20/06/2022
អំពីស្លឹកត្នោត
ព័ត៌មានបន្ថែមពីព្រឹត្តិការណ៍វប្បធម៌សហគមន៍ប្រចាំខែមិថុនា
នាយកដ្ឋានសារមន្ទីរ មានកិតិ្តយសសូមជម្រាបជូនសាធារណជនឲ្យបានជ្រាបថា កម្មវិធី “ជំនួបវប្បធម៌សហគមន៍៖ ផលិតផលមួយ អត្តសញ្ញាណមួយ” ក្នុងខែមិថុនានេះ នឹងមានរៀបចំបាឋកថាមួយដែលមានប្រធានបទចំនួន ០២គឺ៖
-ប្រធានបទទី១ “ការយល់ដឹងទាក់ទងនឹងតម្បាញស្លឹកត្នោត” ដោយលោកស្រី ណោម ប៊ុនណាក់ នាយកប្រតិបត្តិសហគ្រាសសង្គមភូមិសិប្បកម្មសង្ឃឹម
-ប្រធានបទទី២ “ស្លឹកត្នោតក្នុងវប្បធម៌ខ្មែរ” ដោយលោក អាន រស្មី មន្ដ្រីមន្ទីរវប្បធម៌និងវិចិត្រសិល្បៈខេត្តកំពង់ធំ
បាឋកថានេះនឹងរៀបចំធ្វើឡើងនៅថ្ងៃទី២៤ ខែមិថុនា ឆ្នាំ២០២២ វេលាម៉ោង០២:០០រសៀល តាមរយៈអនឡាញ ដោយឡែកការតាំងបង្ហាញផលិតផលហត្ថកម្មពីសហគមន៍សិប្បកម្មស្ដ្រីខ្មែរនិងធ្វើឡើងនៅបរិវេណសារមន្ទីរ (បរិវេណក្បែរចំណតរថយន្ត) រយៈពេល ០២ថ្ងៃ ចាប់ពីថ្ងៃទី២៨ ដល់ថ្ងៃទី២៩ ខែមិថុនា ឆ្នាំ២០២២។ សាធារណជនជាពិសេសសិស្សនិស្សិតអាចចូលមកទស្សនា និងជួបពិភាក្សាផ្ទាល់ជាមួយអ្នកផលិត។
ការចំណាយពេលចូលរួមស្ដាប់និងមកទស្សនាផ្ទាល់នៅសារមន្ទីរជាតិ ជាការបង្ហាញនូវទឹកចិត្តស្រលាញ់ថែរក្សាការពារមរតកបេតិកភណ្ឌអរូបីកម្រៗ ដែលបន្សល់ទុកដោយបុព្វបុរសខ្មែរយើង។
