Lintek It Solution

14/10/2022

27/09/2021

Nilambur ❤

04/07/2021

ആൻഡ്രോയ്ഡ് ആപ്പുകൾ .apk ൽ നിന്നും .aab ലേക്ക്.

ആഗസ്ത് മാസം മുതൽ ഗൂഗിൾ പ്ലേ സ്റ്റോറിൽ വരുന്ന പുതിയ ആപ്പുകൾ / പുതിയ ആപ്പ് അപ്ഡേഷനുകൾ ഒക്കെ AAB (Android App Bundle) ഫോർമാറ്റിൽ ആയിരിക്കും.

APK (Android Package) യെക്കാൾ 15% വരെ കുറഞ്ഞ file size ആയിരിക്കും AAB ആപ്പുകൾ എന്നാണ് ഗൂഗിൾ പറയുന്നത്. അതുകൊണ്ടു തന്നെ വേഗത്തിൽ ഡൗൺലോഡ് ചെയ്യാനും കുറഞ്ഞ storage ൽ ഉപയോഗിക്കാനും കഴിയും.

അതായത് ഡെവലപ്പേഴ്സിന് ഇനിമുതൽ തങ്ങളുടെ ആപ്പ് ഓരോ device നും optimize ആവുന്ന വിധത്തിൽ പ്രത്യേകം build, sign ഒന്നും ചെയ്യേണ്ട ആവശ്യമില്ല. AAB ഉപയോഗിച്ച് ഓരോ device ന്റെയും configuration അനുസരിച്ച് Google Play വിതരണം ചെയ്തോളും.

2018 ലാണ് ഗൂഗിൾ AAB അവതരിപ്പിക്കുന്നത്. നിലവിൽ Adobe, Netflix, Twitter അടക്കം ഒരുപാട് ആപ്പുകൾ ഈ ഫോർമാറ്റിലാണ് ഉള്ളത്. ഈ വർഷത്തോടെ എല്ലാ ആപ്പുകളും AAB ലേക്ക് മാറ്റി Play Store ൽ നിന്നും APK പൂർണ്ണമായും ഉപേക്ഷിക്കാൻ ആണ് ഗൂഗിളിന്റെ തീരുമാനം.

ഇത് കൂടാതെ 150 MB ക്ക് മേലെ വരുന്ന ആപ്പുകൾക്ക് Play Asset Delivery (PAD) ഫീച്ചറും ഉണ്ട്.
അതായത്, PUBG പോലുള്ള വലിയ size ഉള്ള ഗെയിമുകൾ ഇപ്പോൾ APK ക്ക് പുറമെ Expansion file (OBB) ഉപയോഗിച്ചാണ് run ചെയ്യുന്നത്. PAD ലൂടെ ഈ game resource files പ്ലേ സ്റ്റോറിൽ നിന്ന് തന്നെ എളുപ്പത്തിൽ ഡൗൺലോഡ് ചെയ്യാൻ കഴിയുന്ന സൗകര്യം കിട്ടും, OBB യും ഒഴിവാക്കും.

PAD ക്ക് പുറമെ Play Feature Delivery (PFD) യും ഉണ്ട്. (ഒരു ആപ്പിലെ ഫീച്ചറുകൾക്ക് നമ്മുടെ ആവശ്യത്തിന് ഡൗൺലോഡ് ചെയ്തെടുക്കാനുള്ള സൗകര്യം.)

എങ്കിലും, Amazon App Store, Huawei App Gallery ഒന്നും AAB സപ്പോർട്ട് ഇല്ലാത്തതിനാൽ developers ന് തങ്ങളുടെ ആപ്പുകൾ ഈ പ്ലാറ്റ്ഫോമുകളിൽ പബ്ലിഷ് ചെയ്യാൻ APK കൂടി ഉണ്ടാക്കേണ്ടി വരും.
മാത്രമല്ല തങ്ങളുടെ 11th version ൽ Android Apps support കൊണ്ടുവരാൻ ഇരിക്കുന്ന Microsoft Windows നും ഇതൊരു തിരിച്ചടി യായേക്കും.

26/06/2021

പുതിയ ഓപ്പറേറ്റിംഗ് സിസ്റ്റമായ #വിൻഡോസ്_11 ന്റെ പ്രത്യേകതകൾ എന്തെല്ലാം?നിങ്ങളുടെ കംപ്യൂട്ടറില്‍ വിന്‍ഡോസ് 11 ഓഎസ് എപ്പോള്‍ കിട്ടും? അതിന് വേണ്ടത് എന്തെല്ലാം?⭐

👉ലോകത്ത് ഏറ്റവുമധികം ഉപയോഗിക്കുന്ന കംപ്യൂട്ടര്‍ ഓപ്പറേറ്റിങ് സിസ്റ്റമായ മൈക്രോസോഫ്റ്റ് വിൻഡോസ് ഓഎസിന്റെ പുതിയ വിൻഡോസ് 11 പതിപ്പ് പുറത്തിറങ്ങിയിരിക്കുകയാണ്. പ്രൊഡക്റ്റിവിറ്റി, ക്രിയേറ്റിവിറ്റി, ഗെയിമിങ് ഉൾപ്പടെയുള്ള വിവിധ മേഖലകളിൽ ശ്രദ്ധകേന്ദ്രീകരിച്ച് ഉപഭോക്താക്കളുടെ ഇതുവരെയുള്ള പരാതികൾ പരിഹരിക്കാൻ ശ്രമിച്ചുകൊണ്ടാണ് പുതിയ ഓഎസ് തയ്യാറാക്കിയിരിക്കുന്നത്.പഴയ പതിപ്പുകളേക്കാൾ വേഗമേറിയതും , ഊർജ ഉപഭോഗം കുറഞ്ഞതും ഒപ്പം കൂടുതൽ സുരക്ഷിതത്വം വാഗ്ദാനം ചെയ്യുന്നതുമായിരിക്കും മൈക്രോസോഫ്റ്റ് വിൻഡോസ് 11.ആപ്പിൾ മാക്ക് ഓഎസിന്റെ വാണിജ്യ മാതൃക അവലംബിച്ചുകൊണ്ട് ഡെവലപ്പർമാരോടും , ഉപഭോക്താക്കളോടും കൂടുതൽ തുറന്ന സമീപനമാണ് വിൻഡോസ് 11 നടത്തുന്നത്.കഴിഞ്ഞ ആറു വര്‍ഷത്തിനിടയില്‍ ഏറ്റുമധികം മാറ്റങ്ങള്‍ ഉള്‍ക്കൊണ്ട് എത്തിയിരിക്കുന്ന ഒഎസ് എന്നും, ചരിത്രത്തിലെ ഏറ്റവും പ്രാധാന്യമുള്ള അപ്‌ഡേറ്റുകളിലൊന്ന് എന്നുമൊക്കെ വിശേഷിപ്പിക്കപ്പെടുന്ന ഒഎസിന് പേരിട്ടിരിക്കുന്നത് വിന്‍ഡോസ് 11 എന്നാണ്. താമസിയാതെ നിങ്ങളുടെ പിസികളിലേക്കും , ലാപ്‌ടോപ്പുകളിലേക്കും , ടാബുകളിലേക്കും വിൻഡോസ് 11 എത്തും.മൈക്രോസോഫ്റ്റ് വിന്‍ഡോസ് 10 നുള്ള പിന്തുണ 2025 ഒക്ടോബര്‍ 14 ന് അവസാനിപ്പിക്കുമെന്നും പ്രഖ്യാപിച്ചുണ്ട്. മൈക്രോസോഫ്റ്റ് അതിന്റെ വെബ്‌സൈറ്റ് വഴി ഹോം, പ്രോ പതിപ്പുകള്‍ക്കായി വിന്‍ഡോസ് 10 ഓപ്പറേറ്റിംഗ് സിസ്റ്റത്തിനായുള്ള ഇഒഎല്‍ (എന്‍ഡ് ഓഫ് ലൈഫ്) ലിസ്റ്റ് ചെയ്തു കഴിഞ്ഞു. വിന്‍ഡോസ് 10 ന്റെ ഏറ്റവും പുതിയ അപ്‌ഡേറ്റ് ചെയ്ത പതിപ്പ് നിര്‍ത്തുന്നത് കമ്പനി അതിന്റെ പുതിയ ഒഎസ് (ഓപ്പറേറ്റിംഗ് സിസ്റ്റങ്ങള്‍) പരിപോഷിപ്പിക്കാനാണ്. അതു കൊണ്ടു തന്നെ പുതിയതായി വിന്‍ഡോസിലേക്ക് തിരിയുന്നവര്‍ ഇക്കാര്യം ഓര്‍ക്കണം.

