22/02/2014
როგორ კეთდება ვებ-საიტი?
http://webster.ge/?menuid=42&id=2&lang=1
1. იწერება ტექნიკური დავალება
2. თანხმდება საბოლოო დიზაინი
3. იწერება საიტის ფუნქციონალი
4. ხდება SEO ინტეგრაცია, მთვლელების რეგისტრაცია
5. ტექ-მხარდაჭერა
6. ვებ-მარკეტინგი
7. ცოტა მაგიაც
და საიტი მზად არის!
სანამ თითოეულ პუნქტს ვრცლად განვმარტავთ, რამოდენიმე რჩევა იმათ ვისაც საიტის შეკვეთა სურს:
• იქონიეთ მკაფიო ხედვა იმისა, თუ როგორი უნდა იყოს თქვენი საიტი. რას უნდა აკეთებდეს, რა მიზნები ექნება, როგორ უნდა გამოიყურებოდეს, მომავალი განვითარების გეგმა. • ინტერნეტში მოძებნეთ მსგავსი საიტები, განიხილეთ რომელ საიტში რა ფუნქცია მოგწონთ და რა არ მოგწონთ, შეიქმენით ბაზისური წარმოდგენა თუ როგორ მუშაობს ვებსაიტები, და მიაქციეთ ყურადღება დეტალებს.
• იმისათვის რომ იპოვოთ კარგი დეველოპერი, შეათვალიერეთ მისი პორტფოლიო, დაუკავშირდით დეველოპერის მიერ შექმნილი საიტების მფლობელებს და კითხეთ მათ აზრი, რამდენად ადვილი იყო დეველოპერთან ურთიერთობა, რამდენად დროზე შეასრულა სამუშაო და ა.შ.
• თუ იპოვეთ სასურველი პიროვნება ან კომპანია, ვინაც საიტი უნდა გაგიკეთოთ, მიეცით რაც შეიძლება მეტი ინფორმაცია თქვენი საიტის შესახებ - საიტის მონახაზი თუნდაც ფურცელზე დახატული, ინფორმაცია თქვენი კომპანიის შესახებ და ისტორია, მსგავსი საიტების ჩამონათვალი, რომელი ფუნქციები მოგწონთ, რომელი არა. რაც უფრო მეტ ინფორმაციას მიაწვდით, მით უფრო ჩაწვდება დეველოპერი თქვენს აზრს.
• ერთი კონსულტაცია არ კმარა! სანამ კონტრაქტს დადებთ, დეველოპერთან უნდა შეათანხმოთ ყველა დეტალი, რის საფუძველზეც დეველიპერმა უნდა გადმოგცეთ თქვენი საიტის ტექნიკური დავალება, სადაც დეტალურად იქნება აღწერილი თქვენი საიტის ჩონჩხი და ფუნქციონალი. ამ ტექნიკურ დავალებას თქვენ კონტრაქტში დანართად გამოიყენებთ. კარგად გადაიკითხეთ ტექნიკური დავალება, თუ რამე შესაცვლელია - შეცვალეთ, რადგან კონტრაქტის შემდეგ დეველოპერი არ არის ვალდებული დაწეროს ან გადააკეთოს ფუნქციონალი რომელიც ტექნიკურ დავალებასთან შეუსაბამოა.
• დეველოპერი ქმნის საიტის ვიზუალურ ნაწილს და ფუნქციებს. გაითვალისწინეთ, საიტზე ინფორმაციის განთავსებაზე პასუხისმგებელი ხართ თქვენ და არა დეველოპერი. ის ქმნის საიტზე ინფორმაციის განთავსების საშუალებებს და არ ათავსებს საიტზე თქვენს ინფორმაციას. მეორეს მხრივ, დეველოპერი ვალდებულია ჩაატაროს ტრენინგი საიტის ფუნქციონალის გამოყენების შესახებ.
ვებ-საიტის გაკეთების ნაბიჯები:
1. ტექნიკური დავალება. დეველოპერი ვალდებულია დაწეროს სრული ტექნიკური დავალება დამკვეთის ყველა მითითების გათვალისწინებით. უმცირეს დეტალებში უნდა იყოს აღწერილი საიტის ჩონჩხი და ფუნქციონალი. დღესდღეობით ყველაზე პოპულარული მეთოდი არის On-click ტექნიკური დავალებები, სადაც აღწერილია საიტზე არსებული ყველა ბმული და თუ სად გადაყავს მომხმარებელი ამ ბმულს, ან რა ფუნქციას ასრულებს. ტექნიკური დავალებაში ცვლილებები შესაძლებელია რამოდენიმეჯერ მოხდეს, მაგრამ ეს უნდა მოხდეს მანამდე, სანამ დამკვეთს და შემსრულებელს შორის კონტრაქტი დაიდება და მოცემული ტექნიკური დავალება კონტრაქტის დანართად იქცევა. კონტრაქტის გაფორმების შემდეგ, ტექნიკური დავალების შეცვლა შეუძლებელი იქნება, თუ ეს კონტრაქტში არ არის გათვალისწინებული.
