02/10/2018
تفاصيل حالة #الطلاق الي صارت اول البارحه بسبب لعبة #البوبجي
بالنسبه لحالة الطلاق الي صارت البارحة بسبب اللعبه
يقال ان اخونا بالله (الزوج) داخل يلعب بوبجي. (وزوجته) نازله وياه بالفريق نفسه . الزوجه تصوبت واكو بنيه داخله وياهم تصوبت بنفس الوقت .
العينتين المفروض اول شي لازم يسعف زوجته ام جهاله راح يسعف البنيه الثانيه ونطاها سلاح وعلاج والزوجه المسكينه تنتظر دورها . لحدما ظلت تنزف وماتت وما لحك عليها. المفروض الزوج يكون وفي ويصون زوجته ويطلع وياها من اللعبه بس هو تمادى وما اكترث بمشاعر زوجته الميته وعبر من فوك جثتها وبكل وقاحه اخذ ممتلكاتها من الاسلحه والملابس مالتها نطاها للبنيه وظل يلعب وياها ويركضون سويه ويحميها وضحك وسوالف
الزوجه هنا زعلت ومن حقها طبعا لمت هدومها وراحت بيت اهلها
ابوها سمع بالقصه كال ياگاع انشگي وبلعيني شلون يسوي هيج . ابوها خابر الرجال وكال حضر عمامك عدنا فصل وياكم .
المهم اجتمعوا العشيرتين وحجايه منا وحجايه منا توصلوا للطلاق ودفع مبلغ مالي .
طبعا الزوجه فضحت البنيه الثانيه الي ساعدها زوجها و وصلت السالفه لاهل البنيه .
وتعال ياعمي خلصني شلون تسعف بنتنا وتلزمها وهم حظر عمامك . واجتمعوا العشيرتين وچادر وفصل واتوصلوا ان الرجال لازم يتزوج البنيه لان هذا شرف .
رائيكم بالي ايصير بمجتمعنه🤔🤔🤔🤔🤔🤔