എന്‍ഡ് ഓഫ് ലൈഫ് (ഇഒഎല്‍) എന്ന് വിളിക്കുന്ന ഒരു ഓപ്പറേറ്റിംഗ് സിസ്റ്റം അപ്‌ഡേറ്റ് ചെയ്യുന്നത് ഒരു കമ്പനി നിര്‍ത്തുമ്പോള്‍ സാധാരണയായി ഓപ്പറേറ്റിംഗ് സിസ്റ്റം നിര്‍ജ്ജീവമാവുകയാണ് ചെയ്യുന്നത്. കൂടാതെ പുതിയ പതിപ്പിലേക്ക് പോകാന്‍ ഉപയോക്താക്കളെ പ്രോത്സാഹിപ്പിക്കുകയും ചെയ്യും. വിന്‍ഡോസ് 11 ആണ് അടുത്ത തലമുറയിലെ ഒഎസ് എന്ന് മൈക്രോസോഫ്റ്റ് വ്യക്തമാക്കിയിട്ടുണ്ട് .വിന്‍ഡോസ് 10 റിട്ടയര്‍മെന്റ് 2025 വരെ നീണ്ടുനില്‍ക്കാന്‍ കാരണം ആളുകള്‍ പലപ്പോഴും ഒരു വിന്‍ഡോസ് ഓപ്പറേറ്റിംഗ് സിസ്റ്റത്തില്‍ നിന്ന് മറ്റൊന്നിലേക്ക് അപ്‌ഗ്രേഡുചെയ്യാന്‍ കുറച്ച് സമയമെടുക്കും എന്നുള്ളത് കൊണ്ടാണ്.

📌പുതിയ മാറ്റങ്ങൾ ഇവയൊക്കെയാണ്

⚡നവീകരിച്ച വോയ്സ് ടൈപ്പിങ്, വോയ്സ് കമാൻഡ് സൗകര്യങ്ങൾ തുടങ്ങിയവ

⚡പുതിയ 'സ്റ്റാര്‍ട് മെന്യൂ' ആണ് പ്രധാന മാറ്റങ്ങളിലൊന്ന്. 'സ്റ്റാര്‍ട് ബട്ടണും' പുതുക്കിയിട്ടുണ്ട്. ഇതു രണ്ടും ടാസ്‌ക്ബാറിന്റെ നടുവിലേക്കു മാറ്റിയിട്ടുണ്ട്.അതായത്
സ്ക്രീനിന്റെ താഴെ ടാസ്ക് ബാറിന്റെ മധ്യഭാഗത്താണ് ഇനി മുതൽ സ്റ്റാർട്ട് ബട്ടൺ.

⚡'ലൈവ് ടൈല്‍സ്' ആണ് മറ്റൊരു സുപ്രധാന ഫീച്ചര്‍. നിങ്ങള്‍ ഉപയോഗിച്ചുകൊണ്ടിരുന്ന ആപ്പിലേക്ക് അതിവേഗം തിരിച്ചെത്താന്‍ സഹായിക്കുന്നതാണിത്. ഇങ്ങനെ ഒന്ന് വിന്‍ഡോസ് 8ല്‍ അവതരിപ്പിച്ചെങ്കിലും വിമര്‍ശനത്തെ തുടര്‍ന്ന് പിന്‍വലിക്കുകയായിരുന്നു. ക്രോം ഒഎസിലും, ആന്‍ഡ്രോയിഡിലുമുള്ള ലോഞ്ചറിനെ അനുസ്മരിപ്പിക്കുന്ന ഒന്നാണിതെന്നു വേണമെങ്കില്‍ പറയാമെങ്കിലും മാക് ഒഎസിന്റെ രൂപവും ഇവിടെ കാണാവുന്നതാണ്. വര്‍ത്തുളാകൃതിക്കു നല്‍കിയിരിക്കുന്ന പ്രാധാന്യവും കാണാതിരിക്കാനൊക്കില്ല.

⚡വിന്‍ഡോസ് 11ലെ ലൈറ്റ് മോഡും, ഡാര്‍ക് മോഡും കണ്ണുകള്‍ക്ക് നിലവില്‍ ലഭിക്കുന്നതിനേക്കാള്‍ സാന്ത്വനം നല്‍കുന്നു.

⚡'സ്‌നാപ് ലേയൗട്‌സ്' ആണ് പുതിയ ഫീച്ചറുകളിലൊന്ന്. ആപ്പുകളെ ഒഎസ് സപ്പോര്‍ട്ടു ചെയ്യുന്ന പല മോഡുകളിലേക്ക് മാറ്റാം. ഇതിനൊപ്പം ഒരു സ്‌നാപ് ഗ്രൂപ്പ് ലേയൗട്ടും ഉണ്ട്. എവിടെയാണ് ആപ്പുകള്‍ സൂക്ഷിച്ചിരിക്കുന്നത് എന്നറിയാനാണ് ഇത്. ഒന്നിലേറെ ഡിസ്‌പ്ലേകള്‍ ഉപയോഗിക്കുമ്പോഴായിരിക്കും ഇത് കൂടുതല്‍ പ്രയോജനപ്രദം.

⚡പ്രകടനത്തില്‍ മികവു പുലര്‍ത്തുമെന്നും അവകാശവാദമുണ്ട്. വിന്‍ഡോസ് 11ലേക്ക് അയയ്ക്കുന്ന സോഫ്റ്റ്‌വെയര്‍ അപ്‌ഡേറ്റുകള്‍ 40 ശതമാനം വരെ സൈസ് കുറഞ്ഞതും, അതേസമയം കാര്യപ്രാപ്തിയുള്ളതുമായിരിക്കും. അപ്‌ഡേറ്റുകള്‍ ബാക്ഗ്രൗണ്ടില്‍ നടന്നോളും.

⚡വിഡിയോ കോളിങ് ആപ്പായ മൈക്രോസോഫ്റ്റ് ടീംസിനെ വിന്‍ഡോസിന്റെ അവിഭാജ്യ ഘടകമാക്കാനുള്ള ശ്രമവും പ്രകടമാണ്. ബിസിനസ് ആവശ്യക്കാര്‍ക്കും സാധാരണ ഉപയോക്താക്കള്‍ക്കും ഒരുപോലെ പ്രയോജനപ്രദമായ രീതിയിലാണ് ഇത് കൊണ്ടുവന്നിരിക്കുന്നത്. ടാസ്‌ക്ബാറില്‍ തന്നെ ടീംസും ഉണ്ടായിരിക്കും.

⚡'വിന്‍ഡോസ് വിജിറ്റ്‌സും' ,ടച് ജെസ്ചറുകളുമാണ് അധികമായി എത്തുന്ന മറ്റു രണ്ടു ഫീച്ചറുകള്‍. ഇവ നിങ്ങള്‍ക്ക് ആര്‍ട്ടിഫിഷ്യല്‍ ഇന്റലിജന്‍സിന്റെ ശേഷി പ്രയോജനപ്പെടുത്തി, നിങ്ങളുടെ താത്പര്യങ്ങള്‍ അറിഞ്ഞ് ഫീഡുകളും മറ്റും നല്‍കും. വാര്‍ത്തകളും, കാലാവസ്ഥയും മാപ്പുമൊക്കെ ഇതില്‍ ലഭിക്കും. പ്രദേശിക കണ്ടെന്റ് ക്രിയേറ്റര്‍മാര്‍ക്ക് പണം സമ്പാദിക്കാനുളള മാര്‍ഗവും ഇതില്‍ ഒരുക്കുമെന്ന് കേള്‍ക്കുന്നു.

⚡ആംഗ്യവിക്ഷേപങ്ങള്‍ക്കും, ടച്ചിനും കൂടുതല്‍ പ്രാധാന്യം ലഭിക്കും. ടച്ച് ഉപയോഗിച്ചും പെന്‍ ഉപയോഗിച്ചും കൂടുതല്‍ പ്രയോജനകരമായ ഒരു ഉപകരണമായി വിന്‍ഡോസിനെ പുതുക്കിയെടുക്കുന്നുമുണ്ട്. ചില തരം പേനകള്‍ ഉപയോഗിച്ചാല്‍ ടച്ചിങ് അനുഭവേദ്യമാകും.

⚡വോയിസ് ടൈപ്പിങ് ആണ് മറ്റൊരു സവിശേഷത. ടൈപ്പിങ് വൈമുഖ്യമുള്ളവര്‍ക്ക് ശബ്ദത്തിലൂടെ പലതും ലാപ്‌ടോപ്പില്‍ കുറിച്ചുവയ്ക്കാന്‍ സഹായിക്കുന്ന ഒന്നായിരിക്കുമിത്. കീപാഡില്‍ ജിഫുകളും മറ്റും കസ്റ്റമൈസു ചെയ്യാം. സ്മാര്‍ട് ഫോണ്‍ കീപാഡിനെ അനുസ്മരിപ്പിക്കുന്ന ഒന്നാണിത്.

