16/10/2024
រាជរដ្ឋាភិបាលកម្ពុជា នៅថ្ងៃទី១៦ ខែតុលា ឆ្នាំ២០២៤នេះ បានចេញអនុក្រឹត្យ អនុញ្ញាតឲ្យចេញផ្សាយ ធ្វើចរាចរ និងប្រើប្រាស់ នៅទូទាំងព្រះរាជាណាចក្រកម្ពុជា នូវ ធនប័ត្រអនុស្សាវរីយ៍ ប្រភេទថ្មី២០០០០០ រៀល ទន្ទឹម នឹងបណ្តាប្រភេទប្រាក់ ដែលត្រូវបានចេញផ្សាយរួចហើយ។
ការបោះពុម្ព ធនប័ត្រអនុស្សាវរីយ៍ប្រភេទថ្មីនេះ គឺដើម្បី អបអរសាទរខួប២០ ឆ្នាំនៃការគ្រងព្រះបរមសិរីរាជសម្បត្តិ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា។
