09/02/2022
話說 我無update個page一段時間 都風平浪靜🤔
琴日出個story屌屌林奠啫 即刻就有人出黎屌我地
以iPhone為例
在座各位有用過我哋服務都知 我例牌係話
「需時15-30分鐘 你可以行一陣 亦都可以喺梳化坐一陣 」
從來都唔會叫客人放低一兩星期
iPhone換mon仲要話整一兩個星期? 仲要一兩個星期冇貨? 無貨都我問行家拆貨都整俾你啦 一件咁簡單既事 我地留低你部機係無任何意思
再者
零件大部份都係旺角舖頭 就算冇零件 都問人借
石門舖頭就算冇零件 只要你較早時間通知石門師傅 佢一樣會喺當日五六點 喺旺角拎到件貨去石門
再者 近年有來整過既朋友都知
我一向都唔會話我用原裝Mon
呢句嘢好大鑊知唔知
解釋吓咩叫原裝mon先
又用iPhone為例
係得Genius Bar或者蘋果授權的外判承辦商 先可以用「原裝」呢兩個字 我一向都只係解釋代用係LCD同原裝質素係LED嘅分別 我亦都只係講LED果種mon會貼近原裝質素 從來冇話我係用原裝正貨 因為坊間冇可能有 有都係呃你地
其次 換走人零件呢個問題 我明白呢個係自古流傳話我地呢行成日換人零件 但係有無諗過 「換人零件」係換咩零件 如果照咁講 我換左你任何零件你部機既function 一定會有問題 到時你唔會返黎搵我？
再者換零件係因為你地覺得我地唔洗入貨 大家可以上網查下 一部機成本最貴係個屏 電池 鏡頭 尾插 等等都係d好平既野 機板更加唔洗講係無可能換到 因為你d資料同正常功能都係係度 一換左你無可能唔知 更何況 iCloud鎖係跟你機板 根本換左都用唔到 試問下我地究竟可以換d咩出黎用
我假設 換走咗你大鏡頭 咁你拎機都會發現大鏡頭用唔到啦係咪 你拎機嘅時候都會發現
我假設 換走咗你指紋或faceID 咁你舊嗰個都function唔到啦
我假設 換走你機板嘅零件 如WI-FI IC 咁你Wi-Fi都用唔到啦 你拎機嘅時候都會發現
我假設 換走你機板既CPU
咁你部機又點著機呢？
我地可以講換零件真係唔係大家諗到拎走佢就得 唔洗入貨 後續既情況上面已經有講 所以換零件呢一樣係無可能發生亦不切實際 希望大家諗一諗呢樣野係咪真係做到
點解咁多次惡意評論 我都唔係好回應 今次會回應
之前社運既時候 有同路人會捐贈二手機俾我地 提供給有需要手足可以領取
我！一！蚊！都！無！從！中！獲！利！
仲要蝕錢！
唔係個個捐贈者嘅電話都完好無缺 起碼有一半 係需要我哋自費整返好俾手足 仲要好多都整唔到
再者 每一個捐贈者 我都會同佢講 介唔介意留電話號碼 如果隔一兩個月冇手足要 我可致電佢哋 等佢拎返自己機
我每個捐贈者都講過 因為俾咗手足嘅機 我一定唔會留記錄 萬一舖頭有咩事 淨係啲記錄 都唔知害到幾多個手足
又再者 捐贈嘅手機 點都唔係最新型號 仲要有d問題 我又點樣拎去賣呢 舊型號手機 我整返好再拎去賣 可能仲要蝕錢！
我做人就好簡單 從來唔鍾意關閉留言功能呀 del左你個惡意評論呀 呢d野 因為我地明白每個客人都有權利去表達距地既意見 不管是真是假
我地從來都唔係用「黃」呢樣野去吸引生意 係未有社運之前我地已經出唔少優惠係for學生/ 低收入家庭 仲要係一個 比出面平唔少價錢 因為我地係窮民出生 知道係香港生活有幾辛苦
至於係咪黑店要靠大家自己批判性思考 畢竟係依家網絡上打幾個字 真係太容易就可以徹底摧毁一件事或一個人🤢
我深信我做既優惠/ 義務維修係幫到唔少人 亦都明白 幫過人係好難比人記住 一句說話就可以抹殺你咁多年既努力 我地唔會怨 只係問心無愧就得
偽黃/ 黑店 從來都係口同鼻拗 我地有自己一詞 消費者有自己一詞 就要睇你地點睇亦都唔刻意再講
我地做6年 幫過人唔少 俾人話我地都有 但係我可以講我地係本住良心去做
我哋都係人 都有錯手整壞機嘅時候 但有錯我地會主動認 會去解決 務求一個令大家都舒服嘅解決辦法
因為我哋相信 道理係我地度 點都唔會食死貓
其實我地真係唔鍾意打字😂 我地亦唔會再回應有關呢件事 因為我地知道係沒完沒了
最後希望大家明白 唔好人云亦云🙏🏼🙏🏼🙏🏼
同行 收手啦 同行唔一定如敵國㗎 呢個係舊一輩嘅思想 同行一樣可以互相幫助
就算惡意抨擊我 我生意差咗 唔代表你生意會變好 大家做好自己本分就足夠
P.S.
篇文章係iPhone 8 爆mon $500
後期樓主CM話仲用到淨係爆玻璃
我換mon一向跟公司網頁價錢 只會平 唔會貴過網頁價錢
如果顯示觸控正常既i8淨係爆面玻璃 你係消費者 你又會唔會放低一個星期
