22/08/2016
എല്ലാവരും വായിച്ചിരിക്കണം
അറിഞ്ഞിരിക്കണം
'കേവലമൊരു LIKE ൽ ഒതുക്കി നിർത്താനാവുന്നതല്ല..
കേരള പോലീസ് എഴുതിയ ഈ POST! മറ്റുള്ളവരിലേയ്ക്ക് - പകർന്ന് കൊടുക്കേണ്ട - SHARE ചെയ്യേണ്ട - ബാദ്ധ്യത നമുക്കുണ്ടെന്ന് ഓർക്കുക!
യുവത്വമേ ഒരു നിമിഷം
➖➖➖➖➖➖➖➖
ഒരുനിമിഷം....സമയമുണ്ടെങ്കില് ഇതൊന്ന് വായിക്കൂ, ചിന്തിക്കൂ!!!
ഇന്നത്തെ യുവതലമുറ എങ്ങോട്ടേക്ക്? താന്തോന്നികളും, തന്നിഷ്ടക്കാരും, അഹങ്കാരികളും, സാമൂഹികപ്രതിബദ്ധത തീരെ ഇല്ലാത്തവരും ആയി അവർ അധ:പ്പതിക്കുവാനുള്ള കാരണക്കാർ ആര്? മാതാപിതാക്കളോ അതോ, ആധുനികതയുടെ കൊഴുപ്പോ? അതോ, ആരേയും ഭയപ്പെടാനില്ലാത്ത അണുകുടുംബ സാഹചര്യമോ???
ഒരു മുന്തിയ ബൈക്കും, ഒരു ആഡ്രോയിഡ് മൊബൈല് ഫോണും സ്വന്തമായി ഇല്ലാത്ത ചെറുപ്പക്കാർ ഇന്ന് വിരളം! ഇവരെയൊക്കെ വിഡ്ഢിവേഷം കെട്ടിച്ച് വെറും വിഡ്ഢികളാക്കി വീടിനും, നാടിനും,സമൂഹത്തിനും ഒരു വലിയ ബാദ്ധ്യതയും,ഭീഷണിയുമാക്കി തീറ്റിപ്പോറ്റിവളർത്തിയിട്ട് എന്ത് നേട്ടം?
ഹേയ് ഒരുപറ്റം കൊച്ചനുജന്മാരെ.... നിങ്ങള് മൂന്നോ നാലോ,അല്ലെങ്കില് പത്തോ സുഹൃത്തുക്കള് ഒത്ത് ചേരുമ്പോഴുണ്ടാകുന്ന ഒരു ലോകമുണ്ടല്ലോ, അതല്ല യഥാർത്ഥലോകം!
മാതാപിതാക്കളെ അനുസരിക്കാത്ത, മുതിർന്നവരെ മാനിക്കാത്ത, ഒത്തുചേർന്നാല് താന്തോന്നിത്തരങ്ങള് മാത്രം കാണിക്കുന്ന നിങ്ങളുടെ ലോകമുണ്ടല്ലോ, അത് വെറും വിഡ്ഢിലോകം മാത്രം!
നിങ്ങള് വിഡ്ഢികളുടെ സ്വർഗ്ഗത്തില് ആണെന്നുള്ള തിരിച്ചറിവ് ഇനി എന്നാണുണ്ടാകുക?
നിങ്ങള് പൊതുനിരത്തുകളില് കാട്ടിക്കൂട്ടന്ന ബൈക്ക് അഭ്യാസങ്ങള് നിങ്ങളുടെ കഴിവായ് ബുദ്ധിയുള്ളവർ ഒരിക്കലും കാണില്ല. അതൊരു സാമൂഹിക വിപത്താണ് എന്ന് എന്തേ നിങ്ങള് തിരിച്ചറിയുന്നില്ല?
നിങ്ങൾ പൊതു നിരത്തുകളില്ക്കൂടി നാടുംകാടും ഇളക്കി പ്രപഞ്ചത്തെ പ്രകമ്പനം കൊള്ളിച്ചുകൊണ്ട് ബൈക്ക് പറപ്പിക്കുന്ന ശബ്ദം,
ഒരു പൗരൻേറയും ചെവിക്ക് അലോസരമല്ലാതെ ഒരിമ്പവും നല്കുന്നില്ല! അതിനെ സാമൂഹിക വിരുദ്ധതയെന്നേ പറയാന് കഴിയൂ!!!
തിരക്കുള്ള റോഡുകളില് വലിയ വാഹനങ്ങള് ചീറിപ്പായുന്നതിന്നിടയിലൂടെ,
എല്ലാ ട്രാഫിക് നിയമങ്ങളും
കാറ്റില് പറത്തി,
ഭ്രാന്തമായ ആവേശത്തില് നിങ്ങള് കാണിക്കുന്ന മുടിനാരിഴ ഭാഗ്യപരീക്ഷണങ്ങളില്,
നിങ്ങള് പലപ്പോഴും രക്ഷപെടുന്നത് നിങ്ങളുടെ കഴിവായ് തോന്നുന്നുവെങ്കില്, നീയാണ് ഈ നൂറ്റാണ്ടിലെ പമ്പരവിഡ്ഢി എന്നുള്ളതിന്ന് സംശയമുണ്ടോ???
