12/07/2026
ბაკურიანი, კოხტაგორა, ადგილი, სადაც ქსელის საიმედოობის შენარჩუნება განსაკუთრებულ ძალისხმევასა და გამოცდილებას მოითხოვს.
მაღალმთიან რელიეფზე მდებარე ამ საბაზო სადგურამდე მისვლა ყოველთვის მარტივი არ არის. წვიმის შემდეგ გზა იმდენად რთულდება, რომ ადგილზე გადაადგილება მხოლოდ სპეციალური ტექნიკის დახმარებით არის შესაძლებელი, ხოლო დიდთოვლობის პერიოდში სადგურამდე მისასვლელად საბაგიროს ვიყენებთ.
2024 წლის 24 ოქტომბერს კოხტაგორას საბაზო სადგურზე განხორციელდა სრული მოდერნიზაცია და ის ახალ ტექნიკურ სტანდარტებზე გადაეწყო, რაც კიდევ უფრო საიმედო და სტაბილური ქსელის უზრუნველყოფას ემსახურება.
ყველა გამოწვევის მიუხედავად, ჩვენი ტექნიკური გუნდი მუდმივად ზრუნავს იმაზე, რომ ხარისხიანი კავშირი შეუფერხებლად მუშაობდეს იქაც, სადაც ბუნებრივი პირობები ყოველდღიურ საქმიანობას განსაკუთრებულ სირთულედ აქცევს.
