12/04/2020
#អ្នកចាស់ឬអ្នកថ្មី?
•អ្នកចាស់ ជាអ្នកដទៃ អ្នកថ្មីជាសង្សារ!
សំណួរមួយនៅចាក់ដោត ថាតើគួរសម្រេចត្រឡប់ជ្រើសយកអ្នកចាស់វិញទេ? ស្របពេលបេះដូងរំអុកនឹកគេគ្រប់នាទី... គេអាចមិនមែនជាមនុស្សដំបូង តែគេគឺជាមនុស្សដែលផ្ដល់ក្ដីស្រលាញ់ដល់យើង ធ្វើឱ្យយើងមិនអាចបំភ្លេចបាន តែគេ ក៏ជាមនុស្សតែម្នាក់ ដែលបានបំផ្លាញបេះដូងរបស់យើង ហើយដើរចោលយើងដូចគ្នា។
ខួរក្បាលខ្ញុំ ប្រាប់ថា ត្រូវតែកាត់ចិត្តបំភ្លេចគេ ស្របពេលបេះដូងប្រាប់ថា នឹកគេ... បើខ្ញុំត្រឡប់ ខ្ញុំនិងមិនគប្បីនឹងអ្នកថ្មីដែលកំពុងស្រលាញ់ តែបើមិនអាចត្រឡប់ ខ្ញុំនៅតែបារម្ភអ្នកចាស់ ថាគេនឹងសុខទុក្ខយ៉ាងណា... ក្ដីស្រលាញ់ដ៏រញ៉េរញ៉ៃមួយនេះ បានធ្វើឱ្យខ្ញុំស្ទើរតែឆ្កួតម្ដងៗ ព្រោះបេះដូង និងខួរក្បាលវាដើរផ្លូវបញ្ច្រាស់គ្នា។
គិតអស់មួយរយៈ បេះដូងនិងខួរក្បាលខ្ញុំ ក៏ចរចារគ្នាស្រួលបួល ហើយវាក៏សម្រេចថា បន្តនៅជាមួយអ្នកថ្មី ព្រោះយើងត្រូវរស់នៅជាមួយបច្ចុប្បន្ន មិនមែនត្រឡប់ទៅអតីតកាលដ៏ឈឺចាប់នោះវិញឡើយ។ វាប្រៀបដូចជាការអានសៀវភៅអ៊ីចឹង បើសៀវភៅដែលយើងធ្លាប់អានចប់ហើយ មិនថាត្រឡប់ទៅអានវិញប៉ុន្មានរយសារទៀត ក៏វាគង់តែចប់ដូចតែមុនដដែល។ យើងអាចមានជម្រើសពីរ អ្នកចាស់ប្រៀបដូចជាសណ្ឋាគារដ៏ប្រណីត មានផាសុកភាព ប៉ុន្តែវាមិនអាចធ្វើឱ្យយើងមានអារម្មណ៍ល្អដូចនៅផ្ទះខ្លួនឯងឡើយ...
រវាងមនុស្សដែលបោះបង់យើង នៅពេលដែលយើងត្រូវការគេបំផុត និងរវាងមនុស្សដែលទទួលយកយើង នៅពេលដែលយើងគ្មានអ្វីសោះ យើងគួរជ្រើសយកមួយណា គិតពិចារណាខ្លួនឯងបាន តែសម្រាប់ខ្ញុំ #អ្នកថ្មី គេល្អ ល្អឆ្ងាយជាងអ្នកចាស់ ដែលមិនអាចប្រៀបផ្ទឹមគ្នាបាន!
Credit Page @បេះដូង នឹង ខួរក្បាល
