T-Audio流動車訂製CM耳機服務

Home
Hong Kong
Yuen Long Town
T-Audio流動車訂製CM耳機服務

Contact information, map and directions, contact form, opening hours, services, ratings, photos, videos and announcements from T-Audio流動車訂製CM耳機服務, Audio-visual equipment store, Yuen Long Town.

✨全行唯一敢保証耳機100%岩聲，100%舒適岩戴之公司。✨

🌟 T-Audio | 全港首創 🚐 流動個人訂製耳機服務 🎧 🌟

流動服務 🚐：提供上門或車上耳機訂製 🎧、維修 🔧、聽力測試 🔊 與分析 📊。

專業分析：採用醫療+專業級設備，全頻段（20Hz-20kHz）聽力分析，為您量身定製最適合的聲音，就像驗眼配鏡一樣。

專業團隊：擁有20年以上聲學研發經驗，THX認證專家、AES會員，服務過百位藝人。

方便快捷：全港各區，點到點為您服務，節省時間與精力。

04/09/2026

談香港為何需要研發聽力快篩技術?

當別人連聽你說話30秒的興趣也沒有,

哪來的自信別人肯坐定定聽你30分鐘

發噏瘋，而且還期望別人付費撐場?！

😂

#聽力快篩

03/09/2026

當土炮DIY驗耳技術，遇上資深聽力學家們。

大概3年前，我第一次向世界提出＂買眼鏡要驗眼，買耳機點解唔洗驗耳？＂

個陣時開始，我成為左一個音樂耳機市場既異類(其實由day1已經係)，聽力學界眼中既ON9仔同痴線佬😎

因此，我DIY 左全世界第一套"音樂耳機專用驗耳工具"。

過去１年間，我用哩套工具，成功幫助數以百計既客人驗耳及調校音樂耳機，過程亦都幫助客人發現佢地潛在既聽力健康問題，從而及早作出跟進。

係我持續改良同發掘哩套工具既過程中，我發現，其實套野同樣適合傳統助聽器既驗配，特別係當用家收到助聽器後既個別事後調校。

當然，專業野要交返比專業人做，所以今日有幸拜訪老字號聽力中心"悅韻聽覺 Melody Hearing＂,與資深聽力學家Richard Mui、Lenka Lai 分享技術，交流心得。

由於唔同既聽力中心、聽力學家對驗配助聽器既習慣唔同，所以希望日後可以盡力完善技術，針對唔同既合作伙伴，設計專用既流程。

從而幫助到廣大既消費者，提升產品體驗！

雖然，係哩條路上，十劃都未有一撇，不過都希望從此之後，聽力學界既朋友會明白，我從來唔係你地既敵人、競爭者，而係共建更美好世界既一份子。

我更加寄望，１０年，２０年後，當消費者買音樂耳機個陣，遇著冇得驗耳時，會奇怪地問：［點解你唔驗耳都照賣耳機比我?］

多謝各位相信同支持哩個On9仔、痴線佬既朋友們。🫡

#驗耳 #聽力學家 #音樂耳機

02/09/2026

對唔住，係我冇講清楚。。。咩係我既DIY定義🫡

近日，我一如以往地係網上分享自己既DIY project — DPOAE （畸變產物耳聲傳射 Distortion Product Otoacoustic Emissions）技術。

