假日工程師 WeekEnd Engineer

假日工程師 WeekEnd Engineer 假日為家庭服務之電腦工程師
主要工作為無線網絡工程
亦為家居提供智能? IP Cam / NAS) 之技術支援
- 家用有線網絡擴建工程
- 網絡供應商之選擇支援
- 網絡供應商之價格比較及服務性質查詢
- 一站式網絡技術支援
- 智能家居配置
- IoT 配置

小弟為假日工程師
有意為不同家庭提供流暢無線上網服務
服務度身訂做, 符合顧客預算, 同時滿足顧客要求

本人承接各項家用網絡工程,
透過專業服務,提供一站式方案, 令顧客享受高質素無線網絡體驗

以下是顧客常問之服務要求
- 無線網絡設定/升級 [上門]
- 網絡速度故障排除 [上門/遙距]
- Router硬件升級技術支援
- 配置無線網絡裝置(e.g.

今日嘅話題同工作範圍冇乜關係, 但又同設立網絡大有關係, 同大家分享幾句香港政府考慮到"起底"活動影響公眾安全, 考慮禁止Telegram 在港使用. 此舉一出, 令不少用家驚到不得了. 其實, 又唔使咁驚嘅...其實立例禁止, 技術層面可...
17/05/2022

今日嘅話題同工作範圍冇乜關係, 但又同設立網絡大有關係, 同大家分享幾句

香港政府考慮到"起底"活動影響公眾安全, 考慮禁止Telegram 在港使用. 此舉一出, 令不少用家驚到不得了. 其實, 又唔使咁驚嘅...

其實立例禁止, 技術層面可以有幾種
1. 禁止Telegram 在香港App Store 及Google PlayStore上架, 咁人人下載唔到, 就用唔到

2. 封鎖Telegram 嘅IP 地址, 令香港地區用家接駁唔到Telegram 伺服器,此舉需要香港所有ISP及電信商配合

以往經驗得出, 政府以第2種方式實行封鎖比較容易, 但亦並非沒有漏洞. 以下所建議方式只是參考 , 實行與否或是否干涉法律問題有待商榷

針對第一種方法, 只要並不是其它地方禁止下載, 同時間香港能夠到達之下載地, 香港市民仍可安裝Telegram. Android 可使用APK, iPhone 則可使用其它國家之App Store

針對第二種方法, 只要香港用戶可以找到替身使用Telegram, 香港政府亦難以禁止. 講緊亦都係VPN 服務, 做法與香港人使用美國Netflix 或 印度YouTube 一樣.而香港有部分wifi router 可以安裝VPN 軟件, 只要配置正確, 都仍可使用服務

所以要禁Telegram ,唔係咁易架,葉師傅 🤣

04/05/2022

智能家居之我見

近來樓市當旺, 除左買到屬於自己充滿喜悅外, 另外就會問起智能家居可以點做點做...? 小弟近來都收到朋友嘅疑問, 我都分享一下

乜野係智能家居 ?
所謂智能家居, 簡單而言, 就係通過手機嘅app去控制屋企嘅電器, 例如電視機, 冷氣, 燈制等等. 隨著Apple 發佈HomeKit 配套, 就開始更加走入各家各門, 令大家更容易接觸智能家居帶來之便利. 香港更將會有酒店以此作賣點, 大家拭目以待. 講番正題, 因為智能電話嘅無限可能性, 令智能家居都可以無限想象, 一句指令可以開燈熄燈, 透過監測環境變化, 令家居更舒適, 一切事情就在一句說話, 一個程式自動完成.

如何設定智能家居？
簡單而言, 所有智能家居都需要一個大腦控制, 簡稱為Gateway. 所有智能設備均透過手機內嘅程式,傳送至大腦, 大腦再利用無線信號控制設備. 市場上更有以wifi 直接控制智能設備, 唯有利有弊. 大概就是wifi signal 干擾太多, IoT Gateway 所使用之信號技術與WiFi 不同, 穿透力和耗電量均比wifi 好. 詳情涉及很多技術層面, 想知道可以留言交流更多.

如何選擇智能家居 ?
這是一個說一晚也說不完的話題, 亦可以有很多不同分析和意見. 以下係個人之見解, 歡迎指教.
智能家居的確是祖國發展比較快速, 常見為Aqara 及 LifeSmart. Tuya 亦是黑馬. 唯分別在於價格與配件多少,Aqara 多選擇, 性價比高, 唯穩定性較低. LifeSmart 較貴, 但配件外觀較佳, 穩定性,兼容性相對較高.感覺上兩者有啲似iPhone 同 Android 嘅分別. 連登亦有一些智能家居嘅討論, 大家可以去偷下師

智能家居優點與問題
智能家居的確為生活帶來不少便利, 但以商品化而言, 其複雜性, 擴充性與支援均十分困難, 亦因此做就不少市場機會. 作為用家本身, 選擇找市場幫手設定智能家居時, 必須考慮個人對控制及設定智能裝置之熟悉程度及售後支援作考量, 多認識,多發問,多比較. 個人而言, 設定智能家居比設定wifi 的難度是十倍以上, 大家決定使用智能家居前, 要考慮清楚

結論
假日工程師都係一個智能家居嘅初哥, 家居亦嘗試智能化階段, 有很多事要發掘和嘗試. 大家可以隨時留言, 交流及作出不同見解. 👍🏻

01/05/2022

個案分享001

今日是假日工程師收到的第一個委託, 為一位居住於觀塘半山一個小家庭提供網絡升級服務

是次委託工作需要達到以下目的
1. 檢查家內網絡情況
2. 提升房間內的網絡速度
3. 更新/設定網絡設備

背景
客人使用某供應商之1Gbps 家居寬頻及電話服務, 近期發現上網速度時快時慢, 於房間部分地方上網更十分緩慢.

與顧客了解情況後,客人居住地方約500尺,房間於客廳後方, 是一個眼鏡房格局. 對話其間發現配置WiFi Router 的地方並不理想, 位置於客人家門門口附近之燈槽, 或說是廚房門口之上方較為合適. 相信是寬頻師傅為方便拉線後立即設置而忽略了無線信號規劃及覆蓋計算.另一方面, 現時供應商提供之router 會搭配WiFi 6 及網絡電話服務. 令用家更難自行提升服務

了解要求過後, 於選購新router 已有定案, 反之是次挑戰在於新router 之安裝位置及其後之"增速設定". 由於客戶希望"一次過"做好工程, 於是只有到埗後再作安排. 到達現場後發現安裝Router 之地方於2米以上位置, 幸好客人準備充足, 有梯,拖版及充足地方調整位置. Router 安裝前作簡單設置 (例如:軟件更新, WIFI 密碼無縫轉移, Port Forwarding, 信號測試等). Router 投入運作後, 情況已大為改善. 在客人見證下, 速度亦有顯著改善, 速度於數字上比以往快數倍以上, 房間內之死角上網問題, 亦得到解決.

一般測試過後, 亦掃瞄一下周遭WiFi 信號之環境, 幸好干擾不多, 信號亦不需要大幅度調教. 最後邀請客人自行測試速度, 並作一些簡單解釋. 整項工作需時約兩小時, 客人對此表示滿意

事後comment
是次委託相對容易, 客人亦準備好資料給我作工程準備 (例如: Port number, SSID name , password). 挑戰反而是體力活較多及安全風險較高. 而供應商之設備基本上問題不大, 但工程人員忽略安裝位置是否合適及對信號覆蓋作充分考慮.

如有網絡工程委託或有關疑問, 可Message我作查詢

01/05/2022

歡迎留言查詢各項家用WiFi 工程服務😃

Address

Hong Kong

Website

Alerts

Be the first to know and let us send you an email when 假日工程師 WeekEnd Engineer posts news and promotions. Your email address will not be used for any other purpose, and you can unsubscribe at any time.

Shortcuts

Share

Category