16/04/2026
2026.04.16
For Memory 🥺📝
ජීවිතේ අපි හිතන දේ වෙන්නේ නෑ වෙන දේ හිතාගන්න බෑ...
අද අපේ ගමනාන්තය වුනේ හෝටන්තැන්න... මේ අවුරැදු Vacation එකේ තුන්වෙනි දවස. උදේම නැගිටලා හරි ආසවෙන් අපි යන්න ලෑස්ති වුනේ හෝටන්තැන්න බලන්න.. අම්මා, අප්පච්චී, මමයි මල්ලී. නැන්දා හදලා තිබුන රසම රස කෑම ටිකත් කලා අපි කට්ටිය යන්න ලෑස්ති වුනා, හැමවෙලේම ඉස්සර යන අප්පච්චීවත් කාර් එකේ පිටිපස්සට දාලා හරිබරි ගැහිලා ඉස්සරහ සීට් එකේ මම වාඩි වුනේ ගමන විනෝද වෙන්ඩ කියලා, බොරලන්ද නැන්දලාගේ ගෙදර ඉදන් ටවුන් එකට ඇවිල්ලා ටවුන් එකේදී බැංකුවෙන් සල්ලිත් අරන් අපි ඔහිය පාර දිගේ ඉස්සරහට ගියා. පාර දෙපැත්තේ මහ විශාල රෑස්ස ගස්. හරිම සුන්දර පරිසරයක්, අපි කෙමෙන් කෙමෙන් ඉස්සරහට ගියා, යනමග ලස්සන තැන්වල වාහනේ නතර කරලා පෝටෝස් ගත්තා. ඇත්තටම හරි ලස්සනට අපි විනෝද වෙවී ඉදිරියට ගියා.. ඇත්තටම මම පෝටෝ ගහන්න ආස වුනත් පොටෝ වලට හරි ලස්සනට ඉන්න දන්න කෙනෙක් නෙවේ.. ඉඩ තියෙන තැන්වල නතර කරලා මායි මල්ලී හරි ආසවෙන් පොටෝ ගැහුවා.. ඇත්තටම හරි ලස්සන පාරක්. හරිම ලස්සනයි. දිව්ය ලෝකෙකට යන පාරක් වගේ. 🥹🍃 හරිත වර්ණ වටපිටාව, ටික දුරක් ඉස්සරහට යනකොට ඔහිය, ඔහිය Railway Station එක අපිට හම්බ වුනා, අපි එතනට යනකොට train එකක් එන්න වාහන නතර කරලා තිබුනේ. අපි ඒ train එකෙත් videos අරගෙන පාරේ ඉස්සරහටම ගියා.. ටික දුරක් යද්දී හෝටන්තැන්නේ Entrance එකත් හම්බ වුනා. අප්පච්චී ගිහින් ටිකට් එකත් අරගෙන අපි හරි ආසවෙන් ඇත්තටම ගියේ ඒත් අපි ලොකු දුරක් පයින් යන්න කැමත්තක් තිබ්බේ නෑ. පොඩි දුරක් හෝ ගිහින් බලන අධිෂ්ඨානය ඇතිව ඉස්සරහට ගියා.. අපි ටික ටික තැනට කිට්ටු වුනා, ඒත් අපිට වාහනේ Park කරන්න තරම් ඉඩක් හොයාගන්න බැරි වුනා. Vacation නිසා සෙනග.. පාර දිගේ ඉස්සරහටම නුවරඑළිය පැත්තට ටික දුරක් අපි ගිහින් තවත් යන්න බෑ කියා ආපසු හරවගෙන ආව. ඒත් අපිට තිබුන ආසාව, කුතුහලය එක විනාඩියකින් සුනුවිසුනු වෙලා ගියා. අනේ අපි ආයේම වාහන පෝලිමේ හෝටන්තැන්න පැත්තට එනවිට වාහන ගිහින් පාර බ්ලොක් වෙලා වාහන පස්සට ගන්න වුනා, ටික ටික වාහන පස්සට ගන්නකොට අපිට හිතාගන්නවත් බැරි විදිහට අපේ Car eke ඉදිරියේ තිබුන වාහනය ඇවිල්ලා හැප්පුවා, හැමතැනම ඉන්නවා නේ බූරුවෝ, ඒ වගේ අමු ගවයෙක් ඉදලා තමා මේ සිදුවීම උනේ.. හරි ලොකුවට පාරට බැහැල වාහන පාලනය කරන්ඩ යනවා.. 🐕 හප්පපු මනුස්සයගේ පුදුම නොසැලකිලිමත් රිය ධාවනය නිසා අපේ Car එක නිකරැනේ Damage වුනා. අපි ඔක්කොම කෑගැහුවා. හයිපයි කියා ගත්ත වාහන උන්ට කිසිම හානියක් නෑ අපි වගේ පොඩි මිනිස්සුන්ට තමා කොතනත් හානිය. හරිම කේන්ති ගෙදර හැමෝම කෑ ගැහුවා.. පොලීසියේ uncle කෙනෙකුටත් කිව්වා, අපේ ආරක්ෂාවට. එයා ඇත්තටම උදව් කරා.. නැත්නම් අර මනුස්සයොන්ට හප්පලා මගැරලා යන්න තිබුනා. කොහොමහරි ඉතින් අපේ දවසම ඉවරයි, අපේ ගමනත් ඉවරයි, එතනින් පස්සේ. කිසිම ආසවක් තිබුනේ නෑ ආයේ අපිට විනෝද වෙන්න. අපි ප්රශ්නේ විසදගෙන ආපහු නැන්දාලාගේ ගෙදර එන්න පිටත් වුනා. 🥺 හරිම දුකයි, ආසවෙන් ගිය ගමනක්. ජීවිතේ අපි කවදාවත් හිතාගෙන ඉන්න දේම වෙන්නේ නෑ නේ. ඒත් අපිට මුණදෙන්න වෙන්නේ කිසිම විදිහකින් හිතන්නේ නැති දේකට. 🥺✨️📍
අයෝ ✨️✒️📍