⚡ഗെയിമര്‍മാര്‍ക്കുള്ള കരുതലാണ് മറ്റൊരു പ്രധാന സവിശേഷത. ഓട്ടോ എച്ഡിആര്‍ വിന്‍ഡോസ് 11 പാക്കേജിന്റെ സവിശേഷതകളിലൊന്ന് ആയിരിക്കും. ഇതോടെ ഗെയിമുകളും മറ്റും കൂടുതല്‍ മികവുറ്റ ദൃശ്യപ്രതീതി ജനപ്പിക്കും. എന്നാല്‍, മറ്റു പല ഫീച്ചറുകളുടെ കാര്യത്തിലുമെന്ന പോലെ, സപ്പോര്‍ട്ടു ചെയ്യുന്ന ഹാര്‍ഡ്‌വെയര്‍ വേണം. ഓട്ടോ എച്ഡിആര്‍ സപ്പോര്‍ട്ടു ചെയ്യുന്ന മോണിട്ടര്‍ ഉണ്ടെങ്കില്‍ മാത്രമെ ഇതു പ്രയോജനപ്പെടുത്താനാകൂ.

⚡എക്‌സ്‌ബോക്‌സ് ഗെയിം പാസും വിന്‍ഡോസിൽ ഉള്‍ക്കൊള്ളിച്ചിരിക്കുന്നു. ഇത് എക്‌സ്‌ബോക്‌സ് ആപ് വഴിയായിരിക്കും. എക്‌സ്‌ക്ലൗഡുമായുള്ള സമന്വയിപ്പിക്കലും നടക്കുന്നു. മൈക്രോസോഫ്റ്റ് ക്ലൗഡില്‍ നിന്നുള്ള ഗെയിമുകള്‍ സ്ട്രീം ചെയ്യൽ കൂടുതല്‍ സുഗമമാകുമെന്നു കരുതുന്നു.

⚡സ്മാര്‍ട് ഫോണ്‍ ആപ്പുകള്‍ വിന്‍ഡോസില്‍ പ്രവര്‍ത്തിപ്പിക്കാം. മൈക്രോസോഫ്റ്റ് സ്റ്റോറിനുമുണ്ട് മാറ്റങ്ങള്‍. ഇപ്പോള്‍ വിന്‍ഡോസ് സ്‌റ്റോറില്‍ ലഭ്യമല്ലാത്ത പല ജനപ്രിയ ആപ്പുകള്‍ക്കും സ്റ്റോറിലേക്ക് പ്രവേശനം നല്‍കാന്‍ തീരുമാനിച്ചിരിക്കുകയാണ് മൈക്രോസോഫ്റ്റ്. ഇന്‍സ്റ്റഗ്രാം, ടിക്‌ടോക്ക് തുടങ്ങി പല ആപ്പുകളും ഇനി മൈക്രോസോഫ്റ്റ് സ്റ്റോറിലും എത്തുമെന്നു കരുതുന്നു. (ഇപ്പോൾ ടെക്‌നോളജി മേഖലയിലെ ഏറ്റവും വലിയ വിവാദങ്ങളിലൊന്ന് ആപ്പിളും , ഗൂഗിളും തങ്ങളുടെ ആപ് സ്റ്റോറുകളില്‍ നിന്ന് അന്യായമായി തട്ടിയെടുക്കുന്ന പണത്തെക്കുറിച്ചാണ്. ഇരു കമ്പനികളും ആപ് ഡവലപ്പര്‍മാരുടെ വരുമാനത്തില്‍ നിന്ന് 30 ശതമനം വരെ എടുക്കുന്നു. ഇതിനെതിരെ നിയമയുദ്ധം പോലും നടക്കുന്നുണ്ട്.) എന്നാൽ, വിന്‍ഡോസ് 11 ല്‍ ഒരു വന്‍ മാറ്റമാണ് മൈക്രോസോഫ്റ്റ് കൊണ്ടുവന്നിരിക്കുന്നത്. ആപ് ഡവലപ്പര്‍മാരുടെ കൈയ്യില്‍ നിന്ന് ഒരു പൈസയും കൈപ്പറ്റില്ലെന്നാണ് അവര്‍ അറിയിച്ചിരിക്കുന്നത്. ഇത് ആപ് ഡവലപ്പര്‍മാര്‍ക്ക് ആവേശം പകര്‍ന്നേക്കാം. മുന്‍ മേധാവിമാരായിരുന്ന ബില്‍ ഗേറ്റ്സിന്റെയും , സ്റ്റീവ് ബാമറുടെയും മൈക്രോസോഫ്റ്റ് അല്ല സത്യ നദെലയുടെ മൈക്രോസോഫ്റ്റ് എന്ന വിചാരംതന്നെ ഈ വഴിക്കു ചിന്തിക്കാന്‍ പ്രേരകമാകുമെന്നു കരുതുന്നു.

ഫീച്ചറുകളെല്ലാം പ്രയോജനപ്പെടുത്തണമെങ്കില്‍ അനുയോജ്യമായ ഹാര്‍ഡ്‌വെയറും വേണം. വരും വര്‍ഷങ്ങളില്‍ കൂടുതല്‍ സ്മാര്‍ട്ടായ പിസികളും , ലാപ്‌ടോപ്പുകളും വാങ്ങാമെന്ന് അറിഞ്ഞുവയ്ക്കുക. നിലവിലുള്ള പല വിന്‍ഡോസ് ഉപയോക്താക്കളെയും മൈക്രോസോഫ്റ്റ് നിരാശരാക്കുന്നുമില്ല.
എന്തായാലും ഈ അവസരത്തിൽ ഉപഭോക്താക്കൾ അറിയാൻ ആഗ്രഹിക്കുന്ന ഒരു കാര്യമാണ് പുതിയ ഓഎസ് തങ്ങൾക്ക് ലഭിക്കുമോ എന്നത്.

📌വിൻഡോസ് 11 ഓഎസ് ഇൻസ്റ്റാൾ ചെയ്യാൻ കംപ്യൂട്ടറിൽ ഉണ്ടായിരിക്കേണ്ട ഹാർഡ് വെയർ ഘടകങ്ങൾ ഇവയൊക്കെയാണ്.

⚡1 ജിഗാഹെർട്സ് (GHz) അല്ലെങ്കിൽ വേഗമുള്ള കുറഞ്ഞത് 2 കോർ വരുന്ന കോംബാറ്റിബിൾ 64 ബിറ്റ് പ്രൊസസർ ചിപ്പ്
⚡4 ജിബി റാം
⚡64 ജിബിയോ അതിലധികമോ സ്റ്റോറേജ്
⚡സിസ്റ്റം ഫേംവെയർ : യുഇഎഫ്ഐ, സെക്വർ ബൂട്ട് ശേഷിയുള്ളത്
⚡ട്രസ്റ്റഡ് പ്ലാറ്റ്ഫോം മോഡ്യൂൾ (ടിപിഎം) വേർഷൻ 2.0
⚡ഡയറക്ട്എക്സ് 12 അല്ലെങ്കിൽ അതിന് ശേഷമുള്ള WDDM 2.0 ഡ്രൈവർ ഉള്ളവ
⚡720 പിക്സൽ എച്ച്ഡി ഡിസ്പ്ലേ
⚡വിൻഡോസ് 11 ഹോം എഡിഷൻ ഉപയോഗിക്കാൻ ഇന്റർനെറ്റ് കണക്റ്റിവിറ്റിയും ഒരു മൈക്രോസോഫ്റ്റ് അക്കൗണ്ടും ആവശ്യമാണ്. പുതിയ ഓഎസിലെ ഫീച്ചറുകളെല്ലാം പ്രയോജനപ്പെടുത്താനും കണക്റ്റിവിറ്റി ആവശ്യമായി വരുന്നു.

വിൻഡോസ് 11 ഉപയോഗിക്കാൻ വേണ്ട ഏറ്റവും അടിസ്ഥാന സംവിധാനങ്ങളാണ് മുകളിൽ സൂചിപ്പിച്ചത്. ഇത് കൂടാതെ 5ജി സപ്പോർട്ട് ഉൾപ്പടെയുള്ള ചില സൗകര്യങ്ങൾ പ്രയോജനപ്പെടുത്തണമെങ്കിൽ അതിനനുസൃതമായുള്ള സാങ്കേതിക സംവിധാനങ്ങൾ കംപ്യൂട്ടറിൽ ഉണ്ടായിരിക്കണം.നിലവിൽ വിൻഡോസ് 10 ഉപയോഗിക്കുന്ന മുകളിൽ പറഞ്ഞ അടിസ്ഥാന സൗകര്യങ്ങൾ ഉള്ള കംപ്യൂട്ടറുകളിൽ വിൻഡോസ് 11 ലേക്ക് അപ്ഗ്രേഡ് ചെയ്യാൻ സാധിക്കും. അപ്ഡേറ്റ് റോൾ ഔട്ട് എന്ന് മുതൽ തുടങ്ങുമെന്ന് കമ്പനി തീരുമാനിച്ചിട്ടില്ല. 2022 തുടക്കത്തോടെ അത് തുടങ്ങുമെന്നാണ് പ്രതീക്ഷിക്കുന്നത്.വിൻഡോസ് 11 ലേക്ക് മാറാൻ യോഗ്യമായ എല്ലാ വിൻഡോസ് 10 പിസികളിലും ഒരേ സമയം തന്നെ ആയിരിക്കില്ല അപ്ഗ്രേഡ് ലഭിക്കുക.അതേസമയം ഈ വർഷം അവസാനത്തോടെ വിൻഡോസ് 11 ഇൻസ്റ്റാൾ ചെയ്തുള്ള കംപ്യൂട്ടറുകൾ വിപണിയിലെത്തിത്തുടങ്ങും.

