31/07/2025
🌠 "ზღარბმა დათვის ბელს უთხრა:
– რა კარგია ერთმანეთს, რომ ვყავართ! 🦔
დათუნიამ თავი დაუქნია თანხმობის ნიშნად 🐻
- წარმოიდგინე, რომ მე არ ვარსებობ შენ კი ზიხარ მარტო და არავინ არ გყავს, რომ დაელაპარაკო.
– შენ სად ხარ?
– მე არ ვარ.
– ეს შეუძლებელია - უპასუხა დათუნიამ.
– მეც ასე ვფიქრობ, მაგრამ ვთქვათ და მე არ ვარ, საერთოდ არ ვარ და შენ მარტო ხარ. აი, რას იზამ?
– შენთან წამოვალ.
– სად?
– როგორ თუ სად? სახლში. მივალ და გეტყვი: რატომ არ მოხვედი? შენ იტყვი…
– აი სულელი, როგორ ვიტყვი, როცა არ ვარ?
– თუ სახლში არ ხარ, მაშინ ესეიგი შენ წამოხვედი ჩემთან. გავიქცევი სახლში და შენ აქ ხარ! და დავიწყებ…
– რას?
– ჩხუბს!
– რისთვის?
– როგორ თუ რისთვის? იმისთვის, რომ არ გააკეთე რაზეც შევთანხმდით.
– და რაზე შევთანხმდით?
– აბა მე რა ვიცი? მაგრამ შენ ან ჩემთან უნდა იყო ან შენს სახლში ✨
– ჰო, მაგრამ მე ხომ საერთოდ არ ვარ… გესმის?
– აი, შენ აქ ხარ!
– ეს ახლა და საერთოდ, რომ არ ვიყო? სად ვიქნები? 🦔
– ან ჩემთან, ან შენთან.
– ეს თუ ვარ იმ შემთხვევაში და საერთოდ, რომ არ ვიყო?
– მაშინ, ზიხარ მდინარესთან და მთვარეს უყურებ…
– მდინარეზეც არ ვარ…
– მაშინ, წახვედი სადმე და ჯერ არ დაბრუნებულხარ. წავალ ყველაფერს შემოვივლი და გიპოვი!
– შენ უკვე ყველაფერი მოიარე, მაგრამ ვერ მიპოვე.
– ყველაფერს თავდაყირა გადავატრიალებ, იქამდე სანამ არ გიპოვი! 🐻
– არა მე არ ვარ, არსად არ ვარ!
– მაშინ გამოვვარდები მინდორში და დაგიძახებ: ზღააააარბოოო! შენ გაიგებ ჩემს ყვირილს და მიპასუხებ: დათუნია მე აქ ვარ!
- არა - უპასუხა ზღარბმა - მე საერთოდ არ ვარ. წარმოიდგინე, რომ საერთოდ არ ვარსებობ, გესმის?
– რას გადამეკიდე? - გაბრაზდა დათუნია - თუ შენ არ იარსებებ, ვერც მე ვიარსებებ, შენ თუ არ ხარ, არც მე ვარ. გაიგე?!" ✨
📖 "ზღარბი ნისლში” | სერგეი კოზლოვი
🎨 ილუსტრაციის ავტორი: Namo Art
#ილუსტრაცია #გრაფიკულიდიზაინი #ზღარბინისლში #მოთხრობები 🖌️
