នាយកដ្ឋានប្រព័ន្ធព័ត៌មានគ្រប់គ្រងអប់រំ DEMIS

  • Home
  • Cambodia
  • Phnom Penh
  • នាយកដ្ឋានប្រព័ន្ធព័ត៌មានគ្រប់គ្រងអប់រំ DEMIS

នាយកដ្ឋានប្រព័ន្ធព័ត៌មានគ្រប់គ្រងអប់រំ DEMIS នាយកដ្ឋានមានគោលបំណងផ្សព្វផ្សាយអំពី​ ការជូន​ដំណឹង​ សកម្មភាព​ និងការចូលរួមរបស់អ្នកពាក់ព័ន្ធផ្សេងៗ​។

ក្រសួងអប់រំ​ យុវជន​ និងកីឡា​ បានកែលម្អប្រព័ន្ធព័ត៌មានគ្រប់គ្រងអប់រំ តាមអនឡាញជំនាន់ទី៤ (entryemis.moeys.gov.kh) សម្រាប់កា...
18/09/2026

ក្រសួងអប់រំ​ យុវជន​ និងកីឡា​ បានកែលម្អប្រព័ន្ធព័ត៌មានគ្រប់គ្រងអប់រំ តាមអនឡាញជំនាន់ទី៤ (entryemis.moeys.gov.kh) សម្រាប់ការបញ្ចូលទិន្នន័យអប់រំដោយផ្ទាល់ពីសាលារៀន ដែលនឹងដាក់ឱ្យអនុវត្តនៅថ្ងៃទី១ ខែវិច្ឆិកា ឆ្នាំ២០២៦ ជាថ្ងៃបើកបវេសនកាលឆ្នាំសិក្សាថ្មី។ (ថ្ងៃទី១ ខែកញ្ញានេះតទៅ គឺមុនថ្ងៃបើកបវេសនកាលមួយខែ។ ថ្ងៃបើកបវេសនកាលនឹងប្រព្រឹត្តទៅនៅថ្ងៃទី១ ខែវិច្ឆិកាសម្រាប់ឆ្នាំសិក្សា ២០២៦-២០២៧)។ ក្រោយបើកបវេសនកាលបាន១៥ថ្ងៃ លោកនាយក នាយិកា គ្រូណែនាំនិងអ្នកគ្រូ លោកគ្រូ ដើម្បីធ្វើបច្ចុប្បន្នភាព ពិនិត្យ និងបញ្ជាក់ទិន្នន័យឡើងវិញ ដើម្បីប្រកាសជាផ្លូវការសម្រាប់ការរៀបចំគោលនយោបាយអប់រំ ផែនការយុទ្ធសាស្ត្រវិស័យអប់រំ សន្ទស្សន៍អប់រំទាំងថ្នាក់ជាតិ ថ្នាក់ក្រោមជាតិ ផែនការថវិកា និងផែនការអភិវឌ្ឍសាលារៀននីមួយៗ និងសម្រាប់ការប្រើប្រាស់ដោយដៃគូអភិវឌ្ឍ ការសិក្សាស្រាវជ្រាវ តម្រូវការភូមិភាគតំបន់និងអន្តរជាតិនានា)។

សេចក្ដីណែនាំស្ដីពី៖​ ការប្រមូលស្ថិតិអប់រំឯកជន ឆ្នាំសិក្សា២០២៦-២០២៧ការអភិវឌ្ឍធនធានមនុស្សជាលក្ខខណ្ឌចាំបាច់មិនអាចខ្វះបានសម្...
18/09/2026

