08/05/2025
7 വർഷങ്ങൾക്കിപ്പുറം Empty Bottle Creations ൻ്റെ പേരിൽ വീണ്ടും ഒരു short film കൂടി പുറത്തിറങ്ങുകയാണ്. ജീവിതത്തിലെ പരീക്ഷണങ്ങളുടെ, പരാജയങ്ങളുടെ,ലക്ഷ്യം തൊടാതെ പോയ പ്രയത്നങ്ങളുടെ, ഇടയിൽ വീണുകിട്ടിയ ചെറിയ വിജയങ്ങളുടെ, ജീവിതത്തെ തലകീഴായി മറിച്ച അനുഭവങ്ങളുടെ, നീറി എരിയുന്ന വേദനകളുടെ, ചെറിയ വലിയ സന്തോഷങ്ങളുടെ നീണ്ട 7 വർഷങ്ങൾ. എന്നെ ഞാനായി നിലയുറപ്പിക്കാൻ വിധി കരുതിവെച്ച 7 വർഷങ്ങൾ.
ഒരു മുഴുനീള സിനിമയുമായി വരും എന്ന് പ്രതീക്ഷിച്ച പ്രിയപ്പെട്ടവർക്ക് ഇടയിലേക്കാണ് പ്രത്യേകതകൾ ഒന്നുമില്ലാത്ത മറ്റൊരു short film ആയി എത്തുന്നത്. എൻ്റെ പ്രിയപ്പെട്ടവരോട് ഒന്നേ പറയാനുള്ളു ഈ കണ്ട കാലമത്രയും contact name ന് ഒപ്പം Director എന്ന പേര് edit ചെയ്യാതെ സൂക്ഷിച്ചില്ലേ, അത് മതി ആത്മവിശ്വാസം ആകാശം തൊടാൻ. Outdated ആയി എന്ന അപകർഷതയാണ് ഇത്രയും നാളത്തെ ഇടവേളയിലേക്ക് നയിച്ചത്. വീണ്ടും പിച്ചവെച്ച് തുടങ്ങുകയാണ്, സ്വയം നവീകരിക്കാൻ, മാറ്റങ്ങളെ ഉൾക്കൊള്ളാൻ, പുതുമകളെ അറിയാൻ. രണ്ട് കാലിൽ നിന്ന് തുടങ്ങുന്ന നിമിഷം പാഞ്ഞടുക്കുക വിജയത്തിൻ്റെ കൊടുമുടി കീഴടക്കാൻ ആയിരിക്കും. ആ നല്ല നാളുകളിലേക്കുള്ള തയ്യാറെടുപ്പിലാണ്.
അതിൻ്റെ ഭാഗമാണ് 'ഒരു കാലത്ത്' എന്ന short film. കുറച്ച് കഥാപാത്രങ്ങൾ, ഒരു location, ഒരു വരിയിൽ പറയാവുന്ന കഥ. പങ്കുവെക്കാൻ ശ്രമിക്കുന്നത് ഒരു emotion മാത്രം ആണ്. വളരെ empathetic ആയി കാണാൻ കഴിയുന്ന ആളുകൾക്ക് ഹൃദ്യമാവുന്ന ഒന്ന്. കൂടുതൽ അവകാശവാദങ്ങൾ ഒന്നും തന്നെയില്ല. കാണുക അഭിപ്രായം അറിയിക്കുക.
വീണ്ടും സ്ക്രീനിൽ തെളിയുന്ന
Written & Directed by
Nidhil Ramesh
എന്ന എഴുത്ത് തരുന്ന സന്തോഷത്തിനായി ഏറെ പ്രതീക്ഷയോടെ...
