02/09/2026
សូមអបអរសាទរដល់ក្មួយៗទាំងអស់ ទោះបីលទ្ធផលទទួលបានល្អ ឬមិនទាន់ល្អដូចការរំពឹងទុកក៏ដោយ សូមក្មួយៗកុំភ្លេចថា “លទ្ធផលប្រឡង គឺជាលទ្ធផលនៃការប្រឡងមួយលើក មិនមែនជាការកំណត់អនាគតរបស់ក្មួយៗទាំងមូលឡើយ!”
✍️បើក្មួយៗ ទទួលបានលទ្ធផលល្អ សូមអបអរសាទរ និងបន្តខិតខំប្រឹងប្រែងឱ្យកាន់តែខ្លាំង ដើម្បីឈានទៅរកក្តីស្រមៃរបស់ខ្លួន។ បើក្មួយៗ មិនទទួលបានលទ្ធផលល្អដូចបំណង សូមកុំអស់សង្ឃឹម និងកុំគិតថាអនាគតត្រូវបានបិទទ្វារ។
✍️ ជាមួយនឹងការលើកទឹកចិត្តពីរាជរដ្ឋាភិបាល ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្រ្តី សូមក្មួយៗចាប់យកឱកាសក្នុងការសិក្សាជំនាញវិជ្ជាជីវៈ TVET ដើម្បីបន្តអភិវឌ្ឍចំណេះដឹង និងជំនាញ សម្រាប់ចាប់យកអាជីពច្បាស់លាស់ ឱកាសការងារល្អ និងឆាប់រហ័ស សំដៅកសាងអនាគតរបស់ខ្លួនភ្លឺស្វាងក្នុងជីវិត។
✍️ ព័ត៌មានលម្អិតអំពីការសិក្សានៅគ្រឹះស្ថាន TVET សូមទំនាក់ទំនងលេខ Hotline ១២៩៧
