02/11/2017
დღეს, 2 ნოემბერს, ჩვენ და ჩვენ მომხმარებელს, რომელსაც საქართველოს ბანკის განვადებით უნდოდა სარგებლობა, ბანკის წარმომადგენელმა, ჩვენი აზრით გამიზნულად, რამდენიმე საათი წინ და უკან სიარულში და ოპერატორთან რეკვაში დაგვაკარგვინა.
მოკლედ რომ მოგიყვეთ, ისტორია შემდეგში მდგომარეობდა. მომხმარებელს ჩვენთან უნდოდა მობილურის შეძენა საქართველოს ბანკის განვადებით. ბანკის წარმომადგენელი ჩვენთან არ ზის და აქამდე ჩვენი მაღაზია მიმაგრებული იყო ისნის სავაჭრო ცენტრში არსებულ ტექნიკის მაღაზიაზე. ცოტა ხანია, რაც საქართველოს ბანკის განვადების წარმომადგენლები ისანში აღარ ყავს და აღნიშნული სერვისით სარგებლობისთვის მომხმარებლებს საქართველოს ბანკის დავალებითვე ვაგზავნით ისთ ფოინთში, ელიტ ელექტრონიქსის მაღაზიაში. რამდენიმე კვირის წინ, სხვა ჩვენმა მომხმარებელმა განვადებით მობილური შეიძინა, რომელიც სწორედ ელიტ ელექტრონიქსში მყოფმა განვადების ოპერატორმა დაუმტკიცა. დღეს კი, იმის მაგივრად, რომ 10-15 წუთში განეხილათ განვადების განაცხადი, იმავე მაღაზიაში მჯდომმა საქართველოს ბანკის ოპერატორმა უარი განაცხადა მომსახურეობაზე. საქართველოს ბანკში მრავალჯერ დარეკვის შემდეგ, დაგვიზუსტეს, რომ აღნიშნული ოპერატორი ვალდებული იყო მომსახურეობოდა ჩვენ მომხმარებელს და მას შემდეგ, რაც მან მაინც უარი განაცხადა მომსახურეობაზე, ჩვენი მომხმარებელი გადაამისამართეს სხვა მაღაზიაში ვარკეთილში და ამ მაღაზიის მისამართის გაგება ისევ ჩვენ მოგვიწია, რადგან ელიტ-ელექტრონიქსში მჯდომმა ოპერატორმა ინფორმაციის გაცემაზე უარი განაცხადა. ამ ოპერატორმა თავისი სახელი და გვარი არც ჩვენ და არც ჩვენ მომხმარებელს არ უთხრა მიუხედავად ორივეს მოთხოვნისა.
აღნიშნული საქციელი, ჩვენი აზრით, არის დისკრიმინაციული მოპყრობა ჩვენი მაღაზიის და ჩვენი მომხმარებლების მიმართ. საქართველოს ბანკი • Bank of Georgia კი როგორც ჩანს მსგავსი ქმედებების მიმართ ტოლერანტულია. თუ მომავალში ანალოგიური შემთხვევა დაფიქსირდება, ჩვენ უარს ვიტყვით ამ ბანკის მომსახურეობაზე და ჩვენ პარტნიორ ორგანიზაციებს თუ მომხმარებლებსაც ვურჩევთ დაფიქრდნენ, სანამ მათ სერვისს გამოიყენებენ.