Raj Computers

25/05/2017

21/06/2013

नोकियाचा ‘स्मार्ट’प्लॅन

स्मार्टफोन्सच्या मार्केटमध्ये नोकियाला सॅमसंग , सोनीसारख्या कंपन्यानी पछाड दिलीय. पण उशीरा का होईना नोकियाने स्मार्टफोन मार्केटमध्ये उडी घेतली. त्यांनी काही नवे प्रयोग केले आहेत. स्मार्टफोन मार्केटमधल्या त्यांच्या स्मार्टप्लॅनविषयी नोकिया इंडियाचे मार्केटिंग डायरेक्टर विरल ओझा यांच्याशी केलेली बातचीत...

स्मार्टफोनच्या बाजारात नोकिया सर्वात मागे राहिलेय का ?

भारतामध्ये नोकिया हा खूपच मोठा ब्रॅण्ड आहे यात कुणालाच शंका नाही. स्मार्टफोनच्या मार्केटमध्ये उतरण्यास आम्हाला उशीर झाला हे खरं असलं तरी आशा आणि लुमिया या नोकियाच्या दोन्ही सिरिज सध्याच्या स्मार्टफोनपेक्षा खूपच आधुनिक आणि वरचढ आहे. यामुळे आम्ही आमचं मार्केट चांगल्याप्रकारे कॅच करू शकतो असं आम्हाला वाटतं.

स्मार्टफोनच्या स्पर्धेत उशीरा आल्यानंतरही तुम्ही पुन्हा एकदा मार्केटजायंट व्हाल असं वाटतं का ? सॅमसंग , सोनी अशा कंपन्यांना कशी मात देणार ?
नोकियाच्या स्मार्टफोन व्हर्जन्सला सध्या बाजारात खूप चांगली मागणी आहे. या आधी आम्ही काही जास्त किमतीचे मोबाइल बाजारात आणले होते. मात्र आता आम्ही थोड्या कमी दरातले मोबाइल दिवाळीत आणले. यामुळे पुन्हा एकदा ग्राहकांना काय हवंयं ते देण्याचा प्रयत्न आम्ही केलाय. म्हणूनच भारतातील स्मार्टफोनच्या मार्केटमध्ये आम्ही चांगल्याप्रकारे स्थिरावू असं मला वाटतं. ग्राहकांच्या मनात नोकियाबद्दल असलेला विश्वास हे आमच्या स्मार्टफोन मार्केटसाठी फायदेशीर ठरू शकतं.

अँड्रॉइडचा बोलबाला अाहे. तुमची स्वतःची सिम्बियन ही ऑपरेटिंग सिस्टीम अाहे तरीही तुमच्या स्मार्ट फोनच्या नव्या रेंजसाठी एकदम विंडोज ऑपरेटिंग सिस्टीम का आणली ?

तुमचं म्हणणं अगदी बरोबर आहे. खरंतर आम्ही स्वतःच्या ऑपरेटिंग सिस्टीमचा वापर करून स्मार्ट फोन आणण्याचा प्रयत्न केला मात्र त्याला फारस यश आलं नाही. म्हणून आम्ही कम्प्युटर क्षेत्रातील सर्वात नावाजलेली कंपनी मायक्रोसॉफ्टशी करार करायचं ठरवलं. मायक्रोसॉफ्टही नुकतंच फोन मार्केटमध्ये उतरलं होतं. आम्हीही स्मार्ट फोन मार्केटमध्ये नव्याने येत होतो. यामुळे दोन्ही कंपन्यांना मार्केट काबीज करण्यासाठी सारखीच परिस्थिती होती म्हणूनच दोघानी एकत्र येणं पसंत केलं.

स्मार्टफोनकडून आता लोकांच्या अपेक्षा खूप वाढल्यायंत. नोकियाची नवी स्मार्ट फोन रेंज त्या पूर्ण करू शकेल का ?

स्मार्टफोन युजर्सना सर्वाधिक आकर्षण असतं ते अॅप्सचं नोकियाकडे एक लाखाहून अधिक अॅप्स आहेत. त्याचबरोबर नोकियाची ओळख असलेल्या अनेक गोष्टी उदा , नोकिया मॅपसारख्या अनेक गोष्टी त्यात आहेत. मॅपमध्ये भारतातील बहुतांश भाग कव्हर करण्यात आला आहे. आपण राहात असलेल्या ठिकाणाहून जवळचं हॉटेल , तिथे चालत किंवा बसने जायला किती वेळ लागेल याची सर्व माहितीही मिळू शकते. यासारखे काही खास अॅप्स नोकियाच्या स्मार्टफोनला मार्केटमध्ये उभे राहण्यासाठी नक्कीच मदत करतील.

06/08/2012

Computer repair service