07/20/2026
ზაფხულის მზიანი დღეების მოსვლასთან ერთად იზრდება მზის გამოსხივებით კანის დაზიანების შემთხვევები და ამ გამოსხივებით გამოწვეული კანის დაავადებების მრავალფეროვნება.
გთავაზობთ ერთ-ერთი ასეთი დაავადების აღწერას ცნობიერების გაზრდის მიზნით -სებორეული კერატომა.
სებორეული კერატომა (სხვა დასახელებები: მოხუცებულთა მეჭეჭი, მოხუცებულთა კერატომა) კანის კეთილთვისებიანი წარმონაქმნია, რომელიც ვითარდება მოზრდილ და ხანშიშესულ ასაკში როგორც ეპიდერმისის უჯრედების პროლიფერაციის შედეგი.
სკ ხასიათდება ზრდის და ზომაში მატების ტენდენციით, რაც ხშირად იწვევს სერიოზულ კოსმეტიკურ დეფექტს.
მათ შეიძლება ჰქონდეთ სხავადასხვა ზომა და ფერი (ღია ყავისფერიდან შავ ფერამდე), ზოგჯერ იფარება ქერცლით. ყველაზე ხშირად გვხვდება სახეზე, ტანზე და სხეულის სხვა ღია ადგილებზე, ხელის და ფეხის გულების გარდა.
სკ ჩვეულებრივ უვნებელია, დიაგოზის დასმა ხდება კლინიკური სურათის და დერმაროსკოპიის მონაცემების საფუძველზე. სკ კლინიკური სურათის მსგავსება კანის სხვა სინსივნეებთან ხშირად იწვევს დიაგნოსტიკურ შეცდომებს. ვინაიდან კანის სხვა სიმსივნეები შეიძლება განვითარდეს სკ-ის კერაში, საჭიროა სწრაფად მზარდი და საეჭვო წარმონაქმნების დიაგნოსტიკური შეფასება.
განვითარების მიზეზები:
-კანის დაბერება - ძირითადი ფაქტორია, რომელიც იწვევს ბაზალური უჯრედების დიფერენცირების დარღვევას;
-მემკვიდრეობა - გამოვლენილია მრავლობითი კერატომების გაჩენის მემკვიდრული ფაქტორები;
-ზედმეტი ინსოლაცა - მზის სხივების ჭარბი ზემოქმედება იწვევს კერატომების განვითარებას.
სიმპტომები: ჩვეულებრივ იწყება მცირე ზომის მოყვითალო-ყავისფერი ლაქების გაჩენით. დროთა განმავლობაში მათი ზედეპირი სცილდება კანს, იფარება ქერცლით, ქერქით ან ხავერდოვანი ზედაპირი აქვს. ფერი მერყეობს ღია ყავისფერიდან შავ ფერამდე. სხვადასხვა ზომისაა, მომრგვალო ან ოვალური ფორმის. შეიძლება მოხდეს მისი ტრავმირება ტანსაცმლით ან ქავილის გამო, რაც იწვევს ანთებით პროცესს და სისხლდენას.
მკურნალობა: არამედიკამენტოზურია, მისი მოცილება ხდება სხვადასხვა მეთოდით - ლაზერული დესტრუქცია, კრიოდესტრუქცია, რადიოტალღური მოცილება. მე გთავაზობთ ნაკლებ ინვაზიური მეთოდით - „ქარჩაულის ხსნარით“ მოცილებას. მინდა წარმოგიდგინოთ ამ მეთოდით ჩატარებული მკურნალობის შედეგები.
