30/07/2025
សេចក្តីជូនដំណឹងស្តីពី
ការផ្តល់ជូនអាហារូបករណ៍សិក្សា១០០% ជូនដល់កូនៗរបស់
យោធិនពលីជីវិតដើម្បីបុព្វហេតុការពារជាតិ
សាកលវិទ្យាល័យបៀលប្រាយ មានកិត្តិយសសូមជម្រាបជូនដំណឹងដល់បងប្អូនដែលជាក្រុម គ្រួសារយោធិនពលីជីវិតក្នុងបុព្វហេតុការពារជាតិឲ្យបានជ្រាបថា៖ ដើម្បីចូលរួមចំណែកជាមួយរាជរដ្ឋាភិបាលកម្ពុជាក្នុងការអភិវឌ្ឍធនធានមនុស្ស និងដើម្បីចូលរួមសម្រាលបន្ទុកហិរញ្ញវត្ថុក្នុងគ្រួសារយោធិនពលី ក្រុមប្រឹក្សាភិបាលនៃសាកលវិទ្យាល័យបៀលប្រាយ បានសម្រេចផ្តល់ជូនអាហារូបករណ៍សិក្សា ១០០% ជូនដល់កូនៗយោធិនពលីជីវិតក្នុងបុព្វហេតុការពារជាតិ សម្រាប់កម្រិតបរិញ្ញាបត្ររង និងបរិញ្ញាបត្រ គ្រប់មហាវិទ្យាល័យមួយចប់កម្មវិធីសិក្សា នូវនិស្សិតដែលកំពុងសិក្សានិងត្រៀមចុះឈ្មោះឆ្នាំសិក្សាថ្មី នៅសាកលវិទ្យាល័យបៀលប្រាយ ទីតាំងគោលរាជធានី និងគ្រប់សាខាខេត្ត។
ឆ្លៀតក្នុងឱកាសនេះដែរ សាកលវិទ្យាល័យបៀលប្រាយ សូមចូលរួមរំលែកទុក្ខដ៏ក្រៀមក្រំបំផុត ចំពោះក្រុមគ្រួសារយោធិនពលីដ៏អង់អាចក្លាហានរបស់យើងក្នុងស្មារតីស្នេហាជាតិ និងបុព្វហេតុការពារជាតិ មាតុភូមិដ៏បវរនៃព្រះរាជាណាចក្រកម្ពុជា។