ഏറെ കാലമായുള്ള ഉപഭോക്താക്കളുടെ പരാതി പരിഗണിച്ച് വലിപ്പം കുറച്ചും, പ്രവർത്തന വേഗത കൂട്ടിയും, ഊർജ ഉപഭോഗം പരിമിതപ്പെടുത്തിയുമാണ് പുതിയ ഓഎസ് തയ്യാറാക്കിയിരിക്കുന്നത് .കാഴ്ചയിൽ അടിമുടി മാറ്റങ്ങളും , കാലാനുസൃതമായ സൗകര്യങ്ങളും ഉൾപ്പെടുത്തിയാണ് വിൻഡോസ് 11 അവതിരിപ്പിച്ചിരിക്കുന്നത്. ലളിതമായി പറഞ്ഞാൽ ആപ്പിൾ മാക് ഓഎസിനോടും, ഗൂഗിൾ ആൻഡ്രോയിഡിനോടും കിടപിടിക്കും വിധമാണ് വിൻഡോസ് 11 തയ്യാറാക്കിയിരിക്കുന്നത്.

ടാസ്ക്ബാർ, വിഡ്ജറ്റുകൾ, വിൻഡോസ് മെനു, സ്റ്റാർട്ട് അപ്പ് ടോൺ തുടങ്ങിയവയിൽ മാറ്റം വന്നിരിക്കുന്നു.പരമ്പരാഗത കംപ്യൂട്ടറുകൾക്കൊപ്പം തന്നെ പുതിയ ടച്ച് സ്ക്രീൻ കംപ്യൂട്ടറുകളെയും ലക്ഷ്യമിട്ടാണിത്. ആർട്ടിഫിഷ്യൽ ഇന്റലിജൻസിന്റെ സാധ്യതകളും ഇതിൽ സന്നിവേശിപ്പിച്ചിരിക്കുന്നു. ഗെയിമുകൾക്കും ഡിസൈനിങ് വീഡിയോ എഡിറ്റിങ് പോലുള്ള ആവശ്യങ്ങൾക്കുമായി മികച്ച ഗ്രാഫിക്സ് പിന്തുണയും സോഫ്റ്റ് വെയർ പിന്തുണയും വിൻഡോസ് 11 ഓഎസ് ഉറപ്പുനൽകുന്നു.ഗൂഗിൾ പ്ലേസ്റ്റോർ, ആപ്പിൾ ആപ്പ്സ്റ്റോർ എന്നിവയ്ക്ക് സമാനമായി മൈക്രോസോഫ്റ്റ് സ്റ്റോർ രൂപകൽപന ചെയ്തിരിക്കുന്നു. വിവിധ ആവശ്യങ്ങൾക്കായി വിൻഡോസ് ആപ്പുകൾ നിർമിക്കാൻ ഡെവലപ്പർമാർക്ക് സാധിക്കും.ആപ്പുകളുടെ കാര്യത്തിൽ കൂടുതൽ തുറന്ന സമീപനമാണ് മൈക്രോസോഫ്റ്റ് വിൻഡോസ് 11 ൽ നടത്തുന്നത്. ടിക് ടോക്ക് പോലുള്ള മൊബൈൽ ആപ്പുകളും വിൻഡോസ് 11 ൽ ഉപയോഗിക്കാനാവും. കൂടുതൽ ഡെവലപ്പർമാരെയും, ഉപഭോക്താക്കളെയും കമ്പനി വിൻഡോസിലേക്ക് സ്വാഗതം ചെയ്യുന്നു.
മാത്രവുമല്ല ഇതുവരെ പുറത്തിറങ്ങിയവയിൽ ഏറ്റവും സുരക്ഷിതമായ വിൻഡോസ് ഓഎസ് ആയിരിക്കും ഇതെന്നും കമ്പനി ഉറപ്പു നൽകുന്നു.

📌 കൂടുതൽ അറിവിലേക്കായി താഴെ ഉള്ള മൈക്രോസോഫ്റ്റിന്റെ വിഡിയോ ലിങ്ക് സഹായിക്കും.

https://youtu.be/Uh9643c2P6k

28/05/2021

നമ്മുടെ നാട്ടിൽ ഒക്കെ നമ്മൾ പുറത്ത് ഇറങ്ങി നടക്കുമ്പോൾ നമുക്ക് ചുറ്റും ഉള്ള പീടിക കോലായിൽ, ഓട്ടോ സ്റ്റാൻഡിൽ, ബസ് സ്റ്റോപ്പിൽ ഒക്കെ നമുക്ക് അറിയാവുന്ന/അറിയാത്ത ആളുകൾ ഒക്കെ ഉണ്ടാകും. അവർ ഓരോ ആളുകളും സംസാരിക്കുന്നതും വേറെ വേറെ കാര്യങ്ങളെ കുറച്ചായിരിക്കും. നമ്മുടെ താല്പര്യം അനുസരിച്ച് നമുക്ക് അതിന്റെ ഭാഗം ആകാം, സംസാരിക്കാം, വേണമെങ്കിൽ കേട്ടുകൊണ്ടിരിക്കാം.

അതിന്റെ ഒരു ചെറിയ വേർച്വൽ വേർഷൻ ആയി തോന്നി ക്ലബ്‌ ഹൌസ്‌. നമുക്ക് പരസ്പരം അടുത്തിരിക്കാൻ പറ്റാത്ത കാലത്തെ പീടികകോലായിയും, ഓട്ടോസ്റ്റാൻഡും, ബസ്സ്റ്റോപ്പും, ചായക്കടയും ഒക്കെ ആയിട്ടാണ് ക്ലബ്‌ ഹൌസ്.

എന്താണ് ക്ലബ്ഹൗസ്‌?

വെഞ്ച്വര്‍ ക്യാപ്പിറ്റലിസ്റ്റ് കമ്പനി ആന്‍ഡ്രീസണ്‍ ഹൊറോവിറ്റ്‌സിന്റെ ( Andreessen Horowitz) പിന്തുണയോടെ പോൾ ഡേവിസൺ, റോഹൻ സേത്ത് എന്നിവർ ചേർന്ന് 2019 ൽ പോഡ്കാസ്റ്റിങ്ങിന് വേണ്ടി ഡിസൈൻ ചെയ്ത പ്ലാറ്റ്ഫോം ആണിത്. ഈ ദിവസം വരെ 10 മില്യൺ ആളുകൾ ഇത് ഉപയോഗിക്കുന്നുണ്ട്.ശബ്‌ദത്തെ അടിസ്ഥാനമാക്കിയുള്ള സോഷ്യൽ നെറ്റ്‌വർക്കിങ് പ്ലാറ്റ്‌ഫോമാണ് ക്ലബ്‌ഹൗസ്. ലോകത്തിന്റെ വിവിധ കോണുകളിൽ‌ നിന്നുള്ള ആളുകൾ‌ക്ക് സംസാരിക്കാനും കേൾക്കാനും ഒത്തുചേരാനും ആശയങ്ങൾ പങ്കിടാനും ചർച്ച ചെയ്യാനും പഠിക്കാനും പുതിയ ആളുകളെ കണ്ടുമുട്ടാനും സൗഹൃദങ്ങൾ വർദ്ധിപ്പിക്കാനും ഉപയുക്തമായ തത്സമയ ഓഡിയോ ആപ്ലിക്കേഷനാണ് ക്ലബ്‌ഹൗസ്.
സംസാരിക്കാനും കേൾക്കാനും വെർച്വൽ റൂം ആപ്ലിക്കേഷൻ ഹോസ്റ്റുചെയ്യുന്നു. പ്രധാനമായും ഓണ്‍ലൈന്‍ ചര്‍ച്ചകള്‍ക്കും മീറ്റിംഗുകള്‍ക്കുമാണ് ക്ലബ് ഹൗസ് ആപ്പുകള്‍ ഉപയോഗിക്കുന്നത്.

ഇന്‍വിറ്റേഷന്‍ നല്‍കി മാത്രമേ ചാറ്റ് റൂമുകളില്‍ പങ്കെടുക്കാന്‍ സാധിക്കൂ എന്നതിനാല്‍ തന്നെ ചാറ്റിംഗ് സ്വകാര്യത നഷ്ടപ്പെടില്ല എന്നതും ക്ലബ് ഹൗസിന്റെ പ്രത്യേകതയാണ്. കൂടുതല്‍ ഫീച്ചറുകളില്ലാത്തതിനാല്‍ അനായാസമായും ഈ ആപ്പ് കൈകാര്യം ചെയ്യാവുന്നതാണ്. നമുക്ക് നമ്മുടെ വീട്ടിലെ ഒരു റൂമില്‍ ഇരുന്ന് സുഹൃത്തുക്കളോട് നേരിൽ സംസാരിക്കുന്ന പോലെ ഓണ്‍ലൈനിൽ സംസാരിക്കാനാവുന്ന ഒരു പ്ലാറ്റ്ഫോം ആണ് ക്ലബ്ഹൗസ്‌.
5000 പേർക്ക് വരെ ഒരേ സമയം സംഭാഷണങ്ങളിൽ പങ്കെടുക്കാനുള്ള സൗകര്യം ഇതിലുണ്ട്.

വെറുതേ സംസാരിക്കാനാണോ ഈ ആപ്പ്?
അല്ല നമുക്ക് താല്പര്യമുള്ള വിവിധ വിഷയങ്ങളെക്കുറിച്ച് ചർച്ചകൾ സംഘടിപ്പിക്കാനും, ലോകത്തെവിടെയുമുള്ള ചർച്ചകളിൽ പങ്കെടുക്കാനും, പാട്ടുകേൾക്കാനും, സംസാരിക്കാനും ഉള്ള വലിയ സാധ്യതകൾ തരുന്ന ഒരു ആപ്പാണിത്. ക്ലബ്ഹൗസിൽ വീഡിയോ, ഇമേജ്, ടെക്സ്റ്റ് ഒന്നും സപ്പോര്‍ട്ട് ചെയ്യില്ല. ശബ്ദം മാത്രം അടിസ്ഥാനമായ ഒരു ആപ്പ് എന്നതാണ് ഇതിൻ്റെ ഏറ്റവും വലിയ നേട്ടവും, പുതുമയും. ക്ലബ്ഹൗസിന്റെ വെല്ലുവിളി മറികടക്കാന്‍ ട്വിറ്ററും ഇന്‍സ്റ്റാഗ്രാമും ഫേസ്ബുക്കും ടെലഗ്രാമും ഓഡിയോ കോളിംഗ് സവിശേഷതകൾ ചേർക്കാൻ ശ്രമിക്കുകയാണെന്നാണ് പുതിയ റിപ്പോർട്ടുകൾ. ട്വിറ്ററിലും ടെലഗ്രാമിലും ഇപ്പോള്‍ തന്നെ സമാനമായ ഓഡിയോ ചാറ്റ് നിലവിലുണ്ട്.

എന്താണ് ക്ലബ്ഹൗസിൻ്റെ പ്രത്യേകതകൾ?
സൂം, ഗൂഗിള്‍മീറ്റ് തുടങ്ങിയ ലൈ വീഡിയോ, ഓഡിയോ ആപ്പിൽ നിന്നും വിഭിന്നമായി വോയിസ് ചാറ്റിലൂടെ ആശയവിനിമയത്തിൻ്റെ അനന്തമായ സാധ്യതകൾ തുറന്നു തരുന്ന ഒരു വെര്‍ച്വല്‍ ഇടമാണ് ക്ലബ്ഹൗസ്‌. ആർക്കൊക്കെ ജോയിന്‍ ചെയ്യാം:-
കഴിഞ്ഞ വർഷം മാര്‍ച്ചിൽ ആപ്പിള്‍ ഐ.ഒ.എസിൽ ആരംഭിച്ച ആപ്പ് ഈ വർഷം മാർച്ചിലാണ് ആന്‍ഡ്രോയിഡ് ബീറ്റ പുറത്തിറക്കിയത്. ഇന്ത്യയിൽ ഈ വര്‍ഷം മെയ് 21 ന് തുടക്കം കുറിച്ച ക്ലബ്ഹൗസിന് ലോക്ക് ഡൗണിൽ പെട്ടന്നു തന്നെ വളരെയധികം പ്രചാരം ലഭിച്ചു. ആപ്പിള്‍ സ്റ്റോറില്‍ നിന്ന് പ്ലേ സ്റ്റോറില്‍ നിന്നും ആർക്കും സൗജന്യമായി ഡൌണ്‍ലോഡ് ചെയ്യാവുന്ന ഈ ആപ്പില്‍ കയറാൻ ഒരാളുടെ ഇന്‍വൈറ്റ് ആവശ്യമാണ്.ഒരു മെമ്പര്‍ക്ക് ആകെ 4 ഇന്‍വൈറ്റ് മാത്രമാണ് ലഭിക്കുക. ഇന്‍വൈറ്റ് ലഭിക്കാത്തവർക്ക് ആപ്പ് ഉപയോഗിക്കാന്‍ ഇന്‍സ്റ്റാള്‍ ചെയ്ത ശേഷം വൈറ്റിംഗ് ലിസ്റ്റില്‍ നിന്നാൽ ക്ലബ്ഹൗസിൽ നിലവിലുള്ള നിങ്ങളുടെ സുഹൃത്തുക്കൾക്ക് നിങ്ങളെ ആഡ് ചെയ്യാർ സാധിക്കും.

ഏതൊക്കെ മേഖലയിൽ ഉള്ളവർക്കാണ് ഉപകാരപ്രദം?

Discussion, Talks, മ്യൂസിക്, ടീച്ചിങ് തുടങ്ങിയവയിൽ താല്പര്യമുള്ള ആർക്കും ക്ലബ്ഹൗസ്‌ ഇഷ്ടപ്പെടും. നിങ്ങൾക്കാവശ്യമുള്ള Chat Room കളിൽ കയറാനും, അനുവാദമുണ്ടെങ്കിൻ സംസാരിക്കാനും എപ്പോൾ വേണമെങ്കിലും ഇറങ്ങിപ്പോരാനും സാധിക്കും. കൂടാതെ ഓപ്പൺ- സോഷ്യൽ - ക്ലോസ്ഡ് എന്നിങ്ങനെ വ്യത്യസ്ഥമായ റൂമുകൾ ക്രിയേറ്റ് ചെയ്ത് നിങ്ങൾക്ക് ചർച്ചകളും സംസാരങ്ങളും തുടങ്ങാനും സാധിക്കും.
ശ്രദ്ധിക്കേണ്ട കാര്യങ്ങൾ
നിങ്ങളുടെ മൊബൈല്‍ നമ്പർ വഴിയാണ് ക്ലബ്ഹൗസ്‌ വര്‍ക്ക് ചെയ്യുന്നത്. ക്ലബ്ഹൗസ്‌ ഇന്‍സ്റ്റാള്‍ ചെയ്യുമ്പോൾ നിങ്ങൾക്ക് താല്പര്യമുള്ള മേഖലകൾ തെരഞ്ഞെടുക്കാനുള്ള സൗകര്യമുണ്ട്. അതിനനുസരിച്ച് നിങ്ങളുടെ App Feedൽ Suggestions വരും. കൂടാതെ ഇഷ്ടമുള്ള ആളുകളെ Follow ചെയ്യാനുമുള്ള Options ഉം ഉണ്ട്. ക്ലബ്ഹൗസ്‌ ഇന്‍സ്റ്റാള്‍ ചെയ്യുമ്പോൾ കാണിക്കുന്ന ലിസ്റ്റ് വിശദമായി പരിശോധിച്ച ശേഷം താൽപര്യമുള്ള ആളുകളെ ആഡ് ചെയ്യാന്‍ ശ്രദ്ധിക്കുക. അല്ലെങ്കിൽ ഇന്‍സ്റ്റാള്‍ ചെയ്ത ശേഷം ഇഷ്ടമുള്ള ആളുകളെ പിന്നീട് ആഡ് ചെയ്താലും മതിയാകും.

പരിമിതികള്‍?

ഫേസ്ബുക്ക്, വാട്ട്സ്ആപ്പ്, ഗൂഗിള്‍ പോലെയുള്ള വന്‍കിട കമ്പനികള്‍ വ്യക്തികളുടെ ചാറ്റ് അടക്കമുള്ള സ്വകാര്യതകൾ ശേഖരിക്കുന്നുണ്ട് എന്നത് പരസ്യമായ രഹസ്യമാണല്ലോ. ക്ലബ്ഹൗസും ഉപഭോക്താക്കളുടെ വിവരങ്ങൾ സംസാരങ്ങൾ എന്നിവ റെക്കോര്‍ഡ് ചെയ്യുന്നുണ്ടെങ്കിലും ഇപ്പോൾ ശേഖരിച്ച് വെക്കുന്നില്ല എന്നാണ് പറയുന്നത്, ഭാവിയിൽ ശേഖരിച്ചേക്കാം എന്നും. നിലവിൽ റൂമിലെ സംസാരം അവസാനിച്ച ശേഷം കുറ്റകമായ ഉള്ളടക്കങ്ങളൊന്നും ഇല്ലെങ്കിൽ റെക്കോര്‍ഡും റൂമും വോയിസുകളും ഡിലീറ്റ് ആകും. ഡാറ്റകൾ എവിടേയും സേവ് ചെയ്യപ്പെടുന്നില്ല. പക്ഷേ നമ്മളുടെ ഫോണ്‍ കോളുകൾ പോലും കമ്പനികൾ നിരീക്ഷിക്കുന്ന ഈ കാലഘട്ടത്തിൽ റൂമുകളിലെ സംസാരങ്ങൾ ദൂരെ ഇരുന്ന് ആരെങ്കിലും ദുരുപയോഗം ചെയ്യാനുള്ള സാധ്യതകൾ തള്ളിക്കളയാൻ കഴിയുകയുമില്ല. കൂടാതെ ഓഡിയോ റെക്കോര്‍ഡ് ചെയ്യുക എന്നതിന് അർത്ഥം അവ Encrypted അല്ല എന്നുമാണ്.

ഓഡിയോ- ഓൺലി ചാറ്റ് അപ്പായ ക്ലബ്‌ഹൗസ് 2021 മെയ് 18 ചൊവ്വാഴ്ച ജപ്പാൻ, ബ്രസീൽ, റഷ്യ എന്നിവിടങ്ങളിലെ ആൻഡ്രോയിഡ് ഉപയോക്താക്കൾക്കും 2021 മെയ് 21 നൈജീരിയയിലെയും ഇന്ത്യയിലെയും ഉപയോക്താക്കൾക്കും ആൻഡ്രോയിഡ് ഉപയോക്താക്കൾക്ക് ലഭ്യമാക്കിയ ക്ലബ് ഹൗസ് ആപ്പിന്റെ പ്ലേ സ്റ്റോര്‍ ഡൗണ്‍ലോഡ് പത്ത് ലക്ഷം കടന്നു. ഭാവിയില്‍ പേയ്‌മെന്റ് അടക്കമുള്ള സൗകര്യങ്ങള്‍ ഉള്‍ക്കൊള്ളിച്ച് ക്ലബ് ഹൗസിനെ കൂടുതല്‍ ജനപ്രിയമാക്കാനും കമ്പനി ലക്ഷ്യമിടുന്നുണ്ട്.

12/11/2019

CCTV Technician, Computer Hardware Technician

15/10/2017

Happy to inform you that, we have started automatic gate fittings, CCTV and other domestic automations (such as operating TV, Fridge, Gas stoves etc. with your mobile phone).
Expecting your extreme supports.
Thanks for your time.

05/01/2017

നിലമ്പൂർ, പൂക്കോട്ടുംപാടം എന്നിവിടങ്ങളിലുള്ള കമ്പ്യൂട്ടർ സ്ഥാപനങ്ങളിലേക്ക് Diploma in Electronics / B.Tech Electronics/IT എന്നീ യോഗ്യതയുള്ളവരെ ആവശ്യമുണ്ട്. 5 ഒഴിവുകൾ, ആകർഷകമായ പാക്കേജ്, ഉടൻ ബന്ധപ്പെടുക. 9544322777. നിലമ്പൂർ മേഖലയിലുള്ളവർക്ക് മുൻഗണന ഉണ്ടായിരിക്കുന്നതാണ്.

01/10/2016

ഫേസ്ബുക്കിലെ വീഡിയോ വൈറസിനെ മറി കടക്കാൻ എന്തൊക്കെ ചെയ്യാം...

വ്യാപകമായി പെരുകുന്ന പുതിയ വൈറസ് ആദ്യമായി നമ്മുടെ എഫ്ബി സുഹൃത്തിന്‍റെ ഫോട്ടോ അടങ്ങുന്ന ഒരു സന്ദേശം നിങ്ങളുടെ ടൈംലൈനില്‍ പോസ്റ്റ് ചെയ്യുന്നു. അതിനോടൊപ്പം അനവധി ലിങ്കുകളും ഉണ്ടാകും. വീഡിയോയിലോ ലിങ്കിലോ ക്ലിക്ക് ചെയ്താല്‍ നിങ്ങളുടെ പേരിലും ഇത്തരം സ്പാം സന്ദേശങ്ങള്‍ പരക്കും. പലര്‍ക്കും മെസഞ്ചര്‍ സന്ദേശങ്ങളായും ഇത്തരം സ്പാം വീഡിയോ സന്ദേശങ്ങള്‍ ലഭിക്കുന്നുണ്ട്.

നിങ്ങളുടെ സുഹൃത്തിന്‍റെ സ്പെഷൽ വിഡിയോ ആണെന്നു പറഞ്ഞാണ് ലിങ്ക് ന്യൂസ് ഫീഡിലോ, സന്ദേശമായോ എത്തുന്നത്. അതില്‍ താല്‍പ്പര്യപ്പെട്ട നാം ലിങ്കിൽ ക്ലിക്ക് ചെയ്താൽ അതോടെ നിങ്ങളുടെ കംപ്യൂട്ടറിലേക്കോ മൊബൈലിലേക്കോ സ്പാം ലിങ്ക് വഴിയുള്ള വൈറസോ മാൽവെയറോ കയറിയിട്ടുണ്ടാകും.

പിന്നെ നിങ്ങളുടെ എഫ്ബി പ്രൊഫൈലിൽ നിന്നായിരിക്കും സുഹൃത്തുക്കൾക്ക് ഇതേരീതിയിലുള്ള മെസേജ് പോകുക. ഇങ്ങനെ ഒരു ഗാഡ്ജറ്റില്‍ നിന്നും മറ്റോരു ഗാഡ്ജറ്റിലേക്ക് ഈ എഫ്ബി വൈറസ് പരക്കും. ഫേസ്ബുക്ക് വഴിയാണ് വ്യാപനം എന്നതിനാല്‍ മൊബൈലിലോ സിസ്റ്റത്തിലോ ഉള്ള ആന്റി-വൈറസ് വലിയ പ്രയോജനം ചെയ്യുന്നില്ല എന്നാണ് റിപ്പോര്‍ട്ട്.

ഇതിനെ മറികടക്കാനുള്ള ചില സെക്യൂരിറ്റി ടിപ്സ്...

ഫേസ്ബുക്കിന്‍റെ വലതുവശത്ത് മുകളിലായി കാണുന്ന ഡ്രോപ് ഡൗൺ ഐക്കണിൽ ക്ലിക്ക് ചെയ്താൽ ആക്റ്റിവിറ്റി ലോഗിന്‍ എന്ന ഓപ്ഷൻ കാണാം. എഫ്ബിയിൽ നിങ്ങൾ ചെയ്യുന്ന എല്ലാ പ്രവര്‍ത്തികളും ഈ ലോഗിനില്‍ ഉണ്ടാകും. അവ പരിശോധിച്ച് നിങ്ങൾ ചെയ്തിട്ടില്ലാത്ത ഏതെങ്കിലും ആക്ടിവിറ്റി അതിലുണ്ടോയെന്നു പരിശോധിക്കുക. ഉണ്ടെങ്കിൽ അത് നീക്കം ചെയ്യുക.

ഉടനെ തന്നെ ഫേസ്‌ബുക് പാസ്‌വേർഡ് മാറ്റുക.

ആക്ടിവിറ്റി ലോഗിനില്‍ നോക്കിയാല്‍ സ്പാം ലിങ്കിനൊപ്പം നിങ്ങളുടെ സുഹൃത്തുക്കളെ ടാഗ് ചെയ്തതായി കാണാം, ഇത് എഡിറ്റ് ചെയ്ത് നീക്കാം

ഫേസ്ബുക്കിന്‍റെ വലതുവശത്ത് മുകളിലായി കാണുന്ന ഡ്രോപ് ഡൗൺ ഐക്കണിൽ സെറ്റിംഗ് ഓപ്ഷനിലെ ഇടതുവശത്ത് ആപ്പ്സ് എന്ന ഓപ്ഷന്‍ കാണാം. നിങ്ങൾ പോലും അറിയാതെ എഫ്ബി അക്കൗണ്ടിൽ കയറിപ്പറ്റിയ ഒട്ടേറെ ആപ്ലിക്കേഷനുകൾ അവിടെ ഒളിച്ചിരിക്കുന്നുണ്ടാകും. ആവശ്യമില്ലാത്തത് നീക്കം ചെയ്യുക

ഫേസ്ബുക്കില്‍ ലോഗിൻ ചെയ്യാനായി നിങ്ങൾ കയറുന്ന സിസ്റ്റത്തിന്‍റെയോ, മൊബൈലിന്‍റെയോ ബ്രൗസറിലെ ഹിസ്റ്ററിയും, കാഷെയും, കുക്കിസും ക്ലിയര്‍ ചെയ്യുക.

ഇതിനായി Reimage, Malwarebytes Anti Malware തുടങ്ങിയ സോഫ്റ്റ്‌വെയറുകൾ ഉപയോഗിക്കാം.

15/03/2016

ചിത്രത്തിൽ കാണുന്നത് വളരെ സുപരിചിതമായ ഒരു സാധനമാണ്- ഡേറ്റാ കേബിൾ. നിങ്ങളിത് വായിക്കുന്നത് ഒരു കമ്പ്യൂട്ടറിലാണ്. അങ്ങനെയൊരാൾക്ക് ഡേറ്റാ കേബിൾ എന്തിനുള്ളതാണെന്ന് പറഞ്ഞുകൊടുക്കേണ്ട കാര്യമുണ്ടാവില്ല. ചോദ്യം വേറൊന്നാണ്. ചിത്രത്തിൽ ചുവന്ന വട്ടത്തിൽ അടയാളപ്പെടുത്തിയിരിക്കുന്ന ഒരു വീർത്ത സാധനം ആ കേബിളിൽ കാണാം. എന്താണത്? വെറുതേ ഭംഗിയ്ക്ക് വെച്ചേക്കുന്നതാണോ? ഡേറ്റാ കേബിളിൽ മാത്രമല്ല, കമ്പ്യൂട്ടറിന്റെ പവർ കേബിളിലുൾപ്പടെ പലയിടത്തും ഇതുപോലൊരു സാധനം കണ്ടിട്ടുണ്ടാകും.

