16/02/2014
இலவச பொது மருத்துவ முகாம்
விருதுநகர் மாவட்டம் சாத்தூரில் சுகாதாரத் துறை சார்பில் இலவச பொது மருத்துவ முகாம் சனிக்கிழமை நடைபெற்றது.
சா.இ.நா எட்வர்டு மேல்நிலைப்பள்ளியில் நடைபெற்ற முகாமுக்கு சுகாதாரத்துறை துணை இயக்குநர் சண்முகசுந்தரம் தலைமை வகித்தார்.
உப்பத்தூர் அரசு ஆரம்ப சுகாதார நிலைய மருத்துவ அலுவலர் ராஜ்குமார் வரவேற்றார். விருதுநகர் மக்களவை உறுப்பினர் மாணிக்கம் தாகூர் குத்துவிளக்கேற்றி துவக்கி வைத்தார்.
முகாமில் கண், காது, மூக்கு, தொண்டை, பல், சர்க்கரைநோய் மற்றும் இருதய நோய் உள்ளிட்ட நோய்களுக்கு சிறப்பு மருத்துவர்களால் சிகிச்சை அளிக்கபட்டது.உப்பத்தூர், நென்மேனி, நடுசூரன்குடி, நள்ளி, ஏழாயிரம்பண்னை ஆகிய அரசு ஆரம்ப சுகாதாரநிலைய மருத்துவர்கள் மற்றும் விருதுநகர், சாத்தூர், திருவில்லிபுத்தூர், சிவகாசி ஆகிய பகுதிகளின் சிறப்பு மருத்துவர்களும் கலந்து கொண்டு சிகிச்சை அளித்தனர். சுகாதாரத் துறை ஆய்வாளர்கள், செவிலியர்கள், சமுதாய சுகாதார செவிலியர்கள் ஆகியோர் கலந்து கொண்டனர். சித்தா, இயற்கை மற்றும் யோக சிகிச்சைமுறை மருத்துவர்களும் கலந்து கொண்டு சிகிச்சை அளித்தனர்.
செய்தி : தினமணி
http://www.dinamani.com/edition_madurai/virudhnagar/2014/02/16/%E0%AE%87%E0%AE%B2%E0%AE%B5%E0%AE%9A-%E0%AE%AA%E0%AF%8A%E0%AE%A4%E0%AF%81-%E0%AE%AE%E0%AE%B0%E0%AF%81%E0%AE%A4%E0%AF%8D%E0%AE%A4%E0%AF%81%E0%AE%B5-%E0%AE%AE%E0%AF%81%E0%AE%95%E0%AE%BE%E0%AE%AE%E0%AF%8D/article2058827.ece
