10/11/2020
#വിളിക്കുന്ന_സബ്സ്ക്രൈബർ_പരിധിക്ക്_പുറത്താണ് -ഇതാണ് ഇപ്പോ...
olx, ക്യുക്ർ പോലുള്ള സെക്കൻഡ് ഹാൻഡ് സാധനങ്ങൾ വിൽക്കുന്ന വെബ്സൈറ്റുകളിലൂടെ നിരവധി പേരാണ് തട്ടിപ്പിനിരയാകുന്നത്.
മാർക്കറ്റ് വിലയേക്കാൾ താഴ്ന്ന തുകയായിരിക്കും ഉപഭോക്താക്കളെ ആകർഷിക്കുന്നതിനായി തട്ടിപ്പുകാർ അതിൽ രേഖപ്പെടുത്തുന്നത്.
നാം ആകർഷിക്കപ്പെട്ട് ചാറ്റിങ് തുടങ്ങിയാൽ വിശ്വാസം പിടിച്ചുപറ്റുന്നതിനായി വ്യാജ ഐ.ഡി പ്രൂഫ് നൽകുകയും, ഉന്നത ജോലി സ്ഥാനത്തിരിക്കുന്ന വ്യക്തിയാണെന്ന് പരിചയപ്പെടുത്തുകയും ചെയ്യും. പട്ടാളക്കാരൻ ആണെന്നും, നേവി ഉദ്യോഗസ്ഥൻ ആണെന്നും, കേന്ദ്ര ഗവൺമെന്റിലെ ഉയർന്ന ഉദ്യോഗസ്ഥൻ ആണെന്നും പരിചയപ്പെടുത്തി നിരവധി തട്ടിപ്പാണ് റിപ്പോർട്ട് ചെയ്തിട്ടുള്ളത്.
തുടർന്ന് സാധനം പാക്ക് ചെയ്യുന്നതിന്റേയും കൊറിയർ ചെയ്യുന്നതിന്റേയുമൊക്കെ വീഡിയോയും ദൃശ്യങ്ങളും അയക്കും... ഇതോടെ തട്ടിപ്പിന്റെ ഒന്നാംഘട്ടം പൂർത്തിയാകും.
രണ്ടാംഘട്ടത്തിൽ അഡ്വാൻസ് തുകയെന്നോ, കൊറിയർ ചാർജ് എന്നോ മറ്റോ പറഞ്ഞ് പണം ആവശ്യപ്പെടും... അതിന് വഴങ്ങി കൊടുക്കുകയാണെങ്കിൽ തുടർന്നുള്ള ദിവസങ്ങളിൽ അയച്ച വസ്തു നിങ്ങളുടെ അഡ്രസ്സിന് തൊട്ടടുത്ത് എത്തിയിട്ടുണ്ടെന്നും അവിടെ കുറച്ച് പണം അടക്കേണ്ടതുണ്ടെന്നും നുണ പറഞ്ഞ് വീണ്ടും തുക ആവശ്യപ്പെടും...
അവർ ആവശ്യപ്പെടുന്ന പ്രകാരം തുക അയച്ച് കൊറിയർ വരുന്നതും കാത്തിരുന്നാൽ .... വിഡ്ഢികളാക്കുന്നത് മാത്രമാണ് മിച്ചം...
കൊറിയർ കാത്തിരുന്ന് മടുത്ത് തിരിച്ചു നമ്പറിൽ വിളിച്ചാൽ "നിങ്ങൾ വിളിക്കുന്ന സബ്സ്ക്രൈബർ പരിധിക്ക് പുറത്താണ്" എന്നായിരിക്കും ഉത്തരം...
ഇത്തരം തട്ടിപ്പുകാരെ കരുതിയിരിക്കുക
