14/07/2023
ليش تشتري جهاز ايفون مستعمل ؟
اولا -تحافظ على الميزانية
مثل متعرفون بالعراق ماكو وكالة رسمية لشركة ابل
لذلك تلكة اسعار اجهزة الايفون صاعدة نازلة ودا احجي هنا على الجديد
فمثلاً انت اذا تريد تشتري ايفون صارلة اكثر من سنة نازل
هنا راح يصير عندك حلين لا ثالث لهما
يا اما تشتري جهاز صارلة فترة نازل وبالغالب راح تلكة سعرة غالي
يا اما راح تشتري جهاز مجدد او مأكتف
فراح يكون الايفون المستعمل هو انسب حل الك واللي يحافظ على الميزانية
ثانياً - صعوبة الغش
بغير اجهزة ممكن البايع يتلاعب بالجهاز
ولو تجيب احسن واحد يفحص الجهاز ممكن صعب يلاحظ
اذا صار اكو تغيير بالجهاز بعكس اجهزة الايفون اللي يكدر اي فني عادي يفحصها ويحدد
اذا الجهاز ملعوب بيه لو لا
ثالثاً واعرف طولت عليكم بس اتحملوني
اجهزة الايفون عمرها طويل احنة بسنة 2023 ولحد هسة تلكة ناس تستخدم ايفون 6 ومبي
شي
فيا حبيبي اذا اشتريت ايفون مستعمل راح توفر على نفسك مصاريف
ومراح تخسر بالجهاز وبنفس الوكت انت مأمن جهازك سليم
ولتنسى تاخذة من مكان موثوق وتفحصة قبل متدفع فلوس اذا جنت متعرف شلون تفحص
الجهاز
وبالنهاية لا تنسا تتابعنا على هاي الصفحة حتى تحصل على نصائح بخصوص اجهزة الايفون
وراح نبيع ونشتري اجهزة الايفون داخل بغداد من خلال هاي الصفحة
تحياتي
