26/05/2024
អបអរសាទរព្រះរាជពិធីច្រត់ព្រះនង្គ័ល
ថ្ងៃអាទិត្យ ៤រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៦ ខែ ឧសភា ឆ្នាំ២០២៤។
ព្រះរាជពិធីច្រត់ព្រះនង្គ័ល គឺជាបុណ្យប្រពៃណីជាតិមួយ ដែលគេតែងរៀបចំធ្វើជារៀងរាល់ឆ្នាំ នៅថ្ងៃទី ៤រោច ខែ ពិសាខ ដោយព្រះរាជពិធីនេះធ្វើឡើងដើម្បីផ្សងមើលប្រផ្នូលក្នុងស្រុកទៅតាមការទស្សន៍ទាន ដោយផ្អែកសំខាន់លើតួអង្គ “គោឧសភរាជ” ។
ព្រះរាជពិធីបុណ្យច្រត់ព្រះនង្គ័លនេះ ក៏ជាការដាស់តឿនក្រើនរំលឹក ដល់ប្រជាពលរដ្ឋខ្មែរ ដែលពឹងផ្អែកលើការធ្វើកសិកម្មជាចម្បងនោះ ឱ្យបានដឹងថា រដូវធ្វើស្រែចំការបានចូលមកដល់ហើយ ហើយក៏ជាមង្គលចម្រើននៃការសាបព្រោះ បណ្ដុះដាំដំណាំកសិកម្មក្នុងរដូវភ្លៀងធ្លាក់់។
