30/07/2023
شهنگستێن گشتی یێن هوشیارییا تهكنۆلۆجی:
1- بنهمایێ زانینێ: پێكهاتییه ژ تێگههشتنا سروشتێ تهكنۆلۆجیایێ و تایبهتمهندییێن وێ و مهبادئێن وێ و پێكڤه گرێدانا وێ ب زانستی و كۆمهلگههێڤه و تێگههشتنا ئهنجامێن وان كار و كریارێن دهێنه كرن ب ڕێكا تهكنۆلۆجیایێ و چاوانییا چهسپاندنا تهكنۆلۆجیایێ و ڕێكێن بكارئینانا وێ ل ناڤ كۆمهلگههێ.
2- بنهمایێ كارامەیی (مهاري):
پێكدهێت ژ كارامەیێن پێدڤی یێن عهقلی و ههروهسا جهستهیی و یێن كۆمهلایهتی بۆ بكارئینانا تهكنۆلۆجیایێ و بهرنامێن وێ.
3- بنهمایێ بهایی (قييمي):
زانینا بهایێن ئهخلاقی و شهرعی و قانوونی و نهبوورینا تاكی ژ ڤان بها و قیهمان ل دهمێ بكارئینانا تهكنۆلۆجیایێ.
زانینا ڤان ههرسێ بنهمایان و ل دویڤچوونا وان و بكارئینانا وان دێ هۆشیارییا تهكنۆلۆجی ل دهڤ تاكی زێدهكهت و وهلێكهت ب شێوەیەکێ گهلهك باش ئەڤێ تهكنۆلۆجیایێ بكاربئینین بێی زیانێ بگههینیت و زیان ڤێ بكهڤیت، لهو مه ب فهر زانی ئهم ڤی بابهتی بنڤیسن وهك دهستپێك بۆ تێگههشتنا تهكنۆلۆجیایێ و تشت و كهرهستێن پێدڤی بۆ بكارئینانا تهكنۆلۆجیایێ و باشتركرنا ئاستێ تاكی و ب تایبهت تاكێ كورد وهكی ئهم دبینین ل جڤاكی گهلهك پێدڤی ب ڤێ هوشیارییێیه.
