාරීත්වය ගැන සහ ඊට හැඩගැසිය යුතු ආකාරය ගැන අනතුරු ඇඟවීමක් කිරීම ඇත්තෙන්ම අගය කළ යුතුයි.

පොඩි උන්ට කියන්න තියෙන්නේ එක දෙයයි; Market එක saturated. තරඟය දරුණුයි. ඒ නිසා අද කාලේ ගොඩ යන්න නම් ඔයා නිකන්ම IT Degree එකක් තියෙන කෙනෙක් නොවී, දක්ෂතාවයෙන් පිරුණු "Skillful Engineer" කෙනෙක් වෙන්නම වෙනවා.

විමසුම: Maths Experts
(Sources:
IT Field එකේ අවුරුදු 10 කට වඩා පළපුරුදු අත්දැකීම් ඇති Specialists ලා ගේ Experience ඇසුරිනි.
Nimesha Jinarajadasa
Nuwan Kaushalya
)