2. საიტის დიზაინი. დეველოპერი ამზადებს საიტის ვიზუალურ ნაწილს, სადაც გათვალისწინებულია ყველა ელემენტი, სტილები, განლაგება და ა.შ. საიტის დიზაინის შექმნის პროცესში შესაძლებელია ჩაერთოს დამკვეთი და მისცეს გარკვეული მითითებები მანამდე, სანამ საიტის დიზაინი დამაკმაყოფილებელი იქნება დამკვეთისათვის.
3. საიტის ფუნქციონალი. როდესაც დეველოპერი საიტის ფუნქციონალზე იწყებს მუშაობას, დამკვეთს ეკრძალება საიტის დიზაინში ცვლილების შეტანა. შესაძლოა დამკვეთისათვის უმნიშვნელო დეტალის ცვლილება ითხოვდეს რადიკალურ ცვლილებას ფუნქციონალში. დეველოპერი არგებს მის მიერ შექმნილ მონაცემთა ბაზებსა და დაწერილ ფუნქციებს საიტის დიზაინს, ამატებს სატესტო ინფორმაციას დაწერილი ფუნქციონალის შესამოწმებლად.
4. საიტის გავრცელება. რა აზრი აქვს გქონდეთ საიტი, მაგრამ ხალხს არ ქონდეს ინფორმაცია მისი არსებობის შესახებ? საიტის ინტეგრაცია საძიებო სისტემებში (Google, Yahoo, Bing, ა.შ.) აუცილებელი პირობაა საიტის გავრცელებისათვის. ეს არის რთული პროცესი და შემსრულებელთან თავიდანვე უნდა იყოს შეთანხმებული, სანამ ფუნქციონალის წერას დაიწყებს. ამ დროს საიტის ბმულები იგება საძიებო სისტემების სტანდარტების შესაბამისად, იმისათვის რომ საიტი გახდეს ადვილად პოვნადი.
5. ტექნიკური მხარდაჭერა. დაკვირვებულხართ, თუ როგორი სიხშირით გიწევთ ოპერაციული სისტემის განახლება? ან აპლიკაციის განახლებული ვერსიის გადმოწერა? აბსოლუტურად ყველა პროგრამას და ვებ-საიტს ჭირდება ტექნიკური მხარდაჭერა, იმისათვის რომ აღმოიფხვრას გამორჩენილი თუ გაჩენილი შეცდომები, ასევე დაემატოს ახალი ფუნქციები და გათვალისწინებულ იქნას საიტის მომხმარებლების მოთხოვნები. ტექნიკური მხარდაჭერა ხანგრძლივი პროცესია და ხშირად დამკვეთი უკვეთავს შემსრულებელს ტექნიკურ მხარდაჭერას შეთანხმებული ყოველთვიური ანაზღაურების საფუძველზე.
6. ვებ-მარკეტინგი. როდესაც საიტი ოპტიმიზირებულია საძიებო სისტემებისთვის, საჭიროა საიტზე განთავსებული ინფორმაციის გავრცელება სხვადასხვა სოციალურ ქსელებში, უფასო და ფასიან სარეკლამო წყაროებში, იმისათვის რომ თქვენი საძიებო სიტყვებს და ფრაზებს უფრო მეტი ძალა ქონდეს საძიებო სისტემებში.
7. ცოტა მაგიაც! ამ ყველა ნაბიჯის გაერთიანება და კარგი საიტის შექმნას ჭირდება ჯგუფი, რომელიც ძირითადად შედგება 2-3 ნიჭიერი ადამიანისგან, რომლებიც ფლობენ იმის მაგიას, რომ იმუშაონ ერთმანეთთან შეთანხმებულად, ერთ გუნდად და შექმნან ხარისხიანი, ერთიანი, საამაყო პროდუქტი და გაამართლონ დამკვეთის იმედები! საბედნიეროდ, ჩვენ ასეთი ჯგუფები გვყავს, რომლებსაც ჩვენთან თანამშრომლობის შემთხვევაში, აუცილებლად გაგაცნობთ!
