08/10/2015
పదేళ్ల వయసు పిల్లలు కంప్యూటర్తో ఆటలు ఆడటం సహజమే కానీ అహ్మదాబాద్కి చెందిన రోనిల్ షా ఏకంగా ‘జావా’తో ఆటాడుకుంటున్నాడు. సాఫ్ట్వేర్ ఉద్యోగులే ఎంతో కష్టంగా భావించే ‘జావా’ లాంగ్వేజ్ పై పట్టు సాధించిన రోనిల్ గురించి తెలుసుకుందాం..
అహ్మదాబాద్కు చెందిన రోనిల్ షా స్థానిక యూరో పాఠశాలలో ఐదో తరగతి చదువుతున్నాడు. చిన్పప్పటి నుంచే కంప్యూటర్ పాఠాలు నేర్చుకున్న రోనిల్ ఇటీవలే జరిగిన జావా పరీక్షలో 100 శాతం మార్కులు సాధించి అతి చిన్న సాఫ్ట్వేర్ డెవలపర్గా నిలిచాడు. మూడు గంటల పరీక్షను కేవలం 18 నిమిషాల్లో పూర్తిచేశాడు.
జాలీగా ‘జావా’ రాశాడు
అమెరికాకు చెందిన ఒరాకిల్ కంపెనీ ప్రతి సంవత్సరం సాఫ్ట్వేర్ డెవలపర్ల కోసం జావా లాంగ్వేజ్పై ఆన్లైన్లో పరీక్ష (జావా స్టాండర్డ్ ఎడిషన్ 6 ప్రోగ్రామ్ ఎగ్జామ్) నిర్వహిస్తోంది. సాధారణంగా ఇంజనీర్లు, సాఫ్ట్వేర్ ఉద్యోగులు ఈ పరీక్షకు హాజరవుతారు. ఈ సంవత్సరం కూడా ఒరాకిల్ సంస్థ ఆన్లైన్లో సెప్టెంబర్ 22 తేదిన జావా పరీక్షను నిర్వహించింది. మూడు గంటల వ్యవధి గల ఈ పరీక్షను రోనిల్ కేవలం 18 నిమిషాల్లో పూర్తిచేశాడు. సాఫ్ట్వేర్ డెవలపర్గా సర్టిఫికేట్ పొందిన భారతీయుల్లో రోనిల్ అతి చిన్న వయస్కుడిగా నిలవడం విశేషం.
ప్రస్తుతం రోబోటిక్స్ వైపు పయనం
రోనిల్ నాలుగేళ్ల వయసు నుంచే కంప్యూటర్ పాఠాలకు హాజరవుతున్నాడు. రోనిల్కు ఆరేళ్ల వయసు వచ్చేటప్పటకీ యానిమేషన్, కోరల్ డ్రా, సీ, సీ+ + నేర్చుకున్నాడు. కోడింగ్, ప్రోగ్రామింగ్లపై ఉన్న ఆసక్తితో తక్కువ సమయంలోనే వాటిపై పట్టు సాధించాడు. రోనిల్కి రోబోటిక్స్ నేర్చుకోవాలనుందని అతని తండ్రి బైరెన్ షా ఎంతో గర్వంగా చెబుతున్నారు. తన కోరిక ప్రకారమే రోబోటిక్స్ నేర్పిస్తామని ఆయన అంటున్నారు. అంతేకాదు ముంబైలో నిర్వహించే ‘రోబోటిక్స్ ఎగ్జామ్’లో తన కుమారుడు అత్యుత్తమ ప్రతిభ కనబరచాలని ఆయన ఆశిస్తున్నారు.
సాధనే విజయానికి సోపానం
కంప్యూటర్ అంటే చాలా ఇష్టమని రోనిల్ అంటున్నాడు. జావా లాంగ్వేజ్ పరీక్ష కోసం
పాఠశాలకు సెలవులు పెట్టి మరీ సాధన చేశాడు రోనిల్. స్థానిక కంప్యూటర్ ఇనిస్టిట్యూట్లో రోనిల్ రోజుకు కనీసం 6గంటలపాటు సాధన చేసేవాడు. అంత పట్టుదలతో శ్రమించడం వల్లే 18 నిమిషాల్లో పరీక్ష పూర్తి చేయగలిగానని రోనిల్
అంటున్నాడు. తను సాధించిన ఈ ఘనత పట్ల ఎంతో ఆనందంగా ఉందని, భవిష్యత్తులో అడ్వాన్స్డ్ జావాతో పాటు, ఐ ఫోన్, ఆండ్రాయిడ్ ఓఎస్ నేర్చుకుంటానని రోనిల్ చెప్పాడు.