សេចក្ដីណែនាំ

ស្ដីពី៖​ ការប្រមូលស្ថិតិអប់រំឯកជន ឆ្នាំសិក្សា២០២៦-២០២៧

ការអភិវឌ្ឍធនធានមនុស្សជាលក្ខខណ្ឌចាំបាច់មិនអាចខ្វះបានសម្រាប់ការប្រកួតប្រជែង និងកំណើនសេដ្ឋកិច្ចប្រកបដោយបរិយាបន្ន និងភាពធន់ ដើម្បីឱ្យកម្ពុជាសម្រេចបានចក្ខុវិស័យ២០៣០ និង២០៥០ របស់ខ្លួន។ មូលធនមនុស្សមានគុណភាពខ្ពស់ និងសុខភាពល្អ គឺជាទ្រព្យសកម្មជាតិដ៏រឹងមាំសម្រាប់បង្កើតតម្លៃសេដ្ឋកិច្ច លើកកម្ពស់តម្លៃវប្បធម៌ បង្កើតគំនិតថ្មីៗ និងនវានុវត្តន៍ សំដៅធានាថេរភាពកំណើនរយៈពេលវែង និងជីវភាពនៃការអភិវឌ្ឍសង្គមសេដ្ឋកិច្ច។ ការអប់រំគឺជាមូលដ្ឋានគ្រឹះនៃការអភិវឌ្ឍធនធានមនុស្សប្រកបដោយគុណភាពខ្ពស់និងសុខភាពល្អ។
ក្រសួងអប់រំ យុវជន និងកីឡា បានដាក់ចេញនូវគោលនយោបាយ និងកម្មវិធីកំណែទម្រង់ជាច្រើនក្នុងគោលដៅធ្វើបរិវត្តកម្មប្រព័ន្ធអប់រំ សំដៅធានាឱ្យការអប់រំព្រកបដោយសមធម៌ បរិយាបន្ន និងលើកកម្ពស់ឱកាសសិក្សាពេញមួយជីវិតសម្រាប់ទាំងអស់គ្នា។ នៅក្នុងយុគសម័យឌីជីថលនេះ វិស័យអប់រំត្រូវបានចាត់ជាវិស័យអាទិភាព និងជាចលករនៃការអភិវឌ្ឍរបស់ប្រជាជាតិនីមួយៗ។ ប្រជាពលរដ្ឋត្រូវមានចំណេះដឹង ចំណេះធ្វើ កាយសម្បទារឹងមាំ ឆ្លើយតបបានទៅតាមតម្រូវការក្នុងការអភិវឌ្ឍសេដ្ឋកិច្ចជាតិដែលមានឧត្តមភាពប្រៀបធៀប។
សារៈសំខាន់នៃទិន្នន័យអប់រំ ត្រូវបានគូសបញ្ជាក់បន្ថែមទៀតតាមរយៈការប្តេជ្ញាចិត្តរបស់ប្រទេសកម្ពុជាក្នុងការសម្រេចគោលដៅអភិវឌ្ឍន៍ប្រកបដោយចីរភាពសកល (SDG) ក្នុងគ្រប់វិស័យទាំងអស់ រួមទាំងគោលដៅទី៤ នៃការអភិវឌ្ឍប្រកបដោយចីរភាពនៃការអប់រំ (SDG4) ផងដែរ។ ពាក់ព័ន្ធនឹងការសម្រេចគោលដៅនេះ (SDG4) ប្រទេសកម្ពុជាមានគោលបំណងសម្រេចឱ្យបាននូវការអប់រំព្រកបដោយសមធម៌ បរិយាបន្ន និងគុណភាពសម្រាប់ទាំងអស់គ្នាឱ្យបាននៅឆ្នាំ២០៣០។ ការបន្តពង្រឹង និងដាក់ឱ្យដំណើរការប្រព័ន្ធព័ត៌មានគ្រប់គ្រងអប់រំឱ្យមានប្រសិទ្ធភាពខ្ពស់ដើម្បីធានាបាននូវការប្រមូល និងផលិតស្ថិតិ និងសូចនាករអប់រំមានលក្ខណៈពិតប្រាកដ គ្រប់គ្រាន់ ទៀងទាត់ និងទាន់ពេលវេលាពិតជាមានសារៈសំខាន់ដើម្បីអភិវឌ្ឍវិស័យអប់រំនៅកម្ពុជា។

ក្រសួងអប់រំ យុវជន និងកីឡា បានដាក់ចេញនូវគោលនយោបាយ និងកម្មវិធីកំណែទម្រង់ជាបន្តបន្ទាប់ ក្នុងគោលដៅធ្វើបរិវត្តកម្មប្រព័ន្ធអប់...
12/09/2026

ក្រសួងអប់រំ យុវជន និងកីឡា បានដាក់ចេញនូវគោលនយោបាយ និងកម្មវិធីកំណែទម្រង់ជាបន្តបន្ទាប់ ក្នុងគោលដៅធ្វើបរិវត្តកម្មប្រព័ន្ធអប់រំ និងធានាឱ្យសិស្សានុសិស្សទទួលបានការអប់រំប្រកបដោយគុណភាព សមធម៌ និងបរិយាបន្ន។ ក្នុងដំណើរការនេះ ការរៀបចំផែនការធនធានអប់រំ ជាពិសេស គ្រូបង្រៀន ថ្នាក់រៀន និងបន្ទប់រៀន ឱ្យសមស្របនឹងតម្រូវការជាក់ស្តែងរបស់គ្រឹះស្ថានសិក្សាអប់រំសាធារណៈ គឺជាកត្តាសំខាន់សម្រាប់ធានាប្រសិទ្ធភាពនៃការផ្តល់សេវាអប់រំ។
ដើម្បីត្រៀមលក្ខណៈសម្រាប់ឆ្នាំសិក្សាថ្មី ក្រសួងត្រូវការទិន្នន័យអប់រំដែលត្រឹមត្រូវ គ្រប់គ្រាន់ និងទាន់ពេលវេលា អំពីចំនួនសិស្ស ចំនួនថ្នាក់រៀន តម្រូវការគ្រូបង្រៀនតាមមុខវិជ្ជា និងស្ថានភាពបន្ទប់រៀន។ ទិន្នន័យទាំងនេះនឹងជួយកំណត់តម្រូវការ និងភាពខ្វះខាត ព្រមទាំងធានាតុល្យភាពរវាង សិស្ស-ថ្នាក់រៀន-គ្រូបង្រៀន-បន្ទប់រៀន។
ក្នុងន័យនេះ ការប្រមូល និងធ្វើបច្ចុប្បន្នភាពទិន្នន័យអប់រំមុនបើកបវេសនកាលឆ្នាំសិក្សាថ្មី តាមរយៈប្រព័ន្ធព័ត៌មានគ្រប់គ្រងអប់រំអនឡាញ (entryemis.moeys.gov.kh) នឹងផ្តល់មូលដ្ឋានសម្រាប់ការរៀបចំ និងបែងចែកគ្រូបង្រៀន ការរៀបចំថ្នាក់រៀន និងការប្រើប្រាស់បន្ទប់រៀនឱ្យមានប្រសិទ្ធភាព ព្រមទាំងជួយឱ្យគ្រឹះស្ថានសិក្សាអប់រំសាធារណៈមានការត្រៀមខ្លួនរួចរាល់សម្រាប់ការបើកបវេសនកាលប្រកបដោយប្រសិទ្ធភាព និងគុណភាព។

នារសៀលថ្ងៃទី១ ខែកញ្ញា ឆ្នាំ២០២៦ វេលាម៉ោង ២៖០០នាទី នៅសាលប្រជុំនាយកដ្ឋានផែនការ លោក​ ឃ្លោក​ វីរ៉ា ប្រធាននាយកដ្ឋានប្រព័ន្ធព័...
01/09/2026

នារសៀលថ្ងៃទី១ ខែកញ្ញា ឆ្នាំ២០២៦ វេលាម៉ោង ២៖០០នាទី នៅសាលប្រជុំនាយកដ្ឋានផែនការ លោក​ ឃ្លោក​ វីរ៉ា ប្រធាននាយកដ្ឋានប្រព័ន្ធព័ត៌មានគ្រប់គ្រងអប់រំ​ នៃអគ្គនាយកដ្ឋានគោលនយោបាយនិងផែនការ បានចូលរួម «កិច្ចប្រជុំពិភាក្សាលើការងារស្ថិតិ និងសូចនាករអប់រំឆ្នាំសិក្សាថ្មី២០២៦-២០២៧» ក្រោមអធិបតីភាព ឯកឧត្តមបណ្ឌិត អ៊ុង បូរាត រដ្ឋលេខាធិការ ក្រសួងអប់រំ យុវជន និងកីឡា ដោយមានការចូលរួមពីឯកឧត្តមបណ្ឌិតអគ្គនាយក អគ្គនាយករង​ លោកអនុប្រធាននាយកដ្ឋាន លោក​ លោកស្រី​ កញ្ញា​ ប្រធាន អនុប្រធានការិយាល័យ និងមន្ត្រីទាំងអស់ នៃនាយកដ្ឋានប្រព័ន្ធព័ត៌មានគ្រប់គ្រងអប់រំ ។

#នាយកដ្ឋានប្រព័ន្ធព័ត៌មានគ្រប់គ្រងអប់រំ​
១ កញ្ញា ២០២៦ | រាជធានីភ្នំពេញ

22/05/2026

ខេត្តព្រះវិហារ ថ្ងៃទី១១ ដល់ថ្ងៃទី១៣ ខែឧសភា ឆ្នាំ២០២៦
ប្រតិភូនាយកដ្ឋានប្រព័ន្ធព័ត៌មានគ្រប់គ្រងអប់រំ ដឹកនាំដោយ លោក ចាន់ សុផុន អនុប្រធាននាយកដ្ឋានប្រព័ន្ធព័ត៌មានគ្រប់គ្រងអប់រំ តំណាងលោកប្រធាននាយកដ្ឋានប្រព័ន្ធព័ត៌មានគ្រប់គ្រងអប់រំ នៃក្រសួងអប់រំ យុវជន និងកីឡា អមដំណើរដោយមន្ទីរអប់រំ យុវជន និងកីឡាខេត្តព្រះវិហារ និងការិយាល័យអប់រំ យុវជន និងកីឡានៃរដ្ឋបាលស្រុកជាំក្សាន្ដ ខេត្តព្រះវិហារ បានចុះជួបសំណេះសំណាល និងជួយឧបត្ថម្ភគាំទ្រថវិកា សម្ភារៈ និងបច្ចេកទេសគ្រប់គ្រងស្ថិតិអប់រំ ដល់លោកនាយក លោកគ្រូ អ្នកគ្រូ និងគណៈកម្មការគ្រប់គ្រងសាលារៀន នៃសាលាបឋមសិក្សា ប៊ុន រ៉ានី ស្ទឹងខៀវ ដែលជាសាលារៀនសម្ព័ន្ធមេត្រីភាព ស្ថិតនៅភូមិបង្គោល៨ ឃុំស្រអែម ស្រុកជាំក្សាន្ដ ខេត្តព្រះវិហារ។

ពិធីបេីកវគ្គបណ្ដុះបណ្ដាលក្នុងប្រេីប្រាស់​ និងគ្រប់គ្រងប្រព័ន្ធSMISព្រឹកថ្ងៃទី២០​ ខែមេសា​ ឆ្នាំ២០២៦​ នាយកដ្ឋានប្រព័ន្ធព័ត...
20/04/2026

ពិធីបេីកវគ្គបណ្ដុះបណ្ដាលក្នុងប្រេីប្រាស់​ និងគ្រប់គ្រងប្រព័ន្ធSMIS

ព្រឹកថ្ងៃទី២០​ ខែមេសា​ ឆ្នាំ២០២៦​ នាយកដ្ឋានប្រព័ន្ធព័ត៌មានគ្រប់គ្រងអប់រំ បានរៀបចំបើកវគ្គបណ្តុះបណ្តាល លើការប្រើប្រាស់ប្រព័ន្ធព័ត៌មានសាលារៀនសម្រាប់មន្ត្រីបង្គោលនៅតាមសាលារៀន នៅរាជធានីភ្នំពេញ ដែលប្រព្រឹត្តទៅចាប់ពីថ្ងៃទី២០​ ដល់ថ្ងៃទី២១​ ខែមេសា ឆ្នាំ២០២៦ នៅវិទ្យាល័យបាក់ទូក​ វិទ្យាល័យច្បារអំពៅ​ និងសាលាបឋមសិក្សាចតុមុខ​ ក្នុងគោលបំណងពង្រីង​ និងពង្រឹងបន្ថែមអំពីការប្រេីប្រាស់ប្រព័ន្ធSMIS។

ពិធីបេីកវគ្គបណ្ដុះបណ្ដាលក្នុងប្រេីប្រាស់​ និងគ្រប់គ្រងប្រព័ន្ធSMISនាយកដ្ឋានប្រព័ន្ធព័ត៌មានគ្រប់គ្រងអប់រំ បានរៀបចំបើកវគ្គ...
10/04/2026

ពិធីបេីកវគ្គបណ្ដុះបណ្ដាលក្នុងប្រេីប្រាស់​ និងគ្រប់គ្រងប្រព័ន្ធSMIS

នាយកដ្ឋានប្រព័ន្ធព័ត៌មានគ្រប់គ្រងអប់រំ បានរៀបចំបើកវគ្គបណ្តុះបណ្តាល លើការប្រើប្រាស់ប្រព័ន្ធព័ត៌មានសាលារៀនសម្រាប់មន្ត្រីបង្គោលនៅតាមសាលារៀន ខេត្តប៉ៃលិន ក្រោមអធិបតីភាព ឯកឧត្តម បណ្ឌិតលីម សុធា អគ្គនាយក នៃអគ្គនាយកដ្ឋានគោលនយោបាយ និងផែនការដែលប្រព្រឹត្តទៅចាប់ពីថ្ងៃទី៧ ដល់ថ្ងៃទី៨ ខែមេសា ឆ្នាំ២០២៦ នៅមន្ទីរអប់រំ យុវជន និងកីឡា ខេត្តប៉ៃលិន

ព្រឹកថ្ងៃ៣ ខែមេសា ឆ្នាំ២០២៦ នាយកដ្ឋានប្រព័ន្ធព័ត៌មានគ្រប់គ្រងអប់រំ សហការជាមួយមន្ទីរអយក. រាជធានីភ្នំពេញ បានរៀបចំកិច្ចប្រជ...
10/04/2026

ព្រឹកថ្ងៃ៣ ខែមេសា ឆ្នាំ២០២៦ នាយកដ្ឋានប្រព័ន្ធព័ត៌មានគ្រប់គ្រងអប់រំ សហការជាមួយមន្ទីរអយក. រាជធានីភ្នំពេញ បានរៀបចំកិច្ចប្រជុំណែនាំលើការប្រើប្រាស់ប្រព័ន្ធ SMIS ជូនគ្រូបង្គោលទាំង១៤ខណ្ឌ នៅរាជធានីភ្នំពេញ មុននឹងធ្វើការបណ្តុះបណ្តាលជូនគ្រូបង្គោលតាមសាលារៀននៅរាជធានីភ្នំពេញដែលនឹងប្រព្រិត្តទៅនៅថ្ងៃទី២០-២១ និងថ្ងៃទី២៣-២៤ ខែមេសា ឆ្នាំ២០២៦។

ពិធីសូត្រមន្តប្រោះព្រំសិរីសួស្តី វិបុលសុខ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែររាជធានីភ្នំពេញ៖ នាព្រឹកថ្ងៃទី២​ ...
10/04/2026

ពិធីសូត្រមន្តប្រោះព្រំសិរីសួស្តី វិបុលសុខ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ

រាជធានីភ្នំពេញ៖ នាព្រឹកថ្ងៃទី២​ ខែមេសា ឆ្នាំ២០២៦ នាយកដ្ឋានប្រព័ន្ធព័ត៍មានគ្រប់គ្រងអប់រំ​ នៃក្រសួងអប់រំ យុវជន និងកីឡា បានប្រារព្ធពិធីសូត្រមន្តប្រោះព្រំប្រសិទ្ធពរ សិរីសួស្តី ជ័យមង្គលវិបុលសុខ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៧០ ក្រោមវត្តមានដ៏ខ្ពង់ខ្ពស់របស់ប្រធាននាយកដ្ឋាន​ លោក​ ឃ្លោក​ វីរ៉ា​ រួមទាំងបុគ្គលិកអប់រំនៃនាយកដ្ឋានផងដែរ។

អគ្គនាយកដ្ឋានគោលនយោបាយនិងផែនការ នៃក្រសួងអប់រំ យុវជន និងកីឡា សូមប្រកាសជ្រើសរើស និស្សិតដែលមានឆន្ទៈខ្ពស់ និងមានសមត្ថភាពដើម្...
27/03/2026

អគ្គនាយកដ្ឋានគោលនយោបាយនិងផែនការ នៃក្រសួងអប់រំ យុវជន និងកីឡា សូមប្រកាសជ្រើសរើស និស្សិតដែលមានឆន្ទៈខ្ពស់ និងមានសមត្ថភាពដើម្បីមកហាត់ការនៅនាយកដ្ឋានប្រព័ន្ធព័ត៌មានគ្រប់គ្រងអប់រំ។ ការជ្រើសរើសនេះ ធ្វើឡើងក្នុងគោលបំណងចូលរួមចំណែកពង្រឹងសមត្ថភាពរបស់និស្សិតដែលកំពុងចង់ស្វែង យល់ និងចង់បានបទពិសោធ លើការអនុវត្តការងារជាក់ស្តែងតាមស្ថាប័នរដ្ឋ សម្រាប់ជាតម្លៃបន្ថែមលើឱកាស ការងារនៅថ្ងៃអនាគត និងដើម្បីរួមចំណែកជំរុញផលិតភាព និងប្រសិទ្ធភាពការងាររបស់នាយកដ្ឋានប្រព័ន្ធ ព័ត៌មានគ្រប់គ្រងអប់រំ នៃក្រសួងអប់រំ យុវជន និងកីឡា។​ សម្រាប់ព័ត៌មានបន្ថែមសូមទំនាក់ទំនងតាមអាស័យដ្ឋានព័ត៌មានក្នុងលិខិត។ សូមអរគុណ!

Address

Preah Norodom Boulevard (41)
Phnom Penh

Website

Alerts

Be the first to know and let us send you an email when នាយកដ្ឋានប្រព័ន្ធព័ត៌មានគ្រប់គ្រងអប់រំ DEMIS posts news and promotions. Your email address will not be used for any other purpose, and you can unsubscribe at any time.

Shortcuts

Share

Category