09/07/2026
ဂျပန်မှာ အခန်းငှားမယ်ဆိုရင် မြန်မာနိုင်ငံကလို လွယ်လွယ်ကူကူ စပေါ်ငွေပေးပြီး ချက်ချင်းတက်နေလို့မရပါဘူး ... 🙅♂️
✅ ဂျပန်မှာ အခန်းတစ်ခန်း စငှားရင် ပုံမှန်အားဖြင့် တစ်လစာ လခရဲ့ (၄) ဆ ကနေ (၆) ဆ အထိ ကနဦးကုန်ကျစရိတ် ရှိပါတယ်။ အဲဒီအထဲမှာ လစာကြိုရှင်းရတာအပြင်၊ အိမ်ရှင်ကို ကျေးဇူးတင်တဲ့အနေနဲ့ ပေးရတဲ့ Key Money (Reikin - အိမ်ထွက်ရင် ပြန်မရပါ)၊ ပျက်စီးဆုံးရှုံးမှုအတွက် စပေါ်ငွေ၊ အကျိုးဆောင်ခနဲ့ မီးဘေးအာမခံကြေး စတာတွေ ပါဝင်ပါတယ်။ ဒါကြောင့် လခသက်သာတိုင်း ချက်ချင်းမငှားဘဲ Initial Cost ဘယ်လောက်ကျမလဲဆိုတာ အရင်ဆုံး မေးမြန်းရပါမယ်။
✅ မြန်မာလူမျိုးတွေလိုမျိုး နိုင်ငံခြားသားတွေ အခန်းငှားတဲ့အခါ မိမိအစား တာဝန်ယူ အာမခံပေးမယ့်သူ မရှိရင် ငှားလို့မရပါဘူး။ အခုနောက်ပိုင်းမှာတော့ လူအစား အာမခံကုမ္ပဏီတွေကို အခကြေးငွေပေးပြီး ငှားရမ်းတာ များပါတယ်။ ဒါကြောင့် အာမခံကုမ္ပဏီအတွက်လည်း ကုန်ကျစရိတ် (လခရဲ့ ၅၀% ကနေ ၁၀၀% အထိ) ထည့်တွက်ထားရပါမယ်။
✅ ဂျပန်က အခန်းအများစုဟာ လုံးဝ အလွတ်ကြီးတွေ ဖြစ်ပါတယ်။ အဲကွန်းလောက်ပဲ ပါတတ်ပြီး မီးသီး၊ လိုက်ကာကအစ ရေခဲသေတ္တာ၊ အဝတ်လျှော်စက်၊ ကုတင် စတာတွေကို ကိုယ့်ဘာသာ အသစ်ပြန်ဝယ်ရမှာမို့ ပရိဘောဂဖိုး Budget ကိုပါ ကြိုတင်ပြင်ဆင်ထားဖို့ လိုပါတယ်။
✅ စာချုပ်မှာ တစ်ယောက်တည်းနေဖို့ ငှားထားရင် နှစ်ယောက်နေလို့ လုံးဝ မရပါဘူး။ ခိုးနေတာ မိသွားခဲ့ရင် စာချုပ်ဖျက်သိမ်းခံရပြီး ချက်ချင်း အိမ်ပေါ်က ဆင်းပေးရတတ်ပါတယ်။ နောက်ပြီး အမှိုက်ပစ်တဲ့ စနစ်၊ အသံဆူညံမှု စတဲ့ စည်းကမ်းတွေကို တိတိကျကျ လိုက်နာဖို့ အရမ်းအရေးကြီးပါတယ်။
ဂျပန်ရောက် မြန်မာတွေအနေနဲ့ အခန်းငှားတဲ့အခါ အခက်အခဲမရှိစေဖို့ ကိုယ့်အတွက် သေချာရှင်းပြပေးနိုင်မယ့် ယုံကြည်စိတ်ချရတဲ့ အိမ်ခြံမြေ အကျိုးဆောင်တွေနဲ့ တိုင်ပင်ပြီးမှ ငှားရမ်းဖို့ Honoka Myanmar ကနေ အကြံပြုတိုက်တွန်းလိုက်ပါတယ် ခင်ဗျာ ... 🤝
#ဂျပန်အခန်းငှား #ဂျပန်ဖုန်းဆိုင်
#ဂျပန်ရောက်မြန်မာတွေနဲ့အတူရှိနေမယ့်HONOKAMyanmar