അതിന്റെ പേര് ഫെറൈറ്റ് ബീഡ് (ferrite bead) എന്നാണ്. കേബിളിനെ അല്ലെങ്കിൽ അത് ഘടിപ്പിക്കുന്ന ഉപകരണത്തെ ഒരു ആന്റിനയാകാതെ തടഞ്ഞ് നിർത്തുകയാണ് അതിന്റെ പണി!

ആന്റിന എന്താണെന്നറിയാമല്ലോ. വൈദ്യുതകാന്തിക തരംഗങ്ങളെ, പ്രത്യേകിച്ച് റേഡിയോ തരംഗങ്ങളെ സ്വീകരിക്കാനോ പ്രക്ഷേപണം ചെയ്യാനോ ഉള്ള ഉപകരണം. വീട്ടിലെ ആന്റിന സ്വീകരിക്കാനും (receiving antenna) റേഡിയോ നിലയത്തിലെ ആന്റിന അതിനെ പ്രക്ഷേപണം ചെയ്യാനും (transmitting antenna) ഉപയോഗിക്കുന്നു. എങ്ങനെയാണ് ഇവ പ്രവർത്തിക്കുന്നത്. മാറിക്കൊണ്ടിരിക്കുന്ന ഇലക്ട്രിക് ഫീൽഡ് ഒരു മാഗ്നറ്റിക് ഫീൽഡിനും, മാറിക്കൊണ്ടിരിക്കുന്ന മാഗ്നറ്റിക് ഫീൽഡ് ഒരു ഇലക്ട്രിക് ഫീൽഡിനും രൂപം കൊടുക്കും. അങ്ങനെയെങ്കിൽ ഒരു വയറിലൂടെ കറന്റ് പ്രവഹിച്ചാൽ, അതിൽ ക്രമമായ ഏറ്റക്കുറച്ചിലുകൾ ഉണ്ടായാൽ, ആരും പറയാതെ തന്നെ അവിടെ പരസ്പരധാരണയോടെ മാറിക്കൊണ്ടിരിക്കുന്ന ഒരു വൈദ്യുതകാന്തികക്ഷേത്രം ഉണ്ടാകുകയും, അതൊരു തരംഗമായി -റേഡിയേഷൻ ആയി- പുറത്തേയ്ക്ക് പ്രവഹിക്കുകയും ചെയ്യും. മറിച്ച് ഇത്തരമൊരു റേഡിയേഷൻ ഒരു വൈദ്യുതക്കമ്പിയെ തൊട്ടുരുമ്മി കടന്നുപോയാൽ അതിനനുസൃതമായ ഒരു കറന്റ് അതിലുണ്ടാക്കുകയും ചെയ്യും. പ്രക്ഷേപണം ചെയ്യുന്ന ആന്റിനയും സ്വീകരിക്കുന്ന ആന്റിനയും യഥാക്രമം ഈ രണ്ട് പ്രതിഭാസങ്ങളാണ് ഉപയോഗപ്പെടുത്തുന്നത്.

നമ്മുടെ വീട്ടിൽ കിട്ടുന്ന കറന്റിന് വിളിക്കുന്ന പേര് ശ്രദ്ധിച്ചിട്ടുണ്ടാകുമല്ലോ, ഏ.സി. കറന്റ് എന്നാണ്. Alternating Current എന്നതിന്റെ ചുരുക്കരൂപമാണ് ഏ.സി. (ac current എന്ന് പറയുമ്പോൾ alternating current current എന്ന വശപ്പെശക് രൂപത്തിലാണ് നമ്മൾ പറയുന്നത് എങ്കിലും, അതൊരു അംഗീകൃത കീഴ‍്‍വഴക്കമാണ്) അതായത് നമുക്ക് കിട്ടുന്ന കറന്റ് തന്നെ മാറിക്കൊണ്ടിരിക്കുന്ന ഒന്നാണ് (alternating). പക്ഷേ 50 Hz എന്ന ചെറിയ ഫ്രീക്വൻസിയിലാണ് അത് വരുന്നത് എന്നതുകൊണ്ട് കാര്യമായ റേഡിയേഷൻ പ്രശ്നം അതുണ്ടാക്കില്ല. പക്ഷേ ഉപകരണങ്ങൾ കറന്റിനെ പല രീതിയിൽ മാറ്റിമറിച്ചാണ് ഉപയോഗിക്കുന്നത്. കമ്പ്യൂട്ടർ, റേഡിയോ തുടങ്ങിയ ഉപകരണങ്ങൾ അവയ്ക്കുള്ളിൽ ഫ്രീക്വൻസി കൂടിയ കറന്റുകൾ ഉപയോഗിക്കുന്നുണ്ട്. ഇത് അവയെ 'മനപ്പൂർവ'മല്ലാതെ റേഡിയേഷൻ പുറത്തുവിടാൻ പ്രേരിപ്പിക്കുന്നു. unintentional radiator എന്നാണ് ഇവയെ സാങ്കേതികമായി വിളിക്കുക. ഇങ്ങനെ പുറത്ത് പോകുന്ന റേഡിയേഷൻ മറ്റ് ഉപകരണങ്ങളുടെ ഘടകഭാഗങ്ങളെ ഒരു receiving antenna-യെപ്പോലെ കണക്കാക്കി അവിടെച്ചെന്ന് അനാവശ്യമായ കറന്റ് ഉണ്ടാക്കും. Electromagnetic interference (EMI) എന്ന് വിളിക്കുന്ന ഈ പ്രതിഭാസം ഒരു ശല്യമാണ്. പഴയ ടീവി സെറ്റുകളിൽ കാണപ്പെട്ടിരുന്ന 'കുരുകുരുപ്പ്' (grains) ഇത്തരം EMI-യുടെ ഫലമാണ്. ടീവിയ്ക്ക് അടുത്തുവച്ച് ബൈക്ക് സ്റ്റാർട്ട് ചെയ്യുക, മോട്ടോർ പ്രവർത്തിപ്പിക്കുക തുടങ്ങിയവയൊക്കെ ഉണ്ടായാൽ സ്ക്രീനിൽ കുരുകുരുപ്പ് പ്രത്യക്ഷപ്പെടുമായിരുന്നു. ഇന്നത്തെ ടീവികൾ ഇതൊക്കെ പരിഹരിക്കുന്നതിനുള്ള സാങ്കേതികവിദ്യകളോടെയാണ് പ്രവർത്തിക്കുന്നത്. പക്ഷേ വളരെ ചെറിയ കറന്റുകൾ കൈകാര്യം ചെയ്യുന്ന വൈദ്യുതോപകരണങ്ങളിൽ ഇപ്പോഴും EMI പ്രശ്നമുണ്ടാക്കും. ഡേറ്റാ കേബിളുകൾ, വൈദ്യശാസ്ത്രരംഗത്ത് ഉപയോഗിക്കുന്ന സെൻസിറ്റിവായ ഉപകരണങ്ങൾ ഇവയൊക്കെ EMI-യിൽ നിന്നും സംരക്ഷിക്കേണ്ടത് ആവശ്യമാണ്.

ആ പണിയാണ് ഫെറൈറ്റ് ബീഡുകൾ ചെയ്യുന്നത്. കാന്തികസ്വഭാവമുള്ള ഫെറൈറ്റ് എന്നൊരു വസ്തു കൊണ്ടാണ് ഇതുണ്ടാക്കുന്നത്. അവ പ്രക്ഷേപണം ചെയ്യപ്പെടാനോ സ്വീകരിക്കപ്പെടാനോ സാധ്യതയുള്ള ഫ്രീക്വൻസി കൂടിയ ഏ.സി. കറന്റിനെ തടയുകയും ഫ്രീക്വൻസി കുറഞ്ഞവയെ മാത്രം കടത്തിവിടുകയും ചെയ്യും. സാങ്കേതിക ഭാഷയിൽ ഇതിനെ low-pass filtering എന്നുവിളിക്കുന്നു. ആ പ്രവർത്തനം ഇത്തിരി കൂടുതൽ ടെക്നിക്കലായതിനാൽ തത്കാലം അതിനെക്കുറിച്ച് വേവലാതിപ്പെടേണ്ടതില്ല. എന്തായാലും അടുത്ത തവണ ഇത് കാണുമ്പോൾ സംഗതി വെറും ലുക്കിന് വെച്ചേക്കുന്നതല്ല എന്നോർക്കുമല്ലോ.
(കടപ്പാട് - വൈശാഖന്‍ തമ്പി)

28/12/2015

എന്തിനും ഏതിനും ഗൂഗിളിൽ തെരയുന്നവരാണല്ലോ നമ്മൾ. പക്ഷേ നമുക്കു ലഭിക്കുന്ന റിസൾട്ട് (മറുപടി) കൃത്യമാണോ? ഏറെക്കുറെ ശരിയാകാമെന്നല്ലാതെ ഈ റിസൾട്ടുകൾ ഒരിക്കലും കിറുകൃത്യമല്ല. എന്നാൽ കൃത്യമായ റിസൾട്ട് ലഭിക്കുന്നതിനായി ഗൂഗിൾ ചില സൂത്രപ്പണികൾ നല്‍കുന്നുണ്ട്. ഇതാ അവയിൽ ചിലത്.

