Communications Ombudsman კომუნიკაციების ომბუდსმენი

07/09/2026

17/08/2026

კომუნიკაციების ომბუდსმენის სამსახური მიესალმება შპს „სქაიტელის“ მიერ სოფელ ლაფანყურის მოსახლეობის პრობლემის მოგვარების მიზნით განხორციელებულ ღონისძიებებს. ახალი ინფრასტრუქტურის მოწყობამ ხელი შეუწყო ინტერნეტმომსახურების ხარისხისა და სტაბილურობის გაუმჯობესებას.

სამსახური დადებითად აფასებს კომპანიის მიერ მომხმარებელთა ინტერესების გათვალისწინებას, მათთვის მომსახურების ვადის გახანგრძლივებას და დარჩენილი აბონენტების პრობლემის სრულად მოგვარების მიზნით მიმდინარე სამუშაოების წარმოებას. მნიშვნელოვანია, რომ მსგავსი საკითხების განხილვისას მომხმარებელთა საჭიროებები და მომსახურების ხარისხი იყოს პრიორიტეტული.

კომუნიკაციების ომბუდსმენის სამსახური მადლობას უხდის შპს „სქაიტელს“ თანამშრომლობისა და პრობლემის აღმოფხვრის პროცესში გამოჩენილი პასუხისმგებლობისთვის და იმედოვნებს, რომ დარჩენილი სამუშაოებიც უახლოეს პერიოდში სრულად დასრულდება.

06/08/2026

5 აგვისტოს, ბათუმის მუნიციპალიტეტის მერიის მხარდაჭერითა და მომხმარებელთა ინტერესების საზოგადოებრივი დამცველის სამსახურის ინიციატივით, მერიის საკონფერენციო დარბაზში საინფორმაციო შეხვედრა გაიმართა, რომელსაც მერის თანამშრომლები ესწრებოდნენ.
კომუნიკაციების ომბუდსმენმა, გვანცა ჩხეიძემ შეხვედრის მონაწილეებს გააცნო ინფორმაცია, სამსახურის საქმიანობის, მომხმარებელთათვის კანონმდებლობით მინიჭებული უფლებების, კომპანიების ვალდებულებების, საჩივრის/განცხადების განხილვის წესებისა და ვადების, აგრეთვე დარგში შემავალი სხვა საკითხების შესახებ.
შეხვედრაზე ყურადღება გამახვილდა სატელეკომუნიკაციო სფეროს მომხმარებელთა ცნობიერების ამაღლების მნიშვნელობაზე და ამ მიზნით სამსახურის პროექტების – „იცნობდე შენს უფლებებს კომუნიკაციების სფეროში“ და „მოგზაური ოფისის“ დანიშნულებაზე.
შეხვედრის დასასრულს მომხმარებელთა ინტერესების საზოგადოებრივი დამცველის სამსახურის წარმომადგენლებმა სატელეკომუნიკაციო სერვისებთან მიმართებაში დასმულ კითხვებს უპასუხეს.