എതിരെ വരുന്ന വലിയ വാഹനക്കാരന്, അല്ലെങ്കില് , അലക്ഷ്യമായും നിയമം ലംഘിച്ചും നീ മറികടക്കാന് ശ്രമിക്കുന്ന വാഹനക്കാരന്, നിന്നെപ്പോലെ
ഒരു മാനസികരോഗിയാണെങ്കില്, അവനൊന്നു ബലം പിടിച്ചാല്, അവിടെ ഒടുങ്ങാനുള്ളതേയുള്ളൂ നിൻെറ എല്ലാ ശൗര്യവും!!!
നിൻെറ കൂടെ എല്ലാ തോന്നിവാസത്തിനും, എല്ലാ കൊള്ളരുതായ്മയ്ക്കും,നിനക്ക് കൂട്ടുനിന്ന, നിന്നെ പ്രോത്സാഹിപ്പിച്ച നിൻെറ മാതാപിതാക്കളെക്കാള്, ഉടപിറപ്പുകളേക്കാള് ഒരുപക്ഷെ നീ സ്നേഹിച്ച, കോലംതിരിഞ്ഞ, ആണാണോ, പെണ്ണാണോ എന്ന് തിരിച്ചറിയാന് കഴിയാത്തവിധമുള്ള നിൻെറ റോള്മോഡല് ഫ്രീക്കന് ഫ്രണ്ട്സ് ഉണ്ടല്ലോ, അവർ കരയും നിൻെറ വിയോഗത്തില്!
എത്ര ദിവസം എന്ന് നിനക്കറിയണോ?
അങ്ങേ അറ്റം മൂന്നേമൂന്ന് ദിവസം!
പിന്നെ അവർ നിനക്കുവേണ്ടി ഒരു വലിയ കാര്യം കൂടിചെയ്യും........
നീ തെരുവീധിയില് മരണം ഇരന്ന് വാങ്ങാന് പോകയല്ലെ? അതിന്ന് മുമ്പേ, നീ അത് കൂടി അറിഞ്ഞിട്ട് പൊയ്ക്കോ. നിൻെറ ചിരിക്കുന്ന ഒരു സുന്ദര ഫോട്ടോ അവന്മാർ ഫേസ്ബുക്കിലും വാട്ട്സപ്പിലും ഇടും. എന്നിട്ട് ഒരടിക്കുറിപ്പും "പ്രിയ കൂട്ടുകാരാ നീ ഒരിക്കലും മരിക്കില്ലാ, ഞങ്ങളുടെ ഓർമ്മകളില് നീ എന്നും ജീവിക്കും.'' അതോടെ അവന്മാരുടെ പണി തീർന്നു!!!
നിനക്ക് ചിരി വരുന്നില്ലേ? അവന്മാരുടെ ഓർമ്മയില് നീ ജീവിക്കും എന്ന് കേട്ടിട്ട്?
ലഹരിക്ക് അടിമപ്പെട്ട് മസ്തിഷ്കം മരവിച്ച് കഴിയുന്ന അവന്മാർക്ക്, ഓർമ്മ പോയിട്ട് പൊക്കണം പോലുമില്ലന്നുള്ളത്, മറ്റുള്ളവരേക്കാള് നന്നായി അവരുടെ സന്തത സഹചാരി എന്ന നിലയ്ക്ക് നിനക്കല്ലേ കൂടുതല് അറിവ്?
സോഷ്യല് മീഡിയകളില് നിൻെറ ചരമവാർത്ത ഫോട്ടോസഹിതം വൈറലാകുമ്പോഴും, നീ ഒരു പക്ഷേ മുള്മുനയില് നിർത്തിയും, നിരാഹാരം കിടന്നും, ഭീഷണിപ്പെടുത്തിയും, അവസാനം ഗതികേട് കൊണ്ട് വകതിരിവാകാത്ത നിൻെറ ചെറുപ്രായത്തില് നിനക്ക് ബൈക്ക് വാങ്ങിത്തരാന് നിർബന്ധിതരായ നിമിഷത്തെ, അല്ലെങ്കില് കൂട്ടുകാരൻെറ ബൈക്ക് ഒരു വേള കടമെടുക്കാന് നിനക്ക് തോന്നിയ നിമിഷത്തെ ശപിച്ചു കൊണ്ട് നിൻെറ മാതാപിതാക്കളും,നിൻെറ ഉടപ്പിറപ്പുകളും തലതല്ലി കരയുന്നുണ്ടാകും; വീട്ടിന്നുള്ളിലെ ഏതെങ്കിലും കോണുകളില്!!!