1. കൃത്യമായ ഫ്രെയ്സുകൾ കണ്ടെത്താൻ ക്വട്ടേഷൻ മാർക്ക്

ക്വട്ടേഷൻ മാർക്ക് (“.....”) ഉപയോഗിച്ച് തെരയുന്നതിലൂടെ ഫ്രെയ്സുകൾ അനായാസം കണ്ടെത്താനാകും. ക്വട്ടേഷൻ മാർക്ക് ഉപയോഗിച്ചു തെരയുമ്പോൾ നമ്മൾ തെരയുന്ന ഫ്രെയ്സുകൾ മാത്രമാണ് നമുക്കു ലഭിയ്ക്കുക. അതിനാൽ ഈ മാർഗം ഫ്രെയ്സുകൾ തെരയുമ്പോൾ വളരെ ഉപയോഗപ്രദമാണ്.

2. അറിയാത്ത വാക്കിന് പകരം ആസ്റ്ററിക് ചിഹ്നം (*)

ഫ്രെയ്സുകൾ തെരയുമ്പോൾ ക്വട്ടേഷൻ മാർക്ക് പോലെ ഉപയോഗിക്കാവുന്നതാണ് ആസ്റ്ററിക് ചിഹ്നം. പ്രത്യേകിച്ചും ഫ്രെയ്സുകൾ പൂർണമായി അറിയാത്ത സാഹചര്യത്തിൽ. ഫ്രെയ്സ് തെരയുമ്പോൾ അറിയാത്ത വാക്കിനു പകരം ആസ്റ്ററിക് ചിഹ്നം(*) ഉപയോഗിച്ചാൽ നാം തെരയുന്ന ഫ്രെയ്സ് കൃത്യമായി കണ്ടെത്താം. ഉദാഹരണത്തിന് * is thicker than water എന്ന് ഗൂഗിളിൽ തെരയുമ്പോൾ ആസ്റ്ററിക് ചിഹ്നത്തിനു പകരം യഥാർഥ വാക്ക് ചേർത്ത് ഗൂഗിൾ ഉത്തരം നൽകുന്നതു കാണാം.

3. അനാവശ്യ വാക്കുകൾ ഒഴിവാക്കാന്‍ മൈനസ് ചിഹ്നം

സെർച്ചിൽ ലഭിക്കുന്ന അനാവശ്യ വാക്കുകൾ ഒഴിവാക്കാന്‍ മൈനസ് ചിഹ്നം (-) ഉപയോഗിക്കുക. ഉദാഹരണത്തിന് ജാഗുവർ -കാർ എന്ന് സെർച് ചെയ്താൽ ജാഗുവർ ലഭിക്കുന്ന റിസൾ‌ട്ട് എന്തൊക്കെയെന്നു നോക്കൂ. ജാഗുവർ കാറിനെക്കുറിച്ചുള്ള റിസൾട്ടിൽ നിന്നും ഒഴിവാക്കിയിരിക്കുന്നതു കാണാം.

4. സൈറ്റ് സെര്‍ച്

ഒരു നിർധിഷ്ഠ സൈറ്റിൽ നൽകിയിരിക്കുന്ന വാർത്തകൾ, ചിത്രങ്ങൾ എന്നിവ കണ്ടെത്തുന്നതിനും ഗൂഗിളിന്റെ കൈയിൽ പൊടിക്കൈയുണ്ട്. തെരയേണ്ട വാക്കിനു ശേഷം “site:സൈറ്റ്അഡ്രസ്” നൽകിയാൽ നിങ്ങൾക്ക് നിർദിഷ്ഠ സൈറ്റിൽ ആ വാക്കിനെക്കുറിച്ചു നൽകിയിരിക്കുന്ന വാർത്തകളും ചിത്രങ്ങളും ലഭിയ്ക്കും. ഉദാഹരണത്തിന് - Kerala site:wikipedia.com - പരീക്ഷിച്ചു നോക്കൂ. ഗൂഗിളുമായി ബന്ധപ്പെട്ട് ഈ സൈറ്റിൽ നൽകിയിരിക്കുന്ന വാർത്തകൾ മാത്രമായിരിക്കും നിങ്ങൾക്കു ലഭിയ്ക്കുക.

5. താരതമ്യപഠനത്തിന് “vs”

രണ്ടു ഭക്ഷ്യവസ്തുക്കൾ തമ്മിൽ താരതമ്യ പഠനം നടത്തുന്നതിന് ഇവയ്ക്കു നടുവിലായി “vs” എന്നു ചേർത്താൽ മതി. ഉദാഹരണത്തിന് “rice vs quinoa” ഇരു ഭക്ഷ്യവസ്തുക്കളുടെയും ഗുണഗണങ്ങള്‍, ഇവ തമ്മിലുള്ള സാമ്യങ്ങളും വ്യത്യസ്തതയും അടക്കം എല്ലാം രണ്ടു ബോക്സുകളിലായി ലഭിയ്ക്കും.

6. വാക്കുകളുടെ അർഥം അനായാസമറിയാൻ “DEFINE:”

വാക്കുകളുടെ അർഥമറിയാൻ “DEFINE:” എന്ന വാക്കിനു ശേഷം അറിയേണ്ട വാക്കു ടൈപ്പു ചെയ്താൽ മതിയാകും. വാക്കിന്റെ ഉത്ഭവം (എത്തിമോളജി), പലതരം പ്രയോഗശൈലികൾ, മറ്റ് അർഥങ്ങൾ എന്നിവയെല്ലാം അറിയാൻ ഈ സെർച് സഹായിക്കും. സംക്ഷേപ പദങ്ങളുടെ (ആക്രോണിംസ്) പൂർണരൂപം മനസിലാക്കുന്നതിനും ഈ സെർച് രീതി സഹായകമാണ്.

07/12/2015

കാണാതായ ആന്‍ഡ്രോയ്ഡ് ഫോണ്‍ സൈലന്റ് മോഡില്‍ ആയാലും കണ്ടെത്താം:

ഫോണ്‍ എവിടെയെങ്കിലും വച്ച് മറന്നു പോകുകയും പോരാത്തതിന് ഫോണ്‍ സൈലന്റ് മോഡില്‍ ആയിരിക്കുകയും ചെയ്താല്‍ അത് കണ്ടെത്തുക പ്രയാസകരമാണ്.
ഇത്തരം സന്ദര്‍ഭങ്ങളില്‍ ആന്‍ഡ്രോയ്ഡ് ഡിവൈസ് മാനേജര്‍ ഫങ്ഷന്‍ ഉപയോഗിക്കാം. ഒപ്പം മോഷണംപോയ സാഹചര്യത്തില്‍ ഫോണ്‍ കണ്ടെത്താനും ഡാറ്റ ഡിലീറ്റ് ചെയ്യാനും ഫോണ്‍ ലോക്ക് ചെയ്യാനും ഈ ഫംഗ്ഷന്‍ ഉപകരിക്കും.

ഇതിനായി ചെയ്യേണ്ടത് ഗൂഗിള്‍ സെര്‍ച്ചില്‍ Android Device Manager എന്നോ അല്ലെങ്കില്‍ Find my phone through Android device manager എന്നോ ടൈപ്പ് ചെയ്യുക. ജിമെയില്‍ ഐഡിയില്‍ നിന്ന് സൈന്‍ ഇന്‍ ചെയ്യാനുള്ള ഓപ്ഷന്‍ തെളിഞ്ഞു വരും. ഇത് കൊടുക്കുമ്പോള്‍ ഫോണില്‍ നല്‍കിയിട്ടുള്ള മെയില്‍ ഐഡി തന്നെയായിരിക്കണം. ലോഗ് ഇന്‍ ചെയ്താല്‍ കാണുന്ന റിംഗ്, ഇറേസ്, ലോക്ക് എന്നീ മൂന്ന് ഓപ്ഷനുകളില്‍ ഏതു വേണമെന്നു വച്ചാല്‍ തീരുമാനിക്കാം. കാണാതായ ഫോണിലേക്ക് ഉറക്കെ റിംഗ് ചെയ്യാന്‍ ഒരു സന്ദേശവും അയക്കാം. ഫോണില്‍ നെറ്റ് കണക്ഷന്‍ ഉണ്ടായിരിക്കണം എന്ന് പ്രത്യേകം ഓര്‍ക്കുക. അതുപോലെ ലൊക്കേഷന്‍ (ജി.പി.എസ്) ഓണ്‍ ആയിരുന്നാലെ കൃത്യമായ സ്ഥലം കണ്ടെത്താന്‍ കഴിയൂ.