08/08/2021
هواي نسمع عن راوتر (Routers Dual Band) يعني من تروح لشركه معينه يشرحلك ابو المبيعات ويكلك هذا الراوتر Dual Band يعني يبث ب2.4Ghz و 5Ghz
هوه شنو الفرق بين الثنين و شنو سلبيات وايجابات كل نوع 🌟
______________________
اغلب الراوترات الي موجوده بل عراق يبث بتردد 2.4GHz هيج نوع من الراوترات يسمى
Single band Routers وهذا النوع نسمي راوتر احادية النطاق 🌟
______________________
اما راوترات الي تبث بتردد 2.4GHz و 5GHz
هيج نوع من الراوترات يسمى
( Dual Band Routers) وهذا النوع نسمي راوتر مزدوجة النطاق 🌟
______________________
هواي اجهزه تشتغل بنطاق 2.4GHz
مثل الطابعات الاسلكيه و اجهزة البلوتوث والتلفون الاسلكي والابتوب وأجهزة مراقبة الأطفال والكامرات وحتى المايكروويف المنزلي 🌟
هسه نجي عل ايجابيات وسلبيات كلاهما
————-
تردد 2.4GHz
ومثل ما شفتو كلش هواي اجهزه تشتغل عل هل نطاق عدا اكيد راوترات الجيران ف هذا الموضوع راح يسبب مشكله والي هيه Noise وتداخل الموجات الاسلكيه wifi interfaerence وأحتقان المعلومات المنقوله في شبكات الاسلكيه Overcrowded راح يأدي ضعف في الأنترنت وفقدان الأتصال 🌟
_________
تردد 5GHz
تعرف تقنية ال5GHz انو احدث من التردد 2.4
و ماكو اجهزه بل بيت تستخدم هذا التردد و قليل كلش الي يستخدمون هذا التردد من المشتركين
ف هذا راح يؤدي الى تقليل في ال Noise
وعدم وأحتقان المعلومات المنقوله في شبكات الاسلكيه ومن تقارنها بل 2.4 نسبة Noise نسبه كلش قليله 🌟
____________
نجي هسه عل سرعة النقل في تردد 2.4GHz اعلى نسبة نقل هيه 600ميكابابت في الثانيه اما سرعة نقل تردد 5GHz هيه 1300 ميكابايت في الثانيه
طبعاً الارقام علميه بس لحد الان ما شفت هيج سرعة نقل ك WIFI بل سوك 🌟
————————
طبعاً هسه حبيتو 5GHz انتضرو 😂
تردد 2.4GHz يكون مسافه ابعد من 5GHz
كلنا نعرف انو كلما زاد تردد الأمواج تواجه مشكله في اختراق الأسطح الصلبه يعني الحايط وغيرها
يعني البث بل 2.4GHz يكون تردد الامواج اقل من 5 فيكون المدى اكبر 🌟
زين شنو الي راح تستفاده من ال5GHz
راح يوفرلك باند اعلى واكثر لنقل الملفات و الجماعة الكيمنك وجماعة الببجي اذا يكونون داخل الغرفه وي الراوتر 🌟
__________________
اعتقد العالم وصلو لل6GHz بس لحد الان ماكو بل عراق حسب علمي