സങ്കടത്താല് കണ്ണീരിനു പകരം ചങ്ക് പൊട്ടിയൊലിച്ച രക്തം അവരുടെ കണ്ണുകളില്ക്കൂടി ഒലിച്ചിറങ്ങുന്നത് കാണാന് കഴിയാതെ,
നീ അകലെയുള്ള ഏതെങ്കിലും ഹോസ്പിറ്റലിൻെറ മോർച്ചറിയില്, പോസ്റ്റ്മോർട്ടം ടേബിളില്, വിജയശ്രീലാളിതനായ് നെഞ്ചുംവിരിച്ച്, തലപൊട്ടിത്തകർന്ന് ചെവിയിലൂടെയും,മൂക്കിലൂടെയും,വായിലൂടെയും ചോര വാർന്നിറങ്ങി, കണ്ണ് പുറത്തേക്കുന്തിയവനായ് വീണ്ടുമൊരു അറുത്ത് മുറിക്കലും പ്രതീക്ഷിച്ച്, ധിക്കാരിയായിരുന്ന നീ നിസ്സഹായനായ്, മലർന്നങ്ങനെ കിടക്കുന്നുണ്ടാകും!!!
ജീവിതത്തിൻെറ സൗരഭ്യത്തിലേക്ക്, ഉത്തരവാദിത്വങ്ങളിലേക്ക് , വിവാഹകുടുംബജീവിതത്തിലേക്ക്, ജീവിതം എന്തെന്ന് ആസ്വദിച്ചറിയാന് തുടങ്ങുന്നതിന്ന് നാഴികകള് മാത്രം ബാക്കി ആയിരിക്കെ, നിൻെറ അഹങ്കാരവും, അഹംഭാവവും, നിൻെറ നിഷേധഭാവവും, ഈഗോയും കാരണം അകാലത്തില് മരണം ഇരന്നുവാങ്ങിയ പമ്പരവിഡ്ഢിയായ്, നീ അങ്ങനെ കിടക്കുന്നുണ്ടാകും!!!
പൊന്നനുജന്മാരെ ....
നിങ്ങള് ഇനിയെങ്കിലും മാറേണ്ടിയിരിക്കുന്നൂ.
നിങ്ങള് നിങ്ങളുടെ വീടിൻെറ പ്രതീക്ഷകളാകുന്നു. വാർധക്യത്തില് നിങ്ങളുടെ മാതാപിതാക്കള്ക്ക് താങ്ങും,തണലുമാകേണ്ടവരാണ് നിങ്ങള്!
അവരെ തീരാദു:ഖത്തിലാക്കി അകാലത്തില് തെരുവില് ഒടുങ്ങേണ്ടവർ അല്ല നിങ്ങള്! ഭ്രാന്തമായ ആവേശത്തില് മുൻ പിൻ നോക്കാതെ നിങ്ങള് പായുമ്പോള്, അപ്പോഴും രണ്ട് ചക്രങ്ങളേ ബൈക്കിനുണ്ടാകൂ എന്നോർക്കുക!!!
ശ്രദ്ധയില്പെടാത്ത ഒരു ചെറുകല്ല് മതി, നിങ്ങളുടെ അവസ്ഥ എന്നേക്കുമായ് മാറ്റിമറിക്കാന്!!!
ട്രാഫിക് നിയമങ്ങള് കർശനമായും പാലിക്കുക! നിരത്തില് അഹംഭാവവും, അമിതവേഗവും അവഗണിക്കുക!!!
വിധിയെ പഴിക്കാന് വരട്ടെ, അതിന്ന് മുമ്പ് ഒന്നോർക്കുക; നിങ്ങളുടെ ജീവൻെറ സൂക്ഷിപ്പുകാർ നിങ്ങള് മാത്രം! മറ്റുള്ളവർക്ക് പരിമിധികളുണ്ട്.
💧പല നേർകാഴ്ചകളുടെയും അനുഭവങ്ങള് മനസ്സില് ഉറങ്ങുന്നതിൻെറ അടിസ്ഥാനത്തില് എഴുത്തില് അൽപ്പമെങ്കിലും അമർഷവും, രോഷവും വന്നിട്ടുണ്ടെങ്കില് അത് സ്വാഭാവികം മാത്രം!!!
ഈ എഴുത്തിനോട് യോജിക്കുന്നവർ ഉണ്ടെങ്കില്, ഒന്ന് ഷെയർ ചെയ്യാനുള്ള സന്നദ്ധത കാണിക്കുക!
അത് ചിലപ്പോള് കുറച്ച് അനുജന്മാർക്കെങ്കിലും
ഒരു പരിവർത്തനം ഉണ്ടാക്കാന് സഹായിച്ചെങ്കിലോ????????
➖➖➖➖➖➖➖➖➖
👮 കേരളാ പോലീസ്
പൊതുജന താൽപര്യാർത്ഥം!!!!!!
