28/08/2026
സുകുമാരക്കുറുപ്പ് ജീവനോടെയുണ്ടെന്ന വാർത്ത തെറ്റെന്ന് സ്ഥിരീകരണം; ബ്രൂണെയിലുള്ളത് തൃശൂർ സ്വദേശി ദാമോദരൻ. ഇന്നലെ രാവിലെ മനോരമ, മാതൃഭൂമി തുടങ്ങിയ മാധ്യമങ്ങൾ സുകുമാരക്കുറുപ്പിന്റെ കേസ് കേരള പോലീസ് അവസാനിപ്പിക്കുന്നു എന്ന രീതിയിൽ വാർത്തകൾ പ്രസിദ്ധീകരിച്ചിരുന്നു. എന്നാൽ, ഉച്ചകഴിഞ്ഞ് 24 ന്യൂസ് എക്സ്ക്ലൂസിവ് വെളിപ്പെടുത്തലുമായി രംഗത്തെത്തുകയും, ദാമോദരനെ സുകുമാരക്കുറുപ്പാണെന്ന് ഉറപ്പിച്ച് വാർത്തകൾ നൽകുകയും ചെയ്തു. തുടർന്ന് പല മാധ്യമങ്ങളും ഇത് ഏറ്റുപിടിച്ചു. എന്നാൽ, ഒടുവിൽ ദൃശ്യങ്ങളിലുള്ളത് സുകുമാരക്കുറുപ്പല്ലെന്ന് തൃശൂരിലെ സഹോദരനും ബന്ധുക്കളും കേരള പോലീസും സ്ഥിരീകരിച്ചു. ഒരു ഉളുപ്പുമില്ലാതെ ഒരു പാവം വയോധികനെ സുകുമാരക്കുറുപ്പാക്കിയ വാർത്ത അടിച്ചുവിട്ട 24 ന്യൂസ് CID സംഘത്തിന് അഭിനന്ദനങ്ങൾ. അത് കോപ്പിയടിച്ച് പ്രസിദ്ധീകരിച്ച എല്ലാ മാധ്യമങ്ങൾക്കും നമോവാകം
