اكله بسيطه

اكله بسيطه "على قد الإيد.. وعلى قد القلب!
أكلة دافية.. من مطبخنا لمطبخكم.
تابعونا لقعداتكم الحلوة

البسكويت النواعم 📝المقادير 2 ونص كوب دقيق5 ملعقة سمن او زبدةنص كوب نشا كبيرةبيضةرشة ملحمعلقة صغيرة فانيليامعلقة صغيرة بي...
26/04/2025

البسكويت النواعم
📝المقادير

2 ونص كوب دقيق
5 ملعقة سمن او زبدة
نص كوب نشا كبيرة
بيضة
رشة ملح
معلقة صغيرة فانيليا
معلقة صغيرة بيكينج باودر
ربع كوب زيت
كوب وربع نصف سكر
ملعقة كاكاو
مقدار الدقيق ع حسب ما العجينة تظبط معاكى يعني متبقاش مفرفته ولا تبقى طرية وماسكة نفسها
وفي الاخر هنضيف معلقة كبيرة كاكاو فى اخر الوصفة
#مخبوزات #حلويات #شرقي #غربي #مطبخ

لو عايزة صابون المواعين بتاعك بالقوة الرباعية يعنى نضافة وتوفير وكمان لمعان وتطهير تعالى اقولك تجربتى الشخصية في زيادة ص...
26/04/2025

لو عايزة صابون المواعين بتاعك بالقوة الرباعية يعنى نضافة وتوفير وكمان لمعان وتطهير تعالى اقولك تجربتى الشخصية في زيادة صابون المواعين لأ وإيه بيوفرلى وكمان بيلمع وينضف ويعقم كله في وقت واحد انا هقولك بعمله أزاى هتجيبى زجاجة بريل فاضية وتحطى تلتها بالظبط اى سائل مواعين بتستخدميه انا عن نفسي بجيب الجركن الكبير وبيقعد عندى شهرين واكتر بس اتبعى الخطوات بالظبط هتجيبى الزجاجة الفاضية وتحطى تلتها صابون مواعين عليهم معلقتين كبار كربوناتو وربع كوب خل هيحصل تفاعل سبيه لغاية لما يهدأ وبعدين كملى الزجاجة ميه سخنة ورجيها هيبقى معاكى صابون مواعين مركز جدا وبينضف ويعقم بفعل الخل والكربوناتو

تعالى ورايا وهاتى المكونات اللى هقولك عليها هاتى جركن كبير فاضي وحطى فيه كوب سائل مواعين بريل أو فيرى او اى نوع بتستخدميه وبعدين ربع كوب كلوركس ألوان ونصف كوب خل وكملى الجركن ميه مغلية ضرورى الميه تكون مغلية ورجيه واقولك يا ستى ده هينفعك فى ايه هينفعك جدا في تصنيف البوتجاز وكمان تنضيف السيراميك ومسح الارضيات وكمان غسيل الانتريه والسجاد على الناشف رهيب

لازم يكون عندك بخاخة فيها خليط من الخل والميه للتنضيف والتعقيم في أخر يومك لمعى بيها بوتجازك قبل ما تنامى وكمان الرخامة والحنفيات وحاجات كتيره ممتازة

المطبخ لازم يكون فيه فوطتين تلاتة على الأقل واحده تمسحى فيها ايدك وواحدة تمسحى بيها اى حاجة تبهدل البوتجاز والتالتة علشان تلمعى بيها الرخامة او اى حاجة تانى

الشفاط شوية كربوناتو على شوية خل وميه سخنة وسبيه يتنقع اقل حاجة ربع ساعة وبعدين ادعكيه بصابون مواعين هينضف ويبقى فل

ونصيحة اعمليله تنضيف على الأقل مرة في الأسبوع عمر ما الدهون هتتراكم عليه وبشوية صابون مواعين هيبقى فلة

المطبخ الخشب اعمليله خلطة عبارة عن معلقتين كبار بريل على ربع كوب خل وفي بخاخة رجيهم كويس ولمعى بيهم وبعدين فوطة ناشفة وامسحى علشان ميسبش ترسبات اما المطبخ الالوميتال ربع كوب بريل على نصف كوب خل على عصير ليمون وحبة ميه ولمعى بيهم وبعدين فوطة مبلولة ومعصورة ونشفى هيبقى فلة شمعة منورة

علشان سواد فواصل السيراميك بعمل خلطة مفعولها ولا السحر ولا تقولى كلور ولا فلاش ولا الحاجات اللى بتتعب الصدر انا بجيب كميات متساوية من كوب كربوناتو وكوب ملح ليمون وكوب خل وكوب برسيل واربعة لتر ميه سخنة هيحصل تفاعل وهو المطلوب إثباته هتاخدى من الخلطة دى وتحطيها على الفواصل وتسببها ربع ساعة ولازم الأرضية تكون ناشفة علشان مفعول الخلطة يتفاعل كويس وبعدين هتجيبى فرشاة حمام وادعكى الفواصل واتفرجى على النتيجة وادعيلى

علشان تشيلى الاستيكر من على البوتجاز أفضل حاجة الباور ولو مش متوفر عندك ميه سخنة من الكاتيل وصبيها على مكان الاستيكر من فوق هيطلع معاكى بسهولة او ممكن كمان مكواة او سشوار

البوتاجاز بعد كل طبخ امسحيه بسفنحه وصابون ولمعيه بفوطه او قماشه قطن يوميا اعتبريه زي المواعين عمرك ما هتحتاجي لمنظفات وهدة حين عشان تغسلي التراكمات والدهون ابدااااااا

الكركاديه المغلي حطي اي براد او كنكه استانلس او المنيوم اسودت وسيبيها تغلى معاه وسيبيها ساعه فيه وبعدين اغسليه عادي جدااا هتلاقيه نووور

لو افتكرت حاجه تاني هعدل البوست

بس كده كفاية علشان ايدى وجعتنى من الكتابة اتمنى النصايح تعجبكم حبايبى ولايكاتكم اللى ديما بتسعدنى

ودعوة حلوة من القلب ليا يا ست الكل

صلوا على النبي

اللهم صل على سيدنا محمد وعلى آله وصحبه أجمعين

Address

Amman

Website

Alerts

Be the first to know and let us send you an email when اكله بسيطه posts news and promotions. Your email address will not be used for any other purpose, and you can unsubscribe at any time.

Shortcuts

Share

Category