呀粗 - 超必網絡 it 港女日常

21/07/2026

05/07/2026

2024-07-07 天水圍考 n3 日文
2025-07-06 合和考 n1 日文
以為 pass 咗 n1 就可以逃離七月第一個禮拜考日文嘅命運，點知
2026-07-05 試場變咗做東京品川區，考日文 + IT 電訊 😂😖

人生第一次面對面嘅全日文面試 🫨

唔知成唔成功，不過總算答到問題、熬過咗。諗返起兩年前嘅自己都係由平假片假名開始，重温返 いな形容詞，再速睇王可樂本書，自學五個月就格硬考 n3，今次我同樣都係格硬嚟迫自己嘗試 😂 試下冇壞，失敗咪失敗，人生都失敗開㗎啦 😂

09/06/2026

呢七年變化太大… 無論對香港定對我嘅人生都係…

七年前，港府以潘曉穎命案為引子，提出修訂《逃犯條例》，現時已星散的反對派在立法會和民間發起反對行動，擔憂修例後香港人會被「送中」，經過 5 月立法會一系攻防，政府決定繞過法案委員會，在 6 月 12 日將條例直上立法會大會審議。

到 2019 年 6 月 9 日，已經解散的民間人權陣線發起「守護香港反送中」大遊行，大遊行的人潮，西至中上環、東至北角，甚至延伸至對岸尖沙咀碼頭，都迫滿打算參加遊行的香港人，主辦民陣公布遊行人數 103 萬人，成為當時香港遊行人數的紀錄，警方則稱最高峰人數有 24 萬人。

但香港史上最大規模的和平示威的強大民意下，政府依然故我，在當晚 11 時 07 分發稿回應，稱「《條例草案》將於六月十二日在立法會恢復二讀辯論」。

亦是當晚，已有示威者號召堵路包圍立法會，在港府發稿後有部份示威者意圖衝入立法會煲底，防暴警察噴胡椒噴霧驅散，為那個夏天激烈的警民衝突埋下伏線。

圖片來源：立場新聞

18/05/2026

人生第一次喺日本睇戲，就係睇 SAKAMOTO DAYS サカモトデイズ (坂本日常) 🫶🏻 5 月 9 號睇嗰陣未有字幕版，所以冇字幕咁睇日文戲，對我嚟講確實係個挑戰。

首先目黒蓮真係超靚仔，之前比較少見佢做呢套好 cool 嘅殺戮角色，所以佢一出場係完全目不轉睛咁望住佢 🙈

我向來都唔太識睇動作片，覺得一堆人攬埋一嚿踢嚟踢去唔知做乜。但呢套武打片我覺得好精彩，每個動作都好清脆利落、每個動作都有意思、推進到個故事情節。

雖然我入場之前完全冇做過 research，亦都冇睇過原作同 trailer (太忙唔好意思），有少少唔明點解有啲人物會登場。但 overall 都睇得明個故事內容，所以大家唔使驚要做定好多功課嚟睇。

整體嚟講，呢套戲真係超好睇，香港上映我都會再入場睇多次！

11/04/2026

之前拍嘅 Cooler Master 砌機組合連 Cooler Master RTX 5080 顯示卡嗰條片，都差唔多成年前，估唔到今日 Sales 同事講話有客人拎住我張相話要砌呢部 😂 然後咁啱係我本人砌返

本來唔知呢件事，見有張單係 Cooler Master 全家桶同埋呢張顯示卡，就覺得一於砌呢部啦 😂 砌完臨出貨先聽到 Sales 同事咁講 🙈 少尷尬 🙈

我諗客人應該唔識我（零人氣 🥲），只係當係張普通 product 相，不過衷心多謝你嘅支持 🥹🥹🙇🏻‍♂️🙇🏻‍♂️

介紹影片可以喺我 ig reels 揾返 💜

想買可以揾飛馬電腦 Sales 同事幫手 🫶🏻

FB : 呀粗 - 超必網絡
IG & Threads : cyubi_network
YouTube : 呀粗 - 超必網絡
#呀粗 #超必網絡
#砌機

07/04/2026

【自稱藍絲IT人促城大開除鄭曦琳學籍 鄭：動員施壓有違法治精神】

一名自稱「藍絲正藍旗」的資深IT人，今（7日）於「香港編程學會」臉書專頁發布文章，聲稱已聯同逾40名資訊總監（CIO），將去信香港城市大學，要求開除「藥倍安心」事件吹哨者鄭曦琳的學籍。帖文指鄭被警方以涉嫌「起底罪」拘捕，批評其行為涉及「網絡暴力」及違反私隱法例；更揚言若校方不理會，行動將會升級至抵制城大畢業生。

去年中引起廣泛討論及爭議的「藥倍安心」事件，吹哨者鄭曦琳二月初時自爆被警方以「未獲資料當事人同意下，披露其個人資料而該披露造成指名傷害」罪名被捕，案件已進入法律程序階段。

然而在「香港編程學會」臉書專頁，一名自稱資深資訊科技界人的人士，以「正藍旗行動 - 全港IT藍絲大集合 ： 拒絕Hailey加入IT界」為題發文，表示已聯合超過40個CIO（資訊科技總監），將會向城大發信要求開除鄭曦琳。發文者指鄭曦琳使用「過火網絡暴力及違反私隱法」對付一名中學生實屬邪惡，更揚言若城大不開除鄭曦琳便會將行動升級，包括直接向中聯辦及北京中央政府作投訴，聯合抵制城大，不給予城大畢業生面試機會，並會在城大鄰近的商場又一城派發傳單等等。

鄭曦琳在個人專頁回應指，事件已進入法律程序，強調任何片面指控及動員施壓，均有違基本法治精神。她指出，大學應基於事實及既定程序作出判斷，而非受網絡輿論影響。她又指，對於帖文中涉及失實及具誤導性的內容，將保留一切追究權利。

#鄭曦琳 #藥倍安心 #城大

03/04/2026

當參考網媒用 gemini 將生活照變成證件相
呢個係乜水… 成個明星咁 😂😂😂
完全唔同樣 😂😂😂 都係落返街影啦 🥲
（btw 我唔係攞嚟整證件 😂）

27/03/2026

😅

26/03/2026

香港終於用得 Google Gemini ✨
好似唔可以唔跟風，點都要出返個 post 咁？😂

其實因為我日日都用開，所以個人嚟講冇咩太大感覺，不過香港有得用國際 AI 係幾感恩嘅 🥹 我好唔鍾意，亦都好唔習慣香港變成一個要用 vpn 先接通到世界嘅地方…

呢張圖係我為咗方便自己學日文而整嘅 custom gem，用咗差唔多一年？平時我就用佢嚟拆字同埋拆解文法。Custom gem 最正係可以 fit 到自己嘅需要 🙂‍↕️

FB : 呀粗 - 超必網絡
IG & Threads : cyubi_network
YouTube : 呀粗 - 超必網絡
#呀粗 #超必網絡