14/01/2022
ខ្ញុំជាកូនអ្នកខេត្តកណ្តាល បានចាប់ចិត្តស្រលាញ់កូនក្រមុំអ្នកបាត់ដំបង ដែលមានផ្ទះនៅតាមបណ្តោយផ្លុវជាតិលេខ៥ ក្បែរព្រំប្រទល់ខេត្តបាត់ដំបងនិងបន្ទាយមានជ័យ។
លើសពីនេះទៅទៀត ខ្ញុំបានដក់ចិត្តស្រលាញ់ទឹកដីខេត្តបាត់ដំបងនិងខេត្តបន្ទាយមានជ័យខ្លាំងណាស់ រហូតដល់ខ្ញុំបារម្ភអំពីសុវត្ថិភាពនៃការធ្វើចរាចរណ៍របស់ពួកគាត់នៅតាមដងផ្លូវជាតិលេខ៥នោះ។
ដោយខ្ញុំមានឥទ្ធិពលលើបណ្តាញសង្គមគួរសម ខ្ញុំក៏សម្រេចចិត្តនិយាយអំពីបញ្ហានេះតាមរយៈវីដេអូដែលថតដោយភរិយារបស់ខ្ញុំ ហើយខ្ញុំបានបើកបរដោយប្រុងប្រយ័ត្នដើម្បីបង្ហាញអំពីហានិភ័យនៃការបើកបរបញ្ច្រាសទិសរបស់ប្រជាជននៅតាមបណ្តោយផ្លូវនោះ។
ប៉ុណ្ណឹងហើយ បែរជាមានបងប្អូនមួយចំនួនមកចាំចាប់កំហុសខ្ញុំទៅវិញ។ ខ្ញុំមិនបារម្ភនឹងការតាមចាប់កំហុសនោះទេ ដ្បិតខ្ញុំផលិតវីដេអូក្នុងគោលបំណងល្អដើម្បីអប់រំប្រជាពលរដ្ឋ ហើយខ្ញុំក៏មិនឈឺចិត្តអ្វីនឹងពាក្យសម្តីបន្តិចបន្តួចរបស់បងប្អូនមួយចំនួនដែរ។ ផ្ទុយទៅវិញ ខ្ញុំបែរជាសប្បាយចិត្តដែលវីដេអូមួយនេះអាចបំផុសកិច្ចពិភាក្សាផ្សេងៗដែលធ្វើឱ្យបងប្អូនកាន់តែមានភាពប្រុងប្រយ័ត្ន។ យ៉ាងណាក៏ដោយ ខ្ញុំពុំលើកទឹកចិត្តបុគ្គលដែលប្រើប្រាស់ពាក្យមិនសមរម្យនោះឡើយ ដោយខ្ញុំនឹងចាត់វិធានការក្នុងនាមជាម្ចាស់ផេករបស់ខ្ញុំ។
សូមអរគុណបងប្អូនទាំងអស់គ្នា ហើយសូមមេត្តាបើកបរដោយប្រុងប្រយ័ត្ន។
ដោយក្តីស្រលាញ់!
រិន សុក្រិត្យ
