28/08/2026
🔸मुख्यमंत्री देवेंद्र फडणवीस यांच्या हस्ते सावित्रीबाई फुले पुणे विद्यापीठाच्या नाशिक उप-परिसर येथील प्रशासकीय इमारतीचे उदघाटन व कोनशिला अनावरण.
यावेळी मंत्री चंद्रकांत पाटील, मंत्री गिरीष महाजन, मंत्री दादाजी भुसे, मंत्री छगन भुजबळ, सावित्रीबाई फुले पुणे विद्यापीठाचे कुलगुरू प्रा. डॉ. सुरेश गोसावी व इतर मान्यवर उपस्थित होते.
🔸Inauguration and stone plaque unveiling of the administrative building of Savitribai Phule Pune University’s Nashik Sub-Centre at the hands of CM Devendra Fadnavis.
Minister Chandrakant Patil, Minister Girish Mahajan, Minister Dadaji Bhuse, Minister Chhagan Bhujbal, Vice-Chancellor of Savitribai Phule Pune University, Prof. Dr. Suresh Gosavi and other dignitaries were present.
🔸मुख्यमंत्री देवेंद्र फडणवीस इनके करकमलों से सावित्रीबाई फुले पुणे विश्वविद्यालय के नासिक उप-परिसर स्थित प्रशासनिक इमारत का उदघाटन एवं कोनशिला अनावरण।
इस अवसर पर मंत्री चंद्रकांत पाटील, मंत्री गिरीष महाजन, मंत्री दादाजी भुसे, मंत्री छगन भुजबल, सावित्रीबाई फुले पुणे विश्वविद्यालय के कुलपति प्रा. डॉ. सुरेश गोसावी एवं अन्य मान्यवर उपस्थित थे।
उच्च शिक्षण आणि नवीन शैक्षणिक धोरणाच्या माध्यमातून आधुनिकतेकडे वाटचाल
मुख्यमंत्री देवेंद्र फडणवीस यांच्या हस्ते आज सावित्रीबाई फुले पुणे विद्यापीठाच्या नाशिक उप-परिसर येथील प्रशासकीय इमारतीचे उदघाटन व कोनशिला अनावरण संपन्न झाले.
सावित्रीबाई फुले पुणे विद्यापीठाच्या नाशिक उपकेंद्राशी जवळपास 196 महाविद्यालये जोडली गेली असून, 32 संशोधन केंद्रे याअंतर्गत येतात. तसेच, जवळपास 3,00,000 विद्यार्थी या उपकेंद्राच्या कार्यक्षेत्रात येणार आहेत. या उपकेंद्राला कोणतेही नवीन नाव देण्यात येणार नसून, ‘सावित्रीबाई फुले पुणे विद्यापीठ, नाशिक उपकेंद्र’ हेच याचे नाव असेल, असे मुख्यमंत्री फडणवीस यांनी यावेळी स्पष्ट केले.
पंतप्रधान नरेंद्र मोदी यांनी नवीन शैक्षणिक धोरणाच्या माध्यमातून शिक्षणाला आधुनिकतेकडे नेण्याचे काम सुरू केले आहे. त्यातील एक मैलाचा दगड म्हणून नाशिक उपकेंद्राच्या माध्यमातून काम होईल आणि त्याची सुरुवात आज या ठिकाणी झाली आहे. नाशिकचा विकास वेगाने होत असून, अशा प्रकारचे उपकेंद्र सुरू व्हावे, या महत्त्वाच्या मागणीची आज पूर्तता झाली आहे, असे प्रतिपादन मुख्यमंत्री फडणवीस यांनी केले.
सावित्रीबाई फुले पुणे विद्यापीठ हे देशातील प्रथितयश विद्यापीठांपैकी एक आहे. तसेच जागतिक मानांकनात विद्यापीठ आघाडी घेत आहे. आपल्या शिक्षण पद्धतीतून मानव संसाधन तयार झाले पाहिजे. रोजगाराच्या क्षेत्रात एआय आणि डेटा सायन्समुळे मोठे परिवर्तन होत असून, त्यानुसार नवनवीन अभ्यासक्रम सुरू करणे आवश्यक असल्याचे मुख्यमंत्री फडणवीस यांनी सांगितले.
मुख्यमंत्री फडणवीस म्हणाले, नाशिक जिल्ह्यात सुमारे ₹30,000 कोटींची गुंतवणूक होत असून, आगामी काळात नाशिक हे विकासाचे ‘ग्रोथ इंजिन’ बनेल. त्यादृष्टीने विद्यापीठांनीही नवनवीन अभ्यासक्रम सुरू करण्यासोबतच इन्क्युबेशन केंद्रे बनले पाहिजे. त्यासाठी राज्य शासनाकडून सर्वतोपरी सहकार्य करण्यात येईल. आगामी 'नाशिक-त्र्यंबकेश्वर सिंहस्थ कुंभमेळा 2027' च्या पार्श्वभूमीवर विद्यापीठाने या आयोजनासाठी आपण काय योगदान देऊ शकतो, याचाही विचार करावा, असे आवाहन मुख्यमंत्री फडणवीस यांनी केले.
यावेळी मंत्री चंद्रकांत पाटील, मंत्री गिरीष महाजन, मंत्री दादाजी भुसे, मंत्री छगन भुजबळ, सावित्रीबाई फुले पुणे विद्यापीठाचे कुलगुरू प्रा. डॉ. सुरेश गोसावी व इतर मान्यवर उपस्थित होते.
🕞 3.35pm | 28-8-2026📍Nashik | दु. ३.३५ वा. | २८-८-२०२६📍नाशिक.
Narendra Modi Devendra Fadnavis Chandrakant Patil Girish Mahajan Dadaji Bhuse - दादाजी भुसे MKCL India Vivek Sawant Nashik नाशिक Maharashtra
