TECH Evolutions, Pune (2026)

25/02/2018

👉 तंत्रज्ञान विश्वात क्रांती घडवून आणणारा अवलिया, अ‍ॅपलचे जन्मदाता स्टीव्ह जॉब्स यांना जयंतीनिमित्त विनम्र अभिवादन !!! 👈

स्टीव्ह जॉब्स हा तरुण उद्योजकांसाठी आदर्श आहे आणि असलाच पाहिजे. स्टीव्ह जॉब्सने आयुष्यातील प्रत्येक घडामोडीतून शिकत स्वत: ला सिद्ध केले. प्रत्येक नकारात्मक गोष्टीला आपल्यासाठी ती बाब कशी सकारात्मक होऊ शकते याचा विचार केला. स्टीव्ह जॉब्सने त्याच्या गाजलेल्या भाषणात एका प्रसंगाचा उल्लेख केलायं. स्टीव्ह १७ वर्षाचा असताना त्याने एक वाक्य वाचले होते, 'जर तुम्ही रोज आपले आयुष्य आजचा दिवस शेवटचा असं समजून घालवलात तर कमीत कमी एक दिवस तुमची समजूत खरी ठरेल.’ या वाक्याने स्टीव्हवर मोठा परिणाम केला. जवळपास ३३ वर्षे स्टीव्ह सकाळी उठायचा आणि रोज सकाळी आरशात पाहून स्वत:ला विचारायचा, ‘‘जर आज मला मरण यायचे असेल, तर आज जे मी करतो आहे तेच मला करायला आवडेल का?’ जर उत्तर बरेच दिवस ‘नाही’ असेल, तर कळते की काहीतरी बदल करायची गरज आहे...असा स्टीव्हचा दृष्टीकोण असायचा. दररोज सकाळी उठल्यानंतर नेमकं आपल्याला काय करायचं आहे...आपण ठरवलेल्या ध्येयाकडे वाटचाल करत आहोत का? ही साधी पण महत्त्वाची बाब आहे.. यातून काय होऊ शकतं... आपली वाटचाल योग्य सुरू आहे का याची सेल्फ असेसमेंट करता येऊ शकते. प्रश्न पडायला हवेत आणि हे प्रश्न आपणंच आपल्याला विचारणे योग्य ठरते...आणि त्यातून एक बाब नक्की समजेल यशाची, महत्त्वकांक्षेची भूक अद्याप मिटलेली नाही. स्टीव्ह जॉब्सच्या यशामागे अनेक घटक कारणीभूत आहेत..प्रत्येक लहान बाबींमधून स्टीव्ह शिकत गेला आणि त्यातून यशस्वी उद्योजक म्हणून आपला ठसा या जगावर उमटवला...