亦都一如以往地，吸引到行內"專業人士"留言交流。

當中，有位最為突出，因為佢由一開始就覺得我既DIY，大概係坐係廁所馬桶邊，用AＡ膠痴返欄左既廁紙架，從以慳返上TB/PDD 十零蚊仲要包郵到港既洗費。

的確，係我衰，我道歉，我冇一開始就講清楚我既DIY定義係咩，搞到哩位朋友為我操心。

佢出發點係好，只係用詞同表達方式令人遺憾。

通常，我既DIY，指既係由概念、研發、設計、出prototype到寫埋report申請專利都自己搞掂。

過程中，有咩唔明，我會請教資深專家、學者、生產工廠、零件供應商。。。

所以，大家真係唔洗為我操心，我亦唔會係冇足夠研究數據既基礎下，亂咁係網上發布虛假資訊，誤導公眾。

最後，多謝大家關心同支持，我地一齊為香港科研出一分力就算~

#專利

01/09/2026

[DPOAE科普] 99%以上既人，一生從未親眼見過既耳朵生理現像DPOAE！網上都冇乜真實記錄片，今日拍條片同大家分享下。

當然，我都係早大家少少，親眼見到哩個生理現像😂

有幸認識哩個生理現像，我地要多謝關鍵發現者、發明者、理論預測者：

奧地利裔天體物理學家Thomas Gold，佢係 1948 年大膽提出理論，認為耳蝸內部存在一個「主動的機械共振機制」，而且耳朵係接收聲音既同時，自己可能都會發出聲音。
然而，哩個觀點係當時與主流既被動耳蝸理論相左，被忽視左整整 30 年。

實驗證實者（OAE 之父）：英國倫敦大學教授（後為物理學家）David Kemp。佢係 1978 年首次透過實驗，成功記錄到耳蝸發出既微弱聲音，正式向世界證實了「耳聲傳射（OAE）」既存在。
哩項發現，顛覆左過去認為耳蝸只係被動接收器既聽覺理論。

2026年，小弟有幸親手親眼捕捉到哩個moment，希望都可以為後世聽力健康發展出一分力，留下一條腳毛啦。

#耳聲傳射 #驗耳

31/08/2026

今次DIY出火...尋求大家意見🫣

話說係聽力學界，有一種技術，只係需要戴住特製耳機，係三兩分鐘或幾十秒內，就即時能知道一個人既聽力健康是否正常。

而哩種叫DPOAE(畸變產物耳聲傳射 Distortion Product Otoacoustic Emissions)技術最常見於醫院，為初生嬰兒做測試，以了解BB是否聽力健全。

點解我會屎忽癢想DIY？為左自己身邊人（特別係我媽，已經被我發現老年性聽損）可以好方便簡單咁定期追蹤、檢查下，一搵料先發覺哩類產品動輒需要十萬八萬一部，而且全世界唔超過３０間公司整到出來，仲要絕大部份都係歐美公司。

有我既一日，香港本土點可以冇哩種東西先?！

一怒之下，就直接幹到底，點知又真係work 喎！😂

問題就來啦，眼前兩條路，一條通往醫療器械，閒閒地前期要洗三兩千萬，仲要唔知玩幾多年，整出來咪又係要賣你十萬八萬一部。。。

第二條就係民用消費品路線，雖然一樣要洗錢，但起碼有機會普及化，令到每個家庭都負擔得起。

點解２條路都麻撚煩？

因為唔行醫療路，代表未來將會被專業人士當成妖魔鬼怪，而大眾消費者又可能因此而將真正有用既技術，當成＂偏門野"而一笑置之。

當然，咁過癮既野，唔可以得我自己一個人知！

Design,Develop & Made in Hong Kong既DPOAE行唔行到落去，希望大家比D意見啦🙌

#人生交叉點 #畸變產物耳聲傳射 #極速驗耳

28/08/2026

正經講咩叫"聲學雷達"應該冇人想知，咁唯有講下點樣用哩種技術係漆黑之中搵螢火蟲啦，你睇唔到個陣，佢聽到架嘛。😂

27/08/2026

睇到自己個耳膜其實就冇咩特別既，但結合埋AI 來分析既話，
就有D 特別掛。😂

#耳膜 #耳鏡

24/08/2026

AI應該咁樣用?!

20/08/2026

低調而隆重既亮燈儀式😄

全世界最先進既智能耳機系統，就咁係香港低調地成型了。

只要芯片同電池技術，仲未發展到可以令耳機單獨運算能力、續航可以同手機／播放器並肩，咁未來20年既智能耳機系統，就大概係咁既卵樣了吧🫠

#智能耳機系統 #香港發明

19/08/2026

感謝各位客人朋友，兄弟姐妹，過去20幾年既支持，成就我地2026年可以發布最新既公司業務動態。

有d長，寫係到，免得自己都唔記得😂

大家好，我地係智能手機，播放器，平板電腦，App，AI，專業耳機，助聽器，一條龍生產設計研發銷售商。

有需要，歡迎聯繫🫶

Address

Yuen Long Town

Website

https://t-audio.co/

Alerts

Be the first to know and let us send you an email when T-Audio流動車訂製CM耳機服務 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to T-Audio流動車訂製CM耳機